27 C
Phnom Penh

សកម្ម​​ភាព​​​​​​វាយកម្ទេច​​អគារ​​​សម័យអាណានិគមបារាំង​មួយខ្នងនៅតែ​​​​​​​​​​​កំពុង​​​​​បន្ត​នៅឡើយ

ដោយ ឌឹ ខេមបូឌា ដេលី

បទវិភាគ

ការ​វាយ​កម្ទេច​អគារ​សម័យ​អាណានិយម​​​​បារាំង​​​​​ជា​​​ប្រវត្តិ​សាស្ត្រ​មួយនៅត្រង់​​ចំណុច​ប្រសព្វ​រវាង​ផ្លូវ​លេខ​១០៨​ និង​ មហាវិ​ថី​ព្រះ​នរោត្តម​ ​បាន​បន្ត​​​កាល​ពី​ម្សិល​មិញ​ ​ ​ទោះ​បី​ជា​អង្គការ​ យូណេស្កូ​​ (UNESCO) ​​​បាន​​លើក​ឡើង​​​​​អំពី​​​​ការព្រួយ​​​​បារម្ភថា​ គួរ​តែ​ជួស​ជុល​អគារ​​​នេះ​​​​ជំនួស​​​វិញ​​ក្តី​។

លោក​ អ៊ុន​ សារុន​ មេការ​ទទួល​ម៉ៅ​ការ​វាយ​កម្ទេច​អគារ​នេះ​ បាន​ឲ្យ​ដឹង​ថា​ លោក​មិន​ដឹង​ថា​ តើ​ត្រូវ​ចំណាយ​ពេល​​យូរ​​ប៉ុណ្ណា​ ទើប​​​វាយ​កម្ទេច​អគារ​នេះ​រួច​រាល់​នោះ​ទេ​ ដោយ​សារ​តែ​​​​កម្មករ​ត្រូវ​តែ​​ធ្វើ​ឲ្យ​​ប្រា​កដ​ថា​ ធ្វើ​យ៉ាង​ណា​​​កុំ​ឲ្យ​ខូច​ខាត​ដល់​​​អគារ ​​​​ដែល​​នៅ​ជាប់​​គ្នា​។

លោក​បាន​លើក​ឡើង​ថា​ “​ ឥ​ឡូវ​នេះ​ យើង​​ត្រូវ​​ការ​ពេល​វេលា​​បន្ថែម​​ទៀត​ ដើម្បី​វាយ​កម្ទេច​អគារមួយ​ខ្នង​នេះ​ឲ្យ​​រួចរាល់​ ពី​ព្រោះ​យើង​ត្រូវ​តែ​ប្រយ័ត្ន​ប្រយែង​​​ចំពោះ​​​ផ្ទះ​​​នានាដែល​នៅ​ជុំ​វិញ​អគារ​នេះ”។

កាល​ពី​សប្តាហ៍​មុន ​មន្ត្រី​​មួយ​​រូប​​​នៅ​​អង្គការ​យូណេស្កូ​ បាន​សម្តែង​​ការ​បារម្ភ​ជុំ​វិញ​ការ​បន្ត​វាយ​កម្ទេច​អគារ​ ដែល​បាន​សាង​សង់​នៅក្នុង​សម័យ​អាណា​និគម​និយមបារាំង​នា​សតវត្ស​រ៍​ទី​១៩​មួយ​ខ្នង​នេះ​ ហើយ​បាន​លើក​ឡើង​ថា​ ក្រសួង​វប្ប​ធម៌​ គួ​រតែ​​​ជូន​​ដំណឹង​​​​ឲ្យបាន​មុន​ នៅ​មុន​ពេល​​​​​​មានសម្រេច​ចិត្ត​ឲ្យវាយ​កម្ទេច​អាគារ​នេះ។

​​​​ពេល​នេះ​​ មិន​​ទាន់​មាន​​ព័ត៌​​មាន​​​​​​​លម្អិត​សម្រាប់​ទំនាក់​ទំនង​​​​​ទៅ​​​ម្ចាស់​​​​​អគារ​​នេះដែល​​សាលា​រាជ​ធានី​ភ្នំ​ពេញ ​ប្រាប់​​ថា​ មាន​ឈ្មោះ​ កាំង​ ហ្គេក​ ណៃ ​នៅឡើយទេ​​។​ អគារ​​​ដែល​​​​ ត្រូវ​បាន​សាង​សង់​អំឡុង​ឆ្នាំ​ ១៨៩០​ ដល់​​ឆ្នាំ​​ ១៩០០​​នេះ ត្រូវ​គេ​យក​ធ្វើ​​​អគារ​​ក្រសួង​ឧស្សាហ​កម្ម​ រ៉ែ​ និង​ថាម​ពល​ក្នុង​សម័យ​អាណា​និគម​និយមបារាំង៕

ប្រែ​សម្រួល​ដោយ​ ហួង​ កុក​ទៀន

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស