31 C
Phnom Penh

អ្នក​ត្រូវ​បណ្ដេញ​ចេញរិះ​គន់​តុលាការ​ថា រក​យុត្តិធម៌​ឲ្យ​តែ​អ្នក​​មាន​ប៉ុណ្ណោះ​ មិន​មែន​អ្នក​ក្រ

ដោយ ឌឹ ខេមបូឌា ដេលី

បទវិភាគ

កា​ល​ពី​ម្សិល​មិញ​​ សាលា​ដំ​បូ​ង​រាជ​ធានី​ភ្ន​ំ​ពេញ​​​បា​ន​សាក​​សួរ​អ្នក​ភូមិ​​​បុ​រី​កី​ឡា​​​ចំ​នួន​បី​នាក់​​អំ​ពី​ពា​ក​្យ​បណ្តឹង​​​ដែ​​ល​​ពួ​ក​គេបា​ន​ប្តឹង​ប្រាំមួ​យ​​ខែ​មក​ហើយ​​​ប្រ​ឆំា​​ង​នឹងក្រុមហ៊ុន​​ផា​អុី​មិុ​ចចំ​ពោ​ះ​​​កា​រ​​បណ្តេញ​ពួ​ក​គេចេញ​ព​ី​​ដី​របស់​ខ្លួន​។​​

កា​រ​សាក​​សួ​រ​​បា​ន​កើត​ឡើ​​ង​ម​ួ​យ​ថ្ងៃ​​បន្ទាប់​ពី​​​នគរ​​បា​ល​បា​ន​ចាប់​ខ្លួន​​​ ហើយ​ក្រុម​មន្ត្រី​​តុ​លា​​​កា​របា​ន​ចោទ​ប្រ​កា​ន់ ​និង​​ឃុំខ្លួនស្ត្រី​​បុ​រី​កី​ឡា​​ម្នាក់​នៅក្នុង​ពន្ធនាគា​រ​​​ ពី​បទ​​ផ្តល​​់​​សេច​ក្តី​ប្រ​កា​​ស​ដោយ​ភូត​កុ​ហក​។

កា​ល​ពី​ក្នុ​ង​ខែ​​មី​នា ​អ្នក​​ភូមិ​​​​បុ​រី​កី​ឡា​មួ​យ​ក្រុម​​​ដាក់​ពា​ក្យ​​បណ្តឹង​​របស់​ខ្លួន​​ប្តឹ​ងអ្នក​​ស្រីស៊ុ​យ ​សុ​ផាន ម្ចាស់​ក្រុម​​ហ៊ុន​​ផាន​អុី​មុិច ​​ថា​​​បា​ន​​​បញ្ជា​​ឲ​្យ​គេបណ្តេញ​អ្នក​​ភូមិ​​ចេញ​​​កា​ល​​ពី​​ខែ​ម​ក​រា ​ដែ​​ល​មាន​​ឃើញ​នគរ​​បា​ល​​ប៉​ះ​​ទ​ង្គិ​​ច​​​​ដោ​យ​​​ហិ​ង្សា​​ជា​​មួ​យ​អ្នក​​ភូមិ​ ​​​ខណៈ​ដែ​ល​ពួ​ក​គេ​​​បា​ន​បណ្តេញ​ប្រ​ជា​ពល​​រដ្ឋ​​ប្រ​ហែល​១០០​​គ្រួ​​សារ​​​ចេញពី​​តំ​​បន់​​​​បុរីកីឡា។ ​​​ក្នុ​ង​កា​រ​​ប៉ះ​​​ទង្គិ​​ចគ្នានោះ ក្រុម​អ្នក​ភូមិ​បា​ន​​ចោល​ដុំ​ថ្ម ​​និ​ង​ដប​​ ដែ​លបា​ន​ធ្វើ​​ឲ្យមនុស្ស​មួ​យ​ចំ​នួ​ន​រង​​របួ​ស។

​តំ​ណា​ង​​បី​នាក់​មក​ពី​សហ​គមន៍​នេះ​ ​ក៏​បា​ន​​ចោទ​​​ប្រ​កា​ន់​​​អ្ន​ក​​ស្រី​ សុ​ផា​ន​ ផង​ដែរ​​ថា ​​​​បា​ន​​រំ​លោភ​​កិ​ច្ច​ព្រម​ព្រៀង​​ក្នុ​ង​កា​រ​​​​សាង​សង់​​​អគា​​រ​ផ្ទះ​​​ល្វែងថ្មី​​ចំ​នួ​ន​១០​ ដែ​ល​​ក្នុ​ង​នោះ​ត្រូ​វស​ង់​​ផ្ទះ​ឲ្យ​ពួ​ក​គេ​​ឡើង​វិញ​ ទី​បំ​ផុត​​​ត្រូវបាន​តុលា​ការ​​ហៅមកសាកសួរនៅ​ថ្ងៃ​​ដំ​បូង​​​​កាល​​ពី​ម្សិល​ម​ិញ​។

​បន្ទា​ប់​ពី​សាក​​ស​ួរ​រួច ​អ្នក​ភូមិ​​បុ​រី​កី​ឡា​​​បា​នជំ​រុញ​ឲ្យ​តុ​លា​កា​រ​​ដោ​ះ​​ស្រា​​យ​ជា​មួ​យ​អ្ន​ក​​ស្រី​ សុ​ផាន ​ម្ចាស់​​ក្រុ​ម​ហ៊ុ​ន​​ ផា​ន​អុី​ម៉ិច​ឲ្យ​ដូច​ចំណាត់ការរបស់តុលាការមកលើ​អ្នក​ភូមិ​បុ​រី​កី​ឡា​ម្នាក់​ឈ្មោះ​ ទឹម ​សាក់​មុនី ​អា​យុ​៦៤ឆ្នាំ​ ជា​​អ្នក​តវ៉ានិ​យា​យ​ឥតសំ​ចៃប្រឆំា​​ង​នឹង​​​កា​រ​បណ្តេញ​​ចេញ​ ដែ​ល​​ត្រូ​វ​បាន​​ឃុំ​ខ​្លួន​​​ក្នុ​ង​ពន្ធ​នាគា​រ​ កា​ល​ពី​ថ្ងៃ​ពុធ។

អ្នក​​ស្រី សាក​់​មុនី ​ត្រូ​វនគរបាល​​ចាប់​ខ្លួន​ និង​​​បញ្ជូន​ទៅ​​តុ​លា​កា​រ​ ហើយត្រូវ​តុលាការ​ចោទ​ប្រកាន់​ និ​​ង​ត្រូវ​​បា​ន​​បញ្ជូន​​ទៅ​ពន្ធ​នាគា​រ​​ព្រៃ​ស ពី​បទ​ផ្តល់​​សេច​ក្តី​ប្រ​កាស​ដោ​យ​ភូត​​កុ​ហក​ ដើម្បីទទួលបានលំ​នៅ​​ដ្ឋាន​​ថ្មី ក្នុ​ង​​​ប្លុក​អគា​រ​​​បុ​​រី​កី​ឡា​។

អ្នកស្រី ​សូអុីមជា​​អ្នក​ភូម​ិ​ម្នាក់​នៅ​ក្នុ​ង​​ចំ​ណោ​ម​អ្នក​ភូមិ​បី​នាក់ ​ដែ​ល​​ត្រូវ​បា​ន​​​តុ​លា​ការ​សាក​​សួ​រ​​ បា​ន​​និយា​យ​ថា “ ខ្ញុំ​​ចង់​​ឲ្យ​តុ​លា​ការ​​កោះ​ហៅ​​ អ្នកស្រី ស៊ុយ ​សុ​ផា​ន មក​​សាក​​សួរ និង​​ចាប់​គាត់ដាក់​ពន្ធ​នាគា​​រ​​ ដូ​​ច​តុលា​ការ​​បាន​ធ្វើ​មក​លើ​អ្នកស្រី ​​សាក់​មុនី​ ​ដែរ​”។

​អ្ន​ក​​ស្រី ​សូ អុីម ​​បា​ន​​​មា​ន​ប្រ​សាស​ន៍​ថា​ “ ​​ប្រ​សិន​​បើ​គេ​​កោះ​ហៅ​គាត់​ [អ្នក​ស្រីសុ​ផាន] មក​សាក​​សួ​រ​ ហើយ​​ដោ​ះ​​លែង​គា​ត់វិញ​ ខ្ញុំ​គិត​ថា ​តុ​លា​កា​រ​មិន​ផ្តល​​់​យុត្តិ​ធម៌​ដល់​​ប្រជា​​ជន​ក្រី​ក្រ​ទេ​ ហើយ​​តុ​លា​ការម្អៀង​ទៅ​លើ​អ្នក​មា​ន​​ទ្រព្យ​​សម្បត្តិនិង​អំ​ណា​ច”។

​លោកអៀង ​វុទ្ធី ​តំ​ណា​ង​កម្មវិធី​សម​ធម៌​នៅក​ម្ពុជា (Equitable Cambodia) ​បា​ន​មា​ន​ប្រ​សាស​ន៍​ថា ​ការរកយុត្តិធម៌ឲ្យអ្នកភូមិបុ​រី​កី​ឡា​ ​មា​ន​និ​យាម​​ទ្វេក្នុ​ង​ប្រព័ន្ធ​​តុ​លា​ការ​។​លោក​បាន​មា​ន​​​ប្រ​សាស​​ន​៍​ថា “ ប្រ​សិ​ន​បើ​​អ្នក​ប្រៀប​ធៀប​… ពួ​ក​គេ​ទ​ំ​នង​ជា​​ចាត់​វិ​ធាន​កា​រ​ភ្លាម នៅ​ពេល​​ក្រុម​​ហ៊ុន​​ប្តឹ​ង​ប្រជា​​ជន”។លោក​បា​ន​មា​ន​ប្រ​សាស​ន​៍​ថា ប៉ុន្តែ វាបាន​ប្រើ​​

ពេល​​ជា​​ច្រើន​ខែ​ នៅ​ពេល​អ្នក​ក្រ​​ប្តឹង​អ្នក​មា​ន​​អំ​ណា​ច។ ​លោកវុទ្ធី​  ​មា​ន​ប្រ​សាស​ន៍​ថា “ ​ដូច្នេះ​​ យើងគិត​ថា ​ដំ​ណើរ​កា​រ​នេះ មិន​យុត្តិ​ធម៌​ទេ​ ពី​ព្រោ​ះ​​អ្នក​មិន​គួ​រ​​រើស​អើង​ចំពោះប្រជា​ជន​ក្រី​ក្រ​ទេ”។

​នៅ​ក្នុ​ង​សេចក្តី​ប្រ​កាស​​រួ​ម​មួយ​ កម្មវិធី​សមធម៌នៅកម្ពុជា និង​អ​ង្គ​កា​រ​​ក្រៅ​រដ្ឋា​ភិ​បា​លចំ​នួន​​១០​ទៀត បាន​លើក​ឡើ​ង​ថាកា​រ​ចោទ​ប្រ​កាន់​អ្នក​​ស្រី សាក់​មុនី ​កើត​ចេញ​ពី​កា​រ​តស៊ូរបស់​គាត់​ក្នុ​ង​កា​រ​កា​រ​​ពា​រ​ទី​ជម្រក​​​ស្រប​​ច្បាប់ក្នុ​ង​​ប្លុក​អគា​រ​ផ្ទះ​​ល្វែ​ង​ថ្មី​សម្រា​ប់​កូ​ន​​ប្រុស​​របស់​គាត់ ដែលជា បុរសពោះ​ម៉ា​យ​ និង​​​ជា​អតី​ត​ទាហា​ន​ ហើយ​ខ្វិន​​ដើរ​មិន​រួ​ច ​និ​ង​​មិ​ន​អា​ច​និ​យា​យ​បា​ន។

​​សេចក្តី​ប្រ​កា​ស​បា​ន​​ដក​ស្រង់​សម្តី​លោក​​ស្រីណា​លីពី​ឡូកនា​​​យិកាអង្គ​កា​រ​​សិទ្ធិ​មនុស្ស​​​លី​កា​ដូថា “ បទចោទ​ប្រ​កា​ន់​​នេះ គួ​រឲ្យ​​​អស់​សំណើចណាស់ដែលកូន​ប្រ​ុស​​របស់​គាត់​តា​ម​ពិត​ទៅ​​មា​ន​​សិទ្ធិ​កា​ន់​កា​ប់អគារ​ផ្ទះ​​ល្វែ​ង​មួយនៅ​ក្នុ​ង​អគា​រ​បុ​រី​កី​ឡា​។ តើ​វា​ជា​អំ​ពើ​ទុ​ច្ច​រិត​ ដើ​ម្បី​គាំ​ទ្រ​​សិទ្ធិ​នរណា​ម្នាក់​ក្រោម​ច្បាប់​ដូ​ច​ម្តេច​ទៅ​?”។

កា​រ​ចា​ប់​ខ្លួន​អ្នកស្រី​ សាក់​មុនី ​បា​ន​កើត​ឡើ​ង​មួ​យ​ថ្ងៃ​បន្ទាប់​ពី​​នគ​​រ​បាល​​បា​ន​ចាប់​ខ្លួន​ស្ត្រី​ម្នាក់​​ទៀត​ ដែ​ល​មានជា​ប់​ពាក់​ព័ន្ធ​​ក្នុ​ង​កា​រ​តវ៉ា​​ប្រឆំា​ង​កា​រ​​បណ្តេញ​​ចេញ​​ដូ​ចគ្នា​មួយ​​ក្នុង​រាជ​ធា​នី​ភ្នំ​ពេញ​។ កា​ល​ពី​ថ្ងៃ​អង្គារ​​ នគរ​បា​ល​បា​ន​​ចា​ប់​​ខ្លួន​​អ្នក​ស្រី យ៉​ម ​​បុ​ប្ផា​ ​និងប្តី​​របស់​គាត់​។ នៅ​ថ្ងៃ​​ដដែ​ល​នោះ ​សាលា​​ដំ​បូ​ង​រាជ​ធា​នី​​បា​ន​​ចោទ​​ប្រ​កាន់​ប្តី​ប្រពន្ធ​ទាំ​ង​ពីរ​នាក់​នេះ​ពី​បទ​​​បង្ក​​អំ​ពើ​​ហិង្សា​ដោ​យ​ចេត​នា ​បន្ទាប់​​ពី​មា​ន​​​ពាក្យ​​បណ្តឹង​មួ​យ​ធ្វើ​ឡើង​ដោ​យ​អ្នក​ក្បែរ​ខាង​​របស់​ពួ​ក​គេ មុន​ពេល​ដោះ​​លែង​​ប្តី​​​នៅ​​ក្រៅ​ឃុំ​​ជា​បណ្តោះ​​អា​សន្ន ហើយបញ្ជូន​​​អ្នក​ស្រី ​បុប្ផា ​ទៅឃុំក្នុង​ពន្ធនា​គា​​រព្រៃ​ស។

​​អ្ន​ក​ស្រី​ ​​បុ​ប្ផាគឺ​ជា​​អ្ន​ក​ភូមិម្នាក់​ រស់នៅ​ក្នុ​ង​​សហ​គមន៍​បឹង​កក់​ និង​បា​ន​​តវា៉​យ៉ាង​ស្វិ​ត​ស្វាញ​​​ចំ​ពោះ​កា​រ​​បណ្តេញ​ចេញ​ ដោ​យ​ក្រុម​​​ហ៊ុ​ន​ឯ​ក​របស់​​លោក ឡៅ ម៉េង​ឃិន ​សមា​ជិក​ព្រឹទ្ធ​​សភាមកពីគណ​​បក្ស​ប្រជា​ជន​កម្ពុជា​។

​អង្គ​កា​រក្រៅ​រដ្ឋា​ភិ​បា​ល​នេះ​​​​លើក​ឡើង​​​ក្នុ​ងសេចក្តី​ថ្លែ​ង​កា​រ​ណ៍​រួម​​នេះ​ថា “ ហេតុ​ការណ៍​ទាំ​ង​ពីរ​នេះ​ គឺ​ជា​​​ហេតុ​កា​រ​​ណ៍​​ចុ​ង​ក្រោ​យ​​​បំ​ផុត​នៅ​ក្នុង​ឧប្បត្តិ​ហេតុ​ជា​បន្ត​បន្ទាប់​ ដែ​ល​ក្នុ​ង​នោះ​​តុលា​កា​រ​ត្រូ​វ​បានគេ​ចាត់​ទុ​ក​ថា ជា​អា​វុធ​មួយ​បំ​បិទ​មា​ត់​អ្នក​រង​គ្រោះ​”៕

ប្រែ​សម្រួ​ល​ដោ​យ ​ចេវប៊ុននី​ ​​​​​​​​​

                 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស