29 C
Phnom Penh

​សន្ដិ​សុខ​បាញ់​សម្លាប់​ក្មេង​ស្រី​អាយុ​១៤ឆ្នាំ​ម្នាក់ នៅក្នុង​ខេត្តក្រចេះ​

ដោយ ឌឹ ខេមបូឌា ដេលី

បទវិភាគ

កម្លាំង​សន្ដិ​សុខ​របស់​​រដ្ឋាភិបាល ​បាន​បាញ់​សម្លាប់​ក្មេង​ស្រី​ជំទង់ម្នាក់​ នៅ​ក្នុង​ខេត្តក្រចេះ​កាលពី​ព្រឹក​ម្សិល​មិញ​ ក្នុង​ប្រតិបត្តិ​ការ​ជួន​គ្នា​ ដើម្បី​ចាប់​ខ្លួន​ក្រុមអ្នក​តវ៉ា ដែល​ពាក​់​ព័ន្ធ​ក្នុង​វិវាទ​ដីធ្លីជាយូរ​មក​ហើយ​ ជាមួយ​ក្រុម​ហ៊ុន​ចម្ការ​កៅស៊ូមួយ​ ដែល​ទទួលរងការ​ចោទ​ថា បាន​​លួច​យក​ដីរបស់​ពួកគេ។

លោក​អភិបាល​ខេត្ត​បាន​ថ្លែង​ថា កងកម្លាំងចម្រុះ​បាន​បាញ់ការ​ពារ​ខ្លួន​ពីអ្នក​ភូមិ​ប្រដាប់​ដោយពូថៅ និង​ឧបករណ៍​កសិកម្ម​ផ្សេងទៀតហើយ​លោក​បាន​ហៅការ​ស្លាប់​ក្មេង​ស្រី​នេះ​ថា ជាឧបទ្ទវ​ហេតុ​គួរ​ឲ្យ​សោក​ស្ដាយ​។ហេតុ​ការណ៍​នេះ​កើត​ឡើង នៅ​ពេល​ការ​ប៉ះ​ទង្គិច​គ្នា​ ដោយ​ហិង្សា​កាន់​តែ​កើនឡើង​នៅទូទាំ​ង​ប្រទេស​​រវាង​អ្នក​ភូមិ និង​កង​កម្លាំង របស់រដ្ឋាភិបាល ព្រម​ទាំង​សន្ដិ​សុខ​ នៅ​ពេល​បណ្ដេញ​ពួកគាត់​ចេញ​ពី​ដី ដែល​រដ្ឋាភិបាលបានផ្តល់ឲ្យ​​ក្រុម​ហ៊ុន​ឯក​ជន​ ដើម្បីអភិវឌ្ឍ​​​នៅ​ក្នុង​ប្រទេស​។

លោក ហេង សុខលាង ដែល​ជា​បង​ប្អូន​ប្រុស​របស់​ក្មេងស្រីរងគ្រោះ​បាននិយាយថា ប្អូនស្រីរបស់លោក ឈ្មោះ ហេង ចន្ថា អាយុ១៤ឆ្នាំ ត្រូវ​បាន​បាញ់​ត្រូវពោះ ពេលកំពុង​លាក់​ខ្លួន​ពី​ទាហាន​ជាមួយ​ម្ដាយ​ និង​បង​ប្អូន​ប្រុស​របស់​នាង​ខាង​ក្រោម​ផ្ទះ​របស់​ខ្លួន​ក្នុង​ភូមិ​ប្រមា ឃុំកំពង់ដំរី ស្រុកឆ្លូង ខេត្តក្រចេះ។ លោកនិយាយ​ថា  វេជ្ជបណ្ឌិត​បាន​ប្រាប់​ថា ប្អូនស្រីរបស់​លោកស្លាប់នៅ​ពេល​បញ្ជូន​ទៅ​ដល់​គ្លីនិកមួយ​នៅ​ក្នុង​ស្រុក​ស្នួល​ ។ លោកបាននិយាយ​ថា “ខ្ញុំ​ក្រៀម​ក្រំ​ណាស់​ហើយ​ខ្ញុំ​ចង់រកយុត្តិ​ធម៌​ឲ្យ​ប្អូន​ស្រី​របស់​ខ្ញុំ​”។

លោក នួន ប៊ុនធី ជា​អ្នក​ភូម​ិ​ម្នាក់​ទៀត​​និយាយ​ថា គាត់​បាន​ឃើញ​ទាហាន​ប្រដាប់​ដោយ​​អាវុធ​យ៉ាង​តិច​១៥នាក់​ បានមក​ដល់​ភូមិ​នៅ​វេលា​ម៉ោង​ប្រហែល​៨និង​៣០​នាទី​ព្រឹក​ មុន​ពេលប្រញិប​ប្រញាប់​រត់សំដៅមក​ផ្ទះរបស់​លោក​​ ដើម្បី​រក​កន្លែង​លាក់​ខ្លួន​ ហើយ​ភ្លាម​នោះ លោក​​ឮ​ស្នូរ​ផ្ទុះ​កាំ​ភ្លើង​យ៉ាង​យូរ​។

លោក​ ប៊ុនធី ជា​អ្នក​ភូមិ​ម្នាក់​ក្នុង​ចំណោម​​អ្នក​ភូម​ិ​ប្រហែល​១.០០០នាក់​ ដែលបាន​ចោទ​​ក្រុមហ៊ុន​ឯក​ជន​កាសូទីម ថា បាន​យកដី​ស្រែ​ចម្ការ​របស់​ខ្លួន​ទៅធ្វើ​ជា​ចម្ការ​កៅស៊ូ បាន​​និយាយ​ថា “ពួកគេសាហាវ​ណាស់​។ ពួកគេ​​បាញ់​សម្លាប់​ជន​ស្លូត​ត្រង់​​។ វាអ​យុត្តិ​ធម៌​ ចំពោះ​ប្រជា​ជន​​”។លោក ស ចំរុ៉ង អភិបាល​ខេត្ត​ក្រចេះ​ បាន​និយាយ​ការពារ​ប្រតិបត្តិ​ការ​នេះ​ ដោយ​ចោទ​អ្នក​ភូមិ​ថា បាន​ព្យាយាម​បំបែក​រដ្ឋ​ ហើយ​បាន​ចាត់ទុក​ហេតុការណ៍​នេះ​ថា ជា​ប្រតិបត្តិ​ការ​ដ៏ជោគជ័យ មួយប្រឆាំង​នឹង​មេ​ខ្លោង​​របស់​ពួកគេ​ ដែល​បានរត់​គេច​ខ្លួន​បាត់។

លោក​បាន​មាន​ប្រសាសន៍ថា “ប្រតិ​បត្តិ​ការបំបែក​មេខ្លោង​នេះ ទទួលបាន​ជោគ​​ជ័យ។អ្នក​ភូមិដែលរស់​នៅ​ជុំ​វិញ​តំបន់​នេះ​សប្បាយ​រីក​រាយ​បំផុត​ជា​មួយ​ប្រតិបត្តិ​ការ​របស់​យើង​ក្នុង​ការ​សង្គ្រោះ​ពួក​គេ​ឲ្យ​ផុត​ពី​ពួកមេខ្លោង​ទាំង​នេះ ពីព្រោះ​ពួកគេ​រស់​នៅ​​ក្រោម​គំនាប​ពីក្រុម​អបគមន៍​ ដែល​បាន​ដាក់​របាំ​ង​រាំង​ផ្លូវ​ដើម្បីគំរាម​ទារ​ប្រាក់​ពី​អ្នក​ភូមិ និងនគរ​បាល​ ព្រមទាំង​ទារប្រាក់​ពី​មន្ត្រីរាជការ​។ លោក​បាន​បន្ដថា “ពួក​មេ​ខ្លោង​សំខាន​់ៗបាន​​រត់​គេច​ខ្លួន​ ហើយ​យើង​កំពុង​តែ​តាម​ចាប់​ពួកគេ​។ អ្នក​ភូម​ិ​ដែល​ចាញ់​បោក​ពួក​គេ​ឲ្យ​ចូល​ក្នុង​ចលនា​នេះ ត្រូវ​បាន​អប់​រំ​ ហើយពួក​គេ​​ដឹងហេតុការណ៍ហើយ​”។

លោក ចំរុ៉ង បាន​មាន​ប្រសាសន៍ថា កម្លាំង​សន្ដិ​សុខ​គ្រាន់​តែ​បាញ់​ការពារ​​ខ្លួន​ប៉ុណ្ណោះ។ លោក​ថ្លែង​ថា “ មាន​អ្នកភូមិ​មួយ​ក្រុម​កាន់​ពូថៅ ​កាំ​បិត​ ចប​ ស្នា និង​ព្រួញ​ មាន​ផែន​ការ​វាយ​ប្រហារ​មកលើកម្លាំង​សមត្ថកិច្ច​។ ជា​ចៃដន្យ​ គ្រាប់​កាំ​ភ្លើង​មួយ​គ្រាប់​ចេញ​ពី​កម្លាំង​សមត្ថកិច្ច​ទៅ​ត្រូវ​ក្មេង​ស្រី​អាយុ​១៤​ឆ្នាំ​ម្នាក់។ យើង​ជាអាជ្ញាធរ​ និង​រដ្ឋាភិបាល​សោក​ស្ដាយ​ណាស់អំពី​គ្រោះ​ថ្នាក់នេះ”។ លោក​បាន​ថ្លែង​ថា លោក​បាន​​បរិច្ចាគ​ប្រាក់​ផ្ទាល់ខ្លួន​ច​ំនួន​៥០០.០០០រៀល (១២៥ដុល្លារ) ឲ្យ​គ្រួសារ​ក្មេង​ស្រី​រងគ្រោះនេះ​ ហើយ​លោក ស ខេង ​រដ្ឋមន្ត្រីក្រសួង​មហា​ផ្ទៃ​បាន​​​​បរិច្ចាគ​២លាន​រៀល​ទៀត (៥០០ដុល្លារ)។

ក្នុង​សេចក្ដី​ថ្លែង​ការណ៍​មួយ​ ក្រសួង​មហា​ផ្ទៃ​បាន​បង្ហាញឈ្មោះ​មេខ្លោង​ធំជាងគេ ឈ្មោះ ប៊ុន រដ្ឋា ហើយ​ចោទ​ប្រកាន់​ជន​នេះ​ពី​បទ​ប្រព្រឹត្ត​​អំពើល្មើស​នឹងច្បាប់​រដ្ឋ​ធម្មនុញ្ញ​ ដោយប៉ុន​ប៉ង​បង្កើត​ភូមិ​ថ្មី​បី ដោយ​ឯក​រាជ្យ​ពី​រដ្ឋាភិបាល ហើយបាន​ឃាត់​ខ្លួន​ទាហាន​ និង​អ្នកភូមិ​ ព្រម​ទាំង​ដឹក​នាំ​ការ​តវា៉​ខុស​ច្បាប់​។

សេចក្ដី​ថ្លែងការណ៍នេះ​ បាន​ឲ្យ​ដឹង​ថា“ គ្រប់​សកម្ម​ភាព​ខុស​ច្បាប់​ទាំង​អស់​ ដែល​ប្រព្រឹត្ត​ឡើង​ដោយពួក​មេខ្លោង​អនាធិប​តេយ្យ គឺ​ប្រឆាំង​នឹង​រដ្ឋ​អំណាច​ ដែល​កើត​ចេញ​ពី​ការ​បោះ​ឆ្នោត​ និង​គោលការណ៍​ប្រជា​ធិបតេយ្យ និង​ប៉ុនប៉ង​ឈាន​ទៅបង្កើត​តំបន់​អបគមន៍។ស្ថាន​ភាព​ដូច​ខាង​លើ​នេះ​ បាន​ចាប់​បង្ខំ​ឲ្យ​រាជ​រដ្ឋាភិបាល​​ចាំ​បាច់​ត្រូវ​ប្រើ​ប្រាស់​វិធាន​ការស្រប​ច្បាប់ ដើម្បី​ឈាន​​ទៅ​គ្រប់​គ្រង​រដ្ឋបាល​នៅតំបន់​នោះ​ឡើង​វិញ”។ សេចក្ដី​ថ្លែង​ការណ៍មួយ​ របស់​សាលា​​ខេត្ត​ក៏បាន​កំណត់​ឈ្មោះ ប៊ុន អូន និង ​សុខ តុង ថា ជា​មេខ្លោង​ផង​ដែរ។

ទាក់​ទង​បានតាម​ទូរស័ព្ទ​ខណៈ​ដែល​កំពុង​លាក់​ខ្លួន លោក​ រដ្ឋា បាន​មាន​ប្រសាសន៍ថា​ លោក​ត្រូវ​គេឲ្យ​ការណ៍អំពី​ផែន​ការ​របស់​រដ្ឋាភិបាល​ ដើម្បី​ចាប់​ខ្លួន​លោក​ ហើយ​លោក​បាន​ភៀស​ខ្លួន​ចេញ​ពី​ភូមិ​ភ្លាមៗដែរ មុន​ពេល​កម្លាំង​សន្ដិ​សុខ​ទៅ​ដល់​។ លោក​ត្រូវបាន​ចាប់​ខ្លួន​ម្តងហើយ កាលពី​ខែមុន ចំពោះ​តួនាទី​របស់​លោក​ក្នុង​ការដឹកនាំ​តវា៉​មួយ​ប្រឆាំង​នឹង​ក្រុម​ហ៊ុន​ចម្ការ​កៅ​ស៊ូ​ កាលពី​ក្នុង​ខែ​កុម្ភៈ ក៏ប៉ុន្ដែ​ត្រូវ​បាន​ដោះ​លែង​នៅ​ប៉ុន្មាន​ថ្ងៃ​ក្រោយ​មក។ លោក​បាន​បដិ​សេធ​ថា លោក​មិន​បាន​ដឹក​នាំ​ចលនា​អប្បគមន៍នោះ​ទេ។​

 

បាន​ចាប់​ខ្លួន​ម្តងហើយ កាលពី​ខែមុន ចំពោះ​តួនាទី​របស់​លោក​ក្នុង​ការដឹកនាំ​តវា៉​មួយ​ប្រឆាំង​នឹង​ក្រុម​ហ៊ុន​ចម្ការ​កៅ​ស៊ូ​ កាលពី​ក្នុង​ខែ​កុម្ភៈ ក៏ប៉ុន្ដែ​ត្រូវ​បាន​ដោះ​លែង​នៅ​ប៉ុន្មាន​ថ្ងៃ​ក្រោយ​មក។

លោក​បាន​បដិ​សេធ​ថា លោក​មិន​បាន

​ដឹក​នាំ​ចលនា​អបគមន៍នោះ​ទេ។                                    លោក​​​និយាយ​​​ថា “ ខ្ញុំ​​​​​​គ្រាន់​​​តែ​​​​​​​​​​​​ជា​​​កសិករ​

​​​តូច​​​តាច​​​ប៉ុណ្ណោះ​​​​​​ ហើយ​​​ខ្ញុំ​​​គ្មាន​​​សិទ្ធិ​​​ដឹក​​​នាំ​​​

អបគមន៍​​​ទេ​​​។វា​​​គួរ​​​ឲ្យ​​​អស់​​​សំណើច​​​ណាស់ ដែល​​​ពួក​​​គេ​​​ចោទ​​​ប្រកាន់​​​ខ្ញុំ​​​​​​​​​បែប​​​នេះ​​​។ ខ្ញុំ​​​គ្រាន់​​​

តែ​​​ស្វែង​​​រក​​​យុត្តិធម៌ជូន​​​ប្រជា​​​ពលរដ្ឋ​​​ ដែល​​​គ្មាន​​​ដី​​​ធ្លី​​​​​​​​​​​​…។ យើង​​​គ្មាន​​​អ្វី​​​ទេ​​​ គឺ​​​​​​​​​មាន​​​តែ​​​ដៃ​​​ទទេប៉ុណ្ណោះ​​​”។

លោក ចាន់ សុវ៉េត អនុប្រធាន​​​ផ្នែក​​​អង្កេត​​​​

របស់​​​អង្គការ​​​អាដហុ​​​ក​​​បាន​​​ទាក់​​​ទង​​​​​​ទៅ​​​​​​​​​គ្រួសារ​​​​

ទាំង​​​នោះ​​​ ហើយ​​​​​​មាន​​​ប្រសាសន៍​ថា​ ទាហាន

មន្ត្រី​​​កង​​​រាជអាវុធហត្ថ នគរបាល​​​ និង​​​ឧទ្ធម្ភា​គ​ចក្រមួយ​​​គ្រឿង​​​បាន​​​ផ្ដុំ​​​គ្នា​​​នៅ​​​ក្នុង​​​ស្រុក​​​នេះ ​​​តាំង​​​​ពី​​​ថ្ងៃ​​​ច័ន្ទ​​​ មក​​​េម្ល៉ះ​​​។ យោង​​​តាម​​​លោក​ចាន់ សុវ៉េត បាន​​​ឲ្យ​​​ដឹង​​​ថា អ្នក​​​ភូមិ​​​ទាំង​​​នេះ​បាន​​​និយាយ​​​ថា ក្នុងនោះមានកម្លាំងជាង​​​២០០​​​នាក់បាន​​​ចូល​​​រួមក្នុង​​​ប្រតិបត្តិការ​បោស​សម្អាត​ភូមិនេះ ​​​កាល​​​ពី​​​ម្សិល​​​មិញ​​​​​​។

លោក​​​បាន​​​ថ្កោល​​​ទោសចំពោះ​​​ការ​​​សម្លាប់​​​

និង​​​ការ​​​ប្រើ​​​ប្រាស់​​​កង​​​កម្លាំង​​​យ៉ាង​​​ច្រើន​​​របស់​​​រដ្ឋាភិបាលនេះ​​​។ លោកបាន​​​មាន​​​ប្រសាសន៍​ថា “ ​​​វាពិត​​​ជា​​​គួរ​​​ឲ្យ​​​អស់សំណើច​​ ដែល​​​រដ្ឋា​ភិបាល និង​​​អាជ្ញា​​​ធរ​​​ប្រើ​​​ប្រាស់​​​ឧទ្ធម្ភាគចក្រ​​​មួយ​​​គ្រឿង​​​ និង​​​កង​​​កម្លាំង​​​ប្រដាប់​​​អាវុធ​​​ជាង​​​២០០នាក់​​​នៅ​​​ក្នុង​​​ប្រតិបត្តិការ​​​ធំ​​​មួយ​​​ ដើម្បី​​​បណ្ដេញ​​​អ្នកភូមិ​​​ចេញ​​​ពីដី​​​ធ្លី​​​ និង​​​បាន​​​ចោទ​​​ប្រកាន់​​​ថា ពួក​​​គេ​​​ថាជាក្រុមអបគមន៍”។

លោក បាន​​​ចោទ​​​ប្រកាន់​​​រដ្ឋាភិបាលថា​ បាន​​​​ប្រឌិត​​​រឿង​​​នេះ​​​ឡើង​​​ ដើម្បី​​​ធ្វើ​​​ឲ្យ​​​ឃើញ​ថា​ទង្វើរបស់​​​ខ្លួន​​​ក្នុងការបណ្ដេញ​​​គ្រួសារ​​​ទាំង​​​នេះ​មាន​ហេតុ​​​ផលសមរម្យ។  លោក​​​បាន​​​មាន​​​ប្រសាសន៍ថា មានពាក្យ​​​ចចាមអារា៉មថា មានមនុស្សដល់ទៅពីរនាក់ស្លាប់​​​​​​ និង​​​អ្នក​រង​​​របួស​​​មនុស្ស​​​ជាច្រើននាក់​​​ទៀត តែ​មិនអាច​​​បញ្ជាក់​​​​​​បាន​​​ទេ​​​ ហើយ​​​លោក​​​គ្រោង ​​​នឹង​​​ចុះ​​​ទៅ​ពិនិត្យ​​​ដល់​​​ភូមិ​​​នោះ​​​នៅ​​​ថ្ងៃ​​​នេះ​​​។

អាជ្ញាធរ​​​មូលដ្ឋាន​​​បាន​​​និយាយថា ក្រុមហ៊ុន​កាសូទីម ទទួល​​​បាន​​​ដី​​​សម្បទាន​​​ទំហំ​​​១៥.០០០​​​​ហិចតា​​​នៅក្នុង​​​តំបន់នេះ​​​ដើម្បីដាំដំណាំ​​​កៅស៊ូ​​​កាល​​​ពី​​​ឆ្នាំ​​​២០០៧។ ប៉ុន្ដែ​​​យោង​​​តាម​​​អង្គការ​​​ Global Witness ជាអង្គការ​​​សិទ្ធិបរិស្ថាន​​​បាន​​​ឲ្យ​​​ដឹង​​​ថា​ ក្រុម​ហ៊ុន​កាសូទីម ដែល​​​ជា​​​ពាក្យ​​​កាត់​​​របស់​​​ពាក្យ​​​ Cambodia Soviet Timber Import Export មាន​​​ដី​​​សម្បទាន​​​នៅ​ក្នុង​​​តំបន់​​​នេះ​​​យ៉ាង​​​ហោច​​​ណាស់​​​ក៏​​​តាំង​​​ពី​​​ចុង​ទសវត្សរ៍ ឆ្នាំ១៩៩០​​​ដែរ​​​។

បុរស​​​ម្នាក់ដែល​​​លើក​​​ទូរស័ព្ទ​​​របស់​​​ក្រុម​ហ៊ុនកាសូទីម បាន​​​បដិសេធ​​​មិនប្រាប់​​​ឈ្មោះ​​​ទេ​​​ ហើយ​​​បាន​​​ប្រាប់​​​អ្នកយក​​​ព័ត៌មាន​​​ មិនឲ្យ​​​ដាក់ឈ្មោះ​​​ក្រុម​​​ហ៊ុន​​​របស់​​​គាត់​​​ក្នុង​អត្ថបទ​​​។ បុរសនោះ​​​បាន​​​និយាយ​​​ថា “​​​វាជា​​​កិច្ចការ​​​របស់​​​រដ្ឋាភិបាល​​​ និង​​​កង​​​កម្លាំង​​​រដ្ឋាភិបាល​​​”។

ក្នុង​​​រយៈ​​​ពេល​​​ច្រើន​​​ឆ្នាំ​​​មក​​​នេះ​​​អង្គការ​​​សិទ្ធិមនុស្ស​​​​​​បន្ទោសដល់ការផ្តល់ដី​​​សម្ប​ទាន​​​​សេដ្ឋកិច្ច​​​បែប​​​នេះ​​​ថា នាំ​​​ឲ្យ​​​មាន​​​ការ​​​រំលោភ​​​បំពាន​​​សិទ្ធិមនុស្ស​​​ និង​​​បរិស្ថាន​​​យ៉ាងធ្ងន់​​​ធ្ងរ​​​បំផុត​​​នៅក្នុង​​​ប្រទេស​​​ រាប់ពីការ​​​បំផ្លាញ​​​ព្រៃ​​​ឈើ​​​យ៉ាង​​​រាលដាល​​​ ដល់​​​ការ​​​បណ្ដេញ​​​ចេញ​​​ប្រជាជន​​​យ៉ាង​​​ច្រើន​​​ ហើយ​​​បាន​​​លើកឡើង​​​ថា ការ​​​តវ៉ា​​​​ត្រូវ​​​បាន​​​បង្ក្រាប​​​ដោយ​​​រដ្ឋាភិបាល​​​កាន់​​​តែ​​​ច្រើន​​​ឡើង​​​។

កាល​​​ពីខែ​​​មករា​​​ សន្ដិសុខ​​​ឯកជន​​​បាន​​​បង្ក​ឲ្យ​​​របួស​​​មនុស្ស​​​យ៉ាង​​​ហោចណាស់​​​បួន​​​នាក់​​​ក្នុង​​​ខេត្ត​​​ក្រចេះ​​​ នៅ​​​ពេល​ពួក​​​គេ​​​​​​បាញ់ប្រហារ​ ​​​ទៅ​​​លើ​​​អ្នក​​​ភូមិ​​​ ដែល​​​គ្មាន​​​អាវុធ​នៅ​ក្នុង​​​ដៃ​​​នាំគ្នាទាមទារ​​​ឲ្យ​​​ក្រុម​​​ហ៊ុន TTY ដែល​​​មាន​​​ ដី​​​សម្បទាន​​​ចម្ការ​​​កៅស៊ូ​​​ទំហំ៩.៨០០​​​ហិកតា​​​ឈប​់ឈូស​​​ឆាយ​​​ដី​ចម្ការ​​​របស់​​​ពួក​​​គាត់​​​។

កាល​​​ពី​​​ខែ​​​មេសា លោក ឈុត វុទ្ធី សកម្មជន​ការពារព្រៃឈើ​​​ត្រូវ​​​មន្ត្រីកងរាជអាវុធហត្ថ បាញ់​​​សម្លាប់​​​ក្នុង​​​ខេត្តកោះ​​​កុង​​​ អំឡុង​​​ពេល​មាន​ការប្រឈម​​​មុខ​​​ជាមួយមន្ដ្រី​​​កង​​​រាជ​​​អាវុធ​ហត្ថ​និង​​​សន្ដិសុខ​​​របស់​​​ក្រុមហ៊ុន​​​ក្នុង​​​ស្រុកមួយ​​​ ខណៈ​​​ពេល​​​ស៊ើប​​​អង្កេត​​​អំពីការ​​​កាប់​​​ឈើ​​​ខុស​​​ច្បាប់​​​នៅ​​​ជុំ​​​វិញ​​​ដី​​​សម្បទាន​​​របស់​​​ក្រុម​​​ហ៊ុននេះ​​​។

លោកនាយក​​​រដ្ឋមន្ត្រី​​​ ហ៊ុន សែន បាន​​​បញ្ជា​​​​ឲ្យ​​​ផ្អាក​​​ការ​​​ផ្ដល់​​​ដី​​​សម្បទាន​​​សេដ្ឋកិច្ច​​​ថ្មីៗ​​​ទាំង​​​អស់ កាលពីដើម​​​ខែ​​​នេះ​​​ ប៉ុន្ដែ​​​ក្រុម​​​អ្នក​​​សង្កេត​​​​ការណ៍ព្រួយបារម្ភ​​​ថា ចំណាត់ការ​​​នេះ​​​ប្រហែល​​​ជា​​​ល្បិច​​​នយោបាយ​​​ ដើម្បី​​​ទទួល​​​បាន​​​ការ​គាំទ្រ​​​​នៅ​​​មុនការ​​​បោះ​​​ឆ្នោត​​​ឃុំ​​-សង្កាត់​​​ ដែល​​​នឹង​​​ប្រព្រឹត្តទៅនាខែក្រោយ​​​នេះតែ​​​ប៉ុណ្ណោះ៕

(រាយការណ៍បន្ថែមដោយ​​​ គីម ចាន់ ​និង Zsombor Peter)

ប្រែសម្រួលដោយ ចេវ ប៊ុននី 

និង តែម សុខុម​

 

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស