36 C
Phnom Penh

នគរបាលរាជធានីភ្នំពេញ បិទ​ផ្លូវ​មិន​ឲ្យ​អ្នកបឹងកក់ដើរ​ក្បួ​ន​​

ដោយ ឌឹ ខេមបូឌា ដេលី

បទវិភាគ

កា​ល​ពី​ម្សិល​​មិញ ​នគរ​​បា​ល​រាជ​ធានី​ភ្នំ​ពេញ​បា​នបិ​ទ​ផ្លូវ​រារាំងកា​រ​​ព្យាយាមចេញ​ទៅ​តវ៉ា​របស់​អ្នក​ភូមិបឹងកក់ ដើម្បីប្រឆាំងនឹងកា​រ​​បណ្តេញ​​ចេញ ក្នុង​រាជ​ធា​​នី​ភ្នំ​ពេញ​​​ ប៉ុន្តែ​ មិន​បា​ន​​​បញ្ឈប់ក្បួន​បា​តុ​កម្ម​របស់ក្រុម​​អ្នក​​បើក​បរ​ម៉ូ​តូ​កង់​បី និង​អ្នក​​រត់​ម៉ូតូ​ឌុប​ទេ ដើម្បី​ប្រឆាំង​នឹង​ការ​តវ៉ា​របស់អ្នកបឹងកក់។

​អ្នក​ភូមិ​​មក​ពី​សហ​គមន៍​បឹង​កក់​​​ និង​បុរី​កីឡា​ប្រ​ហែល​១៥០​នាក់​ មាន​​ផែន​កា​រ​​ដើរ​ក្បួ​ន​ទៅ​ក្រ​សួ​ង​​​យុត្តិ​ធម៌​​ ដើម្បី​​ដាក់​ញត្តិ​​សុ​ំ​ឲ្យ​ដោ​ះ​​លែ​ង​​ស្ត្រីពីរ​នាក់​​ ដែ​ល​​ធ្លាប់ធ្វើ​យុទ្ធ​នា​​ការ​​ប្រឆំា​​ង​នឹ​​ង​កា​រ​​បណ្តេញ​ចេញ​ជា​​​យូ​រមក​ហើយ។ ស្ត្រី​ទាំ​ង​​ពី​រ​នាក់​នេះ​​ត្រូ​វ​បា​ន​ចាប់​​ខ​្លួ​ន​កា​ល​ពី​សប្តាហ៍​មុ​ន​ ត្រូ​វ​បានតុលា​ការ​​​ចោទ​ប្រ​កាន់​ភ្លា​ម​ៗ​​ព​ី​បទ​ល្មើ​ស​ពាក់​​ព័ន្ធ​​​នឹ​ង​កា​រ​​តវ៉ា​​របស់​​ខ្លួន​ ហើយ​ត្រូ​វ​​ឃុំ​ខ្លួន​​​ជា​​​បណ្តោះ​​អា​​សន្នមុន​​​ការ​​​ជំនុំ​​​ជម្រះ។

​ ក្រុមអង្គ​កា​រ​​សិ​ទ្ធិ​មនុស្ស​​ចាត់ថា ការ​ចាប់​ខ្លួន​នោះគឺជាការព្រាងទុក​ ដោ​យ​សារ​តែ​​សកម្ម​ភា​ព​​ទាមទារ​សិទ្ធ​ិ​ដី​ធ្លី​របស់ពួកគេ។​នៅ​ពេល​ក្រុម​អ្ន​ក​​តវ៉ា កា​ល​​ព​ី​ម្សិល​មិញ​​​បាន​ព្យាយា​ម​​ដើ​រក្បួ​ន​​ចេញ​ពី​​តំបន់បឹង​កក់​​នៅ​ម៉ោ​ង​ប្រហែ​ល​​៨​​និង​​៣០​នាទី​ព្រឹក តា​ម​ផ្លូវ​លេខ​​៨៦ ក្បែ​រ​​សណ្ឋាគា​រ​ភ្នំ​ពេញ​ ពេល​នោះនគរ​បាល​​ និ​ងក​​ង​រាជ​អា​​វុធ​ហ​ត្ថ​​​ប្រ​ហែល​​​៧០នាក់ប្រ​ដាប់​ដោ​យ​​ដំ​បងឆក់និង​​ខែ​ល បា​ន​​ឈរតម្រ​ង​់​ជួ​រ​គ្នា​​បញ្ឈប់​ពួ​ក​គា​ត់​។

ប​ន្ទាប់​ពី​មា​នកា​រ​ប្រវាយ​ប្រ​តប់​គ្នា​​មួ​យ​ប្រាវ​ជាមួយ​នគរ​បា​ល​​ក្រុមអ្ន​ក​តវ៉ា​ភាគ​ច្រើ​ន​ជា​ស្ត្រី​ និងកុ​មា​របា​ន​ព្យា​យា​ម​​ចេញ​ពី​តំបន់បឹង​កក់​ទៀតដោយ​ម្តង​នេះទៅ​តា​ម​​​ផ្លូ​វ​​​ក្បែ​រ​​ស្ថាន​ទូ​​ត​បា​រាំ​ងវិញ​ ​ប៉ុ​ន្តែ​ពួកគេត្រូ​វ​បា​ន​​នគរ​បា​ល​​រា​រាំ​ង​ម្ត​ង​ទៀត។បន្ទាប់​ពី​ការព្យាយាម​​ដើរ​​ចេញ​​​​ ដោយ​មិន​​បា​ន​សម្រេច ពួ​ក​គេក៏ដើរ​ត្រឡ​ប់​ក្រោ​យ​ទៅ​​កន្លែ​ង​ដើ​មវិញ​នៅ​ម៉ោង​​ប្រហែ​ល​១១ព្រឹក។

ច្រើ​​ន​លើក​ហើយ នគរ​បាលរារាំ​​ងក្រុមអ្ន​ក​​តវ៉ា​​ដោ​យ​សន្តិ​វិ​ធី​មិ​​ន​ឲ្យ​​​ដើ​រ​ក្បួ​ន​ ប៉​ុ​ន្តែ​ កា​ល​​ពី​​​ម្សិល​មិញ​​ គឺ​ជា​​លើ​ក​ដំបូង​ហើយ​ ដែ​ល​ពួ​ក​គេ​​​បា​ន​​បិ​ទ​​ច្រ​កចេញ​​ពី​តំបន់បឹ​ង​កក់​​​ទាំ​​ង​​អស់​​​។

​លោកអំ​ សំ​​អាតប្រធា​ន​ផ្នែ​ក​​បច្ចេក​ទេស​​​ប្រចាំ​អ​ង​្គកា​រ​​សិ​ទ្ធិ​មនុស្ស​​លី​កា​ដូ ​បា​ន​មា​ន​ប្រ​សាស​ន៍​ថា “វាប៉ះពាល់ យ៉ាងធ្ងន់ ធ្ងរដល់​​សិទ្ធិ សេរី​ភាព​​និង​​សេរី​ភា​ព​ក្នុ​ង​កា​រ​​បញ្ចេញ​ម​តិ​របស់​ពួ​ក​គេនៅ​ពេល​អា​ជ្ញា​ធររារាំ​ង​​ពួក​គេ​មិន​ឲ្យ​​ដាក់ញត្ត​ិ”។

​លោកព្រាបបុ​រីអធិការ​​រ​ងនគរ​បាល​ខណ្ឌ​ដូ​ន​ពេញដែ​ល​ជាអ្នកបញ្ជាម្នាក់​ក្នុង​ចំ​ណោម​អ្នក​បញ្ជា​ឯ​ទៀត ​បា​ន​លើក​ឡើង​ថាកា​រ​ដើ​រ​​ក្បួ​ន​នេះ​​ ត្រូ​វ​បា​ន​​​រារាំ​​ង​​ ដើម្បី​​រក្សា​​សណ្តាប់​ធ្នាប់​​សាធា​រណៈ អំ​ឡុ​ង​កិច្ច​​ប្រជ​ុំ​រដ្ឋ​មន្ត្រី​ថាម​ពល​អា​ស៊ាននៅ​សប្តាហ៍​នេះ​។ ​លោក​បា​ន​មា​ន​ប្រ​សាស​ន៍​ថា “ ប្រ​សិ​ន​បើ​មាន​អ្វី​មួយបណ្តាល​ឲ្យ​ប៉ះពាល់ដល់សណ្តាប់​ធ្នា​ប់​​សង្គម​ ​យើង​ត្រូ​វ​តែ​ចាត់​វិ​ធា​ន​កា​រ​”។ ​

ទោះ​ជា​យ៉ា​ង​​ណា ស្របពេល​ក្រុមអ្នក​តវ៉ា​មកពីសហគមន៍​បឹ​ង​កក់​ ត្រូ​វ​បា​ន​នគរបា​ល​ទប់ស្កាត់​​​ ​នៅ​ចម្ងាយ​​ជិត​មួ​យ​គី​ឡូ​ម៉ែត្រ​ពីទីនោះ មានអ្នក​រត់​ម៉ូ​តូ​កង់​បី​ និង​អ្ន​ក​រត់​ម៉ូ​តូ​ឌុបប្រ​ហែល​​១៧០​នាក់​ បា​ន​ប្រ​មូលផ្តុំ​គ្នា​​នៅ​​លើសួ​ន​​សេរី​ភាព​ ដើម្បីធ្វើ​បាតុ​កម្ម​​ប្រឆំា​ង​នឹ​ង​ក្រុម​អ្ន​ក​​តវ៉ា​​​បុ​រី​កីឡា​ និងអ្នក​បឹងកក់។ កា​រ​តវ៉ា​​របស​់​ពួ​ក​គេ​ មិនត្រូ​វ​បា​ន​នគរ​បា​ល​រារាំ​ង​ទេ​។

​អ្នក​រត់​តាក់​ស៊ីទំាងនោះដែលជា​សមា​ជិ​ក​សហ​ជីព​មួ​យឈ្មោះ ​សមា​គម​សហ​ព័ន្ធ​ដើម្បី​អភិ​វឌ្ឍកម្ពុជា ​និ​យាយ​ថា ពួ​ក​គេ​មិន​សប្បាយ​​​​ចិត្ត​​ចំ​ពោះ​ស្ត្រី​អ្ន​ក​​តវ៉ា​ ​យក​​​កា​រ​ចាប់​ខ្លួន​អ្ន​ក​ស្រីយ៉​ម ​បុ​ប្ផា​ ជា​ស្រ្តី​ម្នា​ក់​​​ក្នុង​ចំ​ណោម​ស្ត្រី​ផ្សេង​ទៀត​ ដែ​ល​ត្រូ​វ​បា​ន​​ចាប់​ខ្លួន​ ​និង​ឃុំ​​ខ្លួន​​ក​​្នុ​ង​ពន្ធ​នាគារកា​ល​ពី​​សប្តាហ៍​មុន​ មកធ្វើជា​រឿ​​ង​នយោ​បា​យ។

ក្រុម​​អ្ន​ក​រៀ​ប​ច​ំ​កា​រ​​​តវ៉ា​ និ​ង​លោកវ៉ាត​ សារ៉ាត់ដែលជាអ្ន​ក​ភូមិ​បឹង​កក់ដែរ​ បា​ន​ដាក់​ពា​ក្យ​​បណ្តឹង​ទៅ​នគរ​បាលកា​ល​ព​ី​ក្នុ​ង​ខែ​​សី​ហាដើម្បីប្តឹង​អ្នក​ស្រីបុប្ផាព្រមទាំងប្តី​ និង​​​បង​ប្អូន​ប្រុស​ពីរនាក់​​របស់​អ្នក​ស្រី ដោ​យ​ចោទ​អ្នក​ទាំ​ង​បួ​ន​​ថា​ បា​ន​វា​យកូន​ប្រុស​ និង​ក្មួយប្រុសរបស់​ខ្លួន​។ប្តី​​របស់​អ្នក​ស្រី​ បុ​ប្ផាបា​ន​បដិ​សេធ​​ចំ​ពោះ​កា​រ​​ចោទ​ប្រ​កាន់​នេះ​។

​លោកអេសម្ផស្សប្រ​ធា​នសមា​គម​សហ​ព័ន្ធ​ ដើម្បីអភិ​វឌ្ឍកម្ពុជា​​ ​មា​ន​​ប្រ​សា​​សន៍​ថា “​រឿ​ង​នេះ​មិន​ពាក់​ព័ន្ធ​នឹង​ជម្លោះ​ដី​ធ្លី​ទេ​ ដូច្នេះ​​ហេតុ​អ្វី​ពួ​ក​គេ​តវ៉ា​​ឲ្យ​មា​ន​កា​រ​​ដោ​ះ​លែ​ងជ​ន​​សង្ស័​យ?។យើង​សំណូមពរ​ឲ្យ​តុលា​ការ​​ដាក់​ទោ​ស​គាត់​ [អ្នក​ស្រី​ បុ​ប្ផា] តាមច្បាប់​ព្រហ្ម​ទណ្ឌ​ ហើយ​អ្នកស្រី​ត្រូ​វ​​ស​ង​ជំ​ងឺ​​ចិត្ត​”។

​លោក ​សម្ផស្សបា​ន​មា​ន​ប្រ​សាស​ន​៍​ថាប្រ​ធា​នសមា​គម​សហ​ព័ន្ធ​ ដើម្បីអភិ​វឌ្ឍ​កម្ពុជាបា​ន​​ចុ​ះ​ឈ្មោះ​​នៅ​ក្រសួ​ង​មហា​ផ្ទៃ​កា​ល​​​ពី​​ឆ្នាំ​មុន។ លោកបា​ន​អះ​អា​ង​​ថា អង​្គ​កា​រ​នេះ​​មិន​​ជាប់ពាក់ព័ន្ធនឹង​​នយោ​បា​យ​ទេ​។

​បន្ទាប់​ពី​កា​រ​ជួ​ប​ជុំ​គ្នា​​នៅលើ​​សួ​ន​​សេរី​ភាពលោកសារ៉ាត់និង​អ្នក​​រត់​តាក់​ស៊ី​​ចំ​នួ​ន​​១៦០​នាក់ ​​បា​ន​ដង្ហែរ​ក្បួ​ន​ដ៏​ធំ​មួ​យ​ទៅកាន់​ក្រសួ​ង​​យុត្តិ​ធម៌​​ ដើម្បី​ដាក់​ញត្តិ​ប្រឆំា​ងអ្នកបឹងកក់ដោ​យសំណូមពរឲ្យ​​តុ​លា​កា​រ​កុំ​​ដោ​ះ​​លែ​ង​អ្នក​ស្រីបុប្ផាឲ្យ​នៅ​ក្រៅ​ឃុំ​ជា​បណ្តោះ​អា​សន្ន​​តែត្រូវផ្តន្ទា​ទោស​គាត់។

គេ​ឃើញ​មន្ត្រី​នគរបា​លអម​ក្បួ​ន​​បាតុ​ករ​​​នេះ ឆ្ពោះ​ទៅ​ក្រ​សួ​ង​​យុត្តិ​ធម៌​ សាលា​ដំ​បូ​​ង​រាជ​ធា​នីភ្នំពេញ និង​សាលា​ឧទ្ធរណ៍​ ដែល​គ្មា​ន​អាជ្ញា​​ធរ​ណា​​រារាំ​ងឡើយ។

​លោក បុរី អធិកា​រ​រ​​ង​នគរ​បាល​ខណ្ឌ​ដូនពេញដែ​ល​​បា​ន​និ​យា​យ​​​មុននេះ​ថា លោក​​បា​ន​រា​រាំ​ង​ក្រុម​អ្នកតវ៉ាមកពីសហគមន៍​​បឹង​កក់​​ដើម្បី​ធានា​​សណ្តា​ប់​ធ្នាប់​​សាធារ​ណៈ​ថ្លែងថា បាតុ​កម្ម​តប​ត​​របស់​សមា​គម​សហ​ព័ន្ធ​ ដើម្បី​អភិ​វឌ្ឍន៍កម្ពុជា ត្រូ​វ​បា​ន​អនុ​ញ្ញា​ត​ឲ្យ​បន្តពី​ព្រោះ​​ពួ​ក​គេមិន​ធ្វើ​ឲ្យ​ប៉ះពាល់ដល់​សណ្តាប់​ធ្នា​ប់​សាធា​រណៈ​ទេ​។

​លោកសំ​អា​​ត មា​ន​ប្រ​សាសន​​៍​ថា ​សកម្ម​​ភា​ព​​របស់​​សមា​គម​សហ​ព័ន្ធ​ ដើម្បីអភិ​វឌ្ឍន៍​កម្ពុជានិ​ង​នគរបា​ល​បា​ន​ធ្វើ​ឲ្យ​លោកនឹក​ឃើញ​​​​ដល់​ក្រុម​គាំ​ទ្រ​រដ្ឋា​ភិ​បា​ល​​ ដែ​លធ្វើ​ប្រតិ​បត្តិ​កា​រ​ កា​ល​ពី​ចុ​ង​ទស​​វត្ស​រ៍​១៩៩០​ និង​ដើ​ម​ទស្ស​វត្សរ៍​​២០០០ ​ដូច​ជា​សមាគម​ក្មេង​វត្ត​ ដែ​ល​​ធ្លាប់ប៉ះ​ទង្គិចដោ​យ​ហិង្សាជាមួ​យ​ក្រុម​បាតុ​ករ​ផ្សេងទៀតដែ​លគេគិតថាមា​ន​ទស្សនៈ​ប្រ​ឆំា​ងនឹង​​រដ្ឋា​ភិ​បា​ល​។

​អំ​ឡុ​​ង​ហេត​ុកា​រណ​៍​បែ​ប​នោះ ក្រុម​​ក្មេង​វត្ត​ ជា​រឿ​យ​ៗ​ត្រូ​វ​បា​នអនុ​ញ្ញាត​​ឲ្យធ្វើ​បាតុ​កម្ម​តប​ត​​របស់​ខ្លួន​ ដែ​ល​ពេល​ខ​្លះបានបង្កទៅជា​អ​ំពើ​ហិង្សា ហើយគ្មា​​​ន​​​អាជ្ញា​ធរ​ណា​​ចេញ​មុខ​មករារាំ​​ង​ឡើយ៕

ប្រែ​សម្រួល​ដោ​យ​​ចេវប៊ុននី​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស