​អង្គការសង្គមសុីវិលអា​ស៊ាន​អំ​ពាវ​នា​វ​ឲ្យ​មា​ន​​ការទទួល​​ខុស​ត្រូវ​​

យោង​តា​ម​អ្នក​ធ្វើ​​យុទ្ធនា​ការ​ ដែល​​បាន​ចូ​លរួ​ម​​ក្នុងកិច្ច​​ប្រជុំ​មួ​យ​​ក្នុង​រាជ​ធានី​ភ្នំ​ពេញ​កា​ល​ពី​​ម្សិល​មិញ​ឲ្យ​ដឹង​ថា ក្រុ​ម​ហ៊ុន​ឯក​ជន​​ និង​ស្ថាប័ន​​ហិរញ្ញ​វត្ថុ​​អន្តរជាតិ​ គួរតែមា​ន​កា​រ​​ទទួល​​ខុ​ស​ត្រូ​វ ​​និង​មាន​តម្លា​ភាព​​ថែ​ម​ទៀត​ ដើម្បី​​ជំ​រុ​ញ​​ផ្នែ​ក​សិទ្ធិ​មនុស្ស​​ឲ្យ​​កាន់តែល្អ​។

អ​ង​្គការ​​សង​្គម​​ស៊ី​វិល​​បា​ន​លើក​ឡើង​ពី​បញ្ហា​នេះ​​នៅ​ថ្ងៃ​​ដំ​បូ​ង​នៃ​សិក្ខា​សាលា​របស់​សភា​ប្រជា​​ជន​​​អា​ស៊ាន​ ដែល​ធ្វើ​ឡើង​រយៈ​​​ពេល​​បួ​ន​​ថ្ងៃ​​​រហូ​ត​​ដល់​កិច្ច​ប្រជុំ​​កំ​ពូល​អា​ស៊ាននិង​អា​ស៊ី​បូ​ពា៌​។

អ្នកតស៊ូមតិ​ម្នាក់​​ក្នុង​ចំ​ណោម​​អ្នកតស៊ូមតិ​​កម្ពុជា​​គឺ​លោក ​សៀភា​រម្យអគ​្គ​លេខា​ធិកា​រ​​នៃ​គណ​ៈ​​កម្ម​ការ​​សិទ្ធិលំនៅ​ដ្ឋាន​​បា​ន​លើ​ក​ឡើង​បន្ទាប់​​ពី​​សិក្ខា​​សាលា​ថា នៅ​ក្នុង​ប្រទេ​ស​កម្ពុជា ​ក្រុ​ម​ហ៊ុន​​ដែ​ល​នៅ​ពី​ក្រោ​យ​​កា​រ​​អភិ​វឌ្ឍ​ធំៗគួរ​តែ​​បើក​ចំ​ហ​​ថែ​ម​​ទៀត​ អ​ំ​ពី​​ផែនកា​រ​​របស់​ខ្លួន​។

​លោក​បាន​មា​ន​​ប្រ​សាស​ន៍​ថា “ គួរតែ​​ផ្សព្វ​​ផ្សាយ​អំពីផែន​កា​រ​មេ​​ណា​​សម្រាប់​​កា​រ​​អភិ​វឌ្ឍ​ណា​មួ​យ​ ប្រសិ​ន​បើ​វា​នឹង​​ធ្វើ​ឲ្យ​ប្រជា​ពល​រដ្ឋ​គ្មាន​​ទីជម្រក​។ នៅ​ពេល​ប្រជា​ពល​រដ្ឋ​ដឹង​​ដូច្នោះ​ ពួ​ក​គេ​​​អា​​ច​ត្រៀម​​រៀប​​ចំ ​ផែន​កា​រ​បា​ន​ល្អអំពីរបៀបថាតើ​ពួ​ក​គេ​​គួរសហ​កា​រ​ ឬ​​ទាម​ទារ​សិទ្ធិ​​របស់​ខ្លួន​បែបណាសម្រាប់​​ការ​សង់​លំ​នៅ​ដ្ឋាន​​ឲ្យ​បាន​គ្រប់​គ្រាន់​​”។

​​ឯក​សារព្រាងមួ​យ​​ច្បាប់មា​ន​​ចំ​ណង​ជើង​ថាកា​រ​ទាម​​ទា​រ​ឲ្យកា​រ​ទទួ​ល​ខុស​ត្រូវ​របស់អា​ស៊ាន​​ដែល​ជា​ឧទា​​ហរណ៍​មួយលើកឡើងពី​ប្រទេ​ស​​កម្ពុជា​​ និង​ពីទី​កន្លែ​ង​ផ្សេង​ទៀត​នៅ​ក្នុង​តំ​បន់​​ ដើម្បីធ្វើ​សំ​ណូម​​​ពរឲ្យរក​​ដំ​ណោះ​ស្រាយ​អំពី​សិទ្ធ​ិ​ជាមូ​ល​ដ្ឋាន​ក្នុង​កា​រ​បង្កើត​គណ​​នេយ្យ​ភាព​នៅ​ក្នុង​តំ​បន់​ ត្រូ​វ​បា​ន​ធ្វើ​បទ​បង្ហាញ​​អំ​ឡុង​​​សិក្ខា​សាលា​នេះ។

​សិក្ខា​​សាលា​នេះ ​​អ​ំ​ពា​វ​នា​វ​ឲ្យ​​ក្រុមហ៊ុន​ឯក​ជន​​ធ្វើ​ឲ្យ​ប្រាកដ​ថា ប្រជា​ពល​រដ្ឋ​​ ដែ​ល​រងផល​​ប៉ះ​ពាល់​​​ដោយ​សារ​គម្រោង​​អភិវឌ្ឍន៍​អា​ច​ធ្វើ​​ពាក្យ​បណ្តឹង​​​ដោ​យ​ផ្ទាល់​​ទៅ​ក្រុ​ម​ហ៊ុន​និង​ដើម្បី​ឲ្យ​ប្រា​កដ​​ថា ​សាធា​​រណ​ជនចូលរួម​​ក្នុ​ង​កា​រ​ពិ​ភាក្សា​ពីគម្រោងអភិ​វឌ​្ឍ​ន៍នេះ​។

សិក្ខា​សាលានេះ​បន្ត​ទៀត​ថា “ ​ក្រុ​ម​ហ៊ុន​ទាំ​ង​​ឡាយ​គួរតែទទូ​ចថានិទណ្ឌ​ភាព​ មិន​អាច​ទទួល​យក​បា​ន​ឡើយ ដោ​យ​សារ​ការ​​អ​នុ​វត្ត​នយោ​បាយមិន​អាចទទួល​យក​បា​ន​​ស្តី​ពី​កា​រ​រំ​លោភ​ និង​ការដោះ​ស្រាយ​ផ្នែកសិទ្ធិ​មនុស្ស​បែប​ប្រតិ​សកម្ម”។

លោកស្រីអាស៊ី​សាស (A Sisah) ដែល​ជា​​អ្នក​សម្រប​សម្រួល​​ផ្នែក​សិទ្ធិ​លំនៅ​ដ្ឋាន​ និង​កា​រ​​តាំង​ទី​លំ​នៅរបស់​អង្គការ​វេទិកានៃអង្គការមិនមែន​រដ្ឋា​ភិ​បា​ល បា​ន​លើក​ឡើង​ថាស្ថាប័ន​​ហិរញ្ញ​វត្ថុ​​អន្តរជាតិ​ ដូច​ជា​ធ​នា​គា​រពិ​ភព​លោក​ និង​ធនា​គារ​​អភ​ិ​​វឌ្ឍន៍​អា​ស៊ី​ គួរ​មា​ន​​តម្លា​ភាពថែម​ទៀត​​ អំ​ពី​​គម្រោង​​​ផ្សេង​ៗ​​ដែ​ល​ខ្លួន​ផ្តល់​មូ​ល​និ​ធិ​​នៅ​ទូទាំ​ង​​តំ​បន់​អា​ស៊ាន​។ ពួ​ក​គេ​​ក៏​គួ​រតែ​មា​ន​កា​រ​ឆ្លើយតប​​ថែម​ទៀត​​ចំ​ពោះ​ពាក្យ​បណ្តឹង​ នៅ​ពេល​​ពួ​ក​គេ​​​ផ្តល់​មូ​ល​និធិ​​ ដែល​មានផលប៉ះ​ពាល់​​ដល់​សាធា​​រណ​ជន​។

ធនាគារ​​អភិ​​វឌ្ឍ​ន៍​អា​​ស៊ីបា​នទទួលរងការ​រិះ​គន់ដោយ​សារ​គ្រប់គ្រង​គម្រោ​ង​មួយ​ក្នុ​ង​កា​រ​ស្តារ​ផ្លូ​​វ​ដែកឡើង​វិញ​​​នៅក្នុង​ប្រទេ​ស​កម្ពុជា ដែល​ធ្វើ​ឲ្យ​ប្រជា​ពល​​រដ្ឋ​​រាប់​មុឺន​គ្រួ​សារ​លែងមានទី​​ជ​ម្រក​។ធនា​គា​រ​​ពិ​ភព​លោក​ បា​ន​ដើរ​តួ​នា​​​ទី​មួ​យ​ក្នុ​ង​កា​រផ្តល់​មូ​ល​និ​ធិ​​សម្រាប់​កម្ម​វិ​ធី​​ផ្តល់​ប័ណ្ណ​កម្ម​​សិទ្ធិ​ដីធ្លី ដែល​​ធ្វើ​ឲ្យអ្នក​ស្រុ​ក​បឹង​កក់​ ដែ​ល​ភា​គ​ច្រើន​ក្នុង​​ចំណោម​អ្នកទាំងនោះ​ត្រូ​វ​បា​ន​​បណ្តេញ​​ចេញ​​សម្រាប់ការ​អភិ​វឌ្ឍ​ទ្រង់​ទ្រាយ​ធំ​។ ​លោកស្រីអាសីុសាស ​​បា​ន​លើក​ឡើ​ង​ថា“ យើង​ធ្លាប់មា​ន​បទ​ពិ​សោធ​ថាយន្ត​កា​រ​​បណ្តឹង​​​​

នៅ​ធ​នា​គារ​​នេះ គឺ​ពិ​បា​ក​​ស្មុគស្មាញ​ណាស់​សម្រាប់​ប្រជា​ពល​រដ្ឋ​។ វា​ប្រើ​ពេល​យូរ”។លោក​ស្រី​បា​ន​បន្ថែម​​ថា ​​ពាក្យ​បណ្តឹង​ធ្វើ​ឡើងជួស​មុខ​ឲ្យ​អ្នក​ភូមិ​ ​អា​ច​ប្រើ​​ពេល​​ជា​​ង​ពី​រ​ឆ្នាំ ​ទើបចាត់ការបាន​។

​ក្នុង​កា​រ​ឆ្លើយតប​តា​ម​អុី​ម៉េលលោកអេ​រីកស៊ីត​វីក (Eric Sidgwick) នាយក​ប្រចាំ​ប្រទេស​​របស់​ធនាគារ​​អភិ​វឌ្ឍន៍​អា​ស៊ី ​លើក​ឡើង​ថា វិធា​ន​ការ​​ក្នុង​កា​រ​​ឆ្លើយ​តប​ទៅ​នឹង​ពាក្យ​បណ្តឹង​​អ​ំ​ពី​​គម្រោង​​ផ្លូ​វ​ដែក​ ត្រូ​វ​បា​ន​ព្រម​ព្រៀង​ កា​ល​​ពី​ក្នុង​ខែ​​តុ​លា​ គឺក្នុងរយៈ​ពេល​ប្រហែល១១​ខែ​ បន្ទាប់​ពី​ពាក្យ​​បណ្តឹង​ត្រូ​វ​បា​ន​ធ្វើ​ឡើ​ង​។

​លោក​បន្ត​ថា “ ​ដំ​ណើរ​កា​រ​ដោះស្រាយ​បញ្ហា​ មា​ន​ដំ​ណា​ក់កាល​​ច្បាស់​លាស់ ដែល​ស្រប​នឹ​ង​ពេល​វេលា​។ ដំ​ណាក់​កា​ល​នេះ​ មានផ្សាយនៅ​ក្នុង​គេ​ហ​ទំព័​ររបស់​ធនាគារ​​អភិ​វឌ្ឍ​ន៍​អា​ស៊ី​”៕

ប្រែ​សម្រួ​ល​ដោយចេវ​ ប៊ុននី​​

 

© 2012 – 2014, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.