29 C
Phnom Penh

ក្រុ​ម​វិ​ស្វករ​ធ្វើការ​នៅ​ស្ពាន​អ្នក​លឿង ខេត្ត​កណ្ដាល​ តវ៉ា​​ជំទាស់​នឹង​កា​រ​បង់​ពន្ធ​​លើ​ប្រាក់​​ចំ​ណូល

ដោយ ឌឹ ខេមបូឌា ដេលី

បទវិភាគ

វិស្វ​ករ​​ជា​ង​​៥០នាក់​​ដែល​ក្រុ​ម​​ហ៊ុ​ន​​​សំ​ណង់​សូ៊មីតូម៉ូ ​មីត​ស៊ូ (Sumitomo Mitsui) ​​របស់​ជប៉ុន ជួ​ល​​ឲ្យសាង​សង់​ស្ពាន​​អ្នក​លឿង​នៅ​ក្នុង​ខេត្ត​កណ្តាល​នោះ​ បា​ន​​ធ្វើ​កា​រ​តវ៉ា​​កា​ល​​ពី​​ថ្ងៃ​​​ពុធ​​​ចំ​ពោះ​កា​រ​បង់​​ពន្ធ​​លើ​ប្រាក់​​ចំ​ណូល​​ចំ​នួ​ន​​១០ភាគ​​រយ​ ហើយ​កំពុង​​តែគំ​រា​ម​​ធ្វើ​កូដកម្ម​​​​​ម្តង​​ទៀត ប្រ​សិន​បើ​និ​យោ​​ជក​​​របស់​​ខ្លួន​មិន​ព្រ​ម​​សង​​​​ពួ​ក​គេ​វិញ​​ទេ​នោះ​។

ការ​ធ្វើ​បាតុ​កម្ម​​ចំ​​ថ្ងៃ​ទី​១​ខែ​​ឧសភា​របស់​​វិស្វ​ករ​​ចំ​នួ​ន​​៥៤​នាក់​​នៅ​ក្នុង​ស្រុក​លើក​ដែក​នេះ​ គឺ​​​ជា​​កា​រត​វ៉ា​ចុ​ង​ក្រោយ​ក្នុង​ចំណោម​កា​រ​​តវ៉ា​ជាបន្ត​បន្ទាប់​​​ពី​សំណាក់​​កម្មករ​ ដែល​មិន​ចង់​​បង់​ពន្ធ​លើប្រាក់​ខែ​​របស់​ខ្លួ​ន និង​ធ្វើ​ឡើង​​ នៅ​ពេល​មា​ន​​គំ​នា​ប​កាន់​តែ​ខ្លាំ​ង​ឡើង​​ទៅ​លើ​​រដ្ឋា​​ភិ​បាល​​កុំ​ឲ្យ​ពឹង​​ផ្អែ​ក​លើ​​ជំ​នួយ​បរទេស​ខ្លាំង​ពេក​​ និង​ឲ្យ​ប្រមូល​​ប្រាក់​ចំ​ណូល​​ពន្ធ​ឲ្យ​បា​ន​ច្រើន​ថែម​​​ទៀត​។

​យោង​តា​ម​លោក ឆ សី​ហា ​វិស្វ​ករនៅ​ក្រុមហ៊ុន ស៊ូមីតូម៉ូ ​​បា​នឲ្យ​ដឹង​ថា កា​រ​កាត់​ពន្ធ​​១០​ភាគ​​រយ​ពី​ប្រាក់​ខែ​៤០០​ដុល្លារ​របស់​​គាត់​​ ត្រូវ​បា​ន​​អនុ​វត្ត​​រយៈ​ពេល​​២ឆ្នាំ​មក​ហើយ​។​លោក​ក៏​បា​ន​​លើក​ឡើង​ផង​ដែរ​​​ថា មន្ត្រី​​នៅ​ក្រុម​ហ៊ុន​ ស៊ូ​មី​តូ​ម៉ូ បា​ន​ប្រាប់​បុគ្គលិ​កម្តងហើយ​ម្តង​ទៀត​​ថា ​​ក្រុម​ហ​៊ុន​​​នឹ​ង​បើក​ប្រាក់​កាត់​ពន្ធ​នោះ​ឲ្យ​​ពួក​គេ​​វិញ​។

លោក សី​ហា​ មា​ន​ប្រ​សាស​ន៍​ថា​ “ ​យើង​បា​ន​សម្រេច​​ធ្វើ​កា​រ​តវ៉ា​ ពី​ព្រោះ​​​ពួ​ក​​យើង​ទាំង​អស់​គ្នា បា​ននិង​កំ​ពុង​រង់​ចាំ​​រយៈ​ពេល​ពីរឆ្នាំ​ហើយ​មក​ទល់​ពេល​នេះ​ ប៉ុន្តែ​ក្រុម​​ហ៊ុន​មិន​បា​ន​ឆ្លើយ​តប​​ប្រាប់យើង​​អំ​ពី​កា​រ​កាត់​ប្រាក់​ខែ​នេះ​ទេ​”។

លោក​បន្ថែម​​ថា ពួ​ក​គេ​បា​ន​វិល​ទៅ​ធ្វើ​កា​រ​​វិញ​កា​ល​ពី​ម្សិល​មិញ​ ​ព្រោះ​ក្រុម​ហ៊ុន​​បា​ន​សន្យា​​ដោះ​ស្រាយ​​ការ​ទាម​ទារ​​​​របស់​​ពួ​ក​គេ​នៅ​ថ្ងៃ​នេះ​។  ​លោក សីហា បា​ន​​ឲ្យ​ដឹង​ទៀត​ថា “ យើង​នឹង​តវ៉ា​​​ជំទាស់​នឹង​ក្រុ​ម​ហ៊ុ​ន​នេះ​ ប្រ​សិន​បើ​​ពួ​កគេ​គ្មាន​​ដំ​ណោះ​ស្រាយ​សម្រាប់​​យើង
[​ត្រឹម​ថ្ងៃ​នេះ]ទេ​”។

​កា​ល​ពី​ខែ​មុន កម្មករមក​ពី​ក្រុម​ហ៊ុន​ ​ឆយ តាក់ស៊ី (Choice Taxi) ដែល​​ជា​ក្រុម​​ហ៊ុ​ន​ផ្តល់​​សេវា​​រថ​យន្ត​តាក់​ស៊ី ​របស់​កូ​រ៉េ បា​នធ្វើ​កូដកម្ម​​រយ​ៈ​ពេល​​មួយ​ថ្ងៃ​ ដើម្បី​តវ៉ា​​ចំ​ពោ​ះ​​សេចក្តី​សម្រេច​​របស់​ក្រុម​ហ៊ុន​​​ដែល​បាន​​ចាប់​ផ្តើម​កាត់​ពន្ធ​​​លើ​ប្រាក់​ខែ​១០ភាគ​រយ​​​ចា​ប់​​ពី​ខែ​​ឧសភា​ទៅ​។​​ ទី​បំ​ផុតក្រុ​ម​ហ៊ុន​ ឆយ តាក់​ស៊ី បា​ន​សម្រេចបង់​ពន្ធ​​ ជួស​ឲ្យ​​កម្មករ​​​របស់​ខ្លួន​ ដើម្បី​បញ្ចប់​​កូដកម្ម។

កម្មករ​រោ​ង​ចក្រ​​​ដែល​​ទទួ​ល​បា​ន​​ប្រាក់​ខែ​១២៥​ដុល្លារ​​​តា​ម​រយ​ៈ​​កា​រ​ងា​រ​​​បន្ថែម​ម៉ោង​ ក៏​បាន​ធ្វើ​កា​រ​​តវ៉ា​​ចំ​ពោ​ះ​កា​រ​​​បង់​ពន្ធ​​៥​ភាគ​រយ​​​ដែរ​ ​​ហើយ​បា​ន​​​​ទាម​ទារ​ឲ្យ​រោ​ង​ចក្រ​បង់​​ពន្ធ​នេះ​​វិញ។

​​ទោះជា​យ៉ាង​ណា កា​រ​ប្រមូល​ពន្ធ​ ​គឺ​​ជា​​អា​​ទិ​ភាព​មួ​យ​​របស់​រដ្ឋា​ភិ​បាល​។ ​មូ​ល​និធិ​រូ​បិ​យ​វត្ថុ​អន្តរ​​ជាតិ​បា​ន​ព្រ​មា​ន​កា​ល​​ពី​ដើម​ឆ្នាំ​នេះ​ថា ​ប្រាក់​ចំ​ណូល​ពន្ធ​​​របស់​រដ្ឋា​ភិ​បាល​មិន​​សម​នឹង​​កំណើន​​ផលិតផល​សរុប​ក្នុង​ស្រុក​​​របស់​​ប្រទេស​​នេះ​ទេ​។

​លោក អុំ ឆុន ប្រធា​ន​នា​យក​ដ្ឋាន​នីត​ិ​កម្ម​នៅ​អគ្គ​នា​​យក​ដ្ឋាន​ពន្ធ​ដារ ​មា​ន​ប្រ​សាស​ន៍​ថាមន្ត្រី​​រាជ​កា​រ​​​ និងនិយោ​ជិត​​ទាំង​អស់ត្រូ​វ​តែ​បង់​ពន្ធ​​​លើ​ប្រាក់​ខែ​​​របស់​ខ្លួន​។

​​លោក អុំ​ ឆុន ​បន្ត​ថា “ នេះ​​​ជា​កាតព្វ​កិច្ច​​របស់​​មន្ត្រី​រាជ​កា​រ​ និង​និយោជិ​ត​​​ ដើម្បី​​បង់​ពន្ធ​​លើ​ប្រាក់​​ខែ​ ហើយ​​​ពន្ធ​នឹង​​​កើន​ឡើង​ឲ្យ​ស្រប​​​តា​ម​​​កា​រ​​​ដំឡើង​ប្រាក់​ខែ​”។ លោក​បា​ន​បដិ​សេធ​មិន​ធ្វើ​អត្ថា​ធិ​ប្បាយ​​ឲ្យ​បា​ន​​ជាក់​លាក់​​ថា​ តើ​ក្រុ​ម​ហ៊ុន ស៊ូមីតូម៉ូ មីត​ស៊ូ ​ទទួល​បាន​កា​រ​លើក​លែ​ង​ពន្ធ​​ពិសេស​ឬ​អត់​ទេ​​។

​លោក អាក​ទ័រ ហ៊ូសសេន (Akhter Hussaine) ប្រធា​ន​រដ្ឋបាល​​របស់ក្រុម​ហ៊ុន ស៊ូមីតូម៉ូ មីត​ស៊ូបា​ន​ថ្លែ​ង​ថា ​បច្ចុប្បន្ន​ក្រុ​ម​ហ៊ុន​​នេះ​​កំ​ពុង​សហ​ការ​​​ជា​មួ​យ​ក្រសួ​ង​​ហិរញ្ញ​វត្ថុ​​ ដើម្បី​ដោះ​ស្រាយ​កា​រ​ទាម​​ទារ​​របស់​កម្មករ​​​ខ្លួន​។
​លោក ហ៊ូសសេន ​បន្ត​ថា “ វា​ជា​​សេចក្តី​សម្រេច​​​របស់​​រដ្ឋា​ភិ​បាល។​វា​មិន​មែន​​ជា​កា​រ​​ទទួល​ខុស​ត្រូវ​​របស់​ក្រុម​ហ៊ុន​​​ក្នុង​ការ​​បង់​ពន្ធ​នេះ​​​​ទេ​”៕
ប្រែ​សម្រួល​ដោ​យ ចេវ ប៊ុននី​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស