41.3 C
Phnom Penh

ប្រជា​ពល​រដ្ឋ​នៅ​សហគមន៍បុរី​កីឡា​ប្រា​រព្ធ​ពិធី​ខួប​មួយ​ឆ្នាំ​​ នៃ​ការ​បណ្តេញ​ចេញ​​ដោយ​ហិង្សា​

ដោយ ឌឹ ខេមបូឌា ដេលី

បទវិភាគ

កាលពី​ម្សិល​មិញ អ្នកភូមិ​បុរីកីឡា ​​បាន​ប្រារព្ធ​ពិធី​រំឭក​ខួប​មួយ​ឆ្នាំ​​ចាប់​តាំង​ពី​ផ្ទះ​របស់​ពួក​គេ​ត្រូវ​បាន​គេ​វាយ​កម្ទេច​ចោល​​នៅ​ក្នុង​ការ​បណ្តេញ​ចេញ​ដោយ​ហិង្សា​មួយ ហើយ​​​ពិធី​នោះ​បាន​ធ្វើ​ឡើង​នៅ​មិន​ឆ្ងាយ​ពី​ខ្ទម​រខេក​រខាក​មួយ​ដែល​​បច្ចុប្បន្ន​​​នេះ​ពួក​គាត់​បាន​ហៅ​ថា​ ជា​ផ្ទះ​។

ស្ត្រី​ម្នាក់ រាំ​​ក្នុង​ពិធី​បួង​សួង​នៅ​បុរីកីឡា កាលពីម្សិល​មិញ ដើម្បី​រំឭកខួប​មួយ​ឆ្នាំ​នៃ​ការ​បណ្ដេញ​​ចេញដោយ​ហិង្សា​។​ស៊ីវ ចាន់ណា
ស្ត្រី​ម្នាក់ រាំ​​ក្នុង​ពិធី​បួង​សួង​នៅ​បុរីកីឡា កាលពីម្សិល​មិញ ដើម្បី​រំឭកខួប​មួយ​ឆ្នាំ​នៃ​ការ​បណ្ដេញ​​ចេញដោយ​ហិង្សា​។​ស៊ីវ ចាន់ណា

អ្នក​បួង​សួង​ បាន​និយាយ​ថា មាន​ប្រ​ជា​ពលរដ្ឋ​ប្រហែល​១០០​នាក់​ និង​ចូល​រួម​ដោយ លោកស្រី មូរ សុខហួរ និង លោក ហូ វណ្ណ សមាជិកសភា​ និង​សមាជិក​ព្រឹទ្ធ​សភា គណបក្ស សម​ រង្ស៊ី ខណៈ​ដែល​​​ព្រះសង្ឃប្រាំ​អង្គ​ បាន​ធ្វើ​​ជា​អធិបតី​នៅ​ក្នុង​ពិធី​នោះ​បាន​ប្រសិទ្ធពរ និង​ប្រគេន​ចង្ហាន់​ដល់​ព្រះសង្ឃ។​នៅ​ខាង​ក្រៅ​តង់​នៃ​ពិធី​នោះ​មាន​ប្រជា​ពល​រដ្ឋ​មួយ​ក្រុម បាន​អង្គុយ​មើល​វីដេអូ​​​​យ៉ាង​យក​ចិត្ត​ទុកដាក់​អំពី​ឈុត​ដ៏ហិង្សា​នៃ​​​ការ​​​បណ្តេញ​​​ចេញ​​​កាល​ពី​ឆ្នាំ​មុន​។

នៅ​ពេល​​​មួយ​ លោក សេង ធី​ ចៅ​សង្កាត់​វាល​វង់​​បាន​ប្រាប់​ពួក​អ្នក​ភូមិ​ឲ្យ​ឈប់​ចាក់​វីដេអូ​នៃ​ការ​បណ្តេញ​ចេញ​ដោយ​សារ​​ពួក​គេ​មិន​មាន​ការ​អនុញ្ញាត​ឲ្យ​ធ្វើ​ដូច្នោះ​ឡើយ​ ហើយ​​​​​​លោក​​​​អះអាង​ថា​អ្នក​ចូល​រួម​ក្នុង​ពិធី​នោះ​ទាំង​អស់​ក៏​ប្រ​ឆាំង​នឹង​ច្បាប់​ដែរ។

អ្នក​ភូមិ​​បាន​និយាយ​បន្ត​ថា​ “ពួកគេ​ទាំង​នេះ​មិន​សប្បាយ​ចិត្ត​ទេ​​នៅ​ពេល​មាន​អ្នក​នយោបាយ ឬសមាជិក​សភាមក​​​ទីនេះ​​​។ ​ពួកគេ​​​បាន​​​ប្រាប់​​​ខ្ញុំ​​​ដូច្នេះ”។

បញ្ហា​​​នេះ​​​ ហាក់​​​បី​​​ដូចជា​​​មិន​​​សំខាន់​​​ឡើយ​​​​​​ចំពោះ​​​​​​ករណីនេះ​​​ខណៈ​​​ដែល​​​លោក​​​ស្រី​​​មូរ សុខហួរ បាន​​​ចូល​​​រួម​​​ជាមួយ​​​អ្នក​​​បួងសួង​​​ដោយ​​​មិនខ្វល់អ្វីឡើយ​។

នៅ​​​ខាងក្រៅ​​​តង់​​​ ស្ត្រីម្នាក់​​​បាន​​​ចេញ​​​មក​​​ក្រៅ​​​ ដោយ​​​អុជ​​​ធូប​​​ ហើយ​​​គាត់​​​បាន​​​ចង្អុល​​​ទៅ​​​លោក​​​ ធី មុនពេលគាត់​​​រាំ ហាក់​​​បី​​​ដូច​​​ជា​​​ខ្មោច​​​ចូលអ៊ីចឹង​​​។ រូប​​​ថត​​​នៃ​​​អគារ​​​បាក់​​​បែក​​​បានព្យួរ​​​នៅពីក្រោយ​​គាត់​​​។

មួយ​​​ឆ្នាំ​​​មក​​​ហើយ​​​ បន្ទាប់​​​ពី​​​ការ​​​ប៉ះទង្គិច​​​គ្នា​​​រវាង​​​អ្នក​​​ភូមិ​​​បុរីកីឡា ដោយប្រើ​​​គ្រាប់​​​កាំភ្លើង​​​ជ័រ និង​​​ដប​​​ទឹក​​​សុទ្ធ​​​ ដែល​​​បណ្ដាលឲ្យ​​​អ្នក​​​ភូមិ​​​យ៉ាង​​​តិច​​​៣០នាក់​​​រង​​​របួស​​​ ស្ថាន​​​ភាព​​​បែប​​​នោះ​​​​​​បាន​​​កើត​​​ឡើង​​​ នៅទីកន្លែង​​​ដែល​គេ​បណ្ដេញ​​​ចេញ។

លោក​ស្រី មូរ សុខហួរ បាន​ថ្លែង​ថា ​តម្លៃ​​​នៃ​​​ការ​​​អភិវឌ្ឍ​​​ គឺ​​​មាន​​​តម្លៃ​​​ខ្ពស់​​​ណាស់​​​នៅក្នុង​ករណី​​​ដូច្នេះ ​​​ហើយ​​​ចំពោះ​​​អ្នក​​​ទាំង​​​នោះ​​​ទីបំផុតបានរស់​​​នៅ​​​យ៉ាង​​​វេទនា​​​ជា​​​ទីបំផុ​​ត។ លោក​​​ស្រី​​​មាន​​​ប្រសាសន៍​​​បន្ដ​​​ថា “ ​​​ពិត​​​ហើយ​​​ ពិត​​​ជា​​​ត្រូវ​​​ការ​​​អភិវឌ្ឍ គ្រប់​​​ប្រទេស​ទាំង​​​អស់​​​ត្រូវ​​​អភិវឌ្ឍ។ ប៉ុន្ដែ ការ​​​អភិវឌ្ឍ​​​ត្រូវ​តែ​​​មានផល​​​ប្រយោជន៍​​​ស្មើ​​​ភាព​​​គ្នា ​ចំពោះអ្នក​​​មាន​​​ និងអ្នក​​​ក្រ​​​។ មិនគួរ​​​មាន​​​គម្លាត​​​យ៉ាង​​​ខ្លាំង​រវាង​​​អ្នក​​​មាន​​​ និង​​​អ្នក​​​ក្រ​​​នោះ​ទេ…​ការ​អភិវឌ្ឍ បែប នេះ នៅ​​​ឯបុរីកីឡា​​​ បាន​​​ផល​​​ប្រយោជន៍​​​ចំពោះ​​​តែ​​​ក្រុមហ៊ុនមួយ​​​ប៉ុណ្ណោះនោះ​​​គឺ​​​ក្រុមហ៊ុន ផានអុីម៉ិច”។

ក្រុមហ៊ុន​​​ ផានអុីម៉ិច ដែល​​​គ្រប់​​​គ្រង​​​ដោយ​​​​ស្ត្រី​​​អ្នកជំនួញម្នាក់​​​ឈ្មោះ ស៊ុយ សុផាន បាន​​​សន្យាជាមួយ​​​អ្នក​​​ភូមិ​​​បុរីកីឡា​​​ កាល​​​ពី​​​ឆ្នាំ​​​២០០៣ ថា ខ្លួន​​​អាច​​​សង់​​​អគារ​​​១០​​​ខ្នង​​​សម្រាប់​​​​ពួក​​​គាត់​​​​ជា​​​ថ្នូរនឹង​​​ដី​​​របស់​​​ពួក​​​គាត់​​​។ កាលពី​​​ខែ​​​មុន​​​អ្នក​ស្រី សុផាន មាន​​​ប្រសាសន៍​​​ថា ​អ្នក​​ស្រី​​​​អាច​​​ស្នើ​​​ឲ្យ​​​សាលារាជ​​​ធានីដោះស្រាយ​​​បញ្ហា​សំរាម​ ដែល​​​កំពុង​​​តែ​​​កើត​​​មាន​​​ឡើង​​​ នៅ​ក្នុង​​​​តំបន់​​​នោះ។

ទោះ​​​ជាយ៉ាង​​​ណា​​​ មាន​​​តែ​​​ប្រាំបីអគារ​​​ប៉ុណ្ណោះ ដែលត្រូ​​វ​​​បាន​​​សាងសង់​​​រួច ហើយប្រជា​ពលរដ្ឋ​​​ ដែល​​​មិនទទួល​​​បាន​​​អគារ​​​ស្នាក់​នៅ​​​ ត្រូវ​​​​​​រស់​​​នៅ​​ នៅ​​​តាម​ចន្លោះ​អគារ​​​ និង​តាមជណ្ដើរ​​​នៃ​​​អគារ​​​ទាំង​​​នោះ​​​ គួរឲ្យ​​​អាណិត​បំផុត​​​៕ណៃ

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស