យោងតាមរបាយការណ៍ថ្មីមួយដោយអង្គការបញ្ឈប់ពេស្យាចារកុមារ ការរំលោភ និងការជួញដូរមនុស្សក្នុងប្រទេសកម្ពុជា (ECPAT)បានឲ្យដឹងថា ចំនួននៃករណីស្ត្រីពេញវ័យនិងកុមារ ដែលត្រូវបានគេជួញដូរផ្លូវភេទ កេងប្រវ័ញ្ចឬការរំលោភដែលបានរាយការណ៍មានការធ្លាក់ចុះ២៨ភាគរយ ក្នុងត្រីមាសទី២ក្នុងឆ្នាំ២០១២ បើធៀបទៅនឹងរយៈពេលដូចគ្នាកាលពីឆ្នាំមុន។
ក្នុងរបាយការណ៍ដែលបានចេញផ្សាយកាលពីសប្តាហ៍មុន បញ្ជាក់ថា មានបទល្មើសចំនួន៧៧ករណីក្នុងអំឡុងពេលចាប់ពីថ្ងៃទី១ខែមេសា ដល់ថ្ងៃទី៣០ ខែមិថុនា បើប្រៀបធៀបទៅនឹងរយៈពេលមុនពីថ្ងៃទី១ខែមករាដល់ថ្ងៃទី៣១ខែមីនាមានបទល្មើសចំនួន១០៧ករណី។
លោក ជិនច័ន្ទវាសនា នាយកប្រតិបត្ តិECPAT បានមានប្រសាសន៍ថា “ វាមានការលំបាកដើម្បីបញ្ជាក់ឲ្យបានច្បាស់អំពីមូលហេតុដែលនាំឲ្យមានការធ្លាក់ចុះនៅពេលនេះ ពីព្រោះយើងមិនទាន់បានកំណត់គោលដៅច្បាស់លាស់នៅឡើយ”។
ក្នុងរបាយការណ៍នោះបានបង្ហាញថា ចំនួនកុមារដែលបានរងគ្រោះដោយសារការជួញដូរផ្លូវភេទ បានធ្លាក់ចុះពីចំនួនប្រាំបីករណី ក្នុងត្រីមាសទី១ និងមានការធ្លាក់ធ្លាក់ចុះបីករណីក្នុងត្រីមាសទី២ និងករណីនៃកុមាររងគ្រោះដោយការរំលោភផ្លូវភេទបានធ្លាក់ចុះពី៧៤ករណី មក៥៩ករណី។
ចំណែកឯស្ត្រីពេញវ័យ ដែលត្រូវបានគេជូញដូរផ្លូវភេទ បានកើនឡើងពីមួយករណីទៅពីរករណី ក៏ប៉ុន្តែ ជនរងគ្រោះដោយសារការរំលោភផ្លូវភេទ បានធ្លាក់ចុះពី១៨ករណីមកត្រឹម១២ករណីវិញ និងការជួញដូរផ្លូវភេទបានធ្លាក់ចុះពីប្រាំមួយករណី មកត្រឹមតែមួយករណីប៉ុណ្ណោះ៕
ប្រែសម្រួលដោយ ឃិន ណៃ