អង្គការឃ្លាំមើលសកម្មជនការពារសិទ្ធិមនុស្ស (Observatory for the Protection of Human Rights Defenders) មានមូលដ្ឋាននៅទីក្រុងប៉ារីស និងទីក្រុងហ្សឺណែវ បានលើកឡើងនៅសប្តាហ៍នេះថា ប្រព័ន្ធតុលាការកម្ពុជាត្រូវ តែបញ្ចប់ការផ្តន្ទាទោសមិនត្រឹមត្រូវ និងការយាយីអ្នកការពារសិទ្ធិមនុស្ស។
នៅក្នុងលិខិតចំហមួយផ្ញើជូនលោកនាយក រដ្ឋមន្ត្រីកាលពីថ្ងៃអង្គារ អង្គការឃ្លាំមើល ដែលជា សម្ពន្ធនៃអង្គការការពារសិទ្ធិមនុស្សអន្តរជាតិបានអះអាង ថា ការដាក់ពន្ធនាគារអ្នកស្រី យ៉ម បុប្ផា សកម្មជនបឹងកក់រយៈពេលបីឆ្នាំពីបទ “ ប្រើអំពើហិង្សាដោយចេត នា” និងបុរសពីរនាក់ទៀតឲ្យជាប់ពន្ធនាគាររយៈពេល២០ឆ្នាំ ពីបទធ្វើឃាតលោក ជា វិជ្ជា ត្រូវបានធ្វើឡើងកាលពីចុងខែធ្នូ អំឡុងពេលបុណ្យណូអែល “ ដើម្បីចៀសវាងពីការពិនិត្យពិច័យពីសំណាក់សហគមន៍អន្តរជាតិ និងប្រព័ន្ធផ្សព្វផ្សាយ”។
អង្គការឃ្លាំមើលនេះក៏បានសម្តែង កង្វល់ផងដែរ អំពីការដាក់ពន្ធនាគារលោក ម៉ម សូណង់ដូ ម្ចាស់ស្ថានីយវិទ្យុដ៏ពេញនិយមកាលពីថ្ងៃទី១ ខែតុលា តាមការចោទប្រកាន់ពីបទបង្កើតតំបន់អបគមន៍ដែលបុគ្គលិកសិទ្ធិមនុស្សលើកឡើងថា ជាលេសដើម្បីបំបិទមាត់អ្នកប្រឆាំង។
លិខិតនេះបានលើកឡើងថា “អង្គការនេះព្រួយបារម្ភយ៉ាងខ្លាំងអំពីប្រភេទថ្មីៗនៃការប្រើសម្ពាធនយោបាយ មកលើតុលាការកម្ពុជា”។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីបានឆ្លើយតប នឹងលិខិតនេះថា “ ខ្ញុំមានការសោកស្តាយដែលអង្គការសិទ្ធិ មនុស្សមួយចំនួនសុំឲ្យសម្តេច ហ៊ុន សែន ប្រើអំណាចលើសេចក្តីសម្រេចរបស់តុលាការ”។ លោកបានមាន ប្រសាសន៍បន្ថែមថា “ គួរឲ្យខ្មាសអៀនណាស់ក្នុងការបញ្ជាឲ្យនាយក រដ្ឋមន្ត្រីជ្រៀតជ្រែកក្នុងសេចក្តីសម្រេចរបស់តុលាការ វាមិន ល្អនោះទេ”។ប៊ុននី