32 C
Phnom Penh

ក្បួនកម្មករ​តវ៉ា​ដ៏​វែង​នៅ​រោង​ចក្រផ្គត់​ផ្គង់​​សម្លៀក​បំពាក់ ​នៅតែ​បន្ត​ដោយ​គ្មាន​ដំណោះស្រាយ​

ដោយ ឌឹ ខេមបូឌា ដេលី

បទវិភាគ

កាល​ពីម្សិលមិញ​ កម្មកររោង​ចក្រ​​ប្រហែល​​២.០០០នាក់ធ្វើការនៅ​រោង​ចក្រ​​ផ្គត់ផ្គង់សម្លៀកបំពាក់​ឲ្យ​ក្រុមហ៊ុន​អាមេរិក យីហោ លីវ៉ាយ​​ ស្រ្តស​ (Levi Strauss) ក្រុម​ហ៊ុន ហ្គេប​(Gap)និង​ក្រុមហ៊ុន ​អូល​ណេវី(Old Navy) ត្រូវបាន​កម្លាំង​សន្តិសុខរារាំង​កាល​ពីម្សិលមិញ​ ខណៈពេល​​ពួកគេ​ប៉ុន​ប៉ង​ដើរ​ក្បួន​តវ៉ា​ពី​ខេត្ត​កណ្តាល​ទៅ​កាន់​ក្រសួង​ការងារដើម្បី​តវ៉ា​ទាមទា​រអត្ថ​ប្រយោជន៍​បន្ថែម​ទៀត​និង​​ប្រាក់​បំណាច់​ការងារ។

ការ​តវ៉ានៅ​មុខ​រោងចក្រ​ ថៃ​យ៉ាង​​ អីុន​ធើ ​ប្រាយ( Tai Yang Enterprises)នៅក្នុង​ស្រុក​អង្គ​ស្នួល​​នេះបានកើតឡើង​ចាប់តាំង​ពី​ខែ​ឧសភា​មកម្លេ៉ះ​ ពេលដែល​កម្មករ​បាន​ដឹងថា​រោងចក្រ​នេះ​បាន​ប្តូរ​ឈ្មោះ​ទៅជា​ថៃ​ណាន ​​​​(Tai Nan) ហើយពួកគេព្រួយបារម្ភ​ខ្លាចបាត់​បង់​ប្រាក់​បំណាច់របស់​ពួក​គេ​។​កម្មករក៏​បាន​​ទាមទា​រ​ថ្លៃ​ធ្វើ​ដំណើរ​និង​ថ្លៃ​ឈ្នួល​ផ្ទះ​ប្រចាំ​ខែ​សរុប​ចំនួន​៣០​ដុល្លារ​ផង​ដែរ​ក្នុងម្នាក់​ៗ​។

​​​ក្រុម​កម្មករគ្រោង​​ដើរក្បួនតវ៉ា​ពី​រោង​ចក្រ​ទៅ​ក្រសួង​ការងារ​ក្នុង​រាជធានី​ភ្នំពេញក្រោយមក​បន្ត​ទៅ​ស្ថានទូត​អាមេរិក​និង​ទៅគេហដ្ឋាន​​របស់លោក​នាយក​រដ្ឋមន្ត្រី ហ៊ុន​ សែន​​ ដើម្បី​ដាក់ញតិ្ត​ទាម​ទារ​​របស់​ពួកគេ​។​ប៉ុន្តែ​ក្រុម​កម្មករត្រូវ​បាន​​​មន្រ្តី​កង​រាជ​អាវុធ​ហត្ថ​និង​នគរ​បាល​​​រារាំង ​ក្រោយ​ពី​ពួកគេ​បាន​មក​​​ដល់សង្កាត់​ចោម​​ចៅ  ​ហើយ​សន្យាថា ​ក្រសួង​ការ​ងារ​នឹង​ជួយ​ដោះ​ស្រាយ​បញ្ហារ​បស់​​​ពួកគេ​។​

កម្មការិនី​ ​ឌុច ចិន្តា​ អាយុ​២៨ ឆ្នាំ​បាន​និយាយ​ថា“យើង​មិនបាន​ដើរក្បួន​តវ៉ា​ទៅ​កាន់ក្រសួង​ការងារ​នោះទេ​ ពី​ព្រោះ​កង​កម្លាំង​ប្រដាប់អាវុធ​បាន​​រារាំង​​យើង​​ ហើយ​ប្រាប់ថា ​​ពួក​គេ​នឹង​ជួយ​ដោះ​​ស្រាយ​បញ្ហា​នេះ​”។​គាត់បាន​បន្ថែមទៀតថា​ នគរបាល​បាន​​រុញច្រាន​ពួគគេ​ដោយ​ខែលនិង​ដំបង​ហើយបាន​បណ្តាល​ឲ្យ​​រង​របួស​តិចតួច​។​

​​​លោកទូច​ ណារ៉ុថ​ ស្នង​ការ​នគរ​បាល​រាជ​ធានី​ភ្នំពេញ​បានមាន​ប្រសាសន៍​ថា នគរបាល​មិនចង់ឲ្យ​​កម្មករ​ទាំង​នោះ​​ដើរក្បួន​​តវ៉​ា​នៅ​តាម​ផ្លូវ​ជាតិ​លេខ​៤​នោះ​ទេ ពី​ព្រោះវា​នឹង​​បណ្តាល​ឲ្យកកស្ទះ​ចរាចរណ៍​។​​ ​លោក​បន្ថែម​​ថា​ “រាល់ពេល​កម្មករ​ដើរ​ដង្ហែក្បួន​និង​នគរបាល​​ព្យាយាម​រារាំង​ពួក​គេ​នោះ​តែងតែ​មានការ​ប្រវាយ​ប្រតប់គ្នា​”​។

លោក​​ សាត​ សាមុត​ អនុរដ្ឋ​លេខា​ក្រសួង​ការងារ ថ្លែងថា ​ កិច្ចប្រជំុ​រវាង​តំណាង​សហជីព​​និង​បុគ្គលិក​ក្រុមហ៊ុន​​មិន​មាន​ផ្លែផ្កាទេ។​ លោក​​អះអាងថា​ “យើង​មិន​អាច​ទទួល​បាន​​ដំណោះ​ស្រាយឥឡូវ​នេះ​ទេ ​ហើយ​ថ្ងៃ​ស្អែក​យើង​នឹង​ពិភាក្សា​ម្តងទៀត​។​ភាគីទាំង​ពីរបាន​លើក​បញ្ហា​ជា​ច្រើន ​ហើយ​យើង​នឹង​ពិភាក្សាពីបញ្ហា​ទាំង​នេះ”។

លោក​ស្រី​ ​ម៉ាយ​លីន​ ចឹង(Mylinh Cheng)​ប្រធាន​ផ្នែក​ទំនាក់​ទំនង​ប្រព័ន្ធ​ផ្សព្វផ្សាយ​​ប្រចាំ​តំបន់​អាសុីប៉ាសុីហ្វិក​របស់​​ក្រុមហ៊ុនលីវ៉ាយ​​ ស្រ្តស​ បានមាន​ប្រសាសន៍ថា ​ក្រុម​ហ៊ុន​លីវ៉ាយ​​ ស្រ្តស​ កំពុងតាមដាន​យ៉ាង​យក​ចិត្តទុកដាក់​ចំពោះ​​ការតវ៉ា​នៅ​​​​​​​រោងចក្រ​ថៃ​យ៉ាង​​ អីុន​ធើ​ ប្រាយ​​​។

លោកស្រី​ ចឹង​ បា​ន​មាន​ប្រសាសន៍​​បន្ត​ដូច្នេះទៀត​ថា “​យើង​​​​លើកទឹកចិត្តឲ្យ​ភាគី​ពាក់ព័ន្ធ​​រក​ដំណោះ​ស្រាយ​​ប្រកប​ដោយ​ការ​​ទទួល​ខុស​ត្រូវ”។​

ក្រុមហ៊ុន​ លីវ៉ាយ​​ ស្រ្តស​ ​បន្តធ្វើការ​ជា​មួយ​​កម្មវីធី​រោងចក្រល្អប្រសើរ​របស់​អង្គការ​ពលកម្ម​អន្តរជាតិ​​(ILO)ដើម្បី​ជួយ​គាំ​ទ្រ​សិទ្ធិ​កម្មករ និង​បាន​លើក​កម្ពស់​ទំនាក់​ទំនង​ឧស្សា​ហកម្ម​ក្នុង​ប្រទេស​កម្ពុជា​៕ប្រែសម្រួល​ដោយ​ លី​ ដា​រ៉ូ​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស