27 C
Phnom Penh

ចាប់​​​ខ្លួន​​​មនុស្ស​​​បួន​​​នាក់​​​នៅ​​​ក្នុង​​​ខេត្ត​​​បាត់​​​ដំ​​​បង​​​ពី​​​បទ​​​ជួញ​​​ដូរ​​​ពល​​​ករ​​​និង​​​ជួញ​​​ដូរ​​​កុមារ​​​ទៅ​​​ប្រទេស​​​ថៃ

ដោយ ឌឹ ខេមបូឌា ដេលី

បទវិភាគ

​​​​​​តំណាង​​​អង្គ​​​ការ​​​ក្រៅ​​​រដ្ឋា​​​ភិបាល​​​និង​​​ក្រុម​​​មន្ត្រី​​​បាន​​​លើក​​​ឡើង​​កាល​​​ពីម្សិល​​​មិញ​​​ថា​មនុស្ស​​​​បួន​​​នាក់​​​ត្រូវ​​​បាន​​​ចាប់​​​ខ្លួន​​​កាល​​​ពី​​​ថ្ងៃ​​​អង្គារ​​​នៅ​​​ក្នុង​​​ខេត្ត​​​បាត់​​​ដំ​​​បង​​​ពី​​​បទ​​​ជួញ​​​ដូរ​​​ជន​ជាតិ​​​កម្ពុជា​​​៣៣​​​នាក់​​​ រួម​​​ទាំង​​​កុមារផង​​​​ឲ្យ​​​ទៅ​​​ធ្វើ​​​ការ​​​នៅ​​​ប្រទេស​​​ថៃ​​​ ដែល​​​នៅ​​​ទី​​​នោះ​​​ពួក​គេ​​​​ត្រូវ​​​បាន​​​បង្ខំឲ្យ​​​ធ្វើ​​​ការ​​​ដោយ​​​គ្មាន​​​ប្រាក់​​​ឈ្នួល។​​​

​​​លោក​​ នី​​​កូឡាស អូ​​​ដូណែល (Nikolas

O’Donnell) មន្ត្រី​​​ទំនាក់​​​ទំនង​​​អង្គការ​​​សុីសា​​​(Sisha)​​​ដែល​​​ជាអង្គការ​​​ក្រៅ​​​រដ្ឋាភិបាល​​​ប្រឆាំង​​​ការ​​​ជួញ​​​ដូរ​​​មនុស្ស​​​​​​មាន​​​ប្រសាសន៍​​​ថាស្ត្រី​​​អាយុ​​​៦២​​​ឆ្នាំម្នាក់​​​និង​​​ បុរសបី​​​នាក់​​​​អាយុ​ខ្ទង់​​​៣០​​​ឆ្នាំ​​​ត្រូវ​​​បាន​​​ចាប់​​​​​​​ខ្លួន​​​​​​ក្នុង​​​ឃុំ​​​ជ្រៃ​​​សី​​​មា ស្រុក​​​សំពៅ​​​លូន ខេត្ត​​​បាត់​​​ដំបង ហើយ​​​ត្រូវ​​​បាន​​​បញ្ជូន​​​ទៅ​​​ខេត្ត​​​កំពង់​​​ឆ្នាំង​​​ជាទី​ដែល​ពួក​គេ​​បាន​នាំ​ជន​រង​គ្រោះ​មក​។

លោក អូដូណែល បាន​​​មាន​​​ប្រសាសន៍​​​ថាមេខ្លោង​ទាំង​​​បួន​​​នាក់​​​នេះ​​​​ស្ថិត​នៅ​ក្នុង​​​ក្រុម​​​ជួញ​​​ដូរ​​​មនុស្ស ហើយ​​មេខ្លោង​ម្នាក់​ដែល​​​​ត្រូវ​​​បាន​​​ចាប់​​​ខ្លួន​ពីក្រុម​នេះ​បាន​​​​​ជ្រើស​​​រើស​​ពល​​​ករ​​​នៅ​​​ក្នុង​​​ខេត្ត​​​កំពង់​​​ឆ្នាំង​​​ដោយ​​​សន្យាផ្ដល់​​​ការ​​​ងារ​​​នៅ​​តាម​​​​ស្រែ​ស្រូវ​របស់​​​​ថៃ​​​ដែល​​​នឹង​​​ទទួល​​​បាន​​​ប្រាក់​​​ខែ​​​ពី​​​១លាន​​​ទៅ​​​២​​​លាន​​​រៀល​​​ក្នុង​​​មួយ​​​ខែ។​​​

លោក​បន្ថែម​ថា ជន​​​រង​​​គ្រោះ​​​​ទាំង​​​៣៣​​​នាក់​​​ដែល​ខ្លះ​​​​មាន​អាយុ​​​ក្រោម​​​១៨​​​ឆ្នាំ​​​ត្រូវ​​​បាន​​​នាំ​​​ទៅ​​​ថៃ​​​តាម​​​ច្រក​​​ព្រំ​​​ដែន​​​ស្រុក​​​សំពៅ​​​លូន រួច​​​ហើយ​​​លក់​​​ទៅ​​​ឲ្យ​​​ម្ចាស់​​​កសិដ្ឋាន​​​ជន​ជាតិ​​​​ថៃ។​​​ លោក​​​បាន​​​បន្ដ​​​ថា “ បន្ទាប់​​​ពី​​​ត្រូវ​​​គេលក់​​​ហើយ ពួក​​​គាត់​​​ត្រូវ​​​គេ​​​បង្ខំ​​​ឲ្យ​​​ធ្វើ​​​ការ​​​ដោយ​​​គ្មាន​​​ប្រាក់​​​ឈ្នួល។​​​ប្រការ​​​នេះ​​​បាន​​​បណ្ដាល​​​ឲ្យ​​​ពួក​​​គាត់​​​រត់​​​គេច​​​មក​​​កម្ពុជា​​​វិញ ហើយ​​​ការ​​​មកដ​​​ល់របស់​​​ពួកគាត់​​​​បាន​​​ធ្វើ​​​ឲ្យ​​​នគរបាល​​​មាន​​​ការ​​​ភ្ញាក់​​​ផ្អើល”។លោក​​​បាន​​​បន្ថែម​​​ថា ពេល​​​នោះ​​​អង្គការ​​​សុី​​​សា បាន​​​ជួ​​​យនគរ​​​បាល​​​​ក្នុង​ការ​​​​​ស្វែង​រក​​​ជន​​​សង្ស័យទាំង​​​នេះ។​​​​​​​​

លោក ពេញ វិបុល ព្រះ​​​រាជអាជ្ញាអម​​​សាលា​​​ដំបូង​​​ខេត្ត​​​កំពង់​​​ឆ្នាំង​​​បាន​​​បញ្ជាក់​​​ថាតុលាការ​​​កំពុងតែ​​​ស៊ើប​​​អង្កេត​​​​រឿង​នេះ។ “ ពួកគេ[ជន​​​សង្ស័យ]​​​ពាក់​​​ព័ន្ធ​​​នឹង​​​បទ​​​​ល្មើស​ពី​រ​​​​បី​ករណី​គឺការ​​​ជួញ​​​ដូរ​​​កុមារ ការ​​​បំពាន​​​លើ​​​ពលករ និង​​​ការ​​​ជួញ​​​ដូរ​​​មនុស្ស”។ ទោះ​​​ជាយ៉ាង​​​ណា  លោកបាន​​​​​មាន​​​ប្រសា​សន៍​ថា “ យើង​​​ត្រូវ​​​ការ​​​ព័ត៌មាន​​​បន្ថែម ​​​និង​​​ត្រូវ​​​ដឹង​​ពី​ដំណើរ​រឿង​​​​នេះ​​​​ទើ​​​ប​​​អាច​​​ចោទ​​​ប្រ​​​កាន់​​​ពួកគេបាន”។​​​ លោក ឈិត សេង អធិការ​​​នគរបាល​​​ស្រុក​​​សំពៅ​​​លូន​​​បាន​​​បញ្ចាក់​​​ពី​​​ការ​​​ការ​​​ចាប់​​​ ខ្លួន​​​​ជន​ទាំង​នេះ​​​ថា ស្ត្រី​​ដែលត្រូវបាន​​​ចាប់​​​ខ្លួន​​​កាល​​​ពីថ្ងៃ​​​អង្គារ​​​គឺ​​​ជា​​​ម្ដាយ​​​ក្មេក​​​របស់​​​បុរស​​​ម្នាក់​​​ក្នុង​​​ចំណោម​​​បុរស​​​ទាំង​​​បី​​​នាក់​​​នោះ៕

​​​            ប្រែ​​​សម្រួល​​​ដោយ ហម សុផាណ្ណា​​​​​​​​​​​​​​​​​​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស