29 C
Phnom Penh

​មជ្ឈដ្ឋាន​ខាង​​​ក្រៅ​ត្រូ​វបាន​​ចោទ​​ថា​ ​​ជ្រៀត​ជ្រែក​​រឿង​ក្តី​លោក សូណង់​ដូ​

ដោយ ឌឹ ខេមបូឌា ដេលី

បទវិភាគ

ក្រ​សួង​កា​រ​បរទេ​ស ​​បានធ្វើ​ការ​​​វាយ​​បកចំ​ពោះ​​ការ​​រិះ​គន់​​​លើ​កា​រ​​ផ្តន្ទា​ទោ​ស​លោក​​ ម៉ម សូ​ណង់​​ដូ ​ម្ចាស់​ស្ថានីយវិ​ទ្យុ​​ឯក​រាជ្យ​ តា​ម​កា​រ​ចោទ​ប្រ​កាន់ពី​បទ​​ប​ះ​​បោរ​ ដោ​យ​​​ចោទ​​អ្នក​​​​ខាង​ក្រៅ​ថា​ បាន​​​ជ្រៀត​ជ្រែក​​ក្នុ​ង​ប្រព័​ន្ធ​​តុ​លាការ​។

​អង​្គ​កា​រ​​​សិទ្ធិ​មនុស្ស​អន្តរជាតិ​ និង​​រដ្ឋា​ភិ​បា​ល​​បរទេ​សនានា​ បា​ន​​ចូ​ល​​រួ​ម​​ជា​មួ​យ​​អង្គកា​រ​ក្រៅ​​រដ្ឋា​​ភ​ិ​បាល​​ក្នុ​ង​ស្រុក​ ​ក្នុ​ង​​កា​រ​​សម្ដែ​ង​កា​រ​ខក​​ចិត្ត​​យ៉ាង​​​ខ្លាំ​ង​​ចំពោះ​​សេចក្តី​សម្រេច​​​របស់​​​សាលា​​ដំ​បូ​ង​​រាជ​ធានី​​​ភ្នំពេញ​ផ្តន្ទា​​ទោស​លោក ​ម៉ម សូ​ណង់​ដូ ​ឲ្យ​ជាប់​ពន្ធ​នាគា​រ​​​រយៈ​ពេល​២០​ឆ្នាំ​។

​ក្រុ​ម​អ្ន​ក​គាំ​​ទ្រ​​បា​ន​​​និ​យា​យ​​ថា ការ​ផ្តន្ទា​ទោស​លោក ​សូណង់​ដូ ពី​​បទ​​ដឹក​​នាំ​ចលនា​ប្រ​ឆាំ​ង​រដ្ឋា​ភិ​បាល​ គឺ​ជា​​រឿ​ង​​នយោ​បាយ​ ហើយការ​ផ្តន្ទា​​​ទោស​​ដ៏​ធ្ងន់​​នេះ​គឺ​​​ដើម្បី​បំ​បិទ​មា​ត់​​អ្ន​ក​​រិ​ះ​គន់​​រដ្ឋា​​ភិ​បាល​។​​​វិ​ទ្យុ​សម្បុក​ឃ្មុំ​​​​របស់​លោក ​សូណង់​ដូ  ​គឺជាស្ថានីយ​​​វិទ្យុ​មួយ​ក​្នុង​ចំ​ណោម​ស្ថានីយ​វិ​ទ្យុ​​មួ​យ​ចំ​នួន​តូ​ច ​​ដែល​ផ្សព្វ​ផ្សាយ​​​​សេចក្តី​រាយ​កា​រ​​ណ៍​រិះ​​គន់​​គណ​​បក្ស​​​កាន់​​អ​ំ​ណា​ច។

​អ្ន​ក​ផ្តល់​ជំ​នួ​យ​ខ្លះ​ក្នុ​ង​ចំ​ណោម​​អ្ន​ក​ផ្តល់​ជ​ំ​នួយសំខាន់​ៗ​របស់​​រដ្ឋា​​ភិ​បាល​​បា​ន​​ចូល​រួម​​រិះ​គន់​ដែរ។ តំ​ណា​​ង​ជាន់​ខ្ពស់​របស់​សហ​ភាព​អឺរុ៉ប​ ទទួល​បន្ទុក​​​​កិច្ច​កា​រ​​បរទេស ​បា​ន​លើក​ឡើង​​ថា ​សាល​​ក្រម​​​ផ្តន្ទា​ទោ​ស​នេះ​ធ្វើឲ្យមា​ន​“ កា​រ​​មន្ទិល​ស​​ង្ស័យ​យ៉ាង​​​ខ្លាំ​ង​” អំ​ពី​ឯក​រាជ​ភាព​​​របស់​តុ​លា​ការ​​កម្ពុជា​។

ដោ​យមាន​ការ​យល់​ឃើញ​​​ស្រ​ដៀ​ង​គ្នា​​​នេះ​ ក្រ​សួ​ង​កា​រ​​បរទេ​សអា​មេរិ​ក បានអ​ំ​ពា​វ​នា​វ​ឲ្យមា​ន​កា​រដោ​ះ​​លែ​ង​​លោក ​សូណង់​ដូ ភ្លាម​ ចំ​ណែ​កប្រ​ទេស​​​បា​​រាំ​ង​ បា​ន​លើក​ឡើង​​ថា គួរ​ពិនិត្យ​រឿ​ង​ក្តី​នេះ​ឡើង​វិញ “ ដោ​យ​គ្មាន​ការ​ពន្យារ​ពេល​”។

​ប៉ុន្តែ​នៅ​ក្នុង​សេចក្តី​ថ្លែងការ​​​ណ៍​មួយ​កាល​​ពី​ថ្ងៃ​​សុក្រ លោក កុយ គួង អ្ន​ក​នា​ំពាក្យ​របស់​​ក្រ​សួ​ង​កា​រ​​បរទេ​ស​ ​បា​ន​​បដិ​សេធ​​ថា​រដ្ឋាភិបាល​មិន​បាន​​​ជ្រៀត​ជ្រែ​ក​​នៅ​ក្នុ​ង​​​​រឿង​ក្តី​នេះទេ​​ និ​ង​​បា​ន​អះ​អាង​ថា ​ប្រ​ព័ន្ធ​តុ​លា​កា​រ​​ឯក​​រាជ្យ។

​លោក ​កុយ គួ​ង បា​​ន​​លើក​ឡើង​នៅ​ក្នុ​ង​​សេច​ក្តី​​​ថ្លែង​​កា​រណ​៍​​ថា “រឿ​​ងក្តី​​របស់​លោក ​សូណង់​ដូនិ​ង​អ្នក​​​សម​គំ​និត​ជាមួយ​គាត់​ មិន​មែន​ជា​​សេរី​​ភាព​ក្នុង​កា​រ​បញ្ចេញ​មតិ​​​ ឬ​ឯក​រាជភាព​ និង​​អព្យាក្រឹត​ភាព​​​របស់​តុ​លាការ​​នៅ​ក្នុង​ប្រទេ​ស​​កម្ពុជា​​នោះទេ។ ​វា​ក៏​មិន​មែន​ជា​រឿង​នយោ​បា​យ​ដែរ​ ​​ដូ​ចអ្ន​ក​ខ្លះ​​​បាន​ចោទ​ប្រ​កាន់​​ដោយ​មិន​ត្រឹម​ត្រូវ​ឡើយ​។ ប្រទេ​ស​​កម្ពុជា​ គឺ​​ជា​ប្រ​ទេ​ស​ប្រជា​ធិប​តេយ្យ​​ ព្រម​ទាំ​ង​គោ​រព​​ច្បាប់។

​លោកក៏បា​ន​​មា​ន​ប្រ​សាស​ន៍​ដែរថា មិន​មាន​ហេតុផល​គួរ​ឲ្យ​សង្ស័យ​ណា​មួយ​​​នៅ​ក្នុង​​រឿង​ក្តី​េនះទេ​ ហើយ​លោក​​បញ្ជាក់​ថា មិន​មាន​ការ​ជ្រៀត​ជ្រែក​​ទាំង​​​ក្នុង​កិច្ច​ការ​​របស់​ស្ថានីយ​​វិទ្យុ​សម្បុក​ឃ្មុំ​និង​សមា​​គមអ្ន​ក​ប្រជា​ធិប​តេយ្យ​របស់​លោក​ ​សូណង់​ដូ នោះ​ទេ។

“មជ្ឈដ្ឋាន​ខាង​ក្រៅ​​ងាយ​ស្រួល​និង​មាន​​ចេត​នា​និយាយ​មិន​ល្អ​​​​អំ​ពី​​រឿ​ង​ក្តី​​របស់​លោក ​សូណង់​ដូ។ ​ការ​លើក​ឡើង​​ទាំង​​​នេះ​មាន​បំណង​ធ្វើ​ឲ្យ​មាន​​ឥទ្ធិ​​ពល​​ដល់​ច្បាប់​​​នៅ​ក្នុ​ង​ប្រទេ​ស​កម្ពុ​ជា​ និង​ធ្វើ​ឲ្យ​ប៉ះ​ពាល់​​ដល់​​​ឯក​រាជ​ភាព​ និ​ង​អព្យាក្រឹត​ភាព​​​របស់​​តុ​លា​កា​រ​​។ ​លោក​បា​ន​បន្ថែម​ថា “ តាម​ច្បាប់​ ប្រទេ​ស​​​កម្ពុជាត្រូ​វ​តែ​អ​នុ​វត្ត​នី​តិ​វិធី​របស់​ខ្លួន​ និង​​​មិន​អ​នុ​ញ្ញា​ត​ឲ្យ​មា​ន​អ​ប​គមន៍​ណា​មួ​យ​នៅក្នុង​ប្រទេ​ស​ទេ​”។

បុគ្គលិក​​អង្គ​ការ​សិទ្ធិ​មនុស្ស​​ដែល​បា​ន​​ចូល​រួ​ម​​សវ​នាកា​រ​​ជំនុំ​ជម្រះ​​​​​លោក ​សូណង់​ដូ រយៈ​​​ពេល​​​បួ​ន​​ថ្ងៃកា​ល​ពី​ខែ​មុន ​​បា​ន​លើក​ឡើង​ថា អ​យ្យ​​កា​រ​មិន​​មាន​​ភ័ស្តុ​តា​ង​​ដាក់​បន្ទុក​​លោក ​សូណង់​ដូ ទេ ដោ​យ​ផ្អែក​​តែ​ទៅ​លើ​​សក្ខី​កម្ម​​ពី​ជន​ជាប់​ចោទ​​ពី​បី​នាក់​ និង​ផ្អែក​លើ​​​ឯក​សារ​​​ចេញ​​ពី​​គេ​ហទ​ំ​ព័រ​​​របស់​​​​ខ្មែរ​អា​​មេ​រិកាំ​ង​​មួយ​ក្រុម​​នៅ​អា​មេ​រិ​ក​ ​ដែ​ល​មាន​​ទស្សនប្រឆាំង​នឹង​​គណ​បក្ស​ប្រជា​ជន​កម្ពុជា​​​តែ​ប៉ុណ្ណោះ។ ​សហ​​ចុ​ង​​ចោទ​ដែល​បាន​និយាយ​ទម្លាក់​កំ​ហុស​លើ​លោក ​សូណង់​ដូ ត្រូ​វ​បា​ន​សាលា​​ដំ​បូង​រាជ​ធា​នី​ភ្នំ​ពេញ​​ព្យួរ​ទោស​ ​ចំពោះ​ការ​​សហ​កា​រ​​របស់​​ពួកគេ​​ជា​មួ​យ​នឹង​​អ​យ្យកា​រ។

​មជ្ឈដ្ឋាន​ជា​​ច្រើ​ន​ក៏​​មាន​ការ​សង្ស័យ​ផង​ដែរ​ ចំពោះ​​​ការ​​អ​ះ​​អាង​​​របស់​រដ្ឋាភិ​បា​ល​​ដែល​ថា មាន​ចល​នា​​អ​ប​​គមន៍​​​។ ខណៈ​​​ដែល​​ឧបករណ៍​ធ្វើ​​កសិ​កម្ម​​​ប្រចាំ​​​ថ្ងៃ​ត្រូវ​បា​ន​​ដាក់​បង្ហាញ​អំ​ឡុង​​សវនា​ការ​​​ជនុំ​ជម្រះ​​លោក ​សូណង់​ដូ ​ជា​ភ័ស្តុតា​ង​ គឺ​មា​ន​តែកា​រ​ស្លាប់​​​ក្មេង​ស្រី អាយុ​​១៤ឆ្នាំ​​ម្នាក់​​ប៉ុណ្ណោះ​ឈ្មោះ ហេង ចន្ថា ដែល​ត្រូ​វ​បា​ន​កង​កម្លាំ​ង​​រដ្ឋា​ភិ​បាល​ដែល​សម្រុ​ក​​ចូ​ល​តំ​បន់​​សង្ស័យ​ថា​ជា​តំបន់​របស់​​អ្នកធ្វើ​អប​គមន៍​នោះ បាញ់​សម្លាប់​ គឺ​ស្ថិត​នៅ​ក្នុង​​ភូមិ​​ប្រមា ​ខេត្ត​​ក្រ​ចេះ​។

ក្មេង​​​ស្រី​វ័​យ​​ជំ​ទង់​រូ​ប​នេះ​ ​ត្រូ​វ​បា​ន​បាញ់​ប្រ​ហា​រ​​ នៅ​ពេល​​​ស្ថិត​នៅ​​​ជាមួ​យ​ក្រុម​គ្រួ​សារ​របស់​នា​​ង​នៅ​ក្រោ​ម​ផ្ទះ​​​របស់​ខ្លួន។ នគ​រ​បា​ល​បា​ន​និយា​យ​ថាមិន​ចាំ​បាច់​ស៊ើប​អង្កេត​​កា​រ​ស្លាប់​​​របស់​ក្មេង​ស្រី​រូប​នេះ​ទេ។ ​នគរបា​ល​និង​​ទាហាន​​រា​ប់​រយ​នាក់​បា​ន​ចូ​ល​​រួម​​ក្នុង​ប្រតិ​បត្តិ​​កា​រ​​ប្រឆំាង​អ្នក​​ភូមិ​ប្រមា​​​ និង​បា​ន​​​បណ្តេញ​អ្ន​ក​ស្រុក​​រាប់​រយ​នាក់​ ដែ​ល​ពាក់​ព័ន្ធ​ក្នុង​ជម្លោះ​ដី​ធ្លី​ ​ជាមួ​យ​​ក្រុម​​ហ៊ុន​​ចម្ការ​កៅ​​ស៊ូ​ក្នុង​ស្រុក​មួយ​។

​លោក ​សូណង់​ដូ មា​ន​រយៈ​ពេល​មួ​យ​​ខែ​​​ដើ​ម្បី​ប្តឹង​ឧទ្ធរណ៍​​​ជំទាស់​នឹង​សាល​ក្រម​​ចុះ​ថ្ងៃ​ទី​​១​ ខែ​តុ​លា​នេះ​​។ អ្ន​ក​​ស្រី ឌឹន ផាន់​ណារ៉ា ដែល​ជា​ភរិ​យា​​​រ​បស់​លោក ​ម៉ម សូណង់​ដូ បា​ន​មា​នប្រ​សា​សន​៍​​កា​ល​​ពី​ម្សិល​មិញ​ថា ស្វាមី​របស់​អ្ន​ក​ស្រី​ នឹង​​ប្តឹង​ឧទ្ធរណ៍​ឆាប់​ៗ​នេះ​ ប៉ុន្តែ​ មិន​​ដឹង​ពេល​​ណា​​ទេ​៕

( រាយ​កា​រណ៍​បន្ថែម​​ដោ​យ ​ឃួន ណា​រីម)​

ប្រែ​សម្រួល​ដោយ ​ចេវ ប៊ុននី​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស