30 C
Phnom Penh

តំណាងអង្គការ​សង្គម​ស៊ីវិល​ព្រួយ​បារម្ភ​ចំពោះ​​សេចក្ដីថ្លែងការណ៍ព្រាងស្តីពីសិទ្ធិ​មនុស្ស​អាស៊ាន​

ដោយ ឌឹ ខេមបូឌា ដេលី

បទវិភាគ

ក្រុមតំណាង​របស់​អង្គការ​សង្គម​ស៊ីវិល​ក្នុង​តំបន់​បាន​ចេញ​សេចក្ដី​ប្រកាស​មួយ​ ដោយ​​រិះ​គន់​គណៈ​កម្មាធិការ​សិទ្ធិ​មនុស្ស​របស់​អា​ស៊ាន​​ ព្រោះមិន​បាន​អនុញ្ញាត​ឲ្យ​ពួកគេ​អាច​ពិនិត្យ​មើល​ច្បាប់​ចម្លង​នៃ​សេចក្ដី​ព្រាង​មួយ ​ស្តីពី​សេចក្ដីថ្លែងការណ៍របស់​ក្រុម​សិទ្ធិ​មនុស្ស​អាស៊ាន​ នៅ​ពេល​ដែល​ពួកគេ​បាន​ចូល​រួម​ការ​​ពិគ្រោះ​យោបល់​លើក​ទី១​ ដើម្បី​ពិភាក្សាអំពី​ឯក​សារ​នេះ​ក្នុង​ទី​ក្រុង​កូឡា​ឡាំពួកាលពី​ថ្ងៃ​សុក្រ​។

អង្គការ​សង្គម​ស៊ីវិល​ប្រហែល​២០​មក​ពី​រដ្ឋ​ជាសមាជិក​អាស៊ាន​ រាប់​ទាំង​គណ​ៈ​កម្មា​ធិការ​ប្រព្រឹត្តិកម្មផង សង្ឃឹម​ថានឹង​អាច​ផ្ដល់​យោបល់​ចំពោះសេចក្ដី​ព្រាងនេះ​ របស់គណៈ​កម្មការ​អន្ដរ​រដ្ឋាភិបាល​អាស៊ាន​ ស្តីពីសិទ្ធិ​មនុស្ស​ (AICHR) មុន​ពេល​ដាក់​ឯក​សារ​ចុង​ក្រោយ​នេះ​ នៅ​ឯ​កិច្ច​ប្រជុំ​រដ្ឋ​មន្ត្រី​អាស៊ាន ក្នុង​រាជ​ធានី​ភ្នំ​ពេញនៅខែ​កក្កដា។

សេចក្ដី​ប្រកាស​ចេញ​កាលពី​ថ្ងៃ​សុក្របានឲ្យដឹង​ថា “ យើង​សោក​ស្ដាយណាស់​​​ដោយ​ការ​ពិគ្រោះ​យោបល់​នេះ មាន​ពេល​ខ្លី​ និងយឺត​ពេក និងគ្មាន​សេចក្ដី​ព្រាងសម្រាប​់ផ្លល់យោបល់ ហើយសង្គម​ស៊ីវិល​​តែមួយ​ចំនួន​តូចប៉ុណ្ណោះជា​ដំណាង​ ហើយ​អង្គការ​ខ្លះត្រូវ​បានគេ​ទាត់ចោល​”។ សេចក្ដីប្រកាស​នេះ​បន្ដថា “ នៅ​ដំណាក់​កាល​នៃ​ដំណើ​ការ​នេះ ដែល​ ់គណៈ​កម្មការ​អន្ដរ​រដ្ឋាភិបាល​អាស៊ាន​ ស្តីពីសិទ្ធិ​មនុស្ស​ រៀប​​ចំ​ដើម្បីពិភាក្សា​អំពី​ខ្លឹម​សារ​បទបញ្ញត្តិ​នីមួយៗ បញ្ហា​នេះ​បានរារាំងយ៉ាង​ធ្ងន់​ធ្ងរ​ដល់​​លទ្ធភាព​របស់​អង្គការ​សង្គម​ស៊ិវិល​ក្នុង​ការ​ចូលរួម​ដំណើរ​ការ​នេះឲ្យប្រកបទៅ​ដោយ​អត្ថន័យ​”។

មុន​កិច្ច​ប្រជុំ​អង្គការ​សិទ្ធិមនុស្ស​រាប់​ទាំង​អង្គការ​លើក​លែង​ទោស​អន្ដរជាតិ​ អង្គការ​ឃ្លាំ​មើល​សិទ្ធិមនុស្សនិង​សហ​ព័ន្ធ​សិទ្ធិ​មនុស្ស​អន្ដរជាតិ​ បាន​ព្រមាន​ថាដំណើរការ​ពិគ្រោះ​យោ​បល់ ដើម្បីបង្កើតសេក្ដី​ថ្លែងការណ៍ស្តីពី​សិទ្ធិមនុស្ស​នាំឲ្យមានវិបត្តិ​ធ្ងន់​ធ្ងរ និងអាច​នំា​ឲ្យ​ឯក​សារ​ចុង​ក្រោយមិនមានតម្លៃ។ អង្គការ​សិទ្ធិ​មនុស្ស​បាន​លើក​ឡើង​ថា “ យើងសុំចូល​រួម​សំដែងការព្រួយ​បារម្ភ​​ជា​មួយអង្គការ​សង្គម​ស៊ីវិល​ជាច្រើន​នៅ​ក្នុង​តំបន់​ ដែលបាន​លើក​​ថា ​និយាម​ផ្នែកសិទ្ធិ​មនុស្ស​​ចែងនៅ​ក្នុង​សេចក្ដី​ថ្លែង​ការណ៍​ព្រាង​នឹងអាច​ទាប​ជាង​​កម្រិត​របស់សកល​លោក​”។ អង្គការ​សិទ្ធិ​មនុស្ស​អំពាវ​នាវ​ដល់​អាស៊ាន​ ឲ្យ​ផ្សព្វ​ផ្សាយ​សេចក្ដី​ព្រាង​ឯក​សារ​នេះ ឲ្យបាន​កាន់​តែ​ឆាប់​ កាន់​តែ​ប្រសើរ​ ដើម្បី​អនុញ្ញាត​ ឲ្យ​មាន​ការ​ពិគ្រោះ​យោបល់​ជាមួយ​អង្គការ​សិទ្ធិមនុស្ស​៕

ប្រែ​សម្រួល​ដោយចេវប៊ុននី​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស