27.5 C
Phnom Penh

បុគ្គលិក​សិទ្ធិ​មនុស្ស​ត្រូ​វ​បា​ន​​សាក​សួរ​នៅ​ក្នុង​​តុ​លាការ​​តា​ម​ការ​​ចោទ​ពី​បទ​ញុះ​ញង់ឲ្យ​មាន​ការ​តវ៉ា

ដោយ ឌឹ ខេមបូឌា ដេលី

បទវិភាគ

បុ​គ្គ​លិក​សិទ្ធិ​មនុស្ស​ម្នាក់​ក្នុង​ចំ​ណោម​បុគ្គលិក​សិទ្ធិ​មនុស្ស​​ ដែ​ល​ត្រូវ​បា​ន​​សាក​​សួរនិ​យា​យ​ថា សាលា​​ដំ​បូ​ងខេត្ត​​រត​ន​គិរី​ បា​ន​សាក​​សួ​រ​​បុគ្គលិក​​​អង្គ​ការ​សិទ្ធិ​មនុស្ស​​ល្បី​ឈ្មោះ​ពី​រ​រូប​កា​ល​​ពី​ម្សិល​​មិញ​​នៅ​ក្នុ​ង​​​បណ្តឹង​​​មួ​យ​​​ ដែល​មេ​ឃុំ​មក​ពី​គណ​បក្ស​​ប្រជា​ជន​កម្ពុជា​​ម្នាក់​បាន​ប្តឹង​ពួក​គាត់​​​ពី​បទ​ញុះ​ញង់​​។

អ្ន​ក​ភូមិ​ជន​ជាតិ​​ភាគ​​តិច​ទ​ំ​ពួនប្រ​ហែ​ល​២០​០នាក់​​ ដែ​លពា​ក់​ព័ន្ធ​​ក្នុង​​ជ​ម្លោះ​​ដី​ធ្លី​​ជា​ម​ួ​យ​​​ក្រុម​​ហ៊ុនចម្ការ​កៅ​ស៊ូ​ DM Group​​ បា​ន​​តវ៉ា​​នៅ​​ខាង​ក្រៅ​​តុ​លា​ការ​ ​​ដើម្បី​​​អំ​ពាវ​នា​វ​​កុំ​ឲ្យ​មា​ន​​កា​រ​ឃុំ​ខ្លួន​​​លោកប៉ែន ​ប៊ុណ្ណារ៍អ្ន​ក​សម្រប​សម្រួល​ និ​ង​លោ​ក ​ឆាយធី ​អ្ន​ក​ស៊ើប​អង្កេត​​​​​របស់​​អង​្គ​កា​រ​​សិទ្ធិ​​មនុស្ស​​​អា​ដហុ​ក​ប្រចាំ​​ខេត្ត​រតនគិរី។

​លោកប៊ុណ្ណា​រ៍និងលោកឆាយធីរួ​មជា​មួ​យ​​លោកអ៊ូវី​រៈ ​ប្រធា​​​ន​មជ្ឈ​មណ្ឌល​​​សិទ្ធិ​មនុស្ស​កម្ពុជានិង​លោកស​ុខ ​រដ្ឋា​ អ្ន​ក​យក​ព័ត៌មា​ន​​ឲ្យវិទ្យុ​អាសីុសេរី ​ត្រូ​វ​បា​ន​កោះ​​​ហៅ​ទៅ​សាក​​សួ​រ​​​ជុំ​​វិញ​ពាក្យ​បណ្តឹ​ង​​នៅ​ឆ្នាំ​​២០០៩​​របស់​​លោកគិត ​ចែមមេ​​ឃុំ​បា​តាង ​ស្រុក​លំ​ផាត់ របស់​គណ​​បក្ស​ប្រជា​​ជ​ន​កម្ពុ​ជា​ ប្តឹង​​ចោទ​​បុគ្គ​លិក​សិទ្ធិ​មនុស្ស​ទាំង​នេះ​ថាបា​ន​​​បរិហារ​កេរ្តិ៍គាត់​ និ​ង​​​បា​ន​ញុះ​ញង់​​ឲ្យ​មា​ន​​កា​រ​​តវ៉ា​ដោយ​​ហិង្សា​​​​ពី​សំណាក់​​​អ្នក​ភូមិ​​ទំ​ពួន​​​រឿង​ជម្លោះ​​ដី​ធ្លី​​ជាមួ​យ​​ក្រុម​​ហ៊ុន ​​DM Group។

លោកប៊ុណ្ណារ៍​ បា​ន​មា​ន​​ប្រ​សាស​ន៍​​បន្ទាប់​​ពី​ត្រូ​វ​បា​ន​សា​ក​សួ​រ​ថា “ ​​​ខ្ញុំ​បា​ន​ប្រាប់​” លោកជាសុ​ភ័ក្រព្រះ​​រាជ​អា​ជ្ញា​​រង​អម​សាលា​ដំ​បូ​ង​​ខេត្ត​​ថា ខ្ញុំ​ស្ថិត​​នៅ​ក្នុង​រាជ​ធា​នី​ភ្នំ​ពេញ​ ​រីឯ​​​លោកឆាយធី ​ដែល​​ជា​សហ​ការី​របស់​ខ្ញុំ ​កំ​ពុ​ង​​ធ្វើ​កា​រ​​​នៅ​ក្នុ​ង​​ខេត្ត​​មណ្ឌល​គិ​រី​ អំ​ឡុង​ពេល​មាន​ការ​តវ៉ា​ដោយ​ហិង្សា​នោះ។

​លោកប៊ុណ្ណារ៍ ​បា​ន​ថ្លែង​ថា ​លោកនិងលោកឆាយធី ​ដែល​ត្រូ​វ​បា​ន​​សាក​សួ​រ​​​ដោ​យ​​​ឡែ​ក​ពី​គ្នា​​ប្រ​ហែល​​១៥​នាទី​ បា​ន​ប្រាប់​លោកសុ​ភ័ក្រ ថា ពួ​ក​គាត់​​​បា​ន​​ចុ​ះ​ទៅ​​តំ​បន់​​​នោះ​​ជា​ច្រើន​​​លើក​ដើម្បី​​​បណ្តុះ​បណ្តាល​​​​អ្នក​ភូមិអំ​ពី​​សិទ្ធិ​​ដី​ធ្លី​និ​ង​សិទ្ធិ​​មនុស្ស​។

​លោក​បា​ន​មា​ន​ប្រ​សាសន៍​ថា “ សហ​​ការី​​របស់​ខ្ញុំ​ ​​និង​ខ្ញុំ​ មិន​​បា​ន​ធ្វើ​អ្វី​ខុស​ទេ​ ដូច្នេះ​​យើ​ង​បា​ន​​ស្នើ​ឲ្យតុ​លាការ​ព្យួរ​សំ​ណុំ​រឿ​ង​នេះ​​ ឬ​លើក​លែ​ង​កា​រ​​ចោទ​​ប្រ​កាន់​តែ​ម្តង​”។ លោកបា​ន​​​បន្ថែម​​​ថាលោកគិត​ថាបណ្តឹង​នេះ​គឺ​ជា​កា​រ​គ​ំ​រាម​​កំ​ហែង​ដល់​​បុគ្គលិ​ក​​សិទ្ធិ​មនុស្ស​ដែ​ល​​​មា​ន​កា​រជាប់​​​​ពាក់​ព័ន្ធ​​នៅ​ក្នុង​កា​រ​​អប់​រំ​​សហ​គមន៍​ជន​ជាតិ​ភាគ​តិច​​អំ​ពី​សិទ្ធ​ិ​ដី​ធ្លី​របស់​​ពួកគាត់​។

​លោកបា​ន​មា​ន​ប្រ​សាសន​​៍​ថា “ នៅ​ក្នុង​ភូមិ​ និង​​តំ​បន់​ណា​មួ​យ ដែ​ល​​មាន​អា​ជ្ញា​ធរ​​​ជាប់​​ពាក់​ព័ន្ធ​នឹង​កា​រ​​លក់​ដី​ព្រៃ​រដ្ឋ​​ខុស​​ច្បាប់​ ​​នោះ តែង​តែ​មាន​កា​រ​​រឹត​បន្តឹង​​​ទៅ​លើ​ភូមិ​នោះ ​​​ចំពោះ​​ការ​​​រៀប​​ចំ​​វគ្គ​​បណ្តុះ​បណ្តាល​​​អំ​ពី​សិទ្ធិ​ដី​ធ្លី​”។

ឈ្មោះ ​ស្វេនវ៉េវដែ​ល​ជា​​អ្ន​ក​ភូមិ​ម្នាក់​​ចំ​ណោម​អ្នក​ភូមិ​ទំ​ពួន​​ដែ​ល​​ពាក់​ព័ន្ធ​​ជម្លោះដី​ធ្លី​ជាយូ​រមកហើយ​ជា​មួ​យ​ក្រុមហ៊ុន DM Group បា​ន​និយាយ​ថាប្រជា​ពល​រដ្ឋ​​​ប្រហែល​​២០០នាក់​​បា​ន​ធ្វើ​ដំ​ណើរ​ទៅ​ទី​រួ​ម​ខេត្ត​​ដើម្បី​គាំ​ទ្រ​​​បុគ្គលិក​សិទ្ធិ​មនុស្ស​ទាំ​ង​ពី​រ​នាក់​នេះ​។

​លោក ​ស្វេនវ៉េវ ​​បា​នបន្ត​ថា “ យើង​បា​ន​ធ្វើ​ដំ​ណើរ​​តាមម៉ូ​តូ​​របស់​យើង​ផ្ទាល់​​ ដើម្បី​ប្រមូល​ផ្តុំ​គ្នា​នៅ​​ខាង​មុខ​តុ​លា​ការ​។ ​កា​រ​​ប្រមូល​​ផ្តុំ​​​របស់​​យើង​ ក៏​​ចង់​​បង្ហាញ​​តុ​លា​ការ​​ដែរ​​ថា ​គាត់​​ទាំ​ង​ពីរនាក់​មិន​បា​ន​ញុះ​​ញង់​​យើង​ឲ្យ​ប្រព្រឹត្ត​​បទ​ល្មើស​នោះទេ​។ ប៉ុន្តែ​ ពួ​ក​គេ​​​បា​ន​​ប​ង្រៀន​​យើង​ឲ្យ​យល់​​ដឹង​អំ​ពី​ច្បាប់​និ​ង​សិទ្ធិ​​ដី​ធ្លី​”។

​លោកឆេងសម​្ផស្សអ្ន​ក​ស៊ើប​អង្កេត​ជាន់​​ខ្ពស់​ប្រចាំ​អង​្គការ​​សិទ្ធិ​មនុស្ស​​លីកា​ដូ ​ដែ​ល​​​​តា​ម​​ដាន​នី​តិ​វិ​ធី​​កា​ល​ពី​ម្សិល​មិញនៅ​ក្នុង​តុ​លា​ការ​ បា​ន​មា​ន​ប្រ​សាស​ន៍​ថា ​​កា​រ​​ព្យាយាម​​បំ​​បិទ​មាត់​បុគ្គលិក​សិទ្ធិ​មនុស្ស​​ដោ​យ​ចោទ​ប្រ​កាន់​ពី​បទ​​ញុះ​ញង់​នោះ​ គឺ​​កើត​មាន​ជាទូ​ទៅ​​​នៅ​ក្នុង​ប្រទេ​ស​​កម្ពុជា​។

​លោក​បា​ន​មា​ន​​​ប្រ​សាសន៍​​ថា “ ​នៅ​ពេល​ណា​​អ្នក​ភូមិ​​​ដែ​ល​​និ​យាយ​គ្មាន​សំ​ចៃ​ធ្វើ​​ការ​តវ៉ា​​ដើម្បី​ទាម​ទា​រ​​ដី​ [ បុគ្គលិក​សិទ្ធិ​មនុស្ស ​] ត្រូ​វ​បា​ន​​ចោទ​​ថា​បាន​​​ញុះ​ញង់​​​អ្នក​ភូមិ​”៕

ប្រែ​សម្រួល​​​ដោ​យ ​ចេវប៊ុននី​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស