ក្រុមឈ្មួញកណ្តាលបាននិយាយថា ទំហំចំណាយក្រុមហ៊ុនធនារ៉ាប់រងនៅក្នុងស្រុក បានបញ្ចេញ កាលពីឆ្នាំមុនទៅឲ្យរោងចក្រកាត់ដេរចំនួនពីរ និងទៅលើមហន្តរាយធម្មជាតិក្នុងតំបន់ បានកើនឡើងខ្ពស់ ដោយសារតែគោលនយោបាយធានារ៉ាប់រងផ្នែកអគ្គិភ័យឆាបឆេះអគាររោងចក្រកាត់ដេរនៅប្រទេសកម្ពុជា។
លោក ទី អាទិត្យ ជំនួយការប្រធានសមាគមធានារ៉ាប់រងទូទៅនៅកម្ពុជា បានថ្លែងថា ចំនួនទឹកប្រាក់ដែលត្រូវបានចំណាយក្នុងវិស័យធានារ៉ាប់រងផ្នែកអគ្គិភ័យនៅកម្ពុជា កាលពីឆ្នាំមុនមានប្រហែល២៤លានដុល្លារ ហើយចំនួនទឹកប្រាក់ទាំងនេះត្រូវបានដកចេញយកទៅចំណាយ ពី២៩,៧លានដុល្លារដែលជាចំនួនទឹកប្រាក់ចំណូលសរុប។
លោក ទី អាទិត្យ បានថ្លែងថា ទំហំទឹកប្រាក់ដ៏ច្រើននេះត្រូវបានចំណាយទៅលើម្ចាស់រោងចក្រមិថុនា (June Textile) នៅក្នុងរាជធានីភ្នំពេញ និងរោងចក្រ រីវវើរីជ ធិកថាយ នៅខេត្តកណ្តាល។ រោងចក្រទាំងពីរនេះ ត្រូវបានបំផ្លិចបំផ្លាញដោយអគ្គិភ័យដែលមិននឹកស្មានដល់។
តំណាងរបស់ក្រុមហ៊ុនធានារ៉ាប់រង បាននិយាយថា ជាលទ្ធផល ក្រុមហ៊ុនធានារ៉ាប់រងនៅក្នុងស្រុកកំពុងបង្ហាញឲ្យឃើញថា ទំហំចំណាយក្នុងគោលនយោបាយធានារ៉ាប់រងអគ្គិភ័យឆាបឆេះអគារពាណិជ្ជកម្ម ជាពិសេស រោងចក្របានកើនឡើងពី២៥ទៅ១០០ភាគរយ អាស្រ័យទៅតាមក្រុមហ៊ុនធានារ៉ាប់រងនីមួយៗ។ លោកទី អាទិត្យ បានថ្លែងថា “អត្រាចំណាយ ដែលបានកើនឡើងនេះ ភាគច្រើនកើតឡើងចំពោះរោងចក្រកាត់ដេរប៉ុន្តែមិនមែនចំពោះគោលនយោបាយធានារ៉ាប់រងផ្សេងៗទៀតទេ”។ លោកបានថ្លែងថា “នេះគឺដោយសារតែមានការទាមទារសំណងដ៏ច្រើន កាលពីឆ្នាំមុន”។ លោកបានថ្លែងបន្ថែមថា ចំណាយនៅតែមានទំហំខុសគ្នារវាងក្រុមហ៊ុនធានារ៉ាប់រងទាំងប្រាំពីរនៅប្រទេសកម្ពុជា។
លោក ដេវីដ ខាតធ័រ (David Carter) ប្រធាននាយកប្រតិបត្តិក្រុមហ៊ុនអុីនហ្វីនីធី អុីនស៊ូរិន (Infinity Insuruance) បានថ្លែងថាចំនួន ទឹកប្រាក់ដែលត្រូវបានចំណាយទៅលើរោងចក្រ រីវវើរីជ និងរោងចក្រមិថុនា មិនមែនជាមូលហេតុតែមួយ ដែលធ្វើឲ្យទំហំចំណាយនេះកើនឡើងទេ។ លោកបានធ្វើការកត់សម្គាល់ថា ក្រុមហ៊ុនធានារ៉ាប់រងបន្ត ដែលចុងក្រោយបានបញ្ចេញប្រាក់ចំណាយតាមគោលនយោបាយធានារ៉ាប់រង ប្រឈមនឹងហានិភ័យ ដែលបានកើតឡើងចំពោះការចំណាយតាមគោលនយោបាយធានារ៉ាប់រងក្នុងតំបន់ ដែលកំពុងតែលោតឡើងខ្ពស់ ដោយសារតែគ្រោះមហន្តរាយ ដែលទើបតែកើតឡើងក្នុងពេលថ្មីៗកន្លងមកនេះ ដូចជា គ្រោះទឹកជំនន់នៅប្រទេសថៃ កាលពីឆ្នាំមុន។
លោក ខាតធ័រ បានថ្លែងថា “ វាស្ទើរតែជាខ្យល់ព្យុះចំណាយមួយទៅហើយ ស្របពេលតម្លៃទីផ្សារសាកលលោកបានកើនឡើងជាលំដាប់ ដោយសារតែចេះតែមានការខាតបង់កើតឡើង ហើយការខាតបង់នៅក្នុងទីផ្សារក្នុងស្រុកក៏ដូចគ្នាដែរ។ លោកបានបន្ថែមទៀតថា រហូតមកទល់ពេលនេះ គ្រោះទឹកជំនន់នៅប្រទេសថៃ តែឯងបានធ្វើឲ្យវិស័យធានារ៉ាប់រងខាតបង់អស់១០,៧៨ពាន់លានដុល្លារ។
ជាលទ្ធផល ក្រុមហ៊ុន អុីនហ្វីនីតធី អុីនសូ៊រិន បានកំណត់ទំហំធានារ៉ាប់រងលើរោងចក្រកាត់ដេរ ដែលស្ថិតនៅក្រោមគោលនយោបាយរបស់ខ្លួន និងបានដំឡើងតម្លៃគោលនយោបាយធានារ៉ាប់រងលើទ្រព្យសម្បត្តិពាណិជ្ជកម្ម ពី ៥០ទៅ១០០ភាគរយសម្រាប់អតិថិជន ដែលចង់បន្តការប្រើប្រាស់គោលនយោបាយរបស់ខ្លួន។
លោកបានថ្លែងថា “ ប្រសិនបើវិភាគ ទៅឃើញថា អ្វីមួយមានហានិភ័យខ្ពស់ជាងទំហំដែលយើងគិតទុក យើងនឹងមិនទទួលធានាលើអតិថិជននោះទេ… បើមិនដូច្នោះទេ យើងនឹងដំឡើងតម្លៃគោលនយោបាយធានារ៉ាប់រង” ។ លោកបានថ្លែងបន្ថែមទៀតថា ចំនួនរោងចក្រកាត់ដេរបានកើនឡើងមិនដល់១ភាគរយ ក្នុងចំណោមចំនួនអតិថិជនរបស់ក្រុមហ៊ុនអុីនហ្វីនីតធីទេ។
លោក យុគ ចម្រើនរិទ្ធិ នាយកក្រុមហ៊ុន ហ្វដតេ អុីនស៊ូរិន (Forte Insurance) បានថ្លែងថា តម្លៃគោលនយោបាយធានារ៉ាប់រងអគារពាណិជ្ជកម្មររបស់ក្រុមហ៊ុន ហ្វដតេ ដែលបូករួមទាំងគោលនយោបាយធានារ៉ាប់រងអគ្គិភ័យ ធ្លាប់កើនឡើង៦៥ភាគរយ នៅប្រាក់ចំណូលរបស់ក្រុមហ៊ុន ប៉ុន្តែចំនួននេះបានធ្លាក់ចុះប្រហែល៤០ភាគរយវិញ ក្នុងពេលបច្ចុប្បន្ន ដោយសារតែទំហំខាតបង់ដែលបានកើតឡើង គឺមិនធ្ងន់ធ្ងរប៉ុន្មានទេ។
លោក ចម្រើនរិទ្ធិ បានមានប្រសាសន៍បន្តថា “ ក្នុងចំណោមប្រាក់ចំណូលសរុបរបស់យើង ក្រុមហ៊ុនយើងបានកើនឡើង១០លានដុល្លារ ពីគោលនយោបាយធានារ៉ាប់រងទូទៅ និងប្រហែលបួនលានដុល្លារទទួលបានពីគោលនយោបាយធានារ៉ាប់រងអគារ។ ហើយប្រហែល៦០ភាគរយនៃប្រាក់ចំណូលបានពីផ្នែកអគារនេះ កើតចេញពីរោងចក្រកាត់ដេរ”។
លោក ចម្រើនរិទ្ធិ បានថ្លែងថា ក្រុមហ៊ុន ហ្វដតេ បានបង្កើតខ្ទង់ចំណាយលើគោលនយោបាយធានារ៉ាប់រង២៥ភាគរយ ទៅលើរោងចក្រកាត់ដេរ បន្ទាប់ពីមានកិច្ចសន្យាបន្តការប្រើប្រាស់គោលនយោបាយធានារ៉ាប់រង។
លោក ចម្រើនរិទ្ធិ បានថ្លែងបន្ថែមទៀតថា ការមិនផ្លាស់ប្តូរគំនិតរបស់ម្ចាស់រោងចក្រមួយចំនួន ក្នុងការការពារសុវត្ថិភាពទុកជាមុន នៅតែជាបញ្ហាប្រឈមនៅឡើយសម្រាប់ក្រុមហ៊ុនធានារ៉ាប់រង។