25 C
Phnom Penh

គ្រាន់តែអះអាងកាន់កាប់ដី ត្រូវតុលាការចាត់ទុកថា ជាប្រភេទបទល្មើសមួលបង្កាច់ និងញុះញង់

ដោយ ឌឹ ខេមបូឌា ដេលី

បទវិភាគ

សា​លា​ដំបូង​ខេត្តកំពង់ឆ្នាំង បានសាកសួរ​អ្នកភូមិ​បួននាក់​ក្នុងចំណោមអ្នកភូមិ​ចំនួន​១២​នាក់​ដែលត្រូវ​បាន​កោះ​ហៅ ដើម្បី​សាកសួរ​ចំពោះ​ករណី​ជម្លោះដីធ្លី​ នៅ​ស្រុក​សាមគ្គី​មានជ័យ ដែល​អ្នក​ភូមិ​ចំនួន​៨០​គ្រួសារ​បាន​ដាក់់ញត្ដិប្រឆាំងនឹង​ម្ចាស់​ក្រុមហ៊ុន​ឯក​ជន​មួយ​ដែលអ្នកភូមិ​បាន​ចោទ​ប្រកាន់​ថា បាន​ចាប់​យក​ដី​របស់ពួកគាត់នោះ។

នៅពេល​ជម្លោះ​កើតចេញពី​ពីការ​ចោទ​ប្រកាន់​ពាក់ព័ន្ធការ​ចាប់​យកដីធ្លីនោះ​ តុលា​ការបាន​កោះ​ហៅ​អ្នកភូមិចំនួន​១២​នាក់ ដើម្បី​សាក​សួរ​ បន្ទាប់ពីពួកគាត់ត្រូវ​បាន ចោទ​ប្រកាន់​​ពីបទបង្ខូចឈ្មោះ​ និងពីបទ​ញុះញង់ដោយ មេដឹកនាំ​ចំនួន​ប្រាំនាក់​ ដែល​ជា​ខ្មែរ​អុីស្លាម​​នៅក្នុង​ឃុំក្រាំងលាវ ដែល​អ្នក​ភូមិ​បានអះ​អាងថា មាន​ជាប់ពាក់ព័ន្ធ​នឹង​ង​ការ​ចាប់​​យក​ដីរបស់់ពួកគាត់​នោះ។ លោក ស៊ុន ពូ អាយុ៣៦​ឆ្នាំ អ្នក​ភូមិ​ម្នាក់​ក្នុងចំណោម​អ្នកភូមិ​ដែលលោក ពេញ វិបុល ព្រះរាជ​អាជ្ញាអម​សាលា​ដំបូង​ខេត្ត​​ បាន​សាក​​​សួរនោះ បាន​លើក​ឡើង​ថា​ គាត់​មាន​កិច្ច​សន្យា​​ ដែលបញ្ជាក់ថា ​មេដឹកនាំ​ខ្មែរ​អុីស្លាម​ទាំងប្រាំនាក់នោះ​បាន​រួមគំនិត​ជាមួយ អ្នក​ស្រីអ៊ូ ខាលី​ អ្នក ជំនួញ​ម្នាក់​ដើម្បីចាប់​យក​ដី​របស់ពួកគាត់​។

លោក ស៊ុន ពូ បានលើកឡើងថា “ យើង​មានភស្តុតាងអំពី​មេដឹកនាំ ដែល​ជាជន​ជាតិ​អុីស្លាម​ទាំងប្រាំនាក់​នោះ។ យើង​មិនបាន​ញុះ​ញង់ ឲ្យ​អ្នកភូមិផ្សេងទៀត​ប្រឆាំងនឹង ពួក​គេ​ទេ ប៉ុន្តែ​​ អ្នកភូមិ​ចង់តវ៉ា ដើម្បី​ទាមទារ​ថា​អ្នកភូម​ចង់​ទុក​ដីព្រៃនេះ​សម្រាប់​ប្រើ​ជា​ផល​ប្រយោជន៍​សហគមន៍ របស់​អ្នក​ភូមិ”។ លោក ស៊ុន ពូ បាននិយាយថា តុលា​ការ​គួរ​​​តែ​លើក​លែង​ការ​ចោទ​ប្រកាន់​ពីបទ​បង្ខូច​ឈ្មោះ​​ និង​ការ​ញុះញង់​នេះ​ ហើយបែរមក​ផ្តោត​​លើ​ថា តើ​នរណាជា​ម្ចាស់​ដីវិញ​។​

លោក សំ ចាន់គា អ្នក​សម្រប​សម្រួល​របស់​អង្គការ​សិទ្ធិ មនុស្ស​អាដហុក ប្រចាំ​ខេត្ត​កំពង់​ឆ្នាំង បាន​​មាន​ប្រសាសន៍​ថា ជម្លោះ​ដីធ្លី​នេះ​​បាន​កើតឡើង​កាលពីឆ្នាំមុន នៅ​ពេលអ្នក​ភូមិ​ចំនួន​១០៣​គ្រួសារ នៅក្នុងភូមិ​ត្រមូងជ្រុំ ឃុំក្រាំងលាវ បានលក់ដី​របស់​ខ្លួន​​​ទំហំ​១៣៦​ហិក​តា ទៅ​ឲ្យអ្នកស្រី កាលី ដែល​ជា​អ្នក​ជំនួញ​​នោះ។ ទោះបី​ជាយ៉ាង​ណា  ពេល​ដែល​​អ្នក​ស្រី កាលី បាន​បញ្ជូន គ្រឿង​​ចក្រទៅ​ឈូស​ឆាយ​​ដីព្រៃ ដែលខ្លួន​ទើបតែបានទិញនោះ​ ពួកគេបែរជា​បានឈូសឆាយ​ដី​អ្នក​ភូមិ​ទំ​ហំ​៦៥៤​ហិកតា​ទៅ​វិញ​។​

កាលពីខែមករា លោក វិបុលព្រះ​រាជ​អាជ្ញាអមសាលាដំបូង​ខេត្ត​បាន​ប្រឈម​​មុខ​ជាមួយអ្នក​ភូមិ​ទាំងនោះ ​ចំពោះ​ការ​តវ៉ា​ប្រឆាំង​នឹងអ្នកស្រី កាលី ដោយ​បាន​ប្រាប់​អ្នក​ភូមិ​ថា អ្នកស្រី​មានសិទ្ធិ​ឈូសឆាយដី​ទំហំ​៦៥៤ហិកតា ដែលគាត់​បានទិញពី​មេដឹក​នាំ​ទាំង​​ប្រាំនាក់​ដែល​ជាជន​ជាតិ​អុីស្លាម ហើយ​​ប្រសិនបើអ្នកភូមិ​មិនសុខចិត្ត អ្នកភូមិគួរតែ ដាក់ពាក្យបណ្តឹង​ទៅតុលាការ​។

អ្នកភូមិបានដាក់់ពាក្យបណ្តឹង​ទៅ​អភិបាល​​ខេត្ត​ និង​សមាជិកសភា​មកពី​គណបក្ស​ប្រជា​ជនកម្ពុជា គឺ​លោក គង់ សំអុល ប៉ុន្តែ ករណី​នេះ​នៅមិន​ទាន់​បានដោះ​ស្រាយ​នៅឡើយ​ទេ។​ លោក វិបុល បានលើកឡើងថា ទោះជា​យ៉ាង​ណា​ កាលពីថ្ងៃទី៩ ខែកក្កដា មេដឹកនាំ​ទាំង​ប្រាំ​នាក់​ដែល​ជាជន​ជាតិអុីស្លាម​​បាន​ដាក់​ពាក្យ​បណ្តឹង​ចោទ​ប្រកាន់​ពីបទ​បង្ខូច​ឈ្មោះ​ និងញុះញង់​ប្រឆាំង​នឹង​អ្នក​ភូមិ​ដែល​បានតវ៉ាទាំងនេះ ហើយ​ក្រោយ​មក​ប៉ុ​ន្មា​ន​ថ្ងៃ ព្រះរាជ​អាជ្ញា​អមសាលា​ដំបូងខេ​ត្តបាន​ចេញដីកាកោះ​ហៅ​អ្នក​ភូមិទាំង​១២នាក់​នេះ។​​

លោក សំ ចាន់គា អ្នកសម្របសម្រួល អង្គការអាដ​ហុក​​បានថ្លែងថា គាត់​មិន​ដែលបានឃើញ​ដី​កាកោះ​ហៅ ណា​ធ្វើ​យ៉ាង​លឿន​​ដូច្នេះពី​តុលាការ​ក្នុងប្រទេស​កម្ពុជា​ឡើយ។​ លោក​បាន​បន្តថា “ខ្ញុំគិតថា ​តុលា​ការ​កាត់ក្តីក្នុងករណី នេះ​ពិតជាលឿន​ពេក​ហើយ​។ វាពិតជាករណី ចម្លែក​ណាស​់។​ខ្ញុំមិ​ន​ដែល​ឃើញ​ករណី​បែបនេះ​ពីមុនមកទេ។​

មេដឹកនាំ​ម្នាក់ ក្នុងចំណោមមេដឹក​នាំខ្មែរ​អុីស្លាម​ទាំង​ប្រាំនាក់នោះ​ គឺ​លោក មុត សេន បដិសេធ​ថា មិនបាន​លក់ដី​អ្នក​ភូមិ​ទេ។  ប៉ុន្តែ លោក​ បានអះអាងថា អ្នកភូមិត្រមូង​ជ្រុំមិ​នបានកាន់កាប់ដីដែលអ្នកស្រី កាលី ទាម​ទារ​នោះ​ទេ។ នៅមិនទាន់កំណត់​កាល​បរិច្ឆេទ​​​​ សម្រាប់​បន្តការ​សាកសួ​រ​នៅ​ឡើយ​ទេ៕ ប្រែសម្រួលដោយ ពេជ្រ សុភ័ក្ត្រ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស