32 C
Phnom Penh

កា​ររំលោភបំ​ពាន​កម្មករចំ​ណាកស្រុក​និង​ទូ​ក​នេសាទ ត្រូ​វ​បា​ន​ពិ​ភាក្សា​​នៅ​កិច្ចប្រជុំ​ថៃ-កម្ពុជា

ដោយ ឌឹ ខេមបូឌា ដេលី

បទវិភាគ

លោក​ ហោណាំ​ហុងរដ្ឋ​មន្ត្រី​ក្រសួង​ការ​បរទេស​បា​ន​វិល​ត្រឡប់​​មក​ដល់​រាជ​ធានី​ភ្នំ​ពេញ​វិញ​ហើយ​កា​ល​ពី​ថ្ងៃ​សុក្រ​ បន្ទាប់​ពី​អញ្ជើញ​​​ទៅ​ចូ​ល​រួ​ម​​ក្នុង​កិច្ច​ប្រជុំ​​រយៈ​ពេល​​ពីរថ្ងៃ​នៃ​​គណៈ​កម្មាធិកា​រ​​​រួ​ម​កម្ពុជា-ថៃ​ក្នុង​ទី​ក្រុង​បាង​កក​ ដែល​ក្នុងអំ​ឡុង​​កិច្ច​ប្រ​ជំុ​​​​នោះ​ លោកបាន​​ពិ​ភាក្សា​​អំ​ពី​​បញ្ហា​​កម្មករចំ​ណាក​ស្រុ​ក​ខុស​​ច្បាប់ ​​ជាមួ​យ​​​សម​ភាគី​ថៃ​របស់​លោក​ គឺ​លោក ​ស៊ូរ៉ាពង់​ តូវិចាក​ឆៃគល់។

​យោង​តា​ម​​សេចក្តី​​ប្រកាស​​រួ​ម​​មួ​យ​​ចេញ​​ដោយ​លោក​រដ្ឋ​មន្ត្រី​ទាំ​ង​ពីរ​​បា​ន​ឲ្យ​ដឹង​ថាលោក​ទាំងពីរ​បា​ន​ព្រម​ព្រៀង​​សហ​ការ​គ្នា​ដើម្បី​​កាត់​បន្ថយ​​កា​រ​ជួ​ញ​​ដូ​រ​​កម្មករ​​​ចំ​ណាក​ស្រុក​​ឆ្លង​​ដែន​ និង​​បង្កើត​មជ្ឈមណ្ឌល​មួយ​​នៅ​ក្នុង​ប្រទេ​ស​​ថៃ​ ជាទី​ដែល​​កម្មករចំណាក​ស្រុក​​ត្រូវ​​គេ​ជួញ​ដូរ​​​​អា​ច​ទទួល​​ជ​ំនួ​យ​​​ ដើម្បី​​​វិល​ត្រឡប់​មក​ប្រទេ​ស​​កម្ពុជា​​វិញ​។

លោក ណាំ​ហុង ​ក៏​បា​ន​ថ្លែ​ង​អំ​ណរ​គុណ​ដល់​ប្រទេ​ស​​ថៃ​ផង​ដែរ​​ ចំ​ពោះ​កា​រ​​ចេញអត្ត​សញ្ញាណ​ប័ណ្ណ​ដល់​​កម​្មករ​កម្ពុជា​​ប្រមាណ​​១៦០.០០០នាក់​ ​ដើម្បី​ឲ្យ​ពួក​គេ​មា​ន​ឋា​នៈ​ស្រប​​ច្បាប់​។ ​លោក ​ស៊ូរ៉ាពង់ ​បា​ន​ប្រាប់​លោកហោណាំ​ហុង ​ថា ​រដ្ឋាភិ​បា​ល​ថៃ​នឹង​​ប្រឹងប្រែង​បង្ក្រា​ប​​ក្រុម​ហ៊ុន​​អា​ហា​​រ​សមុទ្រ​ដែល​ជួញ​​ដូរ​ និង​រំលោភ​បំ​ពានកម្មករ​។

​លោកស៊ូរ៉ាពង់ ​បន្ថែម​​ថា “ រដ្ឋា​ភិ​បា​ល​​ថៃ​បា​ន​បញ្ជា​​ឲ្យ​ក្រុម​ហ៊ុន​​វេចខ្ចប់​អាហារ​សមុទ្រ​​ទាំង​អស់​​ឈប់​ទិញ​​អា​​ហា​រ​សមុទ្រ​ពី​ក្រុម​ហ៊ុន​​ទាំង​ឡាយណា​ដែល​ធ្វើ​ទារុណកម្ម​កម្មករ​”នេះ​បើយោង​តា​ម​​សេចក្តី​ប្រ​កាសនេះ។

នៅ​ឯកិច្ច​ប្រជុំ​នោះ​ផង​ដែរ ​ប្រទេ​ស​កម្ពុជា​បា​ន​ស្នើ​ឲ្យ​ប្រគល់​រូបបដិមា​ខ្មែរ​ចំនួន​​១១អង្គ​​​ដែល​​តាំ​ង​នៅ​ក្នុង​សារ​មន្ទីរ​​ថៃ​​ដែល​គេជឿថា​ ត្រូ​វ​បា​ន​​យក​ចេញពី​ប្រទេ​ស​កម្ពុជា​​​ដោ​យ​ខុស​​ច្បាប់​។ប្រទេ​ស​ថៃ​បា​ន​យល់​ព្រម​​ប្រគល់​​រូបបដិមា​​នេះ​វិញបន្ទាប់​ពីរដ្ឋាភិបាល​​​រាជ​ធា​នី​ភ្នំ​ពេញ​​បញ្ជូន​​ឯក​សារ​​បញ្ជាក់​អំ​ពី​ប្រភព​​ដើម​របស់​រូប​បដិមា​​មក​ឲ្យ​រដ្ឋាភិបាល​ក្រុង​បាង​កក​៕

ប្រែសម្រួលដោ​យចេវប៊ុននី​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស