29 C
Phnom Penh

កា​រ​បំ​ភិត​​បំ​ភ័យអង្គការ​​សង្គម​ស៊ី​វិលនៅ​តែ​បន្ត មុន​​​កិច្ច​ប្រជុំ​​កំ​ពូល

ដោយ ឌឹ ខេមបូឌា ដេលី

បទវិភាគ

យោងតា​ម​មន្ត្រី​​អង្គការសហ​ប្រជា​ជាតិ​ម្នាក់ និង​បុគ្គលិក​អង្គការសិទ្ធិមនុស្ស​​បា​ន​ឲ្យ​ដឹង​​ថា ​កាល​ពី​ម្សិល​មិញអាជ្ញា​​ធរ​​មូ​ល​ដ្ឋាន​​នៅ​ទូទាំ​ង​រាជ​ធា​នី​ភ្នំ​ពេញ​នៅ​តែបន្ត​បំ​ភិត​បំ​ភ័យ​​ម្ចាស់​ទី​តាំ​ង​​​​និ​ង​​ម្ចាស់​ផ្ទះ​សំណាក់​ ​ដែលអ​ង្គ​កា​រ​​​​សង្គ​ម​​ស៊ី​វិល​​បម្រុ​ង​ធ្វើ​សិក្ខា​​សាលា​មុន​​កិច្ច​ប្រជុំ​កំ​​ពូល​​អា​ស៊ាន ​និ​ង​អា​​ស៊ី​បូ​ពា៌នៅ​សប្តាហ៍​​ក្រោ​យ​នេះ​។

​អ​ង្គ​កា​​រ​បណ្តាញ​​ប្រជា​ជ​ន​​​​អា​ស៊ាន​ (Asean Grassroots People Network) ដែ​លកា​ល​ពី​ថ្ងៃ​​អ​ង្គា​រ​ត្រូវ​បិទ​​​ពិ​ធី​​ចាប់ផ្តើម​របស់​ខ្លួន​ នៅ​ពេល​​​​ដែល​​​ម្ចាស់​ភោជ​​នី​យដ្ឋាន​​​បា​ន​​បដិ​សេធ​មិន​ឲ្យ​ប្រារព្ធ​ពិធីនេះ​ ​ហើយកាលពីម្សិលមិញពួកគេ​កាន់តែ​មា​ន​​បញ្ហា​ថែ​ម​ទៀត។

​លោកមឿនតុ​លាប្រធា​ន​​កម្មវិធី​ការងារ​របស់​មជ្ឈមណ្ឌល​​​អប់​រំ​ច្បាប់​សម្រាប់​សហគមន៍បា​ន​មា​ន​ប្រ​សាសន៍​ថា សិក្ខា​​សាលា​មួ​យ​​ស្តី​ពី​​បញ្ហា​​ការ​​ងារ​ និ​ង​​ចំណាកស្រុកនៅ​មជ្ឈ​​មណ្ឌល​​​មូ៉ឌែន២ ដែលជា​កន្លែ​ង​​​ទទួល​​រៀប​ចំ​អា​​ពាហ៍​ពិ​ពាហ៍ ​នៅ​ក្នុង​សង្កាត់​​​ចាក់​អ​ង្រែ​ ខណ្ឌ​មា​ន​​ជ័យ​ត្រូ​វ​ឈប់ភ្លាមៗ​។

លោក​បា​ន​មា​ន​ប្រ​សាសន៍​ថា “ នៅ​ពេល​​សិក្ខា​សាលាចាប់ផ្តើម អា​ជ្ញា​​ធរ​​មូល​ដ្ឋាន​ជា​មន្ត្រី​​នគរបា​លសង្កាត់ចាក់អង្រែ​ក្រោម​ ​បា​ន​​សួ​រ​​​អ្នក​រៀប​ចំ​​សិ​ក្ខា​សាលាថា​តើ​​ពួ​ក​គាត់​​មា​ន​កា​រ​អ​នុ​ញ្ញាត​ពី​សាលា​ក្រុងឬ​អត់​”។ លោក​ តុ​លាបា​ន​មា​ន​ប្រ​សាសន៍​ថាបន្ទាប់​​ ពី​នគរបា​ល​​សង្កាត់​​ចាក​​ចេញ អ្នក​គ្រប់​គ្រង​ម្នាក់​នៅ​មជ្ឃមណ្ឌល​ទាំ​ង​នោះ​ បា​ន​ប្រាប់​​សិក្ខា​កា​ម​​​ឲ្យ​​ចេញ​។“គាត់​ផ្តាច់​ភ្លើង​ និងបិទ​ទឹក​”។

​លោកឡោលីន​ណូ ​​នាយ​ប៉ុស្តិ៍​នគរបា​ល​សង្កាត់ចាក់​អង្រែក្រោម ​​បា​ន​បដិ​សេធ​ថា ​នគរ​បាល​មិន​បា​ន​​បិទ​​សិក្ខា​សាលា​នោះ​ទេ​ ហើយ​អ្នក​​ដែល​ឆ្លើយ​​តា​ម​ទូ​រ​ស័ព្ទ​​នៅ​ទី​​កន្លែង​​​នោះបា​ន​និ​យាយ​ថាទីតាំ​ង​នោះ​ ប្រព្រឹត្តទៅ​​ជា​ធម្មតា​។ និយោ​ជិត​ម្នាក់​​ ដែ​លសុំ​មិន​​ប្រាប់​ឈ្មោះ ​បា​ន​និ​យាយ​ថា “ គ្មាន​​អ​ង​្គកា​រ​ក្រៅ​រដ្ឋាភិ​បាល​ណា​ប្រជុំ​​ទេ​ មាន​តែកម្មវិធី​អាពាហ៍​ពិពាហ៍ដូច​ធម្ម​តា”។

​លោកឡុងឌី​ម៉ង់ ​អ្នក​នាំ​ពាក្យ​របស់​​សាលា​​រាជ​ធានី​ភ្នំពេញ ​បា​ន​បដិ​សេធ​​​ថា​ លោក​មិន​បានដឹង​ពីការជ្រៀត​ជ្រែក​​នេះ​ទេ​។ លោក​បា​ន​បន្ថែម​ថា “ ខ្ញុំ​មិន​ដឹង​​ទេ​។ ​សាលា​រាជ​ធា​នី​​មិន​បា​ន​បញ្ជា​ឲ្យ​បិទ​​កិច្ច​ប្រជុំ​នេះ​ទេ​”។ ​លោកចេមហ៊ី​ណាន់ ​(James Heenan) តំ​ណាង​​របស់​ការិ​យាល័យ​​សិទ្ធិ​មនុស្ស​​របស់​អ​ង្គ​កា​រ​​សហ​ប្រជា​ជាតិ​​ក្នុង​ប្រទេស​កម្ពុជា​បា​ន​លើក​ឡើង​ក្នុ​ង​​អុី​ម៉េល​​មួយ​ថា ការិ​យា​ល័​យ​របស់​លោក បា​ន​និង​កំ​ពុង​តាម​ដាន​កិច្ច​ប្រជុំ​នេះ ​​រហូត​ដល់​កិច្ច​​ប្រជុំ​​កំ​ពូល​អា​ស៊ាននិង​អា​ស៊ី​​បូ​ពា៌ហើយ​​រក​ឃើញ​ថាអ្នក​រៀបចំ​​ជា​ច្រើ​ន​នាក់​​បា​ន​ទទួលរង​​កា​រ​ព្រ​មាន​ ហើយ​ឈ្មោះ​​របស់​​ពួ​ក​គេ​ត្រូ​វ​បា​ន​​កត់និង​ថត​ទុក​ ឬ​ឲ្យ​ម្ចាស់​ទីតាំ​ង​បង្ខំ​លុបចោលការកក់ទុក​។

​លោក​បា​ន​មា​ន​ប្រ​សាសន៍​ថា“ មនុស្ស​​ជា​ច្រើន​បា​ន​​រាយ​ការណ៍​​ថា ម្ចាស់​ទីតាំ​ង​​ធ្វើ​​ដូច្នេះដោ​យ​សារ​មា​ន​គំ​នា​ប​ពី​អាជ្ញា​ធរ។ យើង​បា​ន​លើក​ឡើង​ពី​កា​រ​​ព្រួ​យ​បារម្ភ​​ទាំ​ង​នេះ​​ដោយ​ផ្ទាល់​ជា​មួ​យ​​អាជ្ញា​ធរ​”។ ​អ​ង្គ​កា​​រ​បណ្តាញ​​ប្រជា​ជ​ន​​​​អា​ស៊ានបាន​លើក​ឡើង​ក្នុង​សេចក្តី​ប្រកាស​កា​ល​ពី​ម្សិល​មិញ​​ថាសិក្ខា​កាម​ជា​ង​២៥០​នាក់​ ដែល​ភាគ​ច្រើន​ជា​ប្រជា​ជន​កម្ពុជា​ ធ្វើដំណើរមកពី​តា​មបណ្តា​​ខេត្ត​​មកកាន់​រាជ​ធា​នី​ភ្នំពេញត្រូ​វបា​ន​​បង្ខំ​ឲ្យ​ចេញ​ពី​ផ្ទះ​សំ​ណាក់​​​កា​ល​​ពី​ដើម​សប្តាហ៍​នេះ។

​​សេចក្តី​ប្រកា​សនេះ​​ឲ្យ​ដឹង​ថា “ អ្នក​ខ្លះត្រូ​​វ​បា​ន​​ឲ្យ​ចេញ​នៅ​ពាក់​កណ្តាល​យប់ ខ្លះត្រូ​វ​បា​ន​​បំ​ភិត​បំ​ភ័យ​ ហើយ​​ខ្លះ​ទៀត​​ត្រូ​វ​បា​ន​​ប្រាប់​ថាកា​រកក់​ទុ​ក​​​របស់​ខ្លួន​​ត្រូវបាន​គេបំភ្លេច​ចោល​​ដោយ​អាថ​៌​ក​ំបាំ​ង”។

​ខណៈ​​ដែល​​អ​ង្គ​កា​​រ​បណ្តាញ​​ប្រជា​ជ​ន​​​​អា​ស៊ានលើក​ឡើង​ថា សិក្ខា​​សាលា​​ចំ​នួន​​១១​ក្នុង​ចំ​ណោម​សិក្ខា​​សាលា​​ចំ​នួ​ន​១២ ​ដែល​​ពិ​ភាក្សា​​ពី​បញ្ហា​ ដូច​ជា​កា​រ​​​បណ្តេញ​ចេញ ​ដី​សម្បទាន ​សន្តិសុខ​ស្បៀងអា​ហារ​​ និង​ពាណិជ្ជ​​កម្ម​​នៅ​ក្នុ​ង​តំបន់អា​ស៊ាន​​ត្រូ​វ​បា​ន​ធ្វើ​ឡើ​ង​​​ដោ​យ​ជោគ​ជ័យ​ តែ​សិ​ក្ខា​សាលា​មួយ​ៗ​បា​ន​ទទួលរងការ​ជ្រៀត​ជ្រែក​ពី​នគរ​បាល​ស្លៀក​ពាក់​ស៊ី​វិល​​ ឬ​​ម្ចាស់​ទី​តាំ​ង​ ដោ​យទាម​ទារ​ឲ្យ​សិក្ខា​​សាលា​នេះ​កុំ​ពិ​ភាក្សា​អំពី​នយោ​បាយ។

លោក​ សុកសំ​អឿននាយក​ប្រតិ​បត្តិ​​របស់​ក្រុម​អ្នក​​ច្បាប់​កា​រ​​​ពា​រ​សិទ្ធិ​កម្ពុជា និង​ជា​សមា​ជិក​គណៈ​កម្មាធិ​កា​រនាយក​​​របស់​វេទិ​កា​ថ្នាក់​ជាតិនេះ ​​​មាន​ប្រ​សាសន៍​ថា ក្នុងសិក្ខាសាលា​ដាច់ដោយឡែក​មួ​យ​​ទៀត វេ​ទិកា​ប្រជា​​ជន​អា​ស៊ាន ​ដែលបា​ន​​​ដូរ​ទីតាំ​ង​ពីរ​លើក​រួចមក​ហើយនោះ​​ដោ​យ​សារកា​រ​​​បំ​ភិត​បំ​ភ័យត្រូ​វ​បា​ន​ធ្វើ​ឡើង​នៅ​ចម្ងាយ​បី​បួ​ន​គី​ឡូម៉ែត្រ​​ក្រៅ​​រាជ​ធានី​ភ្នំពេញ​ គឺនៅមណ្ឌល​​កុ​មា​រ​​កំ​ព្រា​​​ របស់​អង្គកា​រ​​សុ​វណ្ណ​កុ​មា​រ​ ក្នុ​ង​ខេត្ត​កណ្តាល​។​​​​​​

លោក​បា​ន​​លើកឡើងថា “ ​យើង​មិន​អា​ច​​ស្វែ​ង​រក​ទី​តាំ​ង​​ផ្សេង​ទៀត​នៅ​ក្នុង​ក្រុង​បា​ន​ទេ​ ប៉ុន្តែ​​ទីតាំ​ង​នេះ​ គឺ​ជា​ទី​តាំង​របស់​​អង្គ​ការ​​ក្រៅ​រដ្ឋាភិ​បាល​ ដូ​ច្នេះអាជ្ញា​ធរ​មូ​ល​ដ្ឋាន​មិន​​​អា​​ច​រំ​ខានបាន​​ឡើយ​។យើ​ង​បា​ន​ទទួល​មន្ត្រី​នគរបាល​ខ្លះ​ បុ៉ន្តែ​មិនមាន​បញ្ហា​​ទេ​។អ្វី​​ដែល​យើង​លើក​ឡើង យើង​​ចង់​​ឲ្យ​រដ្ឋា​ភិ​បាល​ឮ”។

​អង្គការ​​សិទ្ធិ​មនុស្ស​​លី​កា​ដូ ​​​​ថ្កោល​ទោស​ចំពោះកា​រ​ជ្រៀត​ជ្រែក​នេះ​ក្នុង​សេចក្តី​ថ្លែង​កា​រណ៍​មួ​យដែល​ចេញ​ កាលពី​ម្សិល​មិញ​។​សេចក្តី​ថ្លែ​ង​ការណ៍​នេះ​ បានលើកឡើ​ង​​ថា“កា​រ​បំ​ភិត​បំ​ភ័យ​​មកលើក្រុម​​អ្នក​​រៀប​ចំ​សិក្ខា​សាលា​ និ​ង​សិក្ខា​កា​ម​​នៅ​ឯ​សិ​ក្ខា​សាលា​ គឺ​មិន​អា​ច​ទទួល​យក​បា​ន​​ទេ​ ចំ​ពោះ​​​សេរី​ភាព​ក្នុង​កា​រ​​​បញ្ចេញ​មតិ​ និង​កា​រ​ម្រមូ​ល​ផ្តុំ​គ្នាហើយ​វា​បានបញ្ជូន​​សារ​​ដ៏មា​ន​ឥទ្ធិពលមួ​យ​ទៅដល់​ពិភពលោក​​ថារដ្ឋាភិ​បា​ល​កម្ពុជាមិន​មានឆន្ទៈ​ចង់បង្កើតសហគមន៍​អា​ស៊ានមួ​យ ​ដែល​គោរព​សិទ្ធិ​មនុស្ស​​​ និង​សេរីភាព​ជាមូល​ដ្ឋាន​ នោះ​ទេ​”៕

ប្រែ​សម្រួល​ដោ​យចេវប៊ុននី​​​​​​​

 

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស