27.1 C
Phnom Penh

លោកនាយករដ្ឋមន្ត្រី​ ហ៊ុន សែន ប្រកាស​​ពី​ការ​យក​ពន្ធ​ថ្មី​លើ​ដី​កសិកម្ម

ដោយ ឌឹ ខេមបូឌា ដេលី

បទវិភាគ

លោកនាយករដ្ឋមន្ត្រី​ ហ៊ុន សែន កាលពី​ម្សិលមិញបានប្រកាស​ថា រដ្ឋាភិបាល​នឹង​ចាប់​ផ្តើម​យក​ពន្ធ​លើដី​កសិកម្ម​ ដែលមានតម្លៃ​ជាង​២៥.០០០ដុល្លារ​។ លោក ហ៊ុន សែន បានមាន​ប្រសាសន៍ នៅក្នុងស្រុក​កែវសីមា ខេត្ត​មណ្ឌលគិរី​ ជា​ទី​ដែលលោក​បាន​ចែក​ប័ណ្ណកម្មសិទ្ធិដីធ្លី​ទៅឲ្យ​អ្នកភូមិ​ប្រហែល​១.២០០គ្រួសារថា “ រដ្ឋា​ភិបាល​បានសម្រេច​យក​ពន្ធ​៤​ភាគ​រយ​ពីដី​កសិកម្ម​ណា​ដែល​មាន​តម្លៃ​ជាង​១០០លាន​រៀល​ [២៥.​០០០​ដុលា្លរ​]”។      

លោក​បាន​មាន​ប្រសាសន៍​បន្ថែមទៀតថា “គោល​នយោ​បាយ​នេះ​ គឺ​ដើម្បី​ជួយ​គាំ​ទ្រ​អ្នក​ក្រ ហើយ​ដើម្បី​កំុ​ឲ្យ​អ្នក​មាន​ធ្វើ​ពុត​ជា​អ្នក​ក្រ​ ហេតុ​ដូច្នេះ​ទើប​យើង​បង្កើត​គោ​ល​នយោ​​បាយ​អត្រា​ពន្ធ​ថ្នាក់កណ្តាល​នេះ​។ ដី​កសិ​កម្ម​ណា​ដែល​មាន​តម្លៃ​ក្រោម​១០០​លាន​រៀល​ នឹង​មិន​យក​ពន្ធ​នោះ​ទេ​ ហើយ​ដី​ណា​ដែល​មាន​តម្លៃ​លើស​ពី​នេះនឹង​ត្រូវ​យក​ពន្ធ​”។​

លោក ហ៊ុន សែន បាន​មាន​ប្រសា​សន៍​ថា ក៏​មាន​ករណី​លើក​លែង​ដែរ រដ្ឋា​នឹង​មិន​យក​ពន្ធ​នោះ​ទេ ប្រសិន​បើ​កូន​ទទួល​បានដី​កេរពី​ឪពុក ដែ​ល​មាន​តម្លៃ​តិច​ជាង​៥០.០០០​ដុល្លារ​​នោះ។ លោក​បាន​បន្ត​ថា “ នៅ​ក្នុង​ករណី​ពេល​​ដែល​ឪពុក​ម្តាយ​ស្លាប់​ទៅ ហើយ​ពួក​គាត់​បាន​ផ្ទេរ​ដី​ធ្លី​ដែល​មាន​តម្លៃ​២០០​លាន​រៀល [ឬក៏​ប្រហែល​ ៥០.០០០​ដុល្លារ] ទៅ​ឲ្យ​កូន​របស់​ខ្លួន​ យើង​នឹង​មិន​យក​ពន្ធ​ពី​ពួក​គេ​ឡើយ”។​

លោក ម៉ាស៊ូ រ៉េនដល (Matthew Rendall) ដៃ​គូ​គ្រប់​គ្រង​​ក្រុម​ហ៊ុន​ច្បាប់​ Sciaroni & Associates បាន​មាន​ប្រ​សាសន៍​ថា ការ​យក​ពន្ធ​៤​ភាគ​​រយ​ គឺ​គេ​យក​ពន្ធ​តែ​ទៅលើ​អចលន​ទ្រព្យ​ប៉ុណ្ណោះ​ មិន​មែនយក​ពន្ធ​លើ​ដី​កសិកម្ម​ឡើ​យ។ លោក រ៉េនដល បាន​បន្ត​ថា “ ហេតុ​ផល​ដែល​ពួក​គេ​មិន​បាន​ធ្វើ​រឿង​នេះ​ពី​មុន​មក​ គឺ​ដោយ​សារ​តែ​ដី​កសិកម្ម​ភាគ​ច្រើន​ ត្រូវ​បាន​លក់​ចុះ​លក់​ឡើង​”៕

ប្រែ​សម្រួល​ដោយ ស៊ា ស៊ុយឈាង​​​​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស