34 C
Phnom Penh

សាលាដំបូង​ខេត្ត​ក្រចេះ​​ផ្តន​្ទា​ទោស​​អ្នក​ចាត់​​ការ​ទូទៅ​​ និង​សន្តិសុខ​ក្រុមហ៊ុន ​​ធីធីវ៉ាយ

ដោយ ឌឹ ខេមបូឌា ដេលី

បទវិភាគ

មន្រ្តី​តុលាការ និងសកម្មជន​សិទ្ធិ​មនុស្ស​បាន​ឲ្យ​ដឹង​កាល​ពី​ថ្ងៃ​សុក្រ​ថា សន្តិសុខ​បី​នាក់​និង​អ្នក​ចាត់​ការ​ទូទៅ​ម្នាក់​ របស់​ក្រុម​ហ៊ុន​ចម្ការ​​កៅស៊ូ​ឯក​ជន​ធីធីវ៉ាយ ​​ដែល​​ត្រូវ​បាន​ចោទ​ប្រកាន់​​ពាក់​ព័ន្ធ​នឹង​ការ​បាញ់​ប្រហារ​​លើ​ក្រុម​អ្នក​តវ៉ា​ប្រ​ឆាំង​នឹង​ការ​បណ្តេញ​ចេញ​​កាលពីខែ​មករា​ឆ្នាំ​មុន​នោះ ត្រូវ​បាន​សាលា​ដំបូង​ខេត្ត​ក្រចេះ​​ផ្តន្ទាទោស​ និង​ដាក់​ពន្ធនាគារ​ស្ងាត់ៗ​​ កាល​ពី​ខែ​មុន។

លោក ហាក់ ហ៊ន ព្រះរាជអាជ្ញាអម​​សាលា​​ដំបូង​ខេត្ត​ក្រចេះ​មាន​ប្រសាសន៍​ថា ​​ឈ្មោះ​អ៊ុន ពិសិដ្ឋ​ អ្នកចាត់​ការទូទៅ​របស់​ក្រុមហ៊ុន​ធីធីវ៉ាយ​ និងសន្តិសុខ​ឈ្មោះ កែ សុវណ្ណាពិន គឹមឡេង និង​ឈ្មោះ ពិន អឿន ត្រូវបាន​ផ្តន្ទា​ទោស​ និងដាក់​ពន្ធនាគារ​​ក្រោម​ស្ថាន​ទម្ងន់​ទោស​រយៈពេល​ចាប់​ពី​ពីរឆ្នាំ​​ទៅ​បី​ឆ្នាំ​ពី​បទ​បង្ក​ហិង្សា​ដោយ​ចេតនា​​ និង​ប្រើប្រាស់​អាវុធ​ខុសច្បាប់​។

លោក ហាក់ ហ៊ន មាន​ប្រសាសន៍​បន្ត​ថា “ ​អ្នក​ទាំង​បួន​នាក់​នេះ​ត្រូវ​បានតុលាការជំនំុ​ជម្រះ​ និង​​ផ្តន្ទាទោសដាក់​​​ពន្ធនាគារ​ម្នាក់ៗ​រយៈ​ពេល​​ចាប់​ពីពីរឆ្នាំ​ទៅ​បី​ឆ្នាំ តែ​​ទោស​របស់​​ពួក​គេ​​ខ្លះ​ត្រូវ​បាន​ព្យួរ” ​។ លោក​មិន​បាន​​​​បញ្ជាក់​​​ពី​ករណី​នេះ​បន្ថែម​ទៀត​ឡើយ។​

យោង​តាម​លោក ចាន់ សុវ៉េត អនុ​ប្រធាន​​ផ្នែកអង្កេតរបស់អង្គការសិទ្ធិ​មនុស្ស​​អាដ​ហុក​​បាន​ឲ្យ​ដឹង​ថា​ លោក សុវណ្ណា ​អាយុ​៤១ឆ្នាំ ត្រូវ​បាន​ផ្តន្ទាទោស​ដាក់​ពន្ធនាគារ​រយៈពេល​បីឆ្នាំ​ និង​ព្យួរទោស​រយៈពេល​មួយ​ឆ្នាំ​ ពី​បទ​បាញ់​ប្រហារ​ក្នុង​ជម្លោះដី​សម្បទាន​សេដ្ឋកិច្ច​របស់​ក្រុមហ៊ុន​ធីធីវ៉ាយ​។

លោក សុវ៉េត មាន​ប្រ​សាសន៍​បន្តថា ចៅក្រម​ជំនុំជម្រះ​ក្តី លោក ហេង ផល្លា ក៏​បាន​សម្រេច​ផ្តន្ទាទោស​លោក ពិសិទ្ធិ និង​លោក គឹមឡេង អាយុ​២៦​​ឆ្នាំ ឲ្យ​ជាប់​ពន្ធ​នាគារ​រយៈពេល​ពីរ​ឆ្នាំ និង​ព្យួ​ទោសរយៈ​ពេល​​មួយ​ឆ្នាំ។ លោក អឿន ត្រូវ​បាន​តុលាការ​សម្រេច​ផ្តន្ទា​ទោស​កំបាំ​ង​មុខ​ឲ្យ​ជាប់​ពន្ធ​នាគារ រយៈពេល​ពីរ​ឆ្នាំ និង​ព្យួ​ទោស​រយៈ​ពេល​ប្រាំ​មួយ​ខែពី​បទ​បង្ក​ហិង្សា​ដោយ​ចេតនា​។​ អ្នក​ទាំង​បួន​នាក់​នេះ ក៏​ត្រូវ​បាន​តុលាការ​ផាក​ពិន័យ​ជា​ប្រាក់​ចំនួន​៤​លាន​រៀល​ផង​ដែរ។

ការ​បាញ់​ប្រហារ​នេះ បាន​កើត​ឡើង​កាល​ពី​ថ្ងៃ​ទី​១៨ ខែ​មករា ឆ្នាំ​២០១២ បន្ទាប់​ពី​សន្តិ​សុខ​របស់​ក្រុម​ហ៊ុន​បាន​បាញ់​ប្រហារ​ជា​ច្រើន​គ្រាប់​ទៅ​លើ​ក្រុម​អ្នកភូមិ​​តវ៉ា​ដែល​គ្មាន​អាវុធ​ជា​ច្រើន​រយ​នាក់ នៅ​ពេល​ពួក​គាត់​​បាន​ដើរ​សម្តៅ​ទៅ​កាន់​គ្រឿង​ចក្រ​របស់​ក្រុម​ហ៊ុន ធីធីវ៉ាយ TTY ​​​​​​​​​ ដែល​មាន​ដី​សម្ប​ទាន​សេដ្ឋ​កិច្ច​ចំការ​កៅ​​ស៊ូ​ទំហំ​​៩.៨០០​ហិកតា​ ដើម្បី​ទាម​ទារ​ឲ្យ​ពួក​គេ​ឈប់​ឈូស​ឆាយ​ដី​ចម្ការ​ដំឡូង​មី​របស់​ពួក​គាត់។

រូប​ថតនិង​វីដេអូ​ របស់​អ្នក​បាញ់​ពីរនាក់​ដែល​ឈរ​នៅ​ពី​លើ​គ្រឿង​ចក្រមួយ​គ្រឿង​​ បាន​ប្រើ​កាំ​ភ្លើង​អាកា-៤៧ (AK-47) បាញ់​ប្រហារ​ទៅ​លើ​ក្រុម​អ្នក​តវ៉ា​នោះ ត្រូវ​បាន​ផ្សព្វ​ផ្សាយ​យ៉ាង​ច្រើន​នៅ​ពេលឧបទ្ទវហេតុកើត​ឡើង​​នោះ។​

ក្រុម​អង្គការ​សិទ្ធិ​មនុស្ស​នានា​បាន​អប​អរ​សារទ​ ចំពោះ​ការ​ផ្តន្ទា​ទោស​នេះ ដែល​បាន​សម្រេច​ដោយ​​សាលា​ដំបូង​ខេត្ត​ក្រចេះ កាល​ពី​ថ្ងៃ​ទី​១៣ ខែ​ធ្នូ ឆ្នាំ​២០១២ នេះ​ ប៉ុន្តែ អង្គការ​ទាំង​នោះ​បាន​លើក​ឡើង​ថា​កម្រិត​នៃ​ ការ​ដាក់​ទោស​ក្នុង​ពន្ធ​នាគារ​ និង​ការ​ព្យួ​ទោស​របស់​ពួក​គេ​ គឺ​ស្រាល​ពេក​និង​ខុសគ្នា​ឆ្ងាយ​ណាស់​​ បើ​ធៀប​ទៅ​នឹង​ការ​ផ្តន្ទាទោស​ក្រោម​បទ​ចោទ​ប្រ​កាន់​​​ដូច​គ្នា​ ចំពោះ​សកម្ម​ជន​ ប្រឆាំង​នឹង​ការ​បណ្តេញ​ចេញ​នៅ​សហគមន៍​បឹង​កក់​ អ្នក​ស្រី យ៉ម បុប្ផា​ ដែល​ត្រូវ​សាលា​ដំបូង​រាជធានី​ភ្នំ​ពេញ​​សម្រេច​​ផ្តន្ទា​ទោស​ឲ្យ​ជាប់​ពន្ធ​នាគារ​ រយៈ​ពេល​បី​ឆ្នាំ កាល​ពី​សប្តាហ៍​មុន។

លោក សុវ៉េត មាន​ប្រសាសន៍​បន្ត​ថា “​ការ​ផ្តន្ទា​ទោស​នេះ គឺ​ពិត​ជា​ធ្ងន់​ធ្ងរ​ណាស់​ក្រោម​ស្ថាន​ទម្ងន់​ទោស​នោះ​​ ប៉ុន្តែ ការ​សម្រេច​ផ្តន្ទា​ទោស​​ប្រ​ឆាំង​ចំពោះ​សន្តិ​សុខ​ និង​អ្នក​ចាត់​ការ​ទូ​ទៅ​របស់​ក្រុម​ហ៊ុន ធីធីវ៉ាយ ដែល​បាន​បាញ់​ប្រហារ​ហើយ​​បង្ក​ឲ្យ​កម្មករ​បួន​នាក់​រង​​​របួស​​នោះ​ គឺ​វា​ស្រាល​ណាស់​ ពី​ព្រោះ​ពួក​គេ​ម្នាក់ៗ​បាន​ទទួល​ការ​ព្យួ​ទោស​រហូត​ដល់​មួយ​ឆ្នាំ”។

កាល​ពី​ថ្ងៃ​ទី​៥​ខែ​កុម្ភៈ ឆ្នាំ​មុន ​លោក​នាយក​រដ្ឋ​មន្ត្រី​ ហ៊ុន សែន បាន​​ប្រកាស​ជា​សាធារណៈ​​​ឲ្យ​លោក ណា ម៉ារ៉ាឌី​​អគ្គនាយក​ក្រុម​ហ៊ុន​ ធីធីវ៉ាយ ​ឲ្យ​ប្រគល់​លោក សុវណ្ណា​ និង​លោក គឹម​ ឡេង ឲ្យ​អាជ្ញាធរ បើ​​មិន​ដូច្នោះ​ទេ​ លោក​នឹង​ប្រឈមនឹង​ការ​សាក​សួរ​នៅ​ក្នុង​តុលាការ​។

បន្ទាប់​ការ​ថ្លែង​របស់​លោក ហ៊ុន​សែន​​បី​សប្តាហ៍​ក្រោយ​មក​ អាជ្ញាធរ​ខេត្ត​ក្រចេះ បាន​អះ​អាង​ថា ពួកគេ​​មិន​អាច​រក​​អ្នក​បាញ់​ប្រហារ​ទៅ​លើ​ក្រុម​អ្នក​ភូមិ​ ដែល​តវ៉ា​នៅ​ពេល​នោះ​ទេ​ឃើញ​ទេ​។

លោក មួង ទូច ដែល​ជា​ជន​រង​គ្រោះ​ធ្ងន់​ជាង​គេ​ដោយ​ការ​បាញ់​ប្រហារ​នោះ បាន​ទទួល​ការ​វះ​កាត់​របួស​របស់​លោក នៅ​មន្ទីរ​ពេទ្យ​មួយ​ ក្នុងទី​​ក្រុង​ហូជីមិញ ប្រទេស​វៀត​ណាម ដោយ​​ភ្លៅ​ទាំង​ពីរ​របស់​លោករង​របួស​ដោយ​ការ​បាញ់​ប្រហារ​នោះ​​ធ្ងន់​ធ្ងរ​ពេក។

​អង្គការ​​សិទ្ធិ​មនុស្ស​អាដហុក និង អង្គការ​សិទ្ធិ​មនុស្ស​ លីកាដូ​បាន​លើក​ឡើង​ថា ការ​បើក​សវនាការ​​​ដោយ​សម្ងាត់​បៀប​នេះ ហើយ​​ការ​ផ្តន្ទាទោស​​អ្នក​ទោស​ទាំង​នោះ​ គួរ​តែ​ធ្ងន់​ជាង​នេះ ព្រោះ​បទ​ល្មើស​នេះ​​ធ្ងន់​ធ្ងរ​ណាស់​។

លោក អំ សំអាត អ្នក​គ្រប់​គ្រង​បច្ចេក​ទេស​អង្គការ​លីកាដូ មាន​ប្រសាសន៍​ថា “​ការ​ផ្តន្ទាទោស​​ ដែល​ធ្វើ​ឡើង​ដោយ​សាលា​ដំបូង​​​ខេត្ត​ក្រចេះ គឺ​ជា​ការ​ត្រឹម​ត្រូវហើយ​​ ប៉ុន្តែ យើង​​បារម្ភ​ខ្លាំង​ណាស់​ដោយ​សារ​ការ​ផ្តន្ទាទោស​ស្រាល​បែប​នេះ​ហើយ​ព្យួទោស​ជាប់​ពន្ធនាគារ​ទៀត​នោះ”​។

លោក​មាន​ប្រសាសន៍​បន្ត​ថា ការសម្រេច​ផ្តល់​​ការ​ព្យួ​ទោស​នេះ គឺ​ជា​មធ្យោ​បាយ​មួយ​ក្នុង​ការ​កាត់​បន្ថយ​ទោស​ឧក្រិដ្ឋ​ ដូច្នេះ​មាន​ន័យ​ថា វា​អាច​លើក​ទឹក​ចិត្ត​ជន​ប្រដាប់​អាវុធ​ដទៃ​ទៀត​ឲ្យ​បាញ់​ប្រហារ​លើ​ប្រជា​ពលរដ្ឋ​​ស្លូត​ត្រង់​ ហើយ​ពួក​គេ​មិន​មាន​ទោស​ពៃ​អ្វី​ឡើយ៕

ប្រែ​សម្រួល​ដោយ ឃិន ណៃ

ក្រុមហ៊ុន​ធីធីវ៉ាយ​។

លោក សុវ៉េត បាន​មាន​ប្រ​សាសន៍​បន្តថា ប្រ​ធាន​ក្រុម​ប្រឹក្សា​ជំនុំជម្រះ​ លោក ហេង ​​ផល្លា ក៏​បាន​សម្រេច​ផ្តន្ទាទោស​លោក ពិសិដ្ឋ​ ​និង​លោក គឹមឡេង អាយុ​២៦​​ឆ្នាំ ឲ្យ​ជាប់​ពន្ធ​នា​គារ​​រយៈពេល​ពីរ​ឆ្នាំ និង​ព្យួ​រទោសរយៈ​ពេល​​​មួយ​ឆ្នាំ។ លោក ភិន អឿន ត្រូវ​បាន​តុលាការ​សម្រេច​ផ្តន្ទា​ទោស​ដោយកំបាំ​ង​មុខ​ឲ្យ​ជាប់​ពន្ធ​នា​គារ រយៈពេល​ពីរ​ឆ្នាំ និង​ព្យួរ​​ទោស​រយៈ​ពេល​ប្រាំ​មួយ​ខែពី​បទ​បង្ក​ហិង្សា​ដោយ​ចេតនា​។​អ្នក​ទាំង​បួន​នាក់​នេះ ក៏​ត្រូវ​បាន​តុលាការ​ពិន័យ​ជា​ប្រាក់​ចំនួន​៤​លាន​រៀល​ផង​ដែរ។

ការ​បាញ់​ប្រហារ​នេះ បាន​កើត​ឡើង​កាល​​ពី​ថ្ងៃ​ទី​១៨ ខែ​មករា ឆ្នាំ​២០១២ បន្ទាប់​ពី​សន្តិ​សុខ​របស់​ក្រុម​ហ៊ុន​បាន​បាញ់​ប្រហារ​ជា​ច្រើន​គ្រាប់​ទៅ​លើ​ក្រុម​អ្នកភូមិ​​តវ៉ា ដោយ​​សន្តិ​វិធី​ជា​ច្រើន​រយ​នាក់ នៅ​ពេល​ពួក​គាត់ បាន​​ដើរ​សំដៅទៅ​កាន់​គ្រឿង​ចក្រ​របស់​ក្រុម​ហ៊ុន​ ​ធីធីវ៉ាយ ​​​​​​​​​ដែល​មាន​ដី​សម្ប​ទាន​សម្រាប់​ធ្វើ

ច​ម្ការ​កៅ​​ស៊ូ​ទំហំ​​៩.៨០០​ហិកតា​ ដើម្បី​ទាម​ទារ​ឲ្យ​ពួក​គេ​ឈប់​ឈូស​ឆាយ​ដី​ចម្ការ​ដំឡូង​មី​របស់​ពួក​គាត់។

រូប​ថត និង​ខ្សែវីដេអូ​ បង្ហាញ​ពីអ្នក​បាញ់​ពីរនាក់​ដែល​ឈរ​នៅ​ពី​លើ​គ្រឿង​ចក្រមួយ​គ្រឿង​​ បាន​ប្រើ​កាំ​ភ្លើង​អាកា-៤៧ (AK-47) ដើម្បីបាញ់​ប្រហារ​ក្រុម​អ្នក​តវ៉ា​នោះ ត្រូវ​បាន​ផ្សព្វ​ផ្សាយ​យ៉ាង​ច្រើន​នៅ​ពេលឧបទ្ទវ​ហេតុ​នោះ​បានកើត​ឡើង​។​

ក្រុម​អង្គការ​សិទ្ធិ​មនុស្ស​នានា​បាន​អប​អរ​សាទរ​ ចំពោះ​ការ​ផ្តន្ទា​ទោស​នេះ​របស់​សាលា​​​ដំបូង​ខេត្ត​ក្រចេះ កាលពី​ថ្ងៃ​ទី​១៣ ខែ​ធ្នូ ឆ្នាំ​២០១២ ប៉ុន្តែ អង្គការ​ទាំង​នោះ​បាន​លើក​ឡើង​ថា​ កម្រិត​នៃ​ការ​ដាក់​ទោស​ក្នុង​ពន្ធ​នាគារ​ ​និង​ការ​ព្យួរ​ទោស​របស់​ពួក​គេ​ គឺ​ស្រាល​ពេក​ និង​ខុសគ្នា​ឆ្ងាយ​ណាស់​​ បើ​ប្រៀបធៀប​ទៅ​នឹង​ការ​ផ្តន្ទាទោសតាម​​បទ​ចោទ​ប្រ​កាន់​​​ដូច​គ្នា​​ ចំពោះ​សកម្ម​ជន​ប្រឆាំង​នឹង​ការ​បណ្តេញ​ចេញ​​នៅ​សហ​គមន៍​បឹង​កក់​ គឺអ្នក​ស្រី យ៉ម បុប្ផា​ ដែល​ត្រូវ​សាលា​ដំបូង​រាជធានី​ភ្នំ​ពេញ​សម្រេច​​​ផ្តន្ទា​ទោស​ឲ្យ​ជាប់​ពន្ធ​នាគារ​ រយៈ​ពេល​បី​ឆ្នាំ កាល​​ពី​សប្តាហ៍​មុន។

លោក សុវ៉េត ​មាន​ប្រសាសន៍​បន្ត​ទៀត​ថា “ ការ​​ផ្តន្ទា​ទោស​នេះ គឺ​ពិត​ជា​ធ្ងន់​ធ្ងរ​ណាស់​ក្រោម​ស្ថាន​ទម្ងន់​ទោស ​​ ប៉ុន្តែ ការ​សម្រេច​​ផ្តន្ទា​ទោស​​ប្រ​ឆាំង​ចំពោះ​សន្តិ​សុខ​ និង​អ្នក​ចាត់​ការ​​ទូ​ទៅ​របស់​ក្រុម​ហ៊ុន ធីធីវ៉ាយ ដែល​បាន​បាញ់​ប្រហារ​ឲ្យ​អ្នក​តវ៉ា​​បួន​នាក់​រង​​​របួស​​​យ៉ាង​ធ្ងន់​ធ្ងរ​នោះ​ គឺ​វា​ស្រាល​ណាស់​ ពី​ព្រោះ​ពួក​គេ​ម្នាក់ៗ​​​បាន​ទទួល​ការ​ព្យួ​រ​ទោស​រហូត​ដល់​មួយ​ឆ្នាំ”។

កាល​ពី​ថ្ងៃ​ទី​៥​ ខែ​កុម្ភៈ ឆ្នាំ​មុន ​លោក​នាយក​​រដ្ឋ​មន្ត្រី​ ហ៊ុន សែន បាន​​ប្រកាស​ជា​សាធារណៈ​​​​ឲ្យ​លោក ណា ម៉ារ៉ាឌី​​ អគ្គនាយក​ក្រុម​ហ៊ុន​ ធីធីវ៉ាយ ប្រគល់​លោក សុវណ្ណា​ និង​លោក គឹម​ ឡេង ឲ្យ​អាជ្ញាធរ បើ​​មិន​ដូច្នោះ​ទេ​ លោក​​នឹង​ប្រឈមនឹង​ការ​សាក​សួរ​ពីតុលាការ​។

បន្ទាប់​ពីការ​ថ្លែង​របស់​លោកនាយក​រដ្ឋ​មន្ត្រី​ ហ៊ុន ​សែន ​​បី​សប្តាហ៍​ក្រោយ​មក​ អាជ្ញា​ធរ​​ខេត្ត​ក្រចេះ បាន​អះ​អាង​ថា ពួកគេ​​មិន​អាច​រក​​អ្នក​បាញ់​ប្រហារ​​ក្រុម​អ្នក​ភូមិ​ ដែល​តវ៉ា​នៅ​ពេល​នោះ​ឃើញ​ទេ​។

លោក មួង ទូច ដែល​ជា​ជន​រង​គ្រោះ​ធ្ងន់​ជាង​គេ​ដោយ​ការ​បាញ់​ប្រហារ​នោះ បានទទួលការ​វះ​កាត់​របួស​របស់​លោក នៅ​ឯមន្ទីរ​ពេទ្យ​មួយ​ ​ក្នុងទី​​ក្រុង​ហូជីមិញ ប្រទេស​វៀត​ណាម ​ដោយ​​ភ្លៅ​ទាំង​ពីរ​របស់​លោករងរបួស​ដោយ​ការ​បាញ់​ប្រហារ​នោះ​​ធ្ងន់​ធ្ងរ​ពេក។

​អង្គការ​​សិទ្ធិ​មនុស្ស​អាដហុក និងអង្គការ​សិទ្ធិ​មនុស្ស​លីកាដូ​ ​លើកឡើង​ថា ការ​បើក​​សវនាការ​​​​ជំនុំ​ជម្រះ​ក្តីដោយ​សម្ងាត់​បៀប​នេះ ហើយ​ការ​​ផ្តន្ទាទោស​​ជន​ល្មើស​​ទាំងបួន​នាក់​​នោះ​ គួរ​តែ​ឲ្យ​បាន​ខ្លាំងជាង​នេះ ព្រោះ​បទ​ល្មើស​នេះ​​​ធ្ងន់​ធ្ងរ​ណាស់​។

លោក អំ សំអាត អ្នក​គ្រប់​គ្រង​បច្ចេក​ទេស​​អង្គការ​លីកាដូ បាន​មាន​ប្រសាសន៍​ថា “ការ​ផ្តន្ទាទោស​​ របស់ សា លា​ដំបូង​​​ខេត្ត​ក្រចេះគឺ​ជា​ការ​ត្រឹម​ត្រូវហើយ​​ ប៉ុន្តែ យើង​​បារម្ភ​ខ្លាំង​​ណាស់​ដោយ​សារ​ការ​ផ្តន្ទា​ទោស​​នេះ​ស្រាល​ពេក ហើយ​ទោស​របស់​ពួក​គេ​ត្រូវ​ព្យួរ​ទៀត​ផងនោះ”។

លោក អំ សំអាត បាន​មាន​ប្រសាសន៍​ថា ការសម្រេច​ផ្តល់​​​ការ​ព្យួ​រទោស​នេះ គឺ​ជា​មធ្យោ​បាយ​មួយ​ក្នុង​ការ​កាត់​បន្ថយ​ទោស​ឧក្រិដ្ឋ​ ដូច្នេះ​មាន​ន័យ​ថា វា​អាច​លើក​ទឹក​ចិត្ត​ឲ្យជន​ប្រដាប់​អាវុធ​ដទៃ​ទៀត​អាច​បាញ់​ប្រជា​ពលរដ្ឋ​​ស្លូត​ត្រង់​ ​ហើយ​ពួក​គេ​មិន​មាន​ទោស​ពៃ​អ្វី​ឡើយ៕ ឃិន ណៃ

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស