32 C
Phnom Penh

មនុស្ស​ម្នាក់​បាន​ស្លាប់ បន្ទាប់​ពី​គ្រោះ​ថ្នាក់​ចរាចរណ៍​រថយន្ត​ក្រុង នៅ​ខេត្តសៀមរាប កាល​ពី​ម្សិលមិញ

ដោយ ឌឹ ខេមបូឌា ដេលី

បទវិភាគ

នគរបាល​បាន​ឲ្យ​ដឹង​​ថា​​ មនុស្ស​ម្នាក់​បាន​ស្លាប់​​និងប្រាំ​ពីរ​នាក់​ផ្សេង​ទៀត​បាន​រង​របួស​កាល​ពី​ថ្ងៃ​ពុធ ​នៅ​ពេល​រថ​យន្ត​ក្រុង​មួយ​គ្រឿង​បាន​​​ជួប​គ្រោះ​ថ្នាក់​ចរាចរណ៍​នៅ​ខេត្តសៀម​រាប​។

លោក វ៉ាន់ វីរៈ​​អនុ​ប្រ​ធា​ន​នគរ​បាល​ចរាចរខេត្ត​​មាន​ប្រ​សាសន៍​ថា ​​​រថ​យន្តដឹក​អ្នក​ដំណើ​រ​​មួយ​គ្រឿង​របស់​ក្រុម​ហ៊ុន​ដឹក​អ្នក​ដំណើ​មេគង្គ​អុិច​ប្រេស​​​កាល​ពី​ម៉ោង​២​​រសៀល​​បាន​បុក​រថយន្ត​ដឹក​អង្ករ​មួយ​គ្រឿង​ចំពី​ក្រោយ​នៅ​ពេល​ព្យាយាម​វ៉ា​រថយន្ត​នោះ​នៅ​លើ​កំណាត់​ផ្លូវ​ជាតិ​លេខ៦​ក្នុងឃុំ​រលួសស្រុកប្រាសាទបាគង​ ខេត្តសៀមរាប។

លោកមាន​ប្រសាសន៍​បន្តថា​ “អ្នក​បើក​បរ​រថ​យន្ត​ដឹក​អ្នក​ដំ​ណើរ​​បាន​​ព្យាយាម​វ៉ា​រថយន្តដឹក​អង្ករនៅ​ពេល​​រថយន្ត​នោះ​កំពុង​បត់​ឆ្វេង​”។​លោក​បន្ថែមថា​ រថ​យន្ត​​ក្រុង​​ដែល​មាន​ដឹក​អ្នក​ដំណើរ​៤៥​នាក់​​ពី​រាជ​ធានី​ភ្នំ​ពេញ​ទៅ​កាន់​​ខេត្ត​សៀម​រាប​នេះ​ ​បន្ទាប់​មក​បាន​​ជ្រុល​ទៅ​បុក​ដើម​ឈើ​មួយ​ដើម​​។

លោក វីរៈ​បាន​មាន​ប្រសាសន៍​បន្ត​ថា​​ ឈ្មោះ អ៊ូ​ តាំង អាយុ​២៤​ឆ្នាំ​ជា​ព្រូ​​រថ​យន្ត​ក្រុង​​នេះ​​បាន​ស្លាប់​​នៅ​ក្នុង​​​គ្រោះ​ថ្នាក់​នេះ​។ mលោក​​ថ្លែង​បន្តថា​​ ជន​ជាតិ​ខ្មែរ​ពីរ​នាក់​រង​របួស​ធ្ងន់​​ ហើ​យ​បាន​បញ្ជូន​ទៅ​ព្យាបាល​នៅ​គ្លីនិក​មួយកន្លែង​​នៅ​ក្នុងក្រុង សៀមរាប។ អ្នក​បើក​បរ​រថ​យន្ត​ដឹក​អង្ករ​មិនមាន​គ្រោះ​ថ្នាក់​ទេ។

លោកមាន​ប្រ​សាសន៍​ទៀត​ថា​ “ ជន​ជាតិ​ចិន​បី​នាក់​ និង​ជនជាតិ​ខ្មែរ​ពីរ​នាក់​ផ្សេង​ទៀត​រង​របួស​ស្រាល​។អ្នក​បើក​បរ​រថ​យន្ត​ដឹក​អ្នក​ដំណើ​រ​នេះ​បាន​បើក​បរ​​លឿន​​ហើយ​មិន​បាន​​មើល​ឲ្យ​ច្បាស់​ទេ​មុន​​ពេល​​វ៉ា​រថយន្ត​ដឹក​អង្ករ​នោះ​”។​​​​

លោក ស៊ិន ស៊ីសាកេត ប្រ​ធាន​រដ្ឋបាល​ក្រុម​ហ៊ុន មេគង្គ​អុិច​ប្រេស​​បាន​បញ្ជាក់​ថា​រថយន្ត​ដឹក​អ្នក​ដំណើ​រ​របស់​ក្រុម​ហ៊ុនលោក​​បាន​​ជួប​គ្រោះ​ថ្នាក់​ចរាចរណ៍​​មែន ​​ប៉ុន្តែ​ បាន​បដិសេធ​មិន​ផ្តល់​សេចក្តី​លម្អិត​ទេ​។ mលោក​និយាយ​​ថា​ “ ខ្ញុំ​មិន​បាន​ដឹង​ច្បាស់​ទេ​​ ប៉ុន្តែ​ ខ្ញុំ​បាន​ទទួល​ទូរស័ព្ទ​​ពីខេត្តសៀមរាប​អំពី​ឧបទ្ទវហេតុ​នេះ​”៕

ប្រែសម្រួល​ដោយឃិនណៃ​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស