28 C
Phnom Penh

បក្ស​​​សិទ្ធិមនុស្សសុំ​​​ពន្យារពេលប្រជុំនៅ​​​ក្រុ​​​ង​​​ម៉ានីល ពិភាក្សាពីការរួបរួមជាមួយបក្ស សម រង្សុី

ដោយ ឌឹ ខេមបូឌា ដេលី

បទវិភាគ

ទើបតែប៉ុន្មាន​​​ថ្ងៃ​​​បន្ទាប់​​​ពី​​មានគម្រោង​​​រួមប​​​ញ្ចូល​​​គ្នា​​​រវាង​​​គណបក្ស​​​ សមរង្ស៊ីនិង​​​គណបក្ស​​​សិទ្ធិ​​​មនុស្សលោក​​​​​​ កឹមសុខា​​​ បាន​​​អំ​​​ពាវ​​​នាវ​​​ឲ្យ​​​ពន្យារពេលដើម្បី​​​ជជែក​​​ពី​​​បញ្ហា​​​នោះដោយ​​​លោក​​​បាន​​​លើក​​​ឡើង​​​ថា លោក​​​មាន​​​កម្មវិធី​​​រវល់​​​ច្រើន។

លោកយ៉ែមបុញ្ញឫទ្ធិអគ្គលេខាធិការ​​​គណបក្ស​​​សិទ្ធិ​​​មនុស្ស​​​ បាន​​​មាន​​​ប្រសាសន៍ថា​​​ “យើង​​​មាន​​​កម្មវិធី​​​ច្រើនណាស់​​​នៅ​​​ចុង​​​ខែ​​​នេះ ​​​យើង​​​​ត្រូវ​​​ជួបចៅ​​​សង្កាត់​​​-មេឃុំ​​​ថ្មីនិង​​​រៀបចំ​​​សមា​​​ជិកគណបក្សដូច្នេះ​​​យើង​​​រវល់​​​ណាស់ [ដើម្បី​​​ជួប​​​គ្នា​​​ក្នុង​​​ខែនេះ​​​]”។

​​​លោក​​​ យ៉ែម បុញ្ញឫទ្ធិ បាន​​​មាន​​​ប្រសាសន៍​​​ថា លោក​​​ កឹមសុខា​ បាន​​​ផ្ញើ​​​លិខិត​​​មួយ​​​ច្បាប់​​​ជូន​​​លោក​​​ សមរង្ស៊ីកាល​​​ពី​​​ម្សិល​​​មិញ ​​​ដោយ​​​ស្នើ​​​សុំ​​​ឲ្យ​​​គណបក្ស​​​សម រង្ស៊ី ពន្យារពេល​​​ជួប​​​ប្រ​​​ជុំ​​​ពីរ​​​បី​​​សប្ដាហ៍​ទៀតដើម្បីពិភាក្សា​​​អំពី​​​ការ​​​​​​បង្រួប​​​​​​បង្រួម​​​បក្ស​​​ ។

កាល​​​ពី​​​ថ្ងៃ​​​ពុធ លោក​​​ គង់ គាំ ប្រធាន​​​ស្ដី​​​ទី​​​របស់គណបក្ស​​​ សម​​​រង្ស៊ីបាន​​​អញ្ជើញ​​​លោក​​​កឹម សុខា ដើម្បី​​​ជួបពិភាក្សាជាមួយ​​​មន្ត្រី​​​ថ្នាក់​​​ដឹកនាំជាន់​​​ខ្ពស់​​​គណបក្ស សម រង្ស៊ី នៅ​​​ប្រទេស​​​​​​ហ្វីលីពីន នៅ​​​ថ្ងៃទី ២៩ និង​​​៣០ ខែមិថុនា ។ ​​​លោកបុញ្ញឫទិ្ធបាន​​​មាន​​​ប្រសាសន៍​​​ថា“គណ​​​បក្ស​​​សិទ្ធិ​​​​​​មនុស្សសូមស្វាគមន៍​​​​​​សំណើ​​របស់​​​លោក ​​​ប្រធាន​​​​​​ស្ដីទី​​​ គង់ គាំ ដែល​​​បាន​​​សុំ​​​​ជួបពិភាក្សា​​​ជាមួយ​​​លោកកឹមសុខា​​​ ដើម្បី​​​បង្រួប​​​បង្រួម​​​បក្ស…​​​ ប៉ុន្តែ​​​ ថ្នាក់ដឹកនាំ​​​របស់​​​គណបក្ស​​​សិទ្ធិ​​​មនុស្ស​​​ ពេល​​​នេះជាប់​​​រវល់​​​ណាស់​​​ រហូត​​​ដល់​​​សប្ដាហ៍​​​​​​ទី​​​១​​​នៃ​​ខែកក្កដា”។លោកបុញ្ញឫទិ្ធបាន​​​ស្នើ​​​សុំ​​​​​​ជួប​​​ប្រ​​​ជុំ​​​គ្នានៅ​​​សប្ដាហ៍​​​ទី២នៃ​​​ខែ​​​កក្កដា​​​វិញ​​​។

កាលពី​​​ម្សិល​​​មិញ លោក គង់ គាំ បាន​​​ថ្លែង​​​ថាលោក​​​មិន​​​ទាន់​​​បាន​​​ឃើញ​​​សំណើ​​​​​​នោះ​​​នៅ​​​ឡើយ​​​ទេប៉ុន្តែ​​​ថាវាអាស្រ័យ​​​ទៅ​​​លើមេ​​​ដឹក​​​នាំ​​​គណបក្ស​​​ជាអ្នក​​​សម្រេច។ ​​​លោក​​​បាន​​​មាន​​​ប្រសាសន៍​​​បន្ដ​​​​​​ថា“វាអាស្រ័យ​​​លើ​​​លោក​​​ សមរង្ស៊ី ​​​ ដើម្បី​​​សម្រេច​​​ថា​​​ ថ្ងៃណាជា​​​ថ្ងៃ​​​ប្រជុំមិនមែន​​​ខ្ញុំ​​​ទេ”។

គម្រោងរួបរួម​​​បក្ស​​​នេះបាន​​​កើត​​​មាន​​​ឡើង​​​ បន្ទាប់​​​ពីការ​​​ខក​​​ចិត្តយ៉ាង​​​ខ្លាំង​​​ក្នុង​​​ការ​​​បោះ​​​ឆ្នោត​​​ឃុំ-សង្កាត់​​​ កាល​​​ពី​​​ថ្ងៃអាទិត្យដោយ​​​គណបក្ស​​​ សមរង្ស៊ីបាន​​​បាត់​​​បង់​​​ដំណែង​​​មេឃុំ-ចៅសង្កាត់​​​ចំនួនប្រាំមួយអាសនៈ ​​​ហើយ​​​បាន​​​មើល​​​ឃើញ​​​នូវការ​​​បាត់បង់​​​សំឡេង​​​ឆ្នោតជិតមួយភាគប្រាំបើប្រៀបធៀបទៅនឹង​​​

ការ​​​បោះ​​​ឆ្នោតឃុំ-សង្កាត់ឆ្នាំ២០០៧​​​។ទោះ​​​​​​យ៉ាង​​​​​​ណា​​​ក៏​​​ដោយគណបក្ស​​​សិទ្ធិ​​​មនុស្សបាន​​​ឈ្នះតំណែង​​​មេឃុំ-ចៅសង្កាត់ចំនួន​​​១៨ ​​​អាសនៈក្នុង​​​អំឡុង​​​ពេល​​​បោះ​​​ឆ្នោតដែល​​​គណបក្ស​​​នេះបាន​​​ចូល​​​រួម​​​ជាលើក​​​ដំបូង។ ផែនការ​​​បង្រួបបង្រួម​​​រវាង​​​​​​បក្ស​​​ទាំង​​​ពីរ​​​បាន​​​ទទួល​​​បរាជ័យ​​​ដោយ​​​សារ​​​ការទំនាក់​​​ទំនង​​​កាន់​​​តែ​​​រង្គោះរង្គើឡើងកាល​​​ពី​​​ឆ្នាំមុន ​​​ហើយ​​​​​​ដោយមើល​​​ឃើញលិខិត​​​សាធារណៈ​​​ដ៏គួរ​​​ឲ្យ​​​ភ្ញាក់​​​ផ្អើល​ជាច្រើន​​​ និង​​​ការរិះ​​​គន់​​​គ្នាខ្លាំងៗ ​​​ទៅ​​​វិញ​​​ទៅ​​​មក៕

ប្រែ​​​សម្រួល​​​ដោយ ឃិន ណៃ​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស