29 C
Phnom Penh

ប្រជាពលរដ្ឋ ដែល​​​ត្រូវ​​​បណ្ដេញ​​​ចេញ​​​​​​ពី​​​ដី​​​​​មាន​​​វិវាទ ដាក់​​​ញត្តិុសុំជំនួយ​​​ពីលោកនាយក​​​រដ្ឋមន្ត្រី​​​

ដោយ ឌឹ ខេមបូឌា ដេលី

បទវិភាគ

តំណាង​​​របស់​​​ប្រជាពលរដ្ឋ​​​ចំនួន​​​១៥៧​​​គ្រួសារ ដែល​​​ត្រូវ​​​បណ្ដេញ​​​ចេញ​​​កាល​​​ពី​​​ឆ្នាំ​​​២០១០​​​ពី​​​ដី​​​សម្បទានសង្គម​​​មួយ​​​កន្លែង​​​នៅ​​​ក្នុង​​​ខេត្ត​​​ព្រះវិហារ ដែល​​​ជា​​​កម្មសិទិ្ធ​​​របស់​​​អ្នក​​​ជំនួញ​​​ឈ្មោះ ប៉ែន លីម ដែល​​​ធ្លាប់​​​ជា​​​ទី​​​ប្រឹក្សា​ម្នាក់​​របស់​​​លោក ជា សុីម ប្រធាន​​​ព្រឹទ្ធសភា ​​​បាន​​​មក​​រាជធានី​​​ភ្នំពេញ កាល​​​ពីម្សិល​​​មិញ ​​​ដើម្បី​​​​​​ដាក់​​​ញត្តិ​​​សុំជំនួយពី​​​លោក​​​​នាយក​​​រដ្ឋ​​​មន្ត្រី​​​ ហ៊ុន សែន ។

គ្រួសារ​​​ទាំង​​​នេះ បាន​​​ឲ្យ​​​ដឹង​​​ថា ពួក​​​គាត់​​​ត្រូវ​​​​​លោក ​​​ប៉ែន លីម ​​​បង្ខំ​​​ឲ្យចាក​​​​​​ចេញ​​​ពី​​​ដី​ធ្លី​​​​​​​​នេះ បន្ទាប់​​​ពី​​​លោកបាន​​​ចំណាយ​​​ប្រាក់​​​រាប់​​​ពាន់​​​ដុល្លារ​​​ទិញយក​​​​​​ដី​​​នេះ ហើយ​​​ពួកគាត់​​​​​​បានទៅ​​​​​​រស់​​​នៅ​​​​​​ជា​​​មួយ​​​នឹង​​​សាច់ញាតិ​​​​​​តាំង​​​ពី​​​ពេល​​​នោះ​​​មក។

អ្នកស្រី ជា ច័ន្ទសិលា ដែល​​​​​​បាន​​​អះ​​​អាង​​​ថា បាន​ទទួលប្រាក់១.៥០០​​​ដុល្លារ ពី​​​ដី​​​​​​​​​ដែល​​​គាត់​​​ត្រូវ​​​បាន​​​បណ្ដេញ​​​ចេញ ហើយ​​​​​​ចង់បាន​​​ដី​​​នេះ​​​មក​​​វិញ​​​នោះ បាន​​​និយាយ​​​ថា “ យើង​​​មក​​​ទី​​​នេះ​​​នៅ​​​ថ្ងៃ​​​នេះ​​​ដើម្បី​​​សុំជំនួយ​​​ពី​​​សម្ដេ​​​ច​​​ហ៊ុន សែន ពីព្រោះ​​​យើង​​​ទាំង​​​អស់​​​គ្នា​​​គ្មាន​​​ផ្ទះសំបែងរស់​​​​​​នៅ​​​ទេ”។

តំណាង៥០​​​រូប ដែល​​​ប្រមូល​​​ផ្ដុំគ្នា​​​នៅ​​​សួន​​​ច្បារ​​​វត្តបទុម និង​​​បាន​​​ជួបជាមួយ​​​លោក ​​​នៅ ​​​រ៉ា​​​ សមាជិក​​​មួយ​​​រូប​​​​​​នៅ​​​ខុទ្ទកាល័យ​​​របស់​​​លោក​​​នាយក​​​រដ្ឋមន្ត្រី​​​ ដែល​​​បាន​​​ទទួល​​​យក​​​ញត្តិ​​​​​​នេះ និង​​​បាន​​​មាន​​​ប្រសាស​​​ន៍​​​ថា ​​​លោក​​​អភិបាល​​​ខេត្ត​​​ព្រះ​​​វិហារនឹងជួយ​​​ដោះ​​​ស្រាយ
​​​ពីក្តី​​​ព្រួយ​​​បារម្ភ​​​របស់​​​ពួក​​​គាត់ ។

តំណាង​​​ប្រជាពលរដ្ឋ​​​ទាំង​​​នេះ បាន​​​ឲ្យ​​​ដឹង​​​ថា នេះ​​​ជា​​​លើក​​​ទី៤​​​ហើយ​​​ដែល​​​ពួក​​​គាត់​​​បាន​​​មក​​​រាជធានី​​​ភ្នំពេញ ដើម្បី​​​ស្វែង​​​រក​​​ជំនួយ​​​។
លោក ប៉ែន លីម មិន​​​អាច​​​ទាក់ទង​​​សុំ​​​​ការ​​​​​អត្ថាធិប្បាយ​​​បាន​​​ទេ កាល​​​ពី​​​ម្សិល​​​មិញ ប៉ុន្តែ ​​​បាន​​​បដិសេធ​​​ថា​​​មិន​​​បាន​​​ធ្វើ​​​អ្វី​​​ខុស​​​នោះ​​​ទេ ​​​កាល​​​​​​ពី​​​ពេល​​​មុន ។

នៅ​​​ក្នុង​​​ករណី​​​​​​ដាច់​​​ដោយ​​​ឡែក​​​មួយ​​​ផ្សេង​​​ទៀត ​​​តំណាង​​​១០​​​រូប របស់​​​​​​ប្រជាពល​​​រដ្ឋ​​​ចំនួន​​​៥៦​​​គ្រួសារ នៅ​​​ក្នុង​​​ដី​​​មួយ ដែល​​​មាន​​​វិវាទ​​​ជា​​​មួយ​​​នឹង​​​កងពលលេខ៨​​​នៃ​​​កង​​​យោធ​​​ពល​​​ខេមរភូមិន្ទ ដែល​​​មាន​​​មូល​​​ដ្ឋាន​​​នៅ​​​ខេត្ត​​​ឧត្ដរមានជ័យ ក៏បាន​​​មក​​​សួន​​​ច្បារ​​​​​​វត្តបទុម ​​​កាល​​​​​​ពី​​​ម្សិល​​​មិញ​ ដើម្បី​​​ស្វែង​​​រក​​​ជំនួយ​​​ពី​​​លោក​​​​​​នាយក​​​រដ្ឋមន្ត្រី ហ៊ុន សែន​​ ផង​​​ដែរ។

ក្រុម​​​អ្នក​​​តំណាង​​​​​​ទាំង​​​​​​នេះ បាន​​​ចោទ​​​ប្រកាន់​​​អាជ្ញាធរ​​​មូល​​​ដ្ឋាន ថា​​​បាន​​​យក​​​ដី​​​របស់​​​ពួក​​​គាត់សរុប​​​ទាំង​​​អស់​​​ទំហំ ២៤០ហិកតា និង​​​បាន​​​ប្រគល់ញត្តិ​​​មួយ​​ឲ្យលោក នៅ រ៉ា ដោយ​​​ស្នើសុំជួយ​​​យក​​​ដី​​​នេះ​​​មក​​​វិញ៕

ប្រែសម្រួលដោយ ស៊ុំ សុខភុំ

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស