30 C
Phnom Penh

អ្នកស្រុក​​បញ្ចុះ​បញ្ចូល​​​រោង​ចក្រ​​ផលិត​ទឹកកក​ឲ្យកាត់​បន្ថយ​​សំ​ឡេងរំខាន​ ​​និ​ង​ក្លិនមិន​ល្អ

ដោយ ឌឹ ខេមបូឌា ដេលី

បទវិភាគ

ក្រុ​ម​មន្ត្រី​ខណ្ឌ​​បា​ន​និយា​យ​ថា ​រោង​ចក្រ​មួ​យ​​​នៅ​ក្នុង​​រាជ​ធា​​នី​ភ្នំ​ពេញ​ ត្រូវ​បា​ន​​បញ្ជា​​ឲ្យ​​​សាង​សង់​រនាំ​ង​​ដើ​ម្បី​កាត់​បន្ថយ​​សំ​ឡេង​ និង​ក្លិន​​មិន​ល្អ​​ចេញ​ពី​ម៉ា​ស៊ីន​ផលិត​ទឹក​កក ដែល​​ដំ​ណើរ​កា​រ​​២៤ម៉ោង​​ក្នុង​​មួយ​ថ្ងៃ​ និង​រំ​ខាន​​ដំ​ណេក​​របស់អ្នកស្រុ​ក​​។

លោកស្រីលីរស់​សាមី ​​​អភិ​បា​ល​រង​ខណ្ឌ ​បា​ន​មា​ន​ប្រ​សាសន៍​កា​ល​ពី​ម្សិល​មិញ​ថាប្រជា​​ពល​រដ្ឋ​​ចំ​នួន​​៧០​គ្រួ​សារ​​​រស់​នៅ​ក្នុ​ង​សង្កាត់​​គី​ឡូ​ម៉ែត្រ​​លេខ​៦ខណ្ឌ​ឫស្សី​កែវបា​ន​ជួ​ប​ជាមួ​យ​​​តំ​ណា​ង​​​របស់​រោង​ចក្រ​ ជា​មួយ​មន្ត្រី​ខណ្ឌ​​កា​ល​ពី​ថ្ងៃ​សុក្រ​ ​ដើម្បី​​​ដោះ​ស្រាយ​​បណ្តឹង​​​​អំ​ពីសូរ​សំ​ឡេង​​​​ ដែល​ឮជាប់​ជា​និច្ច​​នេះ​ ព្រម​ទាំ​ងការ​ព្រួ​យ​បា​រម្ភថា ​រោង​ចក្រ​នេះ​​កំ​ពុង​តែ​​បញ្ចេញ​​ក្លិន​ស្អុយ។

លោក​ស្រីបា​ន​មា​ន​ប្រ​សាសន៍​ថា “ យើង​បា​ន​បញ្ជា​ឲ្យ​​រោ​ង​ចក្រ​នេះ​​សង់​​របាំ​ង​មួយ​​ដើម្បី​ទប់​ស្កាត់​​សំ​ឡេង​​និង​ក្លិន​ពី​មា៉ស៊ី​ន​​​ផលិត​ទឹក​កក​​​របស​់​ខ្លួន​ ហើយ​ភាគី​​ទាំ​ង​ពីរ​​បា​នព្រម​ព្រៀង​គ្នា​ជាម​ួ​យ​​នឹង​​ដំណោះ​​ស្រាយ​​នេះ​”។​អ្នក​ស្រុកបា​ន​​ប្តឹង​រោ​ង​ចក្រ​នេះ​​ចំ​នួន​ពីរ​លើក​មក​ហើយ​ទៅ​​ការិ​យា​ល័យ​​របស់​អភិ​បា​ល​​ខណ្ឌ​កា​ល​ពី​​ខែ​​សី​ហានិង​ខែ​​តុ​លា​។

លោកហៃហួ​នអា​យុ​៥២ឆ្នាំ ​តំ​ណា​ង​​ឲ្យ​អ្នក​​ស្រុកបា​ន​មា​ន​ប្រ​សាសន៍​ថា “ ពួ​ក​គេ​ផលិត​ទឹក​កក​២៤ម៉ោ​ង​ក្នុង​​មួ​យ​ថ្ងៃ​ សំឡេង​​ម៉ា​ស៊ី​ន​​នោះ​ឮ​ខ្លាំ​ង​ណា​ស់​ ហើយ​យើង​មិន​អា​ច​​ដេក​បាន​ឡើយ​”។

​អ្ន​ក​ភូមិឈ្មោះឪ​ សុកានអា​យុ​​៥៨ឆ្នាំ​ បា​ន​​មា​ន​ប្រ​សាសន៍​ថា“ ក្លិន​ចេញ​ពី​រោង​ចក្រ​​នេះអា​ក្រក់​ណាស់​ ពេល​នេះកូន​និង​ចៅ​របស់​ខ្ញុំ​កំពុង​ឈឺ​ដោយ​សារ​តែ​ក្លិន​នេះ​”។

​លោកឈុនទូចអ្នក​គ្រប់​គ្រង​រោ​ង​ចក្រ​ទឹក​កក ដែលលោក​បា​ន​និ​យា​យ​ថា ជា​របស់​ឈ្មោះ​ សេងសុ​វណ្ណ ​កូ​ន​ប្រុស​​​​របស់​​លោកតុងសេងអភិ​បា​ល​រង​ខេត្ត​កំ​ពង់​ស្ពឺបា​ន​មា​ន​ប្រ​សាស​ន៍​ថា លោក​នឹង​ធ្វើ​តាម​សេចក្តី​​សម្រេចរបស់មន្ត្រី​ខណ្ឌ។ លោក​​បាននិយាយ​​បន្ថែម​​បន្ត​ថា“ យើ​ង​នឹង​សង់​របាំ​ង​ខ្ពស់​ជា​ង​នេះ​ និ​ង​ផ្លាស់​ប្តូ​រប្រព័ន្ធ​ក្នុង​រោង​ចក្រ​​ ដើម្បី​​ឲ្យ​មា​ន​សំ​ឡេង​តិច”។

​ទោះជា​យ៉ាង​ណាលោកទូ​ច ​បាន​បដិ​សេធ​ថារោ​ង​​ចក្រ​មិន​បា​ន​បញ្ចេញ​ក្លិន​ស្អុយ​នោះ​ទេ​។​​​​​​​​​លោក​បា​ន​សួរថា“ រោង​ចក្រ​គ្មាន​ក្លិន​ស្អុយទេ ប្រសិន​បើ​វា​មា​ន​ក្លិ​ន​ស្អុយ តើ​កម្ម​ករ​​របស់​ខ្ញុំ​ធ្វើ​កា​រ​ក្នុង​រោ​ង​ចក្រ​នេះយ៉ា​ង​ម៉េចទៅ​?”។

​លោក​ស្រី​ រស់​សាមីមា​ន​ប្រ​សាស​ន៍​ថាប្រ​សិ​ន​បើ​ម្ចាស់​រោ​ង​ចក្រ​មិន​ព្រម​អនុវត្ត​តា​ម​អ្វី​ដែ​ល​ខ្លួន​បា​ន​​សន្យា​នោះ​ទេ លោក​នឹង​​បញ្ជូ​ន​ពាក្យ​​បណ្តឹង​ទៅ​មន្ត្រី​សាលា​រាជ​ធា​នី​ភ្នំ​ពេញ​ និង​ក្រសួ​ង​ឧស្សា​ហកម្ម​ រ៉ែ​ និង​ថាម​ពល​ហើយ​​ស្នើ​ឲ្យ​បង្ខំ​រោង​​ចក្រ​នេះ​​រើ​ទៅ​នៅ​ទីតាំ​ង​​ផ្សេង​៕

ប្រែ​សម្រួ​ល​​ដោ​យចេវប៊ុននី​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស