32 C
Phnom Penh

អេស៊ីលីដា​ បើក​សាខា​នៅ​ភូមា​ ហើយ​​រក​ឱកាស​ទៅ​ចិន​ទៀត

ដោយ ឌឹ ខេមបូឌា ដេលី

បទវិភាគ

ទីស្នាក់​ការ​គ្រឹះ​ស្ថាន​មីក្រូ​ហិរញ្ញ​វត្ថុ​ដំបូង​គេ​របស់​ធនាគារ​ អេស៊ីលីដា​ នៅ​ក្នុង​​ប្រទេស​​ភូមា​ ដែល​ជា​សាខា​ទី១​ក្នុង​ចំណោម​សាខា​ជា​ច្រើន​របស់​ធនាគារ​កម្ពុជា​មួយ​នេះ​ ដែល​ត្រូវ​បាន​បើក​នៅ​ក្នុង​ទីផ្សារ​ថ្មី​ថ្មោង​ ទើបតែ​បម្រើ​បាន​អតិថិជន​ជាង​៣០០​នាក់​ និង​ផ្តល់​ឥណទាន​ខ្នាត​តូច​បាន​ប្រហែល​៤៧.០០០​
ដុល្លារ​ប៉ុណ្ណោះ​ ចាប់​តាំង​ពី​បាន​បើក​កាល​ពី​ពាក់​កណ្តាល​ខែ​កុម្ភៈ​មក។

បន្ទាប់​ពីមាន​ការ​ពន្យារ​ពេល​អស់​រយៈ​ពេល​ប៉ុន្មាន​ខែ​មក​ ធនាគារ​ អេស៊ីលីដា​ ទទួល
​បាន​អាជ្ញា​ប័ណ្ណ​ធ្វើ​ប្រតិបត្តិការ​ពី​សំណាក់​ក្រុម​ប្រឹក្សា​វិនិយោគ​ និង​គ្រប់​គ្រង​ក្រុម​ហ៊ុន​ (Dire​ctorate of Investment and Company Adminis​tration)​របស់​ប្រទេស​ភូមា​កាល​ពី​ថ្ងៃ​ទី​៨​ ខែកុម្ភៈ
​ហើយ​រយៈ​ពេល​១០​ថ្ងៃ​ក្រោយ​មក​ ក៏​បានបើក​ទីស្នាក់​ការ​របស់​ខ្លួន​នៅ​លើ​អគារ​កម្ពស់​ប្រាំ​ជាន់​ក្នុង​ទីក្រុង​រ៉ង់ហ្គូន​ ដែល​ជា​ទីក្រុង​ធំ​ជាង​គេបង្អស់​របស់​ប្រទេស​ភូមា​។

លោក​ អុិន​ ចាន់នី​ ប្រធាន​នាយក​ប្រតិបត្តិ​ធនាគារ​ អេស៊ីលីដា​ ដែល​បាន​ចូល​រួម​ក្នុង​ពិធី​សម្ពោធ​បើក​ទីស្នាក់​ការ​សាខា​នៅ​ភូមា​កាល​ពី​ខែ​មុន​ បាន​មាន​ប្រសាសន៍​អំពី​ការ​កើន​ឡើង​ចំនួន​អតិថិជន​ថា​ “ ​វា​មាន​ការ​រីក​ចម្រើន​លឿន​ជាង​ការ​រំពឹង​ទុក​ទៅ​ទៀត​”។

សាខា​នេះ​ត្រូវ​បាន​រៀប​ចំ​អស់​រយៈ​ពេល​ជិត​មួយ​ឆ្នាំ​ហើយ​ បើ​គិត​ចាប់​តាំង​ពី​លោក​ អុិន​ ចាន់នី​ បាន​លើក​ឡើង​អំពី​គំនិត​ឲ្យ​មាន​ដំណើរ​ទស្សន​កិច្ច​របស់​លោក​ ណាយ​ អេ​ (Nay Aye)​ ដែល​ជា​ទេសា​ភិបាល​រង​ធនាគារ​ជាតិ​របស់​ប្រទេស​ភូមា​ នៅ​រាជ​ធានី​ភ្នំ​ពេញ​ កាល​ពី​ខែ​មេសា​ ឆ្នាំ​២០១២​។

បន្ទាប់​ពី​បាន​ធ្វើ​អាជីវ​កម្ម​ខាង​វិស័យ​ធនាគារ​នៅ​ក្នុង​ប្រទេស​កម្ពុជា​អស់​រយៈ​ពេល​២០​ឆ្នាំ​មក​ ធនាគារ​ អេស៊ីលីដា​ អន្ទះ​សារ​ចង់​ឈាន​ជើង​ចូល​ទៅ​កាន់​ទីផ្សារ​របស់​ភូមា​ដ៏​ថ្មី​សន្លាង​ ក៏​ប៉ុន្តែ​វា​ជា​ទីផ្សារ​ធំ​ជាង​ប្រទេស​កម្ពុជា​ដោយ​មាន​ប្រជា​ពល​រដ្ឋ​ចំនួន​៦០​លាន​នាក់​បន្ទាប់​ពី​មាន​កំណែ​ទម្រង់​សេដ្ឋកិច្ច​ជា​ច្រើន​ នៅក្នុង​អតីត​រដ្ឋ​ ដែល​គេ​ឯង​ស្អប់​ខ្ពើម​មួយ​នេះ​ ដើម្បី​ទាក់​ទាញ​វិនិយោគិន​បរទេស។

បើ​ទោះ​បី​ជា​បច្ចុប្បន្ន​ សាខា​នេះ​ត្រូវ​បាន​គ្រប់​គ្រង​ដោយ​ធនាគារ អេស៊ីលីដា​ ទាំង​អស់​​ក៏​ដោយ​ ក៏​លោក​ អុិន​ ចាន់នី​ ​មាន​ប្រសាសន៍​ថា​ ក្នុង​ពេល​ឆាប់ៗ​ខាង​មុខ​នេះ​ អង្គការ​មូល​និធិ​រូបិយ​វត្ថុ​អន្តរជាតិ​ (International Monetary Fund)​ ធនាគារ​បារាំង​ បេអ៊ែរអឺដេ​ បង់​ ប៉ូពូ​លែ​(BRED Banque Populaire)​ និង​ធនាគារ​អាល្លឺម៉ង់​ ខេអែហ្វដាប់បែលយូ​ (kfw)​ នឹង​គ្រប់​គ្រង​ផល​ប្រយោជន៍​រួម​គ្នា​ចំនួន​៤៥​ភាគ​រយ​ នៅ​ក្នុង​ដើម​ទុន​ចំនួន​១០​លាន​ដុល្លារ​ ដែល​ត្រូវ​បាន​គ្រោង​វិនិយោគ។

លោក​បាន​មាន​ប្រសាសន៍​ថា​ ធនាគារ​ អេស៊ី​លីដា​មាន​ផែន​ការ​បើក​សាខា​មីក្រូហិរ​ញ្ញ​វត្ថុ​ឲ្យ​បាន​ចំនួន​ប្រាំពីរ​សាខា​​នៅ​ក្នុង​ និង​នៅ​ជុំវិញ​ទីក្រុង​រ៉ង់ហ្គូន​ ហើយ​មាន​ផែន​ការ​ផ្តល់​សេវាកម្ម​ហិរញ្ញវត​្ថុ​ដល់​អតិថិជន​ចំនួន​២.០០០នាក់​នៅ​ឆ្នាំ​ដំបូង។

លោក​ អុិន​ ចាន់នី​ បាន​លើក​ឡើង​ថា​ “​ វា​គឺ​​ជា​ឱ​កាស​ដ៏​ល្អ​ ពី​ព្រោះ​ការ​ផ្តល់ ​[ឥណទាន​ខ្នាត​
​តូច​] ​នៅ​ទីនោះ​មាន​តិច​តួច​ណាស់​”។​​​​​​ ក៏​ប៉ុន្តែ​ ប្រទេស​ភូមា​ ប្រហែល​ទើប​តែ​ជា​ការ​ចាប់​ផ្តើម​ដំបូង​ប៉ុណ្ណោះ។​ បន្ទាប់​ពី​ការ​បន្ត​ជំហាន​របស់​ខ្លួន​ទៅ​កាត់​តំបន់​នៅ​តាមព្រំ​ដែន​របស់​ប្រទេស​ភូមា​ជា​មួយ​ប្រទេស​ចិន​នៅ​ក្នុង​រយៈ​ពេល​ប៉ុន្មាន​ឆ្នាំ​ខាង​មុខ​ទៀត​ លោក​ អុិន​ ចាន់នី​ បាន​ឲ្យ​ដឹង​ថា​ លោក​សង្ឃឹម​
​ថា​ នឹង​អាច​ឈាន​ជើង​ចូល​ក្នុង​ប្រទេសចិន​ជា​បន្ត​ទៀត។

លោក​ បាន​មាន​ប្រសាសន៍​ថា​ “​ នេះ​គឺ​ជា​ផែន​ការ​រយៈ​ពេល​វែង​របស់​យើង​ ហើយ​វា​អាស្រ័យ​លើ​បទ​ពិសោធ​របស់​យើង​នៅ​ក្នុង​ប្រទេស​ភូមា។​ នេះ​ប្រហែល​ជា​នៅ​មាន​រយៈ​​ពេល​វែង​ឆ្ងាយ​ទៅ​មុខ​ទៀត​ ពី​ព្រោះ​ប្រទេស​​ភូមា​ធំ​ណាស់​”។

បើ​ទោះ​បី​ជា​មាន​កិច្ច​ប្រឹង​ប្រែង​ជា​ច្រើន​របស់​ប្រទេស​ភូមា​ក្នុង​ការ​ធ្វើ​កំណែ​ទម្រង់​ក៏​ដោយ​ ក៏​ការ​ប៉ះ​ទង្គិច​គ្នា​ជា​ច្រើន​នា​ពេល​ថ្មីៗ​នេះ​ រវាង​ប្រជា​ពលរដ្ឋ​ភាគ​ច្រើន​ ដែល​កាន់​ព្រះ​ពុទ្ធ​សាសនា​ជា​មួយ​នឹង​ប្រជា​ពលរដ្ឋ​កាន់​សាសនា​អុីស្លាម ​បាន​បណ្តាល​ឲ្យ​ពលរដ្ឋ​រាប់​សិប​នាក់​បាត់​បង់​ជីវិត​ ហើយ​រាប់​ពាន់​នាក់​ទៀត​ត្រូវ​ជម្លៀស​ខ្លួន​ចេញ​ពី​លំនៅ​ដ្ឋាន​ ហើយ​ធ្វើ​ឲ្យ​ប្រទេស​មួយ​នេះ​ស្ថិត​នៅ​ត្រង់​ចំណុច​ផុយ​ស្រួយ​មួយ​។

កាល​ពី​ថ្ងៃ​អង្គារ​ កុមារ​ភូមា​ចំនួន​១៣​នាក់​បាន​ស្លាប់​នៅ​ក្នុង​អគ្គិសនី​ដ៏​សន្ធោសន្ធៅ​មួយ​​នៅ​ឯវិហារ​សាសនា​អុីស្លាម​មួយ​កន្លែង​ក្នុង​ទី​ក្រុង​រ៉ង់​ហ្គូន​ ហើយ​ក្រុម​អាជ្ញា​ធរ​បាន​លើក​ឡើង​ថា​ គ្រោះ​អគ្គិ​ភ័យ​នេះ​បណ្តាលមក​ពី​ទុស្សេ​ខ្សែ​ភ្លើង។

ដោយ​លើក​ឡើង​​ពី​បទ​ពិសោធ​របស់​ធនាគារ​ អេស៊ីលី​ដា​ ក្នុង​ការ​បើក​ធ្វើ​ប្រតិបត្តិ​ការ​នៅ​ក្នុង​ប្រទេស​កម្ពុជា​ ដែល​ធ្លាប់​ត្រូវ​បាន​ហែក​ហួរ​ដោយសារ​សង្គ្រាម​ កាល​ពី​ទស​វត្សរ៍​​ឆ្នាំ​១៩៩០​ លោក​ អុិន​ ចាន់នី​ ​បាន​មាន​ប្រសា​សន៍បន្ថែមទៀត​ថា​ រូប​លោក​មិន​មាន​បញ្ហា​ដោយ​សារ​ការ​កើត​មាន​អំពើ​ហិង្សា​ច្រើន​ និង​ការ​ចូល​របស់​ធនាគារ​​នេះ​ទៅ​ក្នុង​ទីក្រុង​រ៉ង់ហ្គូន​នោះ​ទេ។

លោក​បាន​មាន​ប្រសាសន៍​ថា​ “​ យើង​មាន​​បទ​ពិសោធ​​នោះ​ ហើយ​យើង​ដឹង​ថា​ កន្លែង​​ណា​ ដែល​ត្រូវ​ទៅ។​ វា​ [ទីក្រុង​រ៉ង់​ហ្គូន​] ​គឺ​ជា​បេះ​ដូង​នៃ​សមាគម​អាជីវកម្ម​ ដូច្នេះ​យើង​មាន​ទំនុក​ចិត្ត​ជា​មួយ​នឹង​បញ្ហា​នោះ​”៕

ប្រែសម្រួល​ដោយ​ ហួង​ កុក​ទៀន

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស