26 C
Phnom Penh

តុលាការ​ដោះលែង​សកម្ម​ជន​ប្រឆាំង​នឹង​ការ​បណ្តេញចេញ​ ប៉ុន្តែបន្តរក្សាបទ​ចោទប្រកាន់​

ដោយ ឌឹ ខេមបូឌា ដេលី

បទវិភាគ

សាលា​ដំបូង​រាជ​ធានី​ភ្នំពេញ កាល​ពី​ម្សិល​​មិញ បានផ្តន្ទាទោស​អ្នកស្រី ទឹម សាក់មុនីអាយុ​៦៤ឆ្នាំដែល​ជា​អ្នក​ភូមិ​មកពីសហគមន៍​បុរី​កីឡា​ពី​បទ​ចេញ​សេចក្តី​ប្រកាសក្លែង​ក្លាយ​ ប៉ុន្តែ​ បានសម្រេច​ដោះលែង​ បន្ទាប់​ពី​បាន​​ជាប់​ពន្ធនាគារមួយរយៈ។

នៅថ្ងៃដដែលនេះ ​សវនាការជំនុំជម្រះ​អ្នក​ស្រី​ ​ទឹម សាក់មុនី ត្រូវ​បាន​ធ្វើ​ឡើង​ដោយ​គ្មាន​ការ​​ពន្យល់​ឲ្យ​បាន​ច្បាស់​លាស់​ដូច​ថ្ងៃដែល​បើក​សវនាការ​ជំនុំ​ជម្រះ​ក្តី​ អ្នកស្រី​ យ៉មបុប្ផាអ្នក​តវ៉ា​ប្រឆាំង​ការ​បណ្តេញ​ចេញ​មួយ​រូបដែល​ត្រូវ​បានតុលាការ​ចោទ​ប្រកាន់​ក្នុង​សំណុំ​រឿង​​​ផ្សេង​​មួយ​ទៀត​នោះឡើយ​។

ការបង្ហាញ​ខ្លួន​របស់​ពួក​គាត់ ​នៅក្នុង​តុលាការ​បាន​ធ្វើ​ឲ្យ​មាន​អ្នក​គាំទ្រ​ជាច្រើន​បន្ទាប់​ពី​បើក​សវនាការ​ ដែល​មាន​រយៈពេល​ប្រហែល​៣ម៉ោងលោកគឹមដានីប្រធាន​ក្រុម​ប្រឹក្សាជំនុំជម្រះបាន​ប្រកាសថាអ្នកស្រីទឹម សាក់មុនី ត្រូវ​ផ្តន្ទាទោស​ឲ្យ​ជាប់​ពន្ធនា​គារ​​​រយៈពេល​មួយ​ខែ ប៉ុន្តែ​ បាន​ដោះ​លែង​អ្នក​​ស្រី​ត្រឹមពេល​វេលា​ ដែល​អ្នក​ស្រី​បាន​ចំណាយក្នុង​ពន្ធនាគារ​ព្រៃស​ ចាប់​តាំង​ពី​ការ​ចាប់​ខ្លួន​អ្នកស្រី​ កាល​ពីខែកញ្ញាមក។

លោកចៅក្រម គឹម ដានី បានមាន​ប្រសា​សន៍ថា “ តុលាការ​បាន​សម្រេចថា ជន​សង្ស័យ​ត្រូវ​ជាប់​ពន្ធនាគារ​ត្រឹម​តែបួន​ខែប៉ុណ្ណោះ។

លោកព្រះរាជអាជ្ញា បាន​លើក​ឡើង​ថាអ្នក​ស្រី ទឹម សាក់មុនី ​​​​ដែល​បាន​ទទួល​ប្រាក់​សំណង​ពី​ក្រុម​ហ៊ុនផានអុីមុិច សម្រាប់ការ​បណ្តេញ​​​អ្នកស្រី​ចេញពី​ផ្ទះ​របស់​ខ្លួននៅក្នុង​សហគមន៍​បុរី​កីឡា​បាន​ធ្វើសេចក្តី​ប្រកាស​​ក្លែង​ក្លាយមួយដើម្បី​ទទួល​បាន​ផល​ប្រយោជន៍​ផ្សេង​ទៀត​ពី​ក្រុម​ហ៊ុន។

យោង​តាម​ក្រម​ព្រហ្មទណ្ឌបទ​ចោទ​ប្រកាន់​អ្នកស្រី​ ទឹមសាក់មុនីត្រូវ​បាន​ចែងថាជាការ​ផ្តល់​សេចក្តី​ប្រកាស​ក្លែង​ក្លាយ​ទៅ​ឲ្យ​ស្ថានប័ន​សាធារណៈក្នុង​គោល​បំណង​ទទួល​បានផល​ប្រយោជន៍​ផ្សេង​គឺ​ការបង់​ប្រាក់​សំណងឬក៏​ប្រយោជន៍​មិន​ស្រប​តាម​ផ្លូវ​ច្បាប់​ណាមួយ។

អ្នក​ស្រី​ ទឹមសាក់​មុនីបាន​និយាយ​នៅពេល​ផ្តល់​សក្ខីកម្មចំពោះ​មុខ​តុលាការ​ថា”ខ្ញុំ​មិន​ដែល​ទាម​ទារ​ផ្ទះ​លែ្វងសម្រាប់​ខ្លួន​ខ្ញុំ​ឡើយគឺខ្ញុំ​សុំតែសម្រាប់​កូន​ប្រុស​ខ្ញុំ​ប៉ុណ្ណោះ”។

លោកព្រះរាជអាជ្ញាមិន​បាន​បង្ហាញ​ភ័ស្តុតាង​ណាមួយ​ចំពោះ​មុខតុលាការ​ ដែល​ថាអ្នកស្រីទឹមសាក់មុនីបាន​ចេញ​សេចក្តី​ថ្លែងការ​ណ៍ក្លែង​ក្លាយ​នោះ​ឡើយប៉ុន្តែទំនង​ជាចាត់ទុកសកម្មភាព​ខុសឆ្គងរបស់​អ្នកស្រី​អំឡុងពេល​តវ៉ា​​ជំនួស​ឲ្យ​គ្រួសារ ​ដែល​ត្រូវ​បាន​បណ្តេញ​ចេញ​ដោយ​ក្រុម​ហ៊ុន​ផានអុីមុិច។

លោកឡាំងគឹមសេងមេធាវី​តំណាង​ក្រុម​ហ៊ុនផានអុីមុិចបាន​បង្ហាញ​​តុលាការ​ចំពោះ​រូប​ភាព​ ដែល​អ្នក​ស្រី​ ទឹមសាក់មុនីបាន​តវ៉ាប្រឆាំង​ក្រុម​ហ៊ុន​ ហើយ​បាន​សួរ​ថាតើ​ហេតុ​អ្វីបានជាអ្នកស្រី​​ចូល​រួម​ពាក់​ព័ន្ធក្នុង​ការ​តវ៉ា​បន្ទាប់​ពី​អ្នកស្រី​បាន​ទទួល​បាន​ប្រាក់​សំណង​រួចហើយ​នោះ​។

លោកអំសំអាត​ ប្រធាន​គ្រប់​គ្រង​បច្ចេកទេស​នៅ​អង្គការ​សិទ្ធិមនុស្ស​លីកាដូ​បាន​ស្វាគមន៍ចំពោះការ​ដោះលែង​អ្នកស្រី​ ទឹមសាក់មុនីប៉ុន្តែ​ បាន​សួរ​អំពី​មូលហេតុ​នៃការ​ចោទប្រកាន់​អ្នកស្រី។

លោកបាន​មាន​ប្រសាសន៍ថា”យើង​នៅ​តែ​ព្រួយ​បារម្ភថាតុលាការ​នឹង​មិន​លើក​លែងការ​ចោទប្រកាន់​ឡើយ​ វាជាការ​គំរាមកំហែង​ចំពោះ​សកម្មជន​ដែលខំ​ការ​ពារ​សិទ្ធិ​មនុស្ស​”។

នៅ​ខាងក្រៅ​តុលាការ​ កាល​ពី​ម្សិល​មិញ​ នគរបាល​បាន​បិទកំណាត់​មហាវិថី​សាល​ឌឺហ្គោល​ ពេញមួយ​ថ្ងៃរសៀល។នៅ​ចុង​ភាគខាងជើង​នៃកំណាត់​ផ្លូវ​ ដែល​បាន​បិទ​ អ្នក​ភូមិមកពីសហគមន៍​បឹងកក់​ និង​សហមគន៍បុរីកីឡាព្រមទាំង​អ្នក​គាំទ្រ​ផ្សេង​ទៀត​បានមក​ប្រមូល​ផ្តុំ​គ្នាច្រៀង​ចំរៀងនិង​ជួន​កាលបាន​ប៉ះ​ទង្គិច​គ្នា​ជាមួយ​នគរបាល​ទៀត​ផង។

រីឯនៅ​ចុង​កំណាត់​ផ្លូវ​ម្ខាង​ទៀត​គឺ​​សមាជិក​សមាគមន៍​សហព័ន្ធអភិវឌ្ឍន៍​​កម្ពុជា ​ដែល​ធ្លាប់​បាន​​តវ៉ា​ នៅក្នុង​រាជ​ធានី​ភ្នំពេញគាំទ្រសកម្មភាពនៃការ​បណ្តេញ​ចេញ។

នៅក្នុង​សវនាការ​ជំនុំ​ជម្រះ​ក្តី​ផ្សេង​មួយ​ទៀត​ របស់​សាលាដំបូង​រាជធានី​ភ្នំពេញអ្នក​ភូមិ​មក​ពី​សហគមន៍បឹងកក់​ និង​អ្នកស្រី​ យ៉មបុប្ផាអាយុ​២៩ឆ្នាំ​សកម្មជនការ​ពារ​សិទ្ធិ​ដីធ្លី​ជាយូរ​មក​ហើយ ​ ក៏ត្រូវ​បាន​ចាប់​ខ្លួនក្នុង​ខែកញ្ញាដែរដោយ​​ពី​បទ​ចូលរួម​ពាក់ព័ន្ធក្នុងការ​វាយ​ប្រហារ​ទៅ​លើ​បុរស​ពីរនាក់​។

លោកចៅក្រមសួសសំអាតបាន​មាន​ប្រសាសន៍ថាសំណុំរឿង​របស់​អ្នកស្រីយ៉មបុប្ផាដែល​ត្រូវ​បាន​បើក​សវនការ​ដំណាល​គ្នា​ជា​មួយ​ប្តី​របស់​អ្នកស្រីគឺលោកលួសសាខននិង​ប្អូន​ប្រុសពីរនាក់​ទៀត​របស់​អ្នកស្រីដែលត្រូវ​បាន​ផ្តន្ទាទោស​កំបាំង​មុខនឹង​បន្ត​នៅ​ថ្ងៃនេះ។

លោកវ៉ាតថៃសេងអាយុ​២៤ឆ្នាំជន​រង​គ្រោះ​ម្នាក់​ក្នុង​ចំណោម​ជន​រង​គ្រោះ​ទាំង​ពីរនាក់​ នៅក្នុង​សំណុំរឿង​បង្ករបួសសា្នាម​នេះបាន​ប្រាប់​តុលាការ​ថាប្អូន​ប្រុស​មា្នក់​ក្នុង​ចំណោម​ប្អូន​ប្រុស​ទាំង​ពីរ​នាក់​របស់​អ្នកស្រី​ យ៉មបុប្ផា​ គឺយ៉មកានឡុង​ បាន​យក​ទួណឺវីសវាយក្បាល​របស់​ខ្លួន​ចំនួន​បួន​ដងហើយ​អ្នកស្រី​ យ៉មបុប្ផានិង​លោកសាខនក៏​បាន​ចូលរួម​ក្នុងការវាយ​ប្រហារ​នេះ​ដែរ។

អ្នកស្រីយ៉មបុប្ផាបាន​ប្រាប់​តុលាការ​​ថា”ពេល​ដែល​ពួកគេ​បាន​វាយ​គ្នា​​ ខ្ញុំមិន​​បាន​ឃើញ​នោះ​ទេ​ ហើយ​ខ្ញុំ​ក៏មិន​ដឹង​ថានរណា​បានវាយប្រហារ​ដែរ”។

         រាយការបន្ថែមដោយ Simon Lewis)

ប្រែសម្រួលដោយស៊ាស៊ុយឈាង

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស