31 C
Phnom Penh

នាយិកា​សាលា​ជន​ជាតិ​​សិង្ហ​បុរី ម្នាក់​ត្រូវ​បាន​​គេ​សម្លាប់​យ៉ាង​ឃោរឃៅ​​នៅក្នុង​ខេត្តកំពង់​ស្ពឺ​

ដោយ ឌឹ ខេមបូឌា ដេលី

បទវិភាគ

នគរបាល ​និង​​ស្ថាន​​ទូ​ត​សិង្ហបុរី​ប្រចាំ​​រាជ​ធា​នី​ភ្នំ​ពេញ​បា​ន​ឲ្យ​ដឹង​ថា ​​នាយិកាសាលា​​​ជន​ជាតិ​សិង្ហបុរី​​អា​យុ​​៥៥ឆ្នាំ​ម្នាក់​ ត្រូវ​បា​ន​​រក​ឃើញ​​​​​​
កា​ល​ពី​ម្សិល​មិញ​​ថា ត្រូ​វបា​ន​​គេ​សម្លាប់​​យ៉ាង​​ឃោរ​ឃៅ​​​នៅ​​ខេត្ត​កំ​ពង់​ស្ពឺ​ ​​ដែល​​ក្នុ​ង​ករណី​នេះ​គេ​មិន​ដឹង​មូល​ហេតុ​ ​និង​ស្គាល់​ជ​ន​​សង្ស័យ​
នៅ​ឡើយ​ទេ។

​យោ​ង​តា​ម​​លោក ស៊ឹម សាម៉េត ​​អធិកា​រ​រង​នគរបាល​ស្រុក​​​បា​ន​ឲ្យ​ដឹង​ថា ​សាក​សព​ឈ្មោះវ៉េនឌី លីម (Wendy Lim) ត្រូវ​បា​ន​​គេ​​ប្រទះ​​ឃើញ​នៅ​កន្លែង​ស្នាក់​នៅ​របស់​គាត់​ក្នុ​ង​អនុវិទ្យា​ល័យ​​មួយ​ដែល​គ្រប់​គ្រង​ដោយអង​្គកា​រ​ក្រៅ​រដ្ឋា​​ភិ​បាល​គ្រីស្ទាន​​​នៅ​ក្នុង​ក្រុង​​ច្បារមន ​ដែល​​មាន​ស្ត្រី​រូប​​នេះ​​​​ជា​​នា​យិ​កា​​សាលា​។

​លោក សាម៉េត ​​មាន​ប្រ​សាសន៍​​ថា​ សាកសព​​​ស្ត្រី​​សិង្ហ​បុ​រី​​នេះ​ ត្រូ​វ​បា​ន​​គេ​​រក​ឃើញ​​នៅ​ក្នុង​អគារ​សាលា​​រៀន​មួយ ​ដែល​សាង​សង់​បាន​មួ​យ​ផ្នែក​នៅ​វេលា​ម៉ោង​ប្រ​ហែល​៧​និង​៣០​នាទីព្រឹក​​ បន្ទាប់​ពី​សហ​ការី​​​របស់​​គាត់​​នៅ​សាលា​​រៀន​នេះ​ ​មាន​ការ​ព្រួយ​បារម្ភ​
ព្រោះ​មិន​ឃើញ​គាត់​មក​ធ្វើ​កា​រ​​នៅ​អគារ​ផ្សេង​ទៀត​របស់​សាលា​​នេះ ​នៅ​ចម្ងាយ​​ប្រ​ហែល​មួ​យ​គីឡូម៉ែត្រ​។

​លោក​បានមាន​​ប្រ​សាស​ន៍​ថា “ បុគ្គលិក​​​របស់​គាត់​មិន​ឃើញ​គាត់​​មក​សាលា​​​ដូច​ធម្មតា​​​ ដូច្នេះ​​​ហើយ​ពួ​ក​គេ​​​បាន​ទៅ​​​ពិនិត្យមើល​​នៅ​ផ្ទះ​​​របស់​​គាត់​ ហើយ​ក៏បា​ន​ឃើញ​​​គាត់​ស្លាប់​បាត់​ទៅ​ហើយ​​”។

​លោក មុត តា​​រា ព្រះ​រាជ​អាជ្ញា​រង​អម​សាលា​​ដំបូ​ង​ខេត្ត​​បា​ន​មាន​ប្រ​សាសន៍​ថា លោក​បា​ន​ចូ​ល​រួ​ម​ធ្វើ​កោសល្យ​​វិច័យនៅ​ក្រសួ​ង​មហា​ផ្ទៃ​
ក្នុង​រាជ​ធានីភ្នំ​ពេញ​ ព្រោះ​​​អាជ្ញា​ធរ​​ខេត្ត​ និង​មន្ត្រី​ស្ថានទូ​ត​បា​ននា​ំ​សាក​សព​ទៅ​ទី​​​នោះ​។

លោក តា​រា បា​ន​មា​ន​ប្រ​សាសន៍​ថា“ នេះ​ជា​ករណី​​​ឃាត​កម្ម​។ ពេល​នេះ​កម្លាំង​​​របស់​យើង​​កំ​ពុង​តែ​ស៊ើប​អង្កេត ​​ដើម្បី​ស្វែ​ង​រក​ឃាត​ករ​”។ លោក​បន្ថែម​​ថា កា​រ​​ពិនិត្យ​​​របស់​នគរបាល​​កោសល្យវិ​ច័យ​​​បា​ន​រក​ឃើញ​ថាមូ​ល​ហេតុ​នៃ​កា​រ​ស្លាប់​នេះ​គឺ​មាន​ស្នាម​​វាយ​​​​យ៉ាង​ខ្លាំ​ង​​ចំ​​ក្បាល​ ប៉ុន្តែ​​អា​វុធ​​ធ្វើ​​ឃាត​មិន​ទាន់​រក​ឃើញ​នៅ​ឡើយ​​​ទេ​ ហើយ​មូ​ល​ហេតុ​ក៏​មិន​ទាន់​ច្បាស់​នៅ​ឡើយ​​​ដែរ។

លោក​បាន​មា​ន​ប្រ​សាសន៍​ថា “ របស់​របរ​របស់​​​គាត់​មិន​បាត់​បង់​​ទេ​ ហើយ​ក៏​គ្មាន​ភ័ស្តុតា​ងអំ​ពី​កា​រ​​រំ​លោភ​​ដែរ។ ​ប៉ុន្តែ​មុខ​មាត់​​ជន​​រង​គ្រោ​ះ​មា​ន​​ស្នាម​ជាំនៅ​នឹង​ថ្គាម​​ទាំ​ង​​សង​ខា​ង​ ហើយ​​កញ្ចឹង​ក​មា​ន​ស្នាម​កាប់​ជម្រៅ​ប្រ​ហែ​ល​២០​សង់​ទី​ម៉ែត្រ​ ដែល​មា​ន​​​ឈាម
ហូរ​​យ៉ាង​ច្រើ​ន​”។

លោក​​បន្ថែម​ទៀត​ថា ​​ក្រោយ​កា​រ​​​ពិ​និត្យ​របស់​នគរបាល​​​ ​សាក​សព​​ត្រូ​វ​បា​ន​​ប្រ​គល់​ឲ្យ​​​មន្ត្រី​ស្ថាន​ទូត​​និង​ប្តី​​របស់​​ជន​រង​គ្រោះ​ ដែល​បា​នធ្វើ​ដំ​ណើរ​តា​មយន្ត​ហោះ​ពី​សិង្ហបុរី​ បន្ទាប​់​​​ពី​ដឹង​​អំ​ពី​កា​រ​ស្លាប់​ភរិ​យា​​​របស់​ខ្លួន​។

លោក តារា បា​ន​មា​ន​​ប្រ​សាសន៍​ថា ​នៅ​​ក្នុង​​លិខិត​ឆ្លង​​ដែន ​ជន​រង​គ្រោះ​មាន​ឈ្មោះ លិម លាន សែម វ៉េនឌី (Lem Lean Sem Wendy) ​ ប៉ុន្តែ​​ស្ថានទូត​​សិង្ហបុរី​​បា​ន​បង្ហាញ​​អត្ត​សញ្ញាណ​​ជន​រង​គ្រោះ​​ថា ឈ្មោះ វ៉េនឌី លីម អា​យុ​៥៥ឆ្នាំ​។

​លោក អេតហ្គា ប៉ាង (Edgar Pang)អនុ​បរធា​ន​ស្ថាន​បេសកកម្ម​ប្រចាំ​ស្ថានទូ​ត​​សិង្ហបុរី​ បា​ន​មា​ន​ប្រ​សាសន៍​ថា អ្នក​ស្រី​ វ៉េនឌី លីម ធ្លាប​​់​បា​ន​ធ្វើ​ការ​នៅ​សាលា​​រៀន​អន្តរជាតិ Glad Tiding នៅ​ក្នុង​ខេត្ត​កំ​​ពង់​ស្ពឺ។

លោក ប៉ាង ​​មាន​​ប្រ​សាសន៍​ថា “ ​យើង​​ដឹងអំ​ពី​ករណី​នេះ​ ហើយ​ខ្ញុំ​​គិត​នៅ​ពេល​នេះថា អាជ្ញា​ធរ​ និង​នគរបាល​កម្ពុជាកំ​ពុ​ង​
តែ​ស៊ើប​អង្កេត​។ នៅ​ពេល​នេះ យើង​កំ​ពុង​​ផ្តល់​​​សេវា​កុង​ស៊ុល​​ពេញ​លេញ​​​​ដល់​​សាច់​ញាតិ​ជន​រងគ្រោះ​”។

​លោក ម៉ែន ស៊ី​ប៊ន មេបញ្ជាកា​រ​កង​រាជ​អា​វុធ​​ហត្ថ​ខេត្ត​​​​មា​ន​​ប្រ​សាសន៍​ថា ​​អាជ្ញា​​​ធរ​ខេត្ត​កំ​ពង់​ស្ពឺ​ កំ​ពុ​ងតែធ្វើការ​​ស៊ើប​អង្កេត​​​ករណី​នេះ​។
​លោក​មាន​​ប្រ​សាសន៍​ថា “ ​​ដំបូងយើង​សង្ស័​យ​​ថា​​​​ជា​ករណី​ប្លន់​ ប៉ុន្តែ​ក្រោយ​មក ​យើង​​បា​ន​រកឃើញ​​​ថា ​របស់​​របរ​​​​របស់​​គាត់​នៅ​​ដដែល​។ ត្រង់​ចំ​ណុច​នេះ ​យើង​​អា​ច​សន្និដ្ឋាន​ថា ​ជា​ករណី​​ឃាត​កម្ម​”។

​ករណី​នេះ​បា​ន​កើត​ឡើង​ បន្ទាប់​ពី​​មាន​ការ​សម្លាប់​ស្ត្រី​ជ​ន​ជាតិ​បារាំ​ង​​ម្នាក់​ ឈ្មោះ អូហ្វេលី បែ៊កនី (Ophelie Begnis) កា​ល​ពី​​ខែ​​មករា នៅ​ក្នុ​ង​ខេត្ត​​កំពត​​ និង​កា​រ​បាញ់​សម្លាប់​​​ជន​ជាត​ិ​ជប៉ុនម្នាក់​ឈ្មោះ គីតាគូរា៉ា កូ​សេ ក្នុង​រាជ​ធានី​ភ្នំ​ពេញ​​កាល​ពី​ក្នុង​ខែ​​មី​នា​។

​​ខេត្ត​កំ​ពង់​ស្ពឺ​ ក៏​ជា​​ទី​កន្លែ​ង​​​ដែល​គេ​​​សង្ស័​យ​​​ថា​ឃាតករ​បាន​សម្លាប់​បុរស​ជនជាតិបារាំ​ង ឈ្មោះ​ ឡូរ៉ង់ វ៉ាលី​យេ(Laurent Vallier) និង​កូន​ប្រាំ​នាក់​របស់​គាត់​ ​ដែល​សាក​សព​​របស់​ពួ​ក​គេ​​ត្រូ​វ​បាន​​គេ​រក​ឃើញ​នៅ​ក្នុង​​រ​ថយន្ត​មួ​យ​គ្រឿ​ង​​លិច​​​នៅ​ក្នុង​​ស្រះ​​​ទឹកមួ​យ​ នៅ​ក្បែr
ផ្ទះ​​របស់​បុរស​ជន​ជាតិ​បារាំ​ង​​រូ​បនេះ​​ក្នុង​ក្រុ​ង​​ច្បារមន​ កាលពីខែ​មករា​ ឆ្នាំ​២០១២៕

ប្រែសម្រួ​ល​ដោ​យ ​ចេវ ប៊ុននី​​​​​​​​​​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស