38.8 C
Phnom Penh

កម្លាំង​​​សន្តិសុខនិង​មន្ត្រី​របស់​ក្រុម​ហ៊ុន ភាពីមិុច ​​​ប្រើ​​​រណា​​​រយន្ត​​​​​​​បំផ្លាញ​​​ផ្ទះ​​​អ្នក​​​ភូមិ​​​​​​​​​​នៅ​ពោធិ៍សាត់

ដោយ ឌឹ ខេមបូឌា ដេលី

បទវិភាគ

តំណាង​​​សហគមន៍​​​មូល​​​ដ្ឋាន​​​​​​មួយ​​​រូប បាន​​​មាន​​​ប្រសាសន៍​​​ថា​​​ កម្លាំង​​​សន្តិសុខ​​​ប្រដាប់​​​អាវុធ​​ រួម​​​ទាំង​​​មន្ត្រី​​​មួយ​​​ចំនួន​​​​ទៀត​​​មក​​​ពី​​​ក្រុម​​​ហ៊ុន ភាពីមិុច​​​(Pheapimex)បាន​​​បំផ្លា​​​​​​​​ញផ្ទះ​​​អ្នក​​​ភូមិ​​​ចំនួន​​​១០​​​គ្រួសារ ដោយ ប្រើ​​​រណារ​​​យន្ត​កាល​​​​ពី​​​ថ្ងៃ​​​សុក្រនៅ​​​ ក្នុង​​​ស្រុក ​ក្រគរ ខេត្ត ពោធិ៍​សាត់​​​ដើម្បី​បើក​​​​ផ្លូវ​​​ឲ្យ​​​ក្រុម​​​ហ៊ុន​​​វិនិ​​​យោគ​​​កសិ​​​ឧស្សា​​​ហ​​​កម្ម​​​ដ៏​​​ធំ​​​មួយ ។

លោក​​ ​សិទ្ធិ សារី​​​ មន្ត្រី​​​បណ្តាញ​​​សហគមន៍​​​ក្នុង​​​​​​​​​ឃុំត្នោត បាន​​​មាន​​​ប្រសាសន៍​​​ថា ​​​នគរ​​​បាល​​​​យោធា និងមន្ត្រី​​​មួយ​​​ចំនួន​​​​​​ទៀត​​​មក​​​ពី​​​ក្រុម​​​ហ៊ុន​ ភាពី​​​មុិច បាន​​​មក ដល់​​​កន្លែង ដី​​​ដែល​​​មាន​​​ជម្លោះ នៅម៉ោង​​​៨ព្រឹក ហើយ បាន​​​បញ្ជា​​​ឲ្យអ្នក​​​ភូមិ​​​ចំនួន​​​​​​៦៥​​​គ្រួសារក្នុង​​​តំបន់​​​នោះ ចាក​​​ចេញពី​​​លំ​​​នៅ​​​ដ្ឋាន របស់​​​ពួក​​​គាត់​​​ភ្លាមៗ​​​។

​លោក​​​ សារី ​​​លើកឡើង​​​ថា ប៉ុន្តែ​ពេល​ដែល​​អ្នក​​​ភូមិ​​​មិន​​​ព្រមចាក​​​ចេញនោះ​​​ស្រាប់​​​តែ​​​កម្លាំងសន្តិសុខ​​​បាន​​​យក​​​រណា​​​រយន្ត មក​​​កាត់​​​ជើងសសរ​​​ផ្ទះ​​​​​​​​​​​​​​​​​​របស់​​​​​​​​​ពួកគាត់​​​អស់​​​១០ខ្នង​​​តែ​​​ម្តង។ ផ្ទះ​​​ទាំង​​​នោះ ត្រូវសាង​​​សង់​​​លើ​​​​ដី​​​​​នេះ អស់​​​រយៈ​​​ពេល​ជាង​​​មួយ​​​ទស​វត្សរ៍ ​មក​ហើយ។

លោក​​​ សារី​​​ បាន មាន​​​ប្រសាសន៍​​​ ថា “ ខ្ញុំ​​​យល់ថា ​​​​​​​នេះ​​​ជា​​​សកម្មភាព​​​មួយដ៏​​​សា​​​ហាវ​​​ ពី​​​ព្រោះ មាន​​​មន្ត្រី​​​មក​​​ពី​​​ក្រុម​ហ៊ុនភាពីមុិច ​និង ​មន្ត្រី យោ​​​ធា​​​ចំនួន ​​​៨០​​​នាក់ មាន​​​វត្តមាន​នៅ​​​ទីនោះ ដោយពួកគេ​​​មួយ​​​ចំនួន​​​មាន​​​កាន់​​​កាំ​ភ្លើង​អាកា ៤៧(AK 47 ) ក្នុង ដៃផង​​​ដែរ។

ក្រុមហ៊ុន ភាពីមិុច​​​ ដែល​​​​​​​​​​កាន់​​​កាប់​​​ដោយ​ភរិយា​​របស់​​​ឈ្មោះ​​​ ឡៅ ម៉េងឃិន ​​​សមា​ជិក​​​ព្រឹទ្ធសភាមក​​​ពី​គណបក្ស​ប្រជា​ជនកម្ពុជា ​ទទួល​​​បាន​​​​​​សិទ្ធិកាន​​​់កាប់​​​ដី សម្បទាន សេដ្ឋកិច្ច​​​ទំហំ ៣១៦.០០០ហិកតា សម្រាប់​​​ដាំ​​ដំឡូង ​មី និង ដើមអាកាស្យា តំាង​​​ពី​​​ឆ្នាំ ១៩៩៧​​​ នៅ​​​ក្នុង​ ខេត្ត​​​ពោធិ៍សាត់ ។

ប៉ុន្តែ​​​ ក្រុម​​​ហ៊ុន​​​នេះ​​​នៅ​​​តែ​​​ចង់​​​បាន​​​ដី​​​បន្ថែមទៀត​​​នៅ​​​ក្នុងតំបន់​​​នេះ​​​ ហើយមាន​​​អ្នក​​​ភូមិរាប់​​​រយ​​​នាក់​​​បាន​​​ធ្វើ​​​ការ​​​តវ៉ាប្រឆាំង​​​នឹង​​​ការ​បណ្តេញចេញ​​​នេះ។ លោក​​​ ឃុន សុខុម អាយុ៤៧​​​ឆ្នាំ​ បាន ​និយាយ​​​​ថា​​​ គាត់​​​បាន​​​រស់​​​នៅ​​​លើដី​​​នេះ តាំង​​​ពី​​​ឆ្នាំ​​​ ២០០០​​​មក​​​ម៉្លេះ ​​​ហើយ​​​គាត់បាន​​​ដាំ​​​បន្លែ ​និង​​​ផ្លែឈើ ជា​​​ច្រើនប្រភេទខុសៗគ្នា ។

គាត់​​​បាននិយាយ​​​ កាល​​​ពី​​​ថ្ងៃ​​​សុក្រ​​​ថា “ ​គេ​​​បាន​​​បំផ្លាញ​​ផ្ទះ និងបន្លែរបស់ខ្ញុំ​​​អស់​ហើយ។ លោក លី  ប៉ុន ប្រធានរដ្ឋបាលខេត្ត បាន​​​មានប្រសាសន៍ថា លោកមិនបានដឹងពីការ​ប៉ុន​​​ប៉ង​​​បំផ្លាញផ្ទះ​​​សម្បែងរបស់​​​អ្នក​​​ភូមិ​​​នោះ​ទេ ប៉ុន្តែ​ ​​លោក​​​បាន​​​គូស​​​បញ្ជាក់​​​ថា​​​ អ្នក​ភូមិមិន​​គួ​​​ររស់​​​នៅ​​​លើ​​​ដី​ដោយគ្មានការ​​​អនុញ្ញាតត្រឹម​​​​

ត្រូវ​​​នោះ​​​ទេ ។លោក​​​​​​បាន​​​លើកឡើង​​​ថា “ខ្ញុំ​​​គិត​​​ថា​​​​ អ្នក​​​ភូមិ​​​​ទាំង​​​នោះ​​​ទើបតែ​​​មកដល់ថ្មីៗ ​ប្រសិន​បើពួក​​​គេ​​​រស់នៅ​​ក្នុងឃុំត្នោត​មែន​នោះ ពួក​​​គេគួរ តែដឹងច្បាស់ហើយថា​​​  តើ​នរណា​​​ជាអ្នក​មាន​​​​កម្មសិទ្ធិលើ​​​ដីនេះ”។​ ការ​​​បណ្តេញ​​​ចេញ ដោយ​​​បង្ខំ​​​​​​​ដែល​​​​អនុ​វត្តដោយនគរបាលប្រដាប់​​​អាវុធ ​និង​ទាហាន​​​​កំពុង​​​មាន​​​ការ​​​កើនឡើងនៅកម្ពុជា៕

ប្រែ​​​សម្រួល ដោយ ពេជ្រ សុភ័ក្ត្រ​​​​​​​​​​​​​​​​​​​

​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស