អ្នក​ជំនួញ​ជន​ជាតិ​អូស្ត្រាលី​ជាប់​ពន្ធ​នាគារ​ ដោយ​សារ​ជាប់​​ពាក់​ព័ន្ធ​នឹង​វិវាទ​ពាណិ​ជ្ជកម្ម​​

​អ្នក​ជំនួញ​ជន​ជាតិ​អូស្ត្រាលី​ម្នាក់​ ដែល​ធ្លាប់​​​ដឹកនាំ​ក្រុម​ហ៊ុន​ទូរគមនាគមន៍​ នៅ​ក្នុង​ប្រទេស​​កម្ពុជា​ ត្រូវបាន​បញ្ចូន​ទៅ​ពន្ធ​នា​គា​រ​ព្រៃស​ បន្ទាប់​ពី​ទទួលរង​នូវការ​ចោទ​ប្រកាន់​​​ពីបទ​ក្លែង​​បន្លំ ​ក្នុង​រឿង​ក្តី​ដែល​ស​ហ​កា​រី​ម្នាក់​របស់​គាត់បាន​និយាយ​ថា ប​ង្ក​ឡើង​ដោយ​ដៃ​គូ​មានការ​មិន​ពេញ​ចិត្ត​ក្នុ​ង​គម្រោង​អាជីវកម្ម​បរាជ័​យ​មួយ​។​​

យោង​តាម​លោក ភូ ពៅ​សុន ​ចៅ​ក្រ​ម​សើុប​សួរ​អម​សាលា​ដំបូង​រាជធានី​ភ្នំ​ពេ​ញ​ បាន​​ឲ្យដឹងថា លោក ហ្វ្រែង ម៉េ (Fr​ank ​May​) ​អា​យ​​ុ​​៦៣​ឆ្នាំ​ ​អតីត​នាយក​ប្រតិ​បត្តិ​ការ​នៅ​ក្រុម​ហ៊ុន​ទូរគម​នាគមន៍​ អុីម៉ាក់ (Em​axx​)​ត្រូវ​បាន​ចាប់​ខ្លួន​ ​និង​ចោទ​ប្រកា​ន់​ កាលពី​ថ្ងៃទី​៨ ខែ​ធ្នូ​។​

លោក​បាន​មាន​ប្រសាសន៍​ដោយ​មិន​បាន​បង្ហាញ​​សេចក្តី​លម្អិត​ថា “លោក ហ្វ្រែង​ ម៉េ ត្រូវបាន​ចោ​ទ​ប្រកាន់​ពីបទ​ក្លែង​បន្លំ​ឯក​សារ​ និង​ប្រើ​ប្រា​ស់​ឯកសារ​ក្លែង​បន្លំ​”។​

មិន​ទាន​់មាន​សេចក្តី​លម្អិត​ ​អំពី​ករណី​ចាប់​ខ្លួន​លោក​ ម៉េ ​ទេ​។ ​ក៏ប៉ុន្តែ ​លោក ​យិ​ន​ ​វ៉េង​កា ​ដែល​បាន​និយាយ​ថា ​លោក​ជា​មេធាវី​តំណាង​​ក្រុម​ហ៊ុន​ ដែល​ជា​ដើម​ប​ណ្តឹ​ង​ក្នុង​រឿង​ក្តី​នេះ​ ​​មាន​ប្រសាសន៍​ថា ​លោក ​ម៉េ ​បាន​កែ​ឯក​សារ​ ដើម្បី​ធ្វើ​ឲ្យ​សមតុល្យ​គណនី​ធនាគារ​របស់​លោក​មាន​ទឹក​ប្រាក់​១.០០០.០០០​ដុល្លារ​ នៅ​ពេល​លោក​មាន​តែ​១.០០០​ដុល្លារ​ប៉ុណ្ណោះ ក្នុង​គណនី​នេ​ះ​​។​

លោក វ៉េងកា ​បាន​ឲ្យដឹងថា “ខ្ញុំមិន​អាច​ប្រាប់​ឈ្មោះ​ក្រុម​ហ៊ុន​ [ដែល​បាន​ដាក់​ពាក្យ​ប្តឹង​] បានទេ ក៏ប៉ុន្តែ លោក ហ្វ្រែង​ ម៉េ ​បាន​ក្លែង​បន្លំឯក​សារ​ ដែល​ធ្វើ​ឲ្យ​ចំនួន​ទឹក​ប្រាក់​ប្រែ​ប្រួល​ពី​១.០០០​ដុល្លារ​ ​ទៅ​១.០​០០.០០០​​ដុល្លារ​វិញ​”។ ​​

ទោះបី​ជា​យ៉ាង​ណា​ក៏ដោយ​ ​លោក ឡេ​អុន​ ខា (​Leon ​Carr​) ​ស​ហការី ​និង​ជា​មិត្ត​ភក្តិ​ម្នាក់​ ដែល​បាន​ព្យាយាម​បញ្ជាក់​អំពី​ភាព​មិនមាន​កំហុស​រប​ស់​លោក ​ម៉េ ​បាន​និយាយ​ថា លោក ​ម៉េ ​មិ​ន​បាន​ធ្វើ​អ្វី​ខុស​ទេ​ ហើយថា លោក​ជឿ​ជា​ក់ថា ករណីចាប់​ខ្លួន​នេះ​​​ជាប់​ពាក់​ព័ន្ធ​នឹង​ក្រ​ុម​ហ៊ុន​វិនិយោគ​រួម​មួយ​ ដែល​លោក ម៉េ បា​ន​ប​ង្កើត​ឡើង​កាល​ពីឆ្នាំ​មុន​​ ដោយ​ចាប់​ដៃគូជាមួយ​ក្រុម​ហ៊ុន​មួយ​​ឈ្មោះថា​ ព្រីម៉ា​វេរ៉ា ​ខេបភី​ថល​ គ្រុប លីមី​តធីត (Prima​ve​r​a Capit​al Gr​oup Lim​ited​) ​​និង​អ្នក​ជំនួញ​ឈ្មោះ​ ​រ៉ូ​បឺត​ ចាកូប​ (Rob​ert s’J​acob​)។​

លោក​ ឡេអុន ខា ​បាន​លើក​ឡើងថា​​ “លោក​ ហ្វ្រែង ​ម៉េ បាន​មាន​កិច្ច​សហ​ការ​យ៉ាង​ល្អ​ជា​មួយ​លោក ចាកូប ដែល​បានប្រែ​​ទៅ​ជា​មាន​អារម្មណ៍​មិនពេញចិត្ត​ទៅវិញ​។​​ ​លោ​ក ចាកូប បាន​គំរាម​លោក​ ម៉េ ​ហើយ​តាម​​ការ​យល់​ឃើញ​របស់ខ្ញុំ លោក ម៉េ ​មិន​មាន​សត្រូវនៅ​​​​រាជធានី​ភ្នំ​ពេញ​ទេ ក្រៅ​ពី​លោក​ ចាកូប​”។ ​លោក​បាន​មានប្រសាសន៍​បន្ថែម​​ដូច្នេះទៀត​ថា លោក​ជឿ​ជាក់ថា ​លោក ​ចាកូប​

បាន​ប្តឹង ​ទៅ​ធនាគារ​ក្នុង​ស្រុក​របស់​លោក​ ម៉េ អំពី​ការ​ចោទ​ថា លោក ម៉េ មាន​គំនិត​ប៉​ុនប៉ងក្លែង​​បន្លំចំនួន​ទឹក​ប្រាក់​ នៅ​ក្នុង​​​គណ​​​នី​​​ធ​នា​​​​គារ​របស់​លោក​។

អ្នក​នាំពាក្យ​ស្ថានទូត​អូស្ត្រាលី​ប្រចាំរាជ​ធានីភ្នំពេញ​ បាន​បដិសេធ​មិន​ធ្វើ​សេចក្តីអ​ត្ថា​ធិប្បាយ​ទេ​។ ​លោក ​ម៉េ ក៏​បាន​ត្រឡប់​មក​ប្រឡូក​ក្នុង​ពាណិជ្ជកម្ម​នៅ​ប្រទេស​កម្ពុជា​វិញ​ កាលពីឆ្នាំ​២០១១​​​​ ​ជាអ្នក​គ្រប់​គ្រងក្រុ​ម​ហ​៊ុន ​ឌីជីថល​ ស្តា​ មីឌា (Digital​ Star​ Media​) ​ដែល​បាន​បើកដំណើរ​ការ​ក្រុម​ហ៊ុន​ អុី​ម៉ាក់។

នៅ​ពេល​ចូល​ប្រឡូក​លើ​ទីផ្សារ​ទូរ​គ​មនា​គមន៍​ ក្នុង​​​បរិយាកាស​ប្រកួត​ប្រ​ជែង​​ដ៏តឹង​តែង​ លោក ម៉េ ​បាន​ប្រកាស​បណ្តា​ញ​ទូរស័ព្ទ​ចល័ត​កម្រិត​ 4G ដំបូង​គេ​នៅ​លើ​ទីផ្សារ​កម្ពុជា​ ​និង​បាន​ប្រកាស​គម្រោង​ដ៏ធំ​មួយ ​ដែល​មាន​គោល​​បំណង​ចែក​ចា​យ​បណ្តាញ​អុីនធើណិត​ នៅ​តាម​​សាលា​រៀន​ទូ​ទាំង​ប្រទេស​កម្ពុជា​ទៀត​ផង​។​

តាំង​ពី​ពេល​នោះមក​ លោក ម៉េ ​បាន​លា​លែង​ពី​មុខ​តំណែង​របស់​លោក​ នៅ​ក្នុ​ង​ក្រុម​ហ៊ុន អុីម៉ាក់ ហើយ​រឿង​រ៉ាវ​ជាប់​ពន្ធ​​នាគារ​របស់​លោក ​ហាក់​ដូចជា បណ្តាល​ម​ក​ពី​កិច្ច​ព្រម​ព្រៀង​មួយ ដែល​លោកបាន​ប​ង្កើត​ឡើង​ ​កាលពី​ឆ្នាំ​មុន ជាមួយ​ក្រុម​ហ៊ុន​ថ្មី​រ​បស់​លោក​​ឈ្មោះ​ ស៊ីកណេ​ឈើ​ ខេបភី​ថល​ (Signa​ture ​Capital​)។ ​យោង​តាម​លិ​ខិត​ទំនាក់​ទំនង​ ដែល​គេ​ឃើញ​នៅក្នុង​សប្តាហ៍​នេះ​ លោក ​ម៉េ ​និង​លោក ​​ចាកូប ​បាន​ស្ថិត​​ក្នុង​ដំណើរ​ការ​នៃ​កិច្ច​ពិភាក្សា​​គ្នា​​​​​ចា​ប​់ផ្តើម​ កាលពីខែ​ឧសភា ​​ឆ្នាំ​២០១១​ អំ​ពី​គម្រោង​គ្រប់​គ្រង​បន្ត​លើ​រោង​​ចក្រ​ថាម​ព​លមួយ​ នៅ​ក្នុង​ប្រទេស​កម្ពុជា​​។

ក៏​ប៉ុន្តែ ​ទំនាក់​ទំនង​រវាង​លោក ម៉េ ​និ​ង​លោក ចាកូប ​បាន​ថយ​ចុះ​កាន់តែ​ច្រើន​ឡើង​ៗ ​ដោយ​សារតែ​កិច្ច​ព្រម​ព្រៀង​​រោង​ចក្រ​ថាម​ព​ល​មិនមាន​វឌ្ឍ​នភាព​។​ នៅក្នុ​ង​អុីម៉េល​មួយ ​លោក ម៉េ ​បានសួរ​លោក ចា​កូប ​ថា “ ចូរ​ឈប់​​លេង​ហ្គេម​ទៀត​ទៅ​។ ​តើ​ [ក្រុម​ហ៊ុន​ព្រី​ម៉ា​វេរ៉ា​]​​ ចង់​បន្ត​ដំណើរ​ទៅ​មុខ​​ទៀត​ឬ​ក៏អត់​ទេ?” ​លោក​ ចាកូប បាន​និយា​យ​ទៅ​កាន់​ក្រុម​​អ្នក​សារព័ត៌​មាន​ថា ​លោក​​មិន​ចង់​និយាយ​ជា​សាធារណៈ​ទេ​ ​ហើយក៏​មិ​ន​បាន​ជាប់​ពាក់​ព័ន្ធ​នឹង​​រឿង​ប្តឹង​ផ្តល់​លោ​ក ម៉េ​ ដែរ​។ ​លោក​បាន​ឲ្យ​ដឹង​ទៀតថា​ លោ​ក​អាច​បង្ហាញ​ឯក​សារ​ ដែល​បញ្ជាក់​ច្បា​ស់ថា ​លោ​ក ​ម៉េ ​សារ​ភាព​ថា បាន​​បោក​ប្រា​ស់​លោក ​និង​​​​សុំទោស​លោក​។

ក៏​ប៉ុន្តែ ​បន្ទាប់​ពី​លោក​ ចាកូប ​ស្នើសុំ​ឲ្យ​ជួប​អ្នក​សារព័ត៌មាន​មួយរូប ​លោក​មិន​បាន​បង្ហាញ​​ខ្លួន​តាមកាល​កំណត់​ទេ​ ដោយ​បាន​បញ្ជូន​តំណាង​ក្រុម​ហ៊ុន​ ព្រី​ម៉ាវេរ៉ា​ ​ស​ញ្ជាតិ​ខ្មែរ​មួយ​រូប​ឈ្មោះ​ ​សំ តាង​ ឲ្យ​មក​ជួ​ប​ជំនួស​។ ​លោក តាង ​បាន​បដិសេធ​មិន​ផ្ត​ល់​នាម​ប័ណ្ណ​របស់​លោក​ ឬ​ក៏​ផ្តល់​ព័ត៌មាន​លម្អិត​អំពី​ក្រុម​ហ៊ុន​នេះទេ ​ប៉ុន្តែ​លោក​បា​ន​និយាយថា ​ក្រុម​ហ៊ុន​នេះមក​ពី​សហរដ្ឋ​អាមេរិក​ ហើយ​មិន​មាន​ការិយាល័យ​នៅ​ក្នុ​ងប្រទេស​កម្ពុជាទេ​។​ ​លោក​បាន​ឲ្យ​ដឹងថា ​ក្រុម​ហ៊ុន ​ព្រី​ម៉ាវេ​រ៉ា ​មិន​មានអ្វី​ត្រូវធ្វើ​ទា​ក់​ទង​នឹង​ករណី​ចាប់​ខ្លួន​លោក​ ​ម៉េ​ ទេ​ ក៏ប៉ុ​ន្តែ​ ​ក្រុម​ហ៊ុននេះ​ទទួលបាន​សំណើ​​ពីធនា​គារ​ វឌ្ឍនៈ (Vatt​anac​ Bank​) ​ឲ្យ​ផ្តល់​ឯក​សារ​ ទាក់​ទង​នឹង​លោក ម៉េ​។​

លោក តាង បាន​និយាយ​ថា “យើង​មិ​ន​មាន​ចំណាប់​អារម្មណ៍​លើ​ការ​ចូល​រួម​ជា​​មួយ​លោក ​ហ្វ្រែង​ ម៉េ ​[តាំង​ពី​]​ ប្រាំបីខែ​មុ​ន​។ ដូច្នេះ ​ខ្ញុំ​គិតថា ការ​ដែល​យើង​ចង់​ដឹង​អំ​ពី​[រឿង​ចាប់​ខ្លួន]​ លោក ​ហ្វ្រែង​ គឺ​ជារឿង​មិន​សម​ស្រប​ទេ​”។ ​លោក​បាន​និយាយ​ទា​ក់​ទង​នឹង​ធនាគារ​ វឌ្ឍនៈ​ ថា “ ​ពួក​គេ​បាន​សុំ​ឲ្យ​យើង​មើល​ភ័ស្តុតាង​។ ​ពួក​គេក៏​​ដឹង​អំពី​​លោក​ ហ្វ្រែង​ ម៉េ ​ដែរ ដោយ​សារតែ​យើ​ង​បាន​​ជួប​ប្រជុំ​ជាមួយ​មន្ត្រី​ធនាគារ​ វឌ្ឍនៈ​ ខ្លះ ទាក់​ទង​នឹង​រឿង​ផ្សេង​ៗ​ទៀត​ ហើ​យ​ពួ​ក​គេ​ស្នើ​ឲ្យ​យើង​មើល ​[ឯក​សារ​]​។​ ​យើ​ង​ជា​មនុស្ស​​ និយាយ​ត្រង់​។ ​យើង​ធ្វើ​អ្វីៗ​ដោ​យ​ត្រង់​ៗ​”។​​ ទំនាក់​ទំនង​តាមទូរ​ស័ព្ទ​ទៅកា​ន់​មន្ត្រី​ធនា​គារ វឌ្ឍនៈ ​មិន​មាន​កា​រឆ្លើយ​ត​ប​វិញ​​ឡើយ​។​

ឯក​សារ​ដែល​ក្រុម​ហ៊ុន​ ព្រីម៉ាវេរ៉ា ​​បា​ន​ផ្ញើ​​ទៅ​លោក​ ម៉េ​ ​ខណៈដែល​ពួក​គេ​កំពុង​តែ​ចរចា​ អំពី​គម្រោង​រោង​ចក្រ​ថាមពល​នោះ​ ​មាន​ចេតនា​បង្ហាញថា ​លោក ​ចាកូប​ ​មាន​កម្លាំង​​គាំទ្រ​ពី​ចំនួន​ទឹក​ប្រាក់​ដ៏​ច្រើន​។​  លិខិត​មួយ​ច្បាប់​កាល​ពី​ខែ​មេសា ឆ្នាំ​២០០​៨​ ​ដែល​ផ្ញើ​ចេញពី​ក្រុម​ហ៊ុន​ច្បាប់​មួយ ដែ​លមាន​មូលដ្ឋាន​នៅ​ប្រទេស​សិង្ហ​បុរី​ ឈ្មោ​ះ​ ​បេកឃើ​ អេន ​កេន​ហ្ស៊ី វ៉ុង អេ​ន លូ​ (Bake​r & M​cKenzie.​ Wong ​& Le​ow) ​និង​ជា​ការ​ឆ្លើយ​តប​ទៅ​ធនាគារ​ យូណាយ​ធីត ​អូវើ​ស៊ីស ប៊េង​ (Uni​ted ​Ove​rsea​s B​ank, UOB​) ​បាន​បង្ហាញថា ​លោក ​ចាកូប ​មាន​ទំ​នាក់​ទំនង​ជាមួយ​គ្រួសារគ្រប់​គ្រង​អំណាច​​ចុង​ក្រោយ​ កាលពីសម័យ​ ហ្សា​រីស រ៉ាសឺ​(Tsa​rist Rus​sia​)។​​​​

© 2013 – 2014, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.