27 C
Phnom Penh

ទាហា​ន​មា៉ារី​ន​សហរដ្ឋអាមេរិកនឹង​ស៊ើបអង្កេត​ករណី​ផ្ទុះគ្រាប់​នៅក្នុង​ពេល​​បណ្តុះ​បណ្តាល

ដោយ ឌឹ ខេមបូឌា ដេលី

បទវិភាគ

មន្ត្រី​សហ​រដ្ឋ​អា​មេរិ​ក​​បា​ន​និយា​យ​កាលពី​​​ម្សិល​មិញ​ថា ​កង​ទ័ពម៉ា​រី​ន​​អា​មេរិក ​និង​អង្គ​ការ​ក្រៅ​​រដ្ឋាភិ​បាល មូល​និធិ​​មនុស្ស​​ធម៌​ ហ្គោល​ដិន វ៉េស (Golden West Foundation) កំ​ពុង​​​ស៊ើ​ប​អង្កេត​​កា​រ​ផ្ទុះ​​យុទ្ធភណ្ឌ​មិន​ទាន់​ផ្ទុះ​​មួ​យ​នៅ​ឯ​​មជ្ឈ មណ្ឌល​បណ្តុះ​បណ្តាល​​ផ្នែ​ក​ជំ​នាញ​ដោ​ះមី​ន​​នៅ​ក្នុង​​ខេត្ត​កំ​ពង់​ឆ្នាំ​​ង​ ដែល​ធ្វើ​ឲ្យ​​អ្នក​ជំ​នាញ​​ផ្នែក​ដោះ​មីន​​អា​មេរិកាំ​ង​​បួ​ន​នាក់​រង​របួសធ្ងន់​​កា​ល​ពី​ថ្ងៃ​អង្គារ​។

​​ស្ថាន​ទូត​អា​មេរិ​ក​ក៏​បា​ន​​ផ្សព្វ​ផ្សាយ​​អត្ត​សញ្ញាណ​​បុរស​ជន​ជាតិអា​មេរិកាំ​ងបួ​ននាក់​​នេះ​​​ជា​លើក​ដំ​បូង​ ដែល​បី​នាក់​នៅ​ក្នុង​ចំណោម​នោះ​ ជា​​ទាហា​ន​ម៉ារីន​​​សហរដ្ឋ​អា​មេរិក​ឈ្មោះ ហ្វីលីព ម៉ាក់ហ្គីល​(Phillip McGill) មា៉ធ្យូ សេហ្វឺ (Matthew Scheafer) និង ដេវីដ គ្រូស b(David Crouse) ព្រម​ទាំ​ង​ឈ្មោះ លី អូស្ទីន (Lee Austin)ជា​​​បុគ្គលិក​ជាប់​​កិច្ចសន្យា​​ជា​មួ​យ​អង្គការ​​ក្រៅ​រដ្ឋាភិ​បាល មូល​និធិ​​​មនុស្ស​ធម៌​ ហ្គោលដិន វ៉េស ។

បុរសទាំ​ង​​​បួន​នាក់​នេះ​ បច្ចុប្បន្ននេះ​​កំពុង​ជា​សះ​ស្បើយ​​ពី​មុខ​របួស​​​របស់​ខ្លួន​វិញ​ហើយ​​​នៅ​ឯ​មន្ទីរ​ពេទ្យ​ ប៊ុមរុងរ៉ាត់ អន្តរជាតិ (Bumrungrad International Hospital) ក្នុង​ទី​ក្រុង​បាង​កក ហើយ​ពេល​នេះ បា​ន​ជូន​​ដំ​ណឹង​​ប្រាប់ក្រុម​គ្រួសារ​​របស់​ពួ​ក​គេ​​​រួ​ចហើយ​។

លោក ចន ស៊ីម៉ុន (John Simmons) អ្នកនាំ​​ពាក្យ​​របស់​ស្ថាន​ទូត​អា​មេរិ​ក ​​​លើក​ឡើង​ថា “ស្ថានទូតអា​មេរិ​ក​អា​ច​បញ្ជាក់​បានថា ទាំ​ង​​កងទ័ព​ម៉ារី​ន​​​​អាមេរិក និង​មូល​និធិ​​មនុស្ស​ធម៌​ហ្គោលដិនវ៉េស ​កំ​ពុង​​ស៊ើប​អង្កេត​​ឧបទ្ទវ​ហេតុ​នេះ​”។​​

បុរសទា​ំង​បួ​ននាក់​នេះ ជា​​បុគ្គលិក​​ផ្នែក​បោស​សម្អាត​ជាតិ​ផ្ទុះ​របស់​កង​ទ័ព​​អា​មេរិ​ក ​ដែល​បង្រៀន​អំ​ពី​​សុវតិ្ថភាព​​ជាតិ​ផ្ទុះ​ និង​គ្រាប់​រំសេវ​ និង​ផ្តល់​បច្ចេក​ទេស​ដល់​​​បុគ្គលិក​បោស​សម្អាត​ជាតិផ្ទុះ​កម្ពុជា ​ក្នុង​មជ្ឈ​មណ្ឌល​​សកម្មភាព​កម្ចាត់មីន​កម្ពុជា។ ​ពួ​ក​គេ​មក​ទី​នេះ​​ដើម្បី​​អញ្ជើញ​​ចូ​ល​​រួម​វគ្គ​បណ្តុះ​បណ្តាល​ផ្នែក​ជំនាញ​ដោះ​មីន​​រយៈ​ពេល​មួ​យ​ខែ រួ​ម​​ជា​មួ​យអ្នក​បច្ចេកទេស​ផ្នែក​បោស​​សម្អាត​ជាតិផ្ទុះ​កម្ពុជា​​ចំ​នួ​ន​៣០​នាក់។

មជ្ឈមណ្ឌល​សកម្មភាព​កម្ចាត់មីន​កម្ពុជាបា​ន​​លើកឡើង​ថា ​ខ្លួន​​ក៏​កំ​ពុង​ស៊ើប​អង្កេត​​​អ្វី​​​កើត​ឡើង​​នៅ​ឯ​មជ្ឈមណ្ឌល​បណ្តុះ​បណ្តាល​​ផ្នែក​ដោះ​មីន​​ខេត្ត​កំ​ពង់​ឆ្នាំង​​ដែរ ប៉ុន្តែ​មន្ត្រី​នគរបាល​ខេត្ត​ម្នាក់​​ដែល​​ចូល​​រួមក្នុង​​កា​រ​ស៊ើប​អង្កេតបឋម​ ​​និយា​យ​​កា​ល​ពី​ថ្ងៃ​​ពុធ​​នេះ​ថា ​អ្នក​ជំ​នាញ​​​អា​មេរិក​​ទាំ​ង​នេះ ​បា​ន​ប៉ុ​ន​ប៉ង​ដោះ​ក្បាល​គ្រាប់​កាំ​ភ្លើង​យន្ត​​ប្រភេទ​២៣​មិល្លីម៉ែត្រ​ ស្រាប់​តែ​ពេល​នោះ​គ្រោះ​ថ្នាក់​បា​ន​កើត​ឡើង។

​លោក​ ហេង រតនា អគ្គនាយក​​មជ្ឈ​មណ្ឌល​​សកម្មភាព​កម្ចាត់មីន​កម្ពុជា ​មា​ន​ប្រ​សាស​ន៍​ថា “មជ្ឈមណ្ឌល​សកម្មភាព​កម្ចាត់មីន​កម្ពុជា​កំពុង​​​តែ​បន្តការងារស៊ើប​អង្កេត​​របស់​​យើង​។​យើង​ត្រូវផ្អាកការងារ​មួ​យ​​រយៈ​ ប៉ុន្តែ​​បន្ទាប់​មក ​នឹង​ចាប់ផ្តើម​​​ដូច​ធម្មតា​​”។

លោក រ៉ូចជើ ហេស (Roger Hess)​នាយក​​ផ្នែក​ប្រតិបត្តិកា​ររបស់​មូល​និធិហ្គោលដិន វ៉េសបា​ន​អញ្ជើញ​​ដល់​ក្រុង​បាង​កក​​កា​ល​ពី​យប់​មិញ​ ដើម្បី​​ទទួល​​សេចក្តី​រាយ​កា​រ​​ណ៍​​ផ្ទាល់​ពី​​បុគ្គលិ​ក​របួស​។

លោក​​​មា​ន​ប្រ​សាសន៍​ថា​ លោក អូស្ទីន ​ធ្លាប់​ជា​​អនុប្រ​ធា​ន​​ផ្នែក​ប្រតិបត្តិកា​រ​នៅ​ហ្គោលដិន វ៉េស និងធ្វើ​កា​រ​​ជាមួ​យ​អង្គកា​រ​នេះ​​ចាប់​​តាំ​​ង​ពី​ឆ្នាំ​​២០០៥មក​។ លោក ហេស បា​នបន្ត​ថា “គាត់​មា​ន​បទ​ពិ​សោធ​ប្រហែល​២០ឆ្នាំ​​ក្នុង​កា​រ​ដោះ​មីន​និង​ធ្លាប់​ធ្វើ​ជា​​ទាហាន​ម៉ារីន​​សហរដ្ឋអា​មេរិ​ក​ទៀត​ផង​​។

លោកបា​ន​បន្ថែម​ថា “ គាត់​​ប្រហែល​ជា​បុគ្គលិក​ម្នាក់​ក្នុង​ចំ​ណោម​​បុគ្គលិក​​ដែល​មា​ន​សមត្ថភាព​ខ្ពស់​ជាង​គេ​បំ​ផុត​​ក្នុង​កា​រ​​​ដោះ​មីន​ ដែល​ខ្ញុំ​​បាន​​ស្គាល់​”។ យោង​តា​ម​​លោក ហេស ​បាន​ឲ្យ​ដឹង​ថា ​លោក អូស្ទីន ​​បា​ន​រង​របួស​​ត្រូ​វ​ពោះ​​ដោ​យ​សារ​កា​រ​​ផ្ទុះ​នេះ​ ប៉ុន្តែ​​មិន​ទាន់​​ទាំ​ង​​ដោះ​ផង ស្រាប់​តែ​វា​ផ្ទុះ​ឡើងតែ​ម្តង​”។

​លោក​បា​ន​​មា​ន​ប្រ​សាសន៍​ថា “មុខ​របួស​​របស់​គាត់​ត្រូវ​​សើៗ​ទេ​ ហើយ​ប្រហែល​ជា​ត្រូ​វ​​យក​ចិត្តទុក​ដាក់​ថែម​ទៀត ប៉ុន្តែ​មិន​គំ​រាម​កំហែង​ដល់​ជី​វិត​ទេ​។ គាត់​មា​ន​ស្មារតី​ល្អ​”។ លោក​ ហេស ​បា​ន​មា​ន​ប្រ​សាសន៍​ថា លោក​នឹង​ត្រឡប់​មក​ភ្នំពេញ​វិញ​ថ្ងៃ​នេះ​​ដើម្បី​បន្ត​កា​រ​ស៊ើបអង្កេត​​​របស់​ខ្លួន។

នៅ​ឯ​ពិធី​មិន​ទាក់​ទង​មួយ​នៅ​សណ្ឋាគា​រ​ សាន់​វេ ​ក្នុង​រាជ​ធា​នី​ភ្នំ​ពេញ​​កា​ល​ពី​ម្សិល​មិញ មន្ត្រី​​អា​មេរិក​​បា​ន​សម្តែង​កា​រអា​ណិត​អា​សូរ​របស់​ខ្លួនចំ​ពោះ​ជន​រង​គ្រោះ​ ហើយ​បា​ន​លើក​ឡើង​ម្តងទៀត​​ថា នឹង​ធ្វើ​កា​រ​​ស៊ើ​ប​អង្កេត​​ហេតុ​កា​រណ៍​នេះ​។

លោក ថេរី មឺហ្វី (Terry Murphee) អនុ​ប្រធា​នស្តី​ទី​ផ្នែក​​បេសកកម្ម​​នៅ​ស្ថានទូត​អា​មេរិក​បា​ន​មា​ន​ប្រ​សាសន៍​​នៅ​ឯពិធី​បិទ​វគ្គ​បណ្តុះ​បណ្តាល​សម្រាប់​ Marine Air Ground Task Force Tactical Warfare Simulation ជា​កម្មវិធី​បណ្តុះ​បណ្តាល​ផ្នែក​គ្រោះ​មហន្តរាយ​​អា​មេរិក ​និង​កម្ពុជា​រួម​គ្នា​៕ប្រែសម្រួល​ដោ​យ ចេវ ប៊ុននី​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស