មេធាវី​លោក ម៉ម សូណង​់ដូ ៖ មាន​ការ​អះអាង​ផ្លូវ​ច្បាប់​តិច​តួច​ចំពោ​ះ​ការ​ឃុំ​ខ្លួន​បណ្ដោះ​អាសន្ន​

ក្នុង​ពាក្យ​បណ្ដឹង​មាន​១០​ទំព័រ មេធាវី​របស់​លោក​ ម៉ម​ សូណង់ដូម្ចាស់​ស្ថានីយ​វិទ្យុ​ឯក​រាជ្យ​កាលពី​ម្សិល​មិញ​បាន​ជំរុញ​ឲ្យ​សាលាដំបូង​រាជធានី​ភ្នំពេញ ដោះ​លែង​កូន​ក្ដី​អាយុ​៧១​ឆ្នាំ​របស់​ខ្លួន​ ឲ្យនៅ​ក្រៅ​ឃុំ​​បណ្ដោះ​អាសន្នដោយ​លើក​ឡើង​​ថា គាត់​​មិន​​រត់​​គេច​ខ្លួន​ឡើយ​ ហើយ​​ថា​មិន​មាន​ហេតុ​ផល​​ផ្លូវ​ច្បាប់​​រឹង​​មាំ​ដើម្បី​ឃុំ​ខ្លួន​គាត់​​ឡើយ​។

លោក​ សុកសំអឿននាយក​ប្រតិបត្តិ​ក្រុម​អ្នក​ច្បាប់​ការពារ​សិទ្ធិ​កម្ពុជា និង​ជា​មេធាវី​របស់​លោកម៉ម​ សូណង់ដូ ​មាន​ប្រសាសន៍​​ថា”យោង​តាម​មាត្រា​២០៤ នៃ​ក្រមនីតិ​វិធី​រដ្ឋ​ប្បវេណី​ចែង​ថា មាន​ប្រាំ​មួយ​ចំណុច​ ដែល​អាច​ជា​ហេតុ​ផល​សម្រាប់​ការ​ឃុំ​ខ្លួន​បណ្ដោះ​អាសន្ន ហើយ​ខ្ញុំ​គិតថា មិន​មាន​​ហេតុ​ផល​ណាមួយ​​ក្នុង​ការ​បន្ដ​ឃុំ​ខ្លួន​លោកម៉មសូណង​់ដូទេ”។

មេធាវី​បាន​ធ្វើ​សំណើសុំ​​ឲ្យ​មាន​ការ​ដោះ​លែង​លោកម៉ម​ សូណង់​ដូនៅ​ក្រៅ​ឃុំ​បណ្ដោះអាសន្ន​​ជា​លើក​ទី២ហើយ ​ចាប់​តាំង​ពី​ការ​ចាប់​ខ្លួនគាត់នៅ​ថ្ងៃទី​១៥ ខែកក្កដា។នាយក​វិទ្យុ​សម្បុក​ឃ្មុំដែល​និយាយ​គ្មាន​សំចៃ​ និង​ជា​ប្រធាន​អង្គការ​ក្រៅ​រដ្ឋាភិបាល​ផ្នែក​គ្រាំ​ទ្រ​​សិទ្ធិ​មនុស្ស គឺ​សមា​គមអ្នក​ប្រជា​ធិប​តេយ្យ​នោះ ​លោក​ ម៉​មសូណង​ដូត្រូវ​បាន​ចោទ​ប្រកាន់​បួន​ករណី ទាក់​ទង​នឹង​ការ​បង្កើត​​ចលនា​អបគម​ន៍។

ប៉ុន្ដែ ខណៈ​ដែល​ការ​ចោទ​ប្រកាន់​ទាំង​នេះ​​បាន​រង​ការ​​រិះ​គន់​យ៉ាង​ខ្លាំ​ងហើយ​រឿង​ក្ដី​ប្រឆាំង​នឹង​លោក​ ម៉មសូណង់ដូហាក់​ដូច​ជា​​មិន​រឹង​មាំនោះ​ លោក​អាច​ត្រូវ​បាន​ឃុំ​ខ្លួន​​បណ្ដោះ​អាសន្ន​ ដោយ​ស្របច្បាប់​​រហូត​​ដល់​ទៅ​​១៨​ខែ។ លោកសុកសំអឿនបាន​បដិ​សេធ​មិន​ធ្វើ​អត្ថាធិប្បាយ​អំពី​​ជោគ​ជ័យ​​នៃ​សំណើ​របស់​លោកទេ​ ក៏​ប៉ុន្ដែ​ លោក​​មាន​ប្រសាសន៍​ថា មាន​ហេតុ​ផល​ផ្លូវ​ច្បាប់​គ្រប់​គ្រាន់​ ដែលកូន ​ក្ដី​របស់​លោកគួរ​តែត្រូវ​បាន​អនុញ្ញាត​ឲ្យ​នៅ​ក្រៅ​ឃុំ​​បណ្ដោះ​អាសន្ន។

លោក​​បាន​មាន​ប្រសាសន៍​ថា “ ដំបូង​គឺ​ជា​បទ​ព្រហ្ម​ទណ្ឌ​។អ្វី​ដែលបាន​កើត​ឡើង​នៅ​ក្នុង​ភូមិ​ប្រមា បាន​បញ្ចប់​ហើយ​ ហើយ​ស្ថិត​ក្រោម​ការ​ត្រួត​​ត្រា​របស់​នគរ​បាល​ដែល​គួរ​តែ​មាន​ភស្ដុតាង​ពី​សាក្សី​”។ ​លោកសំអឿនបាន​បន្ថែមថា “ គាត់​មាន​ផ្ទះ​មួយ​ខ្នង ​ស្ថានីយ​វិទ្យុ​មួយ​កន្លែង​ ហើយ​គាត់​បាន​ដឹង​ថា នៅ​ពេល​ដែល​គាត់​ត្រឡប់​មក​កម្ពុជាវិញ​ គាត់​នឹង​ត្រូវ​គេ​ចាប់​ខ្លួន​។គាត់​ចង់​បង្ហាញ​ពី​ភាព​គ្មាន​កំហុស​​របស់​គាត់​ ហើយ​ ​ក៏​មក​កម្ពុជាទៅ។គ្មាន​ហេតុ​ផលណា​មួយ គិត​ថាគាត់​នឹង​រត់​គេច​ខ្លួន​នោះទេ”។

គ្មាន​ការ​ឆ្លើយ​តប​ចំពោះសំណើ​ជា​ច្រើន​សុំ​អត្ថាធិប្បាយ​ពី​លោក​ស្រី​ចៅ​ក្រម​ស៊ើប​អង្កេត​​ សែមសក្ដិកូឡានិង​ព្រះ​រាជ​អាជ្ញា​រង​ មាសច័ន្ទពិសិដ្ឋទេ។អង្គការ​សិទ្ធិ​មនុស្ស​បាន​រិះគន់​ខ្លាំង​ៗ​ចំពោះ​រឿង​ក្ដី​នេះ ដោយបាន​​ហៅ​ការ​ចោទ​ប្រកាន់​នេះ​ថា​ ជា​ការ​មិន​ត្រឹម​ត្រូវ​ និង​ជា​ហេតុផល​នយោបាយ​។​អង្គការ​សិទ្ធិ​មនុស្សបាន​​បញ្ជាក់​ថាលោកម៉មសូណង់ដូ ​បាន​ផ្សព្វ​ផ្សាយ​តាម​វិទ្យុ​សម្បុក​ឃ្មុំ​នូវ​​​ពាក្យ​បណ្តឹង​ដែល​ក្រុម​អ្នក​ប្រឆាំង​មួយ​ក្រុម​​បាន​ប្តឹង​​រដ្ឋា​ភិ​បាល​កម្ពុជាទៅ​តុលាការ​ឧក្រិដ្ឋ​កម្ម​អន្ដរ​ជាតិ​ ពីបទ​ឧក្រិដ្ឋ​កម្ម​​ប្រឆាំង​មនុស្ស​ជាតិ​។

​មួយ​ថ្ងៃ​បន្ទាប់​ពី​ការ​ផ្សព្វ​ផ្សាយ​​រឿង​នេះលោក​ ម៉មសូណង់ដូត្រូវ​បាន​​​លោក​នាយក​រដ្ឋ​មន្ត្រី​ ហ៊ុនសែនចោទ​ប្រកាន់​ជា​សាធា​រណៈ​​ថាបាន​បង្កើត​ចលនា​អបគមន៍​មួយ​។ ​ភ្លាមៗនោះ សាលា​ដំបូង​ខេត្ត​ក្រចេះ​ បាន​ចេញ​ដីកា​ចាប់​ខ្លួន​គាត់​តែម្តង។

បើ​ទោះ​ជា​វានៅ​ថ្មីៗក៏ដោយ ក៏​អង្គ​ការ​សិទ្ធិ​មនុស្ស​បាន​លើកឡើង​ថា ខ្លួន​មាន​ការ​ព្រួយ​បារម្ភ​អំពី​ការ​បដិសេធ​របស់​តុលា​ការ​មិនព្រម​ដោះ​លែង​ឲ្យ​នៅ​ក្រៅ​ឃុំ​ជា​បណ្ដោះ​អាសន្ន​​នេះ។ លោកស៊ីវឺយេ (Shiwei Ye) អ្នក​តំណាង​ប្រចាំ​អាស៊ាន​​នៅ​សហ​ព័ន្ធ​សិទ្ធិ​មនុស្ស​អន្ដរ​ជាតិ​បាន​លើក​ឡើង​ថា “ ការ​បដិសេធ​មិន​ព្រមដោះ​លែង​ឲ្យ​នៅ​ក្រៅ​ឃុំនេះ ទំនង​ជា​គ្មាន​​ក្រៅ​ពី​ផែន​ការ​ដាក់​ទោស​លោក សូណង់ដូ ចំពោះ​​ការ​​រិះគន់​រដ្ឋាភិបាល​ឡើយ​។បទ​​ចោទ​ប្រកាន់ធ្ងន់​ធ្ងរ​ចំពោះ​​លោកហាក់​ដូចជា​បង្ហាញ​​​​​ពី​ការ​សម្រេច​របស់​រដ្ឋា​ភិបាល​ ដើម្បី​បំបិទ​សេរី​ភាព​របស់​លោក​​រយៈ​ពេល​យូរ​ ​មុន​​ពេល​បើក​សវនាការ”។

លោក​បាន​បន្ថែម​ថា “ ការ​ឃុំ​ខ្លួន​លោក​ ម៉ម សូណង​់ដូ ​បណ្ដោះ​អាសន្ន​​រយៈ​ពេល​យូរ​នឹង​​បំពាន​កាតព្វ​កិច្ច​របស់​កម្ពុជា​នៅ​ក្នុង​​សន្ធិ​សញ្ញា​សិទ្វិ​មនុស្ស។អង្គការ​សិទ្ធិ​មនុស្ស​នឹង ​មិន​ស្ទាក់​ស្ទើ​ក្នុង​ការ​បញ្ជូន​រឿង​ក្ដី​របស់​លោក​ទៅ​ក្រុម​ការ​ងារ​​អង្គ​ការ​សហ​ប្រជា​ជាតិ​ទទួល​បន្ទុក​ដោះ​ស្រាយ​ការ​​ឃុំ​ខ្លួន​តាម​​អំពើចិត្ត (UNWGAD)”៕

ប្រែ​សម្រួល​ដោយចេវប៊ុននី​​​​

                 

© 2012 – 2014, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.