28 C
Phnom Penh

អ្នក​តវ៉ា​ដែល​រលូត​កូន​បាន​ដាក់​ពាក្យ​បណ្ដឹង​ប្តឹង​មន្ត្រី​នគរបាល​ និង​មន្ត្រី​នៅ​ក្នុង​ខណ្ឌ​ដូន​ពេញ​

ដោយ ឌឹ ខេមបូឌា ដេលី

បទវិភាគ

ស្ត្រី​អាយុ​២៥​ឆ្នាំ​ម្នាក់​ ដែល​បាន​រង​គ្រោះ​ដោយ​សារ​ការ​រលូត​កូន​ បន្ទាប់​ពី​នគរបាល​បាន​វាយ​ និង​ទាត់​​ក្នុង​អំឡុង​​ការ​តវ៉ា​មួយ​កាល​ពី​ខែ​មិថុនា​ បាន​ដាក់​ពាក្យ​បណ្ដឹងទៅ​សាលា​ដំបូង​រាជធានី​ភ្នំពេញ​​​ដើម្បី​ប្តឹង​មន្ត្រី​​ និង​នគរ​បាល​ខណ្ឌ​ជា​ច្រើន​រូប​ កាល​ពី​ម្សិល​មិញ​ ។

អ្នក​ស្រីបូវស្រីស្រស់បាននិយាយ​​កាលពី​ម្សិលមិញ​ថា “ ខ្ញុំ​មិន​ចង់​បាន​ប្រាក់​ជា​សំណង​នោះ​ទេ​ ខ្ញុំ​ចង់​ឲ្យ​តុលាការ​រក​​យុត្ដិ​ធម៌​ឲ្យ​ខ្ញុំពី​ព្រោះ​ខ្ញុំ​មិន​សប្បាយ​ចិត្ត​ទេ​”។ លោកប្រាក់​ សាវុធក្រឡាបញ្ជី​នៅ​ការិយា​ ល័យ​ព្រះរាជអាជ្ញា បាន​មាន​ប្រសាសន៍​​ថាលោក​បាន​ទទួល​ពាក្យ​បណ្ដឹង​នេះ​​ដែល​បាន​ប្ដឹង​​ លោក​ ភួងម៉ាឡៃ​ ស្នង​ការ​រង​នគរ​បាល​​​រាជធានី​ភ្នំពេញ​  និង​លោកសុខពេញវុធជា​អភិបាល​រង​ខណ្ឌ​ដូន​ពេញ​ និង​មន្ត្រី​នគរបាល​ដែល​គេ​មិន​ស្គាល់​ឈ្មោះ​ផ្សេងទៀត​ ដែល​តាម​ចោទ​ថា​​ បាន​ទាត់​អ្នក​ស្រី​ ហើយ​លោក​បាន​និយាយ​​ថាលោក​នឹង​បញ្ជូន​ពាក្យ​បណ្ដឹង​នោះ​ទៅ​លោក​​ព្រះរាជ​អាជ្ញា​។

កាល​ពី​ថ្ងៃ​ទី​២៧​ ខែមិថុនាអ្នក​ស្រីស្រី​ ស្រស់​ ដែល​មាន​ផ្ទៃ​ពោះ​ពីរ​ខែបាន​ចូល​រួម​ធ្វើ​ការ​តវ៉ាដោយ​សន្ដិវិធី​​ ដើម្បី​គាំទ្រ​ស្ត្រី​អ្នក​ភូមិ​បឹង​កក់​១៣នាក់​ដែល​បាន​ជាប់​ពន្ធនាគារ​ ហើយ​ស្ត្រី​ម្នាក់​ក្នុង​ចំណោម​ស្ត្រី​ទាំង​នោះ​​ជា​បង​ស្រី​របស់​អ្នកស្រី​ ឈ្មោះបូវសោភា។

ស្ត្រី​ទាំង​១៣​នាក់​​កាល​ពី​ដំបូង​ត្រូវ​បាន​កាត់​ទោស​ឲ្យ​ជាប់​ពន្ធនាគារ​រយៈ​ពេល​ពីរ​ឆ្នាំ​កន្លះ​ កាល​ពី​ថ្ងៃ​ទី​២៤ខែ​ឧសភាដោយ​សារ​ការ​តវ៉ា​ប្រឆាំង​នឹង​ការ​បណ្តេញ​​ចេញ​ពី​តំបន់​បឹង​កក់​ ប៉ុន្ដែ​ ក្រោយ​​ពី​មាន​ការ​ថ្កោល​ទោស​ពី​សំណាក់​​អង្គការ​សិទ្ធិ​មនុស្ស​ ​សាលាឧទ្ធរណ៍​​​បាន​កាត់​បន្ថយ​ទោស​របស់​ពួក​គេ​។

នៅ​ថ្ងៃ​ដែល​សាលា​ឧទ្ធរណ៍​កំពុង​ជំនុំ​ជម្រះ​ក្ដី​ អ្នកស្រីស្រីស្រស់​ បាន​​ចូល​រួម​ការ​តវ៉ា​​នៅ​តាម​ដងផ្លូវ​នៅ​មាត់​ទន្លេ​ ហើយ​បាន​ក្លាយ​ជា​ហិង្សា​ដោយ​សារ​នគរបាល​បាន​រុញ​ច្រាន​ពួក​គេ​ឲ្យ​ត្រឡប់​ទៅ​ក្រោយ​វិញ​។ បន្ទាប់​ មក​នគរបាល​ម្នាក់​ដែល​គេ​មិន​ស្គាល់​ឈ្មោះ​ បាន​ទាត់​អ្នក​ស្រី​ ស្រីស្រស់ ដួល​ទៅ​នឹង​ដី​ ហើយ​អ្នក​ស្រី​បាន​សន្លប់​។ អ្នក​ស្រី​ត្រូវ​បាន​គេ​បញ្ជូន​ទៅ​កាន់​មន្ទីរ​ពេទ្យ​ និង​​ក្រោយមក​អ្នកស្រី​បាន​ដឹង​ថា កូន​របស់​​ស្រី​​បាន​រលូត​។

អ្នក​ស្រីស្រី​ស្រស់​ បាន​​និយាយ​ថាអ្នកស្រី​​នៅ​​មាន​សុខភាព​ខ្សោយ​ដោយ​សារ​ហេតុ​ការណ៍​​នេះ​ និង​មិន​អាច​ធ្វើ​ការបាន​នៅ​ឡើយ​។ អ្នក​ស្រី​​បន្ថែម​ថា “ ​ខ្ញុំ​ចង់​ឲ្យ​ពួក​គេ​ទទួល​ខុស​ត្រូវ​នូវ​អ្វី​ដែល​បាន​កើត​ឡើង​ពី​ព្រោះ​ពួក​គេ​បាន​ធ្វើខុស​ ខ្ញុំ​ដាក់​ពាក្យ​បណ្ដឹងប្តឹង​បុរស​​ទាំង​ពីរ​នាក់​នេះ​ [លោកភួងម៉ាឡៃនិង​លោកសុខពេញ​វុធ] ព្រោះ​ពួក​គេ​បាន​បញ្ជា​ដោយ​ផ្ទាល់​ឲ្យ​នគរបាល​វាយ​ខ្ញុំ​”។

លោក ម៉ាឡៃ​ ​ថ្លែង​កាល​ពី​ម្សិល​មិញ​ថាលោក​មិន​ខ្វល់​អំពី​ពាក្យ​បណ្ដឹង​ប្តឹង​លោក​ទេ​ ដោយ​បន្ថែម​ថា “ ​បើ​អ្នក​ស្រី​ចង់​​ប្ដឹង ​វា​ស្រេច ​តែ​អ្នក​ស្រី​ ខ្ញុំ​មិន​ខ្វល់​ឡើយ​។ លោក​ ពេញ​វុធ បាន​បដិសេធ​មិន​ធ្វើ​អត្ថា​ធិប្បាយ​ទេ៕

ប្រែសម្រួល​ដោយឃិនណៃ

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស