29 C
Phnom Penh

រដ្ឋាភិបាលបង្កើត​គណៈកម្មាធិការ​ជាតិ​ធ្វើ​ផែន​ការ​មេគ្រប់​គ្រង​ដីធ្លី​

ដោយ ឌឹ ខេមបូឌា ដេលី

បទវិភាគ

មន្ត្រី​រដ្ឋាភិបាល​ជាន់​ខ្ពស់​​​​បាន​ចាប់​ផ្តើម​ធ្វើ​​ផែនការ​មេ​​​​សម្រាប់​​កំណត់​​​ទីតាំង​គ្រប់​ប្រភេទ​​​នៅទូទាំង​ប្រទេស​ ដូច​ជា​ផ្លូវ​ថ្នល់ ​ទីក្រុង ​និង​តំបន់​អភិវឌ្ឍន៍នានា​។ លោកប៉េងហុងសុជាតិ​ខេមរូ៉អ្នក​នាំ​ពាក្យក្រសួង​រៀបចំដែន​ដី នគរូប​នីយ​កម្ម​ ​និង​ សំណង់​បាន​មាន​ប្រាសាសន៍​ថា​ រដ្ឋមន្ត្រី​ក្រសួង​រៀប​ចំ​ដែន​ដី​ នគរូបនី​យក​ម្ម​​ លោកអឹុមឈុនលឹម ​បាន​ដឹក​នាំ​កិច្ច​ប្រជុំ​ជា​លើក​ដំបូង​​របស់​គណៈ​កម្មាធិការ​ជាតិ​ទទួល​បន្ទុក​​​រៀបចំ​ដែន​ដី​ នគរូបនីយ​កម្ម​ និងសំណង់​ ដែល​មាន​សមា​ជិក​ចំនួន​២០​រូប​កាល​ពី​សប្តាហ៍មុន​ដើម្បី​​​ដំណើរ​ការ​ផែន​ការ​នេះ។

លោកសុជាតិ​ខេមរូ៉ ​បាន​មាន​ប្រសាសន៍​បន្ដ​ថា “នគរ​ូប​នីយកម្ម​​ និង​​​ការ​រៀប​ចំ​ដែន​​ដី ​គឺ​​ជា​កិច្ច​ការ​​មួយ​​ធំណាស់​​ ដែល​​ក្រសួង​​តែ​មួយ​មិន​អាច​ធ្វើ​​បាន​នោះ​ទេ ដូច្នេះ​ត្រូវ​​​បង្កើតគណៈកម្មាធិការ​នេះ​ ដើម្បី​អនុវត្ត​ការ​ងារ​របស់យើង​ឲ្យ​បាន​ល្អ​ប្រសើរ​​”។

មន្ដ្រី​​អង្គការ​ក្រៅ​រដ្ឋាភិបាល​នានា​ ដែល​បាន​តាម​​ដាន​​បញ្ហា​ដី​ធ្លី​យ៉ាង​យក​ចិត្ត​ទុក​ដាក់​ ដូច​ជា​អង្គការ​អាដហុក​ លីកាដូនិង​​វេទិការ​អង្គការ​មិន​មែន​រដ្ឋាភិបាល​​បាន​លើក​ឡើង​ថាខ្លួន​​មិន​បាន​ដឹង​អំពីការ​បង្កើត​​គណៈ​កម្មា​ធិការ​ថ្មី​នេះ​​ទេ។​​អង្គការ​ទាំង​​នេះ​បាន​​​ត្អូញ​ត្អែរ​​ជា​ច្រើន​ឆ្នាំ​មក​ហើយ​ថា​​ រដ្ឋាភិ​បាល​​បាន​បន្ត​គោល​នយោ​បាយ​ដីធ្លី​​ដែល​បណ្តាល​ឲ្យ​មាន​ការ​​​​​កាប់​បំផ្លាញ​ព្រៃ​ឈើ​ និង​ការ​បណ្ដេញ​ប្រជា​ពលរដ្ឋ​ចេញ​ពី​លំដ្ឋាន​​​ទាំង​បង្ខំ​។

លោកនីកូឡាសអាហ្គោស្ទីនី (Nicolas Agostini) ជំនួយ​ការ​បច្ចេក​ទេស​​ប្រចាំ​​អង្គការ​អាដហុក​ ទទួល​បន្ទុក​​​​សិទ្ធិ​ដី​ធ្លី​ និង​ធន​ធាន​ បាន​ជំរុញ​ឲ្យ​រដ្ឋាភិបាល​ធ្វើ​ការ​ឲ្យ​បាន​ជិត​ស្និទ្ធ​ជា​មួយ​ប្រទេស​ម្ចាស់​ជំនួយ​ អង្គការ​ក្រៅ​រដ្ឋា​ភិបាល​នានា​ និង​សហគមន៍មូលដ្ឋាន​​ នៅ​ពេល​បង្កើត​​ផែន​ការ​ជាតិ​​។

លោក​បាន​មាន​ប្រសាសន៍​ថា “កង្វះ​ការ​​ពិគ្រោះ​យោបល់​​​ក្នុង​ដំណើរ​បង្កើត​​ផែន​ការ​ប្រើ​​ប្រាស់​​​ដី​ធ្លីថ្នាក់​ជាតិ​អាច​​នាំ​​ឲ្យ​រដ្ឋាភិបាល​​ប្រើ​ប្រាស់​ឯកសារ​មិន​ស្រប​តាម​បទដ្ឋាន​ ព្រោះ​​ឯក​សារ​នោះ​អាច​ត្រូវ​បាន​ប្រើ​ប្រាស់​​ដើម្បី​​បណ្ដេញ​ប្រជាពល​រដ្ឋ​ចេញ​ដោយ​បង្ខំ​ និង​ចាប់​យក​ដី​ដោយ​ខុស​ច្បាប់​ និង​​មាន​ការ​គំរាម​កំហែង​ថែម​ទៀត​ ចំពោះ​​សិទ្ធិ​កាន់​កាប់​​ដី​​ធ្លី​​របស់​​ប្រជាពល​រដ្ឋ​ដែល​​ងាយ​រង​គ្រោះបំផុត​​”។

​លោក​បាន​បន្តថា “ផ្ទុយ​ទៅ​វិញ​រដ្ឋាភិបាល​នឹង​​បង្ហាញ​ឆន្ទៈ​នយោបាយ​ ដើម្បី​ស្វែង​រក​ដំណោះ​ស្រាយ​​សម​ស្រប​មួយ​ ដើម្បី​ដោះ​ស្រាយ​វិវាទ​ដី​ធ្លី​ ​ប្រសិន​បើ​រដ្ឋាភិបាល​ប្រឹក្សា​យោបល់​ជាមួយ​ដៃ​គូ​អភិវឌ្ឍន៍​នានា​ ​និង​​​ធ្វើ​យ៉ាង​ណា​ឲ្យ​ផែន​ការ​​ប្រើ​ប្រាស់​​ដី​ធ្លី​​ជាតិ​នេះ​ស្រប​តាម​​ក្រប​ខណ្ឌ​ច្បាប់​ទាំង​អស់​”។

មន្ត្រី​ម្នាក់​នៅ​​​ទី​ភា្នក់​​​អភិវឌ្ឍន៍​​អាល្លឺម៉ង់​​ ហៅកាត់​ថា GIZ មាន​ប្រសាសន៍​ថាខ្លួន​កំពុង​​ធ្វើ​ការ​ជាមួយ​អាជ្ញាធរ​នៅ​ក្នុង​ខេត្ត​ចំនួន​បី​​អំពី​ផែនការ​ប្រើ​​ប្រាស់​ដីធ្លី​​មូល​ដ្ឋាន ​​ដែល​​ក្រោយ​មក​ ផែន​ការ​នេះ​​​​អនុម័ត​ដោយ​គណៈ​កម្មាធិការ​ថ្មី​នេះ​​​ ហើយ​​ត្រូវ​ដាក់​បញ្ចូល​ទៅ​ក្នុង​ផែនការ​ថ្នាក់​ជាតិ​​នៅ​ទូទាំង​ប្រ​ទេស​។

លោកហ្រ្វ៉ានវ៉ុលហ្គើមូល្លើប្រធាន​កម្ម​វិធី​សិទ្ធិ​ដី​ធ្លី​អង្គការ​​​​ GIZ ប្រចាំ​​កម្ពុជា​ បាន​មាន​ប្រសាសន៍​ថា​​អង្គការ​របស់​លោក​បាន​ជួយ​រៀបចំ​ផែនការ​នេះ​នៅ​ក្នុង​ខេត្ត​បាត់​ដំបង​ចាប់​តាំង​ឆ្នាំ​២០០៥​មក​ ហើយ​ផែនការ​នេះ​”​ជិត​បញ្ចប់​ហើយ​”។ ​អង្គការ ​GIZ ក៏​​កំពុង​ធ្វើ​ការ​​លើ​ផែនការ​ស្រដៀង​គ្នានេះ​ផង​ដែរ​នៅ​ក្នុង​ខេត្ត​​តាកែវនិងខេត្តកំពង់​ឆ្នាំង​។

លោកមូល្លើបាន​មាន​ប្រសាស​ន៍​បន្តថា​ផែនការ​ថ្នាក់ខេត្ត​បង្ហាញ​​​ពី​ទីតាំង​ទាំង​អស់​រួមទាំងផ្លូវ​ថ្នល់បណ្តាញ​អគ្គិសនី​ លំនៅ​ដ្ឋាន​ និងទី​តាំង​​សម្រាប់​សង់​លំនៅ​​ដ្ឋាន។ លោកមាន​​ប្រសាស​ន៍​បន្តទៀត​ថា ​“នេះ​ជាផែនការ​​ដ៏​ធំ​មួយ​​។​ផែន​ការ​នេះ​កំណត់​​ច្បាស់​លាស់​ពី​គោល​ដៅ​ និង​​កន្លែង​សម្រាប់​​អភិវឌ្ឍន៍​”៕ ប្រែសម្រួល​ដោយឃិនណៃ​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស