31 C
Phnom Penh

ប្រាំបី​​​នាក់​ត្រូវ​ឃាត់​ខ្លួន​ជុំ​វិញ​ការចាប់​បង្ខាំង​មនុស្ស ​ចាប់​រំលោភ​ និងបង្ខំ​​​ឲ្យ​​​ប្រើប្រាស់ថ្នាំ​​​ញៀន

ដោយ ឌឹ ខេមបូឌា ដេលី

បទវិភាគ

នគរ​​បាលបាន​​និយាយ​ថា កាលពីថ្ងៃអាទិត្យសមាជិកចំនួនប្រាំ​​​បីនាក់​​​នៃគ្រួសារមួយត្រូវ​​​បាន​​​ចាប់ខ្លួន​​​ ក្នុង​​​រាជ​ធានី​​ភ្នំពេញ​​​​ចំពោះ​ការ​ចាប់​​​​បង្ខាំង​មនុស្ស​​​ប្រាំនាក់​​​ដោយ​​​ខុស​​​ច្បាប់ដោយ​អ្នក​ទាំង​នោះ​សុទ្ធ​តែ​ជា​សមាជិក​​​​​​​នៃ​​​គ្រួសារ​​​មួយ​​​ផ្សេង​​​ទៀត​ ដែល​​​​បាន​រង​ការ​ចាប់​​​​រំលោភ​​​សេព​សន្ថវ:​ និង​​​​ត្រូវ​គេ​បង្ខំ​​​ឲ្យ​​​ប្រើ​​​ប្រាស់គ្រឿង​​​ញៀន។

លោកប៊នសំអាតអធិការ​នគរ​បាល​ខណ្ឌបាន​​​មាន​​​ប្រសាសន៍​​​កាល​​​ពី​ថ្ងៃច័ន្ទ​​​ថាអាជ្ញាធរ​បាន​ដឹង​រឿង​នេះនៅ​​​ពេល​​ស្ត្រី​​ម្នាក់​​បានស្រែក​​​​ឲ្យគេ​​​ជួយពី​រានហាល​ផ្ទះ​ជាន់​​​ទី២​ក្នុង​​​ សង្កាត់ចោមចៅ​​​ ខណ្ឌពោធិ៍សែនជ័យដោយស្រែក​​ថានាង​ត្រូវ​គេ​ចាប់​បង្ខាំង។​​​​

លោកសំអាតបាន​​​មាន​​​ប្រសាសន៍​​​ថា​ “យើង​​​បាន​​​ជួយ​​​​សង្គ្រោះ​មនុស្ស​ប្រាំនាក់​​ ​​​រួម​​​ទាំង​​​ស្ត្រី​​​បីនាក់​ផង ​​​​មក​​​ពី​​​ខេត្ត​កំពង់ចាម ​​​ដែល​​​បាន​​​​ចាញ់​បោក​​​ក្រុម​​​ចែក​​​ចាយ​​​គ្រឿង​​​ញៀន​​​ ហើយ​​​ត្រូវ​​​​​គេ​​​ឃំុ​​​ខ្លួន​​​អស់​​​​​​ពី​​​រថ្ងៃ​​​កន​​​្លះ​​​”។

លោកបាន​​​បន្ថែមថា​ នារី​រងគ្រោះ​​បីនាក់​ដែល​ជាបង​ប្អូន​បង្កើត​ ​មាន​ឈ្មោះ​ដូចជា ​កែវ  ស្រីនាង អាយុ១៧ឆ្នាំ  កែវ ស្រី ភ័ណអាយុ ១៩ឆ្នាំ​ និងកែវ សុភី អាយុ ១៧​​​ ឆ្នាំនិងយុវ​ជន​ឈ្មោះ ឃី ភារី អាយុ ២៨ឆ្នាំនិង​​​ ប៊ី ​​​រ៉ាភ័ណ ​​​អាយុ២១ឆ្នាំជាសមា​ជិក​ក្នុង​គ្រួសារ​រង​គ្រោះ​មក​​​ពី​​​ស្រុក​​​ចំការ​​​លើ​​​​​នេះ​ ត្រូវ​​​បាន​​​​ជន​ល្មើស​ល្បួង​ឲ្យ​មកភ្នំ​​​ពេញ​​​ដោយ​​​សន្យាថា ​​​នឹង​​​រក​​​ការងារ​​​ឲ្យ​ធ្វើ​ និង​​​ទិញ​​​សម្លៀក​​​បំ​​​ពាក់ថ្មី​ឲ្យ​ ។

លោក​បាន​​លើក​ឡើង​ទៀតថា​​​ ​ប៉ុន្តែនៅ​​​ពេល​​​ដែលពួក​​​គេបាន​​​មក​​​ដល់​​​ផ្ទះនៅ​​​ភ្នំពេញដែល​ពួកគេ​​​​​​គិត​​​ថានឹង​ជួល​​​នេះពួក​​​គេ​​​​​បែរ​ជា​ត្រូវ​​គេ​បង្ខំ​ឲ្យ​លក់​​​ថ្នាំ​​​ញៀន​ទៅ​វិញ​​​។​​​នៅ​​​ពេល​​​​​​ពួក​​​គេ​​​បដិ​​​សេធ ពួក គេ​​​​ក៏ត្រូវ​ជន​​ល្មើស​ឃំុ​​​​ខ្លួន​​​​ក្នុង​​​បន្ទប់​​​ បង្ខំឲ្យ​ប្រើប្រាស់​​​គ្រឿង​​​ញៀន​​​​និង​​​​​ធ្វើ​ទារុណ​កម្ម។​

លោកបន្តថាស្ត្រី​វ័យ​ក្មេង​ទាំង​​​​នោះ​​​ត្រូវ​​​​ជន​ល្មើស​ចាប់​រំលោភនិង​​វាយដំ​យ៉ាង​​​ដំណំ ​​​ហើយ​​​ត្រូវបាន​​​គេ​​​បញ្ជូន ទៅ​​​មន្ទីរ​​​ពេទ្យ ​​​ដើម្បី​​​​​​ទទួល​ការព្យាបាល​​​។ លោក​លើក​ឡើង​ថា“ ជន​​​​​​ល្មើសទាំង​​​ប្រាំបី​​​ នាក់​​ រួម​ទាំង​​​ស្ត្រី​​​បី​នាក់​ផង​នោះគឺជាសាច់​ញាតិ​នឹង​គ្នា​។​​​ យើង​​​នឹង​​​​បញ្ជូន​​​ពួកគេ​​​ទៅ​​​សាក​​​​សួរនៅ​​​តុលាការ។ពួកគេ​​​​ត្រូវ​បាន​​ចោទ​​​ប្រកាន់​​​ពី​​​​បទ​ល្មើស​បួន​​​ករណី​​​ផ្សេងគ្នា”។​​​​​​លោកបាន​​បញ្ជាក់​ថាជន​​​សង្ស័យ​​​​ត្រូវ​​​​បាន​ចោទ​​​ប្រកាន់​​​ពីបទ​​​រំលោភ​​ស្ត្រី​ទាំង​​នេះបង្ខំ​​​ជន​​​​​​រងគ្រោះឲ្យប្រើ​​​ប្រាស់​​​និង​​​លក់​​​គ្រឿង​​​ញៀន​​​ ព្រម​ទាំង​ជំរិត​​ទារ​​​​ប្រាក់​​​១០.០០០​ដុល្លារ​​​​ពី​​​ក្រុម​​​គ្រួសារ​​​​​​ជន​​​រងគ្រោះ​ទៀត​ផង។

លោក​​​​បាន​​​មាន​​​ប្រសាសន៍​​​ថាឈ្មោះ ចិត្រចន្ធីអាយុ៣០ឆ្នាំនិង​​​ប្រពន្ធ​ឈ្មោះ ក្រូចសាវី​​​ អាយុ​​​៣០​​​ឆ្នាំ​​​ ព្រម​​​ទាំង​​​​​​​ឈ្មោះ ក្រូច ​ធឿន អាយុ​​​៣២ឆ្នាំ​ ដែល​ជា​​​សមាជិកគ្រួសារ​​​​​នេះត្រូវបាននគរបាល​ចាប់​ខ្លួន​ នៅ​ពេល​​​ដែល​​​ពួកគេព្យាយា​​​ម​​​ជិះ​​រថ​យន្ត​​​​គេចខ្លួន​។ លោក​បន្ថែម​​​ទៀតថា ​​​នគរបាល​​​បានចាប់ខ្លួន​​​​​ជន​​​សង្ស័យ​​​ប្រាំនាក់​​​ផ្សេង​​​ទៀត​​​នៅ​​​ផ្ទះ ​​​ដែល​​​ជនរង​​​គ្រោះ​​​ត្រូវ​បាន​ឃុំ​ខ្លួន​។

លោក​បាន​​​មាន​​​ប្រសាសន៍​​​ទៀត​​​ថាពីរ​នាក់ក្នុង​ចំណោម​ជន​សង្ស័យ​ទាំង​នេះ​​បាន​​​ឆ្លើយ​​​សារភាព​​​ថាខ្លួន​ស្ថិត​ក្នុង​ក្រុម​​មួយ​ដែល​លក់​គ្រឿង​ញៀន​​​​ទូទាំង​រាជ​ធានី​​ភ្នំពេញ។​​​នគរបាលបាន​​​រក​​​ឃើញ​​ថ្នាំ​ញៀន​​​មេតំហ្វេ​តាមីន​​​មួយ​​​ចំនួន​​​តូចនិង​ថង់​​​បា្លស្ទីក​​​ចំនួន​១០.០០០ប្រើសម្រាប់​ច្រកថ្នាំ​​​ញៀន ប៉ុន្តែសង្ស័យ​ថា ​​​ថ្នាំញៀន​ច្រើន​ជាង​នេះ​ ​​ត្រូវ​​​បាន​​​ជន​សង្ស័យ​​ចាក់​​​​ចូល​ក្នុង​​​បង្គន់​​​ មុន​​​ពេល​​​​​​នគរ​​​បាលទៅ​​​ដល់​​​។​

លោក​​​ ចេងខុនប្រធាន​​​ភូមិ​​​ទួល​​​ពង្រ ​​​បាន​លើក​ឡើ​ង​ថា “ ស្ត្រីរងគ្រោះម្នាក់​​​បាន​​​បង្ហាញ​​​ខ្លួន​​​នៅលើ​​​រានហាល​​​ជាន់​​​ទី២​នៃ​ផ្ទះ​ជួល​របស់​​​ជនសង្ស័យ ​​​ហើយបានស្រែកហៅ​​​អ្នកភូមិឲ្យជួយ​​​​​​។វាបានបង្កឲ្យ​​​មាន​ការ​ភ្ញាក់​ផ្អើល​​​​ក្នុង​​​ចំណោម អ្នក ភូមិ​​​ ហើយ​​​ពួកគេ​​​បាន​ទូរស័ព្ទ​​​ចូល​ប៉ុស្តិ៍វិទ្យុអេប៊ីស៊ី (ABC) ដើម្បីប្រាប់​​​ពួក​​​គេឲ្យ ជួយផ្សព្វផ្សាយ​​​នូវអ្វី ដែលបាន​​​កើតឡើង​​​ និងសូមឲ្យនគរបាលជួយសង្គ្រោះ​​​​​​ជនរង​​​គ្រោះ”៕

ប្រែសម្រួល ដោយ ពេជ្រ សុភ័ក្ត្រ​​​​​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស