28 C
Phnom Penh

អាជ្ញា​ធរបដិ​សេធ​ពាក្យសុំ​​ប័ណ្ណ​កម្មសិទ្ធ​​ិ​ដីសហគមន៍​​​របស់ជន​ជា​តិ​ភា​គ​តិចនៅ​ខេត្ត​រតនគិរី 

ដោយ ឌឹ ខេមបូឌា ដេលី

បទវិភាគ

​ជន​ជាតិ​​ភាគ​តិច​​គ្រឹ​ង​​ជា​ង​​១០០គ្រួសារ​នៅ​ក្នុង​​ខេត្ត​រតន​គិ​រី​ ត្រូ​វ​បា​ន​​​បដិ​សេធ​​មិន​ផ្តល់​ប័ណ្ណកម្ម​​​សិទ្ធិ​​ដី​សហ​គម​ន៍ ​ដែល​​បុគ្គលិក​សិទ្ធិ​មនុស្ស​​ជឿ​ថា​ ជា​​ប្រតិកម្ម​​ពី​​អា​​ជ្ញា​​ធរមូ​ល​ដ្ឋាន​ ​ដែល​មិន​សប្បា​យ​ចិត្ត​​នឹ​ង​​ក្រុ​ម​នេះ​​​ចំពោះ​ការ​​​និយា​យ​​​អំ​ពី​​​កា​រ​កា​ប់ឈើ​ខុ​ស​ច្បាប់​​​នៅ​ក្នុង​តំ​បន់​នេះ​។

​យោង​​តា​ម​​ប្រធា​ន​សមាគម​ខ្មែរ​លើ​ ដែល​តំ​ណាង​​ឲ្យ​​​ក្រុ​ម​ជ​ន​​ជាតិ​​ភា​គ​​តិ​ច​​រស់​នៅ​ខ្ពង់​​រាប​​ក្នុង​ប្រទេ​ស​កម្ពុជា​​បា​ន​ឲ្យ​ដឹង​ថា ជ​ន​ជាតិ​ភាគ​​តិច​​ចំ​នួន​​១២៧​គ្រួ​សារ ​​នៅ​ក្នុង​ឃុំ​តឺន ​ស្រុ​ក​កូន​មុំ ​ចង់​ឲ្យ​អាជ្ញា​​ធរ​​ចុ​ះ​​ឈ្មោះ​​​ពួ​ក​គេ​ជា​មួយ​ក្រ​សួ​ង​​មហា​ផ្ទៃ​ ដើម្បី​ឲ្យ​ពួ​ក​គេ​​​អា​ច​បោះ​ព្រំ​​ដី​​ក្នុ​ង​ឃុំ​ ជា​ផ្នែក​​នៃ​​កម្ម​វិធី​​​ចែ​ក​ប័ណ្ណ​​កម្ម​សិទ្ធិ​​របស់​​លោក​នា​យក​រដ្ឋ​មន្ត្រី ហ៊ុន សែន។

​លោក ​គង់ ធាន ​ប្រធា​​ន​សមា​គម​នេះ​​បា​ន​មាន​ប្រ​សាស​ន៍​ថា “ មនុស្ស​​ចំ​នួ​ន​​ប្រាំ​ពីរ​នាក់​​បា​ន​មក​​ដល់​ការិយាល័​យ​​​របស់​ខ្ញុំ​ កាល​ពីថ្ងៃ​​ពុធ ដោយ​សុំ​ឲ្យ​ខ្ញុំ​​ជួ​យ​អន្តរាគមន៍​ ពី​ព្រោះ​ពួក​គេ​​ចង់​ឲ្យ​អាជ្ញា​ធរ​ទទួល​ស្គាល់​​​​អត្ត​សញ្ញា​ណ​ជន​ជាតិ​ភា​គ​តិច​គ្រឹង​ មុន​ពេល​​​និស្សិត​​ស្ម័គ្រ​​ចិត្ត​​ចុះទៅ​វាស់​វែង​​ដី។ ប៉ុន្តែ​​អភិ​បា​ល​ស្រុក​​​​បដិ​សេធ​​មិន​​ចុ​ះ​​ហត្ថ​លេខា​​លើ​​​ឯក​សារ​​​​របស់​ពួ​ក​គេ​​​នៅ​ថ្ងៃ​​ដដែល​នោះ​​ទេ​​”។

​លោក ឆាយ ធី ​​មន្ត្រី​​​ស៊ើប​អង្កេត​​នៅ​​អង​្គកា​រ​​សិទ្ធិ​មនុស្ស​​ក្នុង​ស្រុក​​​អាដ​ហុក​ប្រចាំ​​ខេត្ត​នេះ​​ ​បា​នមា​ន​ប្រ​សាសន៍​ថា ​ក្រុម​​នេះ​​​ជា​គោល​​ដៅ​ ពី​ព្រោះ​​​ពួ​ក​គេ​បា​ន​ប្រកាស​ប្រាប់​​អា​​ជ្ញា​​ធរអំ​ពី​ស​កម្ម​ភាព​​កា​ប់​ឈើ​​ខុស​ច្បាប់​​នៅ​ក្នុង​​តំ​បន់​នេះ​។

​កាល​ពី​​ថ្ងៃ​ទី​៣០ ខែ​​តុ​លា ក្រុម​មន្ត្រី​​រដ្ឋបា​លព្រៃ​ឈើ​ខេត្ត​​បា​ន​ចាប់​ខ្លួន​​មនុស្ស​​ចំ​នួ​ន​​១២​នាក់​ ដែល​​​​បាន​កាប់​​ឈើ​ និង​​រាន​ដី​ បន្ទាប់​ពី​​ជន​ជាតិ​គ្រឹង​​បា​ន​ប្តឹង​។ មនុស្ស​​បួននាក់​ក្នុ​ងចំ​ណោម​​អ្នក​ដែលត្រូ​វ​​​បាន​ចាប់​​ខ្លួន​​​ទាំង​នោះ​ ​បា​ន​​រត់​គេ​ខ្លួន​ ហើ​យ​​ប្រាំ​បី​នាក់​​ទៀត​ ពេល​នេះ​​ត្រូវ​ឃុំ​ខ្លួន​​​ជា​បណ្តោះអា​សន្ន​។

​​លោក​​មា​ន​ប្រ​សាស​ន៍​ថា​ “តា​ម​​ខ្ញុំ​យល់​ករណី​នេះ​កើត​​ចេញ​ពី​បញ្ហា​បុគ្គល ពី​ព្រោះ​​​អា​ជ្ញា​​ធរមូល​ដ្ឋាន​ខឹង​នឹង​​អ្នក​​ដែល​ចោទពួ​ក​គេ​ថា​ ពាក់​ព័ន្ធ​​នឹង​​​កា​រ​​កា​ប់ឈើ​​ខុស​ច្បាប់​ និង​​រាន​ដី​​សា​ធារ​ណៈ​​”។

​លោក ឈឿន ច័ន្ទថន ​អភិ​បា​ល​ស្រុក​​​បា​ន​បញ្ជាក់​ថា ​លោក​បា​ន​​បដិ​សេធ​​មិន​ចុះ​​ហត្ថ​លេខា​​លើ​ឯក​សារ​​​ពាក់​ព័ន្ធ​ ពី​ព្រោះ​​រដ្ឋាភិ​បាល​​មិន​បា​ន​​ទទួល​​ស្គាល់​​សមា​គម​ខ្មែរ​លើ​​​ដោយ​ស្រប​​ច្បាប់​ទេ​។

លោក​​មា​ន​ប្រ​សាសន៍​សំដៅ​ដល់​​សមា​​គមខ្មែ​រ​លើ​ថា “ខ្ញុំ​មិន​ព្រម​ចុះ​ហត្ថ​លេខា​​ឲ្យ​​មនុស្ស​​ទាំ​ង​នោះ​ទេ​ ព្រោះ​​ក្រ​សួ​ង​មហា​ផ្ទៃ​មិនទទួលស្គាល់​​មន្ត្រី​មក​ពី​​អង្គកា​រ​នេះ​ឡើយ​”៕ប៊ុននី​​​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស