28 C
Phnom Penh

ក្រសួង​​​ការ​​​ងារ​​​ហាម​​​ភ្នាក់​​​ងារ​​​ជ្រើ​​​ស​​​រើស​​​ពលករ​​​មិន​​​ឲ្យ​​​​​​ផ្សាយ​​​​​​ពាណិជ្ជកម្ម​​​​​​​​​តាម​​​វិទ្យុ និងទូរទស្សន៍

ដោយ ឌឹ ខេមបូឌា ដេលី

បទវិភាគ

ក្រសួង​​​ការ​​​ងារ​​​បាន​​​អំពាវ​​​នាវ​​​ដល់​​​​ភ្នាក់ងារ​​​ជ្រើសរើស​​​ពលករ​​​កម្ពុជាទៅធ្វើ​​​ការ​​​នៅ​​​ក្រៅ​​​ប្រ​​​ទេសឲ្យ​​​បញ្ឈប់​​​ការ​​​ផ្សព្វផ្សាយ​​​ពាណិជ្ជ​​​កម្ម​​​របស់​​​ខ្លួន​​​តាម​​កញ្ចក់ទូរទស្សន៍ ​​​និងតាម​​​វិទ្យុ​​​ទៀតដោយ​​​សារតែ​​​ការ​​​អះ​​​អាងទូទៅនៅ​ក្នុង​​​ការផ្សាយពាណិជ្ជកម្ម​​​របស់​​​ពួកគេ​​​ គឺជា​​​រឿង​​​ភូតកុហក។

លោកអាន​​​ ប៊ុន​​​ហាក់ ប្រ​​​ធាន​​​សមាគម​ភ្នាក់​​​ងារ​​​ជ្រើ​​សរើស​​​ពល​​​ករកម្ពុជាបាន​​​មាន​​​ប្រសាសន៍​​​កាលពី​​​ម្សិល​​​មិញ​​​ថា ​​​ភ្នាក់​​​ងារ​​​ផ្ដល់​​​ការ​​​ងារ​​​មួយចំនួន​​​បានផ្សព្វ​​ផ្សាយភូតកុហក​ពលករអំពីប្រទេស​ត្រូវ​​​ទៅ​​​ធ្វើ​​​ការ​​​ និង​​​​​​អត្រា​​​​​​​​​ប្រាក់​​​​​​​​​ឈ្នួល​​​។​​​

លោក​​​ ប៊ុនហាក់​​​ ក៏​​​បាន​​​មាន​​​ប្រសាសន៍​​​ផង​​​ដែរ​​​ថាការ​​​ហាម​​​មិន​​​ឲ្យ​​​ផ្សព្វផ្សាយ​​​ពាណិ​​​ជ្ជ​​​កម្មនេះ នឹង​​​អាច​​​ជួយបែងចែក​​​ឲ្យ​​​ដាច់ពីគ្នារវាង​​​ភ្នាក់​​​ងារ​​​ជ្រើសរើស​​​ពលករ​​​មិន​​​ប្រ​​​កាន់​​​ខ្ជាប់​​​ក្រម​​​សីលធម៌និងភ្នាក់​​​ងារ​​​មានក្រម​​​សីលធម៌​​​ល្អ។

លោក​​​បាន​​​​​​មាន​​​ប្រសាសន៍ថា“ប្រ​​​សិន​​​បើ​ក្រុមហ៊ុន​​​​​​ទាំង​​​នោះ​​​ជ្រើស​​​រើស​​​ពល​​​ករ​​​ដោយ​​​ត្រឹម​​​ត្រូវ​​នោះ ហើយកេរ្តិ៍ឈ្មោះ​​​ [របស់​​​ក្រុម​​​ហ៊ុន​​​នេះ​​​] នៅក្នុង​​​ប្រទេស​​​កម្ពុជា​​​​​​​​​ល្អនោះ​​​ ​ពេលនោះ​​​ពួកគេនឹងមិនចាំ​​​បាច់​​​ផ្សព្វ​​​ផ្សាយ​​​​​​​​​ពាណិ​​​ជ្ជកម្មនោះទេ”។ នៅក្នុង​​​លិខិតមួយ​​​ដែលចុះ​​​ហត្ថលេខា​​​កាលពីថ្ងៃទី១៩ខែមិថុនា​​​ ដោយ​​​លោក ​​​សេង​​​សក្កដា​​​ អគ្គនាយក​​​នៃអគ្គនាយក​​​ដ្ឋាន​​ក្រសួង​ការងារ​​​ និងបណ្តុះ​​​បណ្តាលវិជ្ជាជីវៈបាន​​​លើក​​​ឡើង​​​ថា​​​ ក្រុម​​ហ៊ុន​​​ជ្រើសរើស​​​ពលករ​​​ទៅ​​​ធ្វើ​​​ការ​​​​​​នៅ​​​បរទេស​​​ត្រូវ​​​បាន​​​ហាម​​​ “មិនឲ្យ​​​​​​ផ្សព្វ​​​ផ្សាយ​​​ពាណិជ្ជកម្ម​​​របស់​​​ខ្លួន”។

លោក សក្កដា ​​​ក៏បាន​​​ហាម​​​ភ្នាក់​​​ងារ​​​ជ្រើស​​​រើស​​​ពលករ​​​នានា​​​មិន​​​ឲ្យនិយាយ​​​កុហក​​​ នៅ​​​ពេល​​ជ្រើ​​​សរើស​​​ពល​​​ករនោះ​​​។​​​ លោកបាន​​​សរសេរ​​​ក្នុង​​​លិខិតនោះថា​​​ “យើង​​​បាន​​​ផ្តល់​​​ព័ត៌មាន​​​ដល់​​​លោក​​​នាយក​​​ភ្នាក់​​​ងារ​​​ជ្រើសរើស​​​ពលករ​​​ទាំង​​​អស់​​​ ដែល​​​គ្រប់​​​គ្រង​​​ និង​​​​​​បញ្ជូនពលករ​​​ទៅ​​​ធ្វើការ​​​នៅ​​​បរទេស​​​ទាំងអស់​​​ថាសូមមេត្តា​​​ឈប់​​​ផ្សព្វផ្សាយ​​​ពាណិជ្ជកម្ម​​​ជ្រើសរើស​​​ពលករ​​​តាម​​​កញ្ចក់​​​ទូរ​​​ទស្សន៍​​​ទៀត។តែអាច​ផ្សព្វផ្សាយព័ត៌មាន​​​តាមរយៈ​​​ខិត្តប័ណ្ណ​​​បាន។

លោក​​​បាន​​​បន្ថែមថា​​​ “ [ភ្នាក់​​​ងារ​​​ជ្រើស​​​រើស​​​ពលករ​​​នានាត្រូវ​​​តែ​​​​​​​​​ប្រាប់​​​ពលករនូវ​​​ការ​​​ពិត​​​អំពី​​​ការ​​​ងារ​​​ អំពី​​​លក្ខខណ្ឌ​​ការងារនិង​​​ផល​​​ប្រយោជន៍ដែល​​​ត្រូវទទួល​​​បាន​​​ពី​​​ការងារ​នោះ។ កំុ​​​​​​​​​និយាយ​​​កុហក​​​ និង​​​លាក់​​​លៀម​​​ឲ្យ​​​សោះ”។ លោក​​​ ហូ វុទ្ធី អគ្គនាយករង​​​នៃ​​អគ្គ​​​នាយក​​​ដ្ឋានក្រសួងកា​រងារបាន​​​មាន​​​ប្រសាសន៍​​​ថា ​​​បទ​​​បញ្ជា​​​នេះមាន​​​​​​គោល​​​បំណង​​​លើក​​​តម្កើង​​​ទំនាក់​​​ទំនង​​​រវាង​​​ទីភ្នាក់​​​ងារ​​​ជ្រើសរើស​​​ពលករ​​​ និង​​​សាធារណជន​​​ឲ្យបានល្អ​​​ប្រសើរ​​​ជាង​​​មុន​​​។

លោក​​​ វុទ្ធី​​​ បាន​​​មាន​​​ប្រសាសន៍ថា​​​ “គោលបំណង​​​នេះ​​​ គឺដើម្បី​​​ជំរុញ​​​ឲ្យក្រុម​​​ហ៊ុន​​​ជ្រើស​​​រើស​​​ពលករ​​​នានា​​​ និយាយជា​​​មួយ​​​ពលករ​​​និង​​​ប្រាប​​​់គាត់​​​អំពី​​​លក្ខខណ្ឌ​​​ការងារ​​​ឲ្យ​​​បាន​​​សមរម្យ​​។

ជួន​​​កាល​​​យើង​​​ឮពាក្យចចាមអារា៉ម​​​ពីប្រជា​​​ពលរដ្ឋ​​​​​​​​​ថា​ការផ្សព្វផ្សាយ​​​ពាណិជ្ជកម្ម​​​របស់​​​ពួកគេ​​​មិន​​​សមរម្យឬមិន​​​ពិត​​​ទាល់​​​តែ​​​សោះ”។ លោក​​​បានមានប្រសាសន៍​​​បន្ថែមថា​​​ ប្រសិន​​​បើក្រុមហ៊ុន​នៅ​​​ តែបន្តផ្សព្វផ្សាយតាម​​​រយៈ​​​​​​ព័ត៌មានក្លែងក្លាយដូច្នេះ​​​ ពេល​​​នោះ​​​វានឹង​​​ក្លាយជា​បញ្ហាត្រូវ​ប្រ​​​ឈមចំពោះ​​​មុខ​​​ច្បាប់​​​៕

  ប្រែសម្រួលដោយ ហម សុផាណ្ណា

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស