30 C
Phnom Penh

ជន​​​រង​​​គ្រោះ​​​ពី​​​រនាក់​​​ស្លាប់​​នៅ​​​ក្នុង​​​ឧបទ្ទវហេតុ​​​​​​បាក់​​​ប្លង់​សេ​​​​រោង​​​ចក្រ​​​ស្បែក​​​ជើង​​​វីង​​​ស្ដា​​​ស៊ូ

ដោយ ឌឹ ខេមបូឌា ដេលី

បទវិភាគ

ស្រុក​​​គង​​​ពិសី​​​, ខេត្ត​​​កំពង់​​​ស្ពឺ​​​-កម្មករ​​​ពីរនាក់​​​បានស្លាប់​​​​​​ និង​​​ប្រាំបួន​​​នាក់​​​​ត្រូវ​ចូល​សម្រាក​​​ព្យាបាល​​​នៅ​​​មន្ទីរ​​​ពេទ្យ​​​ កាល​​​ពី​​​ម្សិលមិញ ​​​បន្ទាប់​ពី​​បាក់​ប្លង់​សេ​​​​រោង​​​ចក្រ​​​​ផលិត​ស្បែក​​​ជើង​​​របស់​​​តៃវ៉ាន់​​​ ដែល​​​មាន​​​កម្មករ​​​៧.០០០​​​នាក់​​​ធ្វើ​​​ការ។

យោង​​​តាម​​​សាក្សី​​​ឃើញ​​​ផ្ទាល់​​​ភ្នែក​​​ បាន​​​ឲ្យ​​​​​​ដឹង​​​ថា ភ្លាម​​​ៗ​​​ក្រោយ​​​ពី​​​កម្មករ​​​ចាប់​​​ផ្ដើម​​​ការ​​​ងារ​​​របស់​​​ពួក​​​គេ​​​ នៅ​​​ម៉ោង​​​៧​​​ព្រឹក​​​ ផ្នែក​​​មួយ​​​នៃ​​​ប្លង់​សេ​ទំហំ​​​ប្រាំបួន​​​ម៉ែត្រ​​​គុណ​​​នឹង​​​១៥​​​ម៉ែត្រ​​​នៅ​​​រោង​​​ចក្រ​​​វីង​​​ស្ដាស៊ូ (Wing Star Shoes) ដែល​​​ផលិត​​​ស្បែក​​​ជើង​​​​កីឡា​​​ឲ្យ​​​ក្រុម​​​ហ៊ុ​​ន​​លក់​​​សម្ភារ​​​កីឡា​​​របស់​​​ជប៉ុន​​​ហីហោ​​​អាស៊ីក​​​ (Asics) បាន​​​​​បាក់​​​ភ្លាមៗ​តែម្តង​​​​ ហើយ​ធ្វើ​​​ឲ្យ​​​កម្មករ​​​នៅ​​​ជាប់​​​ក្រោម​​​គំនរ​​​ដែក និង​​​បេតុង​​​។

ឧបទ្ទវហេតុ​​​នេះ​​​បាន​​​ធ្វើ​​​ឲ្យ​​​មាន​​​ការ​​​បារម្ភ​​​អំពី​​​បទដ្ឋាន​​​សុវត្ថិភាព​​​​​​ នៅ​​​តាម​​​រោង​​​ចក្រ​​​​​​ស្បែក​​​ជើង និង​​​រោង​​​ចក្រ​​​កាត់​​​ដេរ​សម្លៀក​​​បំពាក់​​​​ប្រហែល​​​៤០០​​​នៅ​ទូ​​​ទាំង​​​ប្រទេស​​​ដែល​​រួម​ចំណែក​ដល់​​​​ការ​​​នាំ​​​ចេញ​​​ប្រហែល​​​៨០​​​​​​ភាគរយ​​​នៃ​​​ការ​​​នាំ​​​ចេញ​​​សរុប​​​​​​របស់​​​កម្ពុជា​​​។ កាល​​​ពី​​​ម្សិលមិញ​​​ ក្រុម​​​មន្ត្រី​​​រដ្ឋាភិបាល​​​​បាន​​​សន្យា​​​ នឹង​​​ចុះ​​​ធ្វើ​​​អធិការ​​​កិច្ច​​​លើ​​​អគារ​​​​​​នៅ​​​តាម​​​រោង​​​ចក្រ​​​ទាំង​​​អស់​​​ ក្រោយ​​ពី​​​មាន​​​ឧបទ្ទវហេតុ​​​នេះ​​ ដែល​បាន​​​​​កើត​​​ឡើង​​​ក្រោយពី​​​ករណី​​​បាក់​​​អគារ​​​រោងចក្រ​​​ដ៏ធំ​មួយ​​​​ នៅ​​​ប្រទេស​​​បង់ក្លាដែស ដែល​មាន​​​​កម្មករ​​​ជាង​​​១.១០០​​​នាក់​​​បាន​​​ស្លាប់​​​។

សព​​​ជន​​​រងគ្រោះឈ្មោះ​ ស៊ុន ​​​ស្រីទូចអាយុ​​​២២​​​ឆ្នាំ​​​ និង​​​ រឹម សារឿន អាយុ​​​២២​​​ឆ្នាំ​​​ត្រូវ​​​បា​​ន​​​គេ​​​ទាញ​​​ចេញ​​​ពី​​​គំនរ​​​បែក​​​បាក់​​​ភ្លាម​​​ៗ​​​​បន្ទាប់​​​​ពី​​​គ្រោះ​​​ថ្នាក់​​​​នេះ​​​​ ​​​ចំណែក​​​ឯ​​​អធិការ​​​នគរបាល​​​ស្រុក​​​លោក គឹម សុផាណ្ណារ៉ា បា​​​ន​​​ឲ្យ​​​ដឹង​​​ថា កម្មករ​រង​​​របួស​​​​​ប្រាំបួន​​​​​នាក់​​​ ត្រូវ​បាន​​​បញ្ជូន​​​ទៅ​​​មន្ទីរ​​​ពេទ្យ​​​កាល់ម៉ែត ចំណែក​​​ឯ​​​ពីរនាក់​​​ផ្សេង​​​ទៀត​​​សម្រាក​​​ព្យាបាល​​​របួស​​​ស្រាល​​​ នៅមណ្ឌល​​​សុខភាព​​​ស្រុក​​​។

សព​​​ជន​​​រង​​​គ្រោះ​​​ត្រូវ​​​បាន​​​បញ្ជូន​​​ទៅ​​​កាន់​​​ផ្ទះ​​​របស់​​​ពួក​​​គេ​​​ នៅក្បែរ​​​រោង​​​ចក្រ​​​ដ៏​​​ធំ​​​នោះ​​​ដែល​​​មាន​​​សារៈសំខាន់​​​យ៉ាង​​​ខ្លាំង​​​ នៅ​​​ក្នុង​​​ឃុំ​​​ម​​​ហាឫស្សី​​​ និង​​​ឃុំ​​​ព្រៃវិហារ​​​ ក្បែរ​​​ផ្លូវ​​​ជាតិ​​​លេខ​​​៣ ជាព្រំ​​​ប្រទល់​​​រវាង​​​ខេត្ត​​​កំពង់​​​ស្ពឺ និង​​​ខេត្ត​​​តាកែវ​​​។

ក្រោយ​​​ពី​​​សពក្មួយ​ប្រុស​​​​របស់​​គាត់​ឈ្មោះ​​​​​ រឹម សារឿន ត្រូវ​​​បាន​​​បញ្ជូន​​​ដល់​​​ផ្ទះ​​​ និង​​​ដាក់​​​ក្នុ​​ង​​​មឈូស​​​ក្រោម​​​ផ្ទះ​​​ឈើ​​​តូច​​​មួយ​​​​នៅ​ស្រុក​​​បាទី​​​ ខេត្ត​​​តាកែវ កាល​​​ពី​​​ម្សិលមិញ​​​ លោករឹម ​​​រ៉ន អាយុ​​​២៩​​​ឆ្នាំ ជាឪពុក​​​មា​​​​​​​​​របស់​​​ជន​​​រង​​​គ្រោះ​​​ដែល​​​ធ្វើ​​​ការ​​​នៅ​​​រោង​​​ចក្រ​​​វីង​​​ស្ដា​​​ ស៊ូ ដែរ​​​បាន​​​រៀប​​​រាប់​​​អំពី​​​ការ​​​បាក់​​​​ ដែល​​​គាត់​​​
បាន​ឃើញ​​​ផ្ទាល់​​​ភ្នែក​​​ពី​​​បន្ទប់​​​ជាប់​​​គ្នា​​​ នៅ​​​ក្នុង​​​រោង​​​ចក្រ​​​នោះ​​​។

លោក​​​បាន​​​និយាយ​​​ថា “ គ្មាន​​​សំឡេង​​​ឲ្យ​​​ដឹង​​​មុន​​​ទេ​​​ វា​​​ស្រាប់​​​តែ​​​បាក់​​​ស្រឹប​តែ​​​ម្ដង ​​​ខ្ញុំ​​​បាន​​​រត់​​​ចេញ​​​ទៅ​​​រក​​​ក្មួយ​​​ប្រុស​​​របស់​​​ខ្ញុំ​​​។ ខ្ញុំ​​​មិន​​​ឃើញ​​​នរណា​​​ម្នាក់​​​ទេ​​​ មា​​ន​​​តែ​​​គំនរ​​​បេតុង​​​ និង​​​ដែក​​​ប៉ុណ្ណោះ​​​”។ ភ្លាម​​​ៗ​​​នោះ​​​ លោក​​​ រឹម រ៉ន និង​​​កម្មករ​​ផ្សេង​ទៀត​​​បាន​​​នាំ​​គ្នា​​​កាយ​​​បំណែក​​​បែក​​​បាក់​​​នោះ​​​។ លោក​​​បាន​​​និយាយ​​​ថា “ ខ្ញុំ​​​បាន​​​ឃើញ​​​ស្ត្រី​​​ម្នាក់​​​និង​​​បុរស​​​ម្នាក់​​​ ដេក​ស្លាប់​​​ជិត​​​គ្នា​​​។ បុរស​​​នោះ​​​ជា​​​ក្មួយ​​​ប្រុ​​ស​​​របស់​​​ខ្ញុំ​​​”។

ប្រពន្ធ​​​របស់​​​សព​​​ រឹម សារឿន ​ឈ្មោះ ​នួន ​ឆវី អាយុ​​​២១​​​ឆ្នាំ​​​ បាន​​​និយា​​​យ​​​ថា អ្នក​​​ស្រី​​​​​​ទើប​​​តែ​​​សម្រាល​​​កូន​​​បាន​​​មួយ​​​ខែ​​​ប៉ុណ្ណោះ​​​។“ ​​គាត់​​​ស្លាប់​​​ហើយ​​​ ឥឡូវ​​​​នេះ​គ្មាន​​​នរណា​​​អាច​​​ផ្គត់​​​ផ្គង់​​​គ្រួសារ​​​បាន​​​ទេ​​​”។ នៅ​​​ឃុំ​​​ព្រៃ​​​វិហារ​​​ឯណោះ​​​វិញ​​​ គ្រួសារ​​​និងមិត្ត​​​ភក្ដិ​​​របស់​​​សព​ ស៊ុន ស្រីទូច ដែល​​​ភាគ​​​ច្រើន​ពាក់​​​អាវ​​​យឺត​​​ប៉ូឡូ​​​​​របស់​​​រោង​​​ចក្រ​​​បាន​​​​​​ចោម​​​រោម​​​មើល​​​សព​​​មាន​​​ស្នាម​​​ដាច់​​​រយះ និង​​​ជាំ​​​របស់​​​ជន​​​រងគ្រោះ​​​ ដែល​​​គ្រប​​​ក្រណាត់​​​ស​​​។

អ្នក​​​ស្រី នូ ង៉ែត​​​ អាយុ​​​៤១​​​ឆ្នាំ ជា​​​ម្ដាយ​​​របស់​​​ជ​​​ន​​​រង​​​គ្រោះ​​​និយាយ​​​ថា កូន​​​ស្រី​​​របស់​​​គាត់​​​ដែល​​​អ្នក​​​ស្រី​​​អះអាង​​​ថា  មាន​​​អាយុ​​​២២​​​ឆ្នាំ​​​ហើយ​​​នៅ​​​រៀន​​​ថ្នាក់​​​ទី​​​៩​​​ នាវិទ្យា​​​ល័យ​​​ក្បែ​​រ​​ផ្ទះនៅ​ឡើយ​ ក្នុង​​​ពេល​​​​​ទំនេរ​​​នោះ​ ទើ​​​ប​​​តែ​​​ចាប់​​​ផ្ដើម​ធ្វើ​​​ការ​​​ផ្នែក​​​បិទ​​​​​​កាវ​​​បាត​​​ស្បែក​​​ជើង​​​នៅ​​​រោង​​​ចក្រ​​​វីង​​​ស្ដា ស៊ូ បាន​​​តែ​​​ពីរ​​​សប្ដាហ៍​​​ប៉ុណ្ណោះ​​​។ អ្នក​​​ស្រី​​​បាន​​​និយាយ​​​អំពីការ​​​ទទួ​​ល​​​ដំណឹង​​​ដ៏​​​សោក​​​សង្រេង​​​អំពី​កូន​​​ស្រី​​​ខ្លួន​ថា “ ខ្ញុំ​​​ចង់​​​សន្លប់​​​ និង​​​ស្ទើរ​​​តែ​​​គាំង​​​បេះ​​​ដូង​​​ទៅ​​​ហើយ​​​​​​”។

ពីរនាក់​​​ក្នុង​​​ចំណោម​​​កូន​​​ៗ​​​ប្រាំនាក់​​​ ដែល​​​នៅ​​​រស់​​​របស់​​​អ្នក​​​ស្រី​​​​​​ នូ ង៉ែត សុទ្ធ​​​តែ​​​ធ្វើការ​​​នៅ​​​រោង​​​ចក្រ​​​នេះ​​ ដែល​​​ការ​​​ផ្ដល់​​​ប្រាក់​​​បៀ​វត្សរ៍​​​ថេរ​​​៨០​​​ដុល្លារ​​​ក្នុង​​​មួយ​​​ខែ គឺ​​​ជា​​​ប្រភព​​​ការ​​​ងារ​​​ដែល​​​អាច​​​ពឹង​​​អាស្រ័យ​​​បាន​​​តែ​​​មួយ​នៅ​​​ក្នុង​​​តំបន់​​នោះ​។ អ្នកស្រី​​​បាន​​​និយា​​​យ​​​ថា “ ខ្ញុំ​​​បារម្ភ​​​មិន​​​ដឹង​​​ថា​ពួក​​​គេ​​​ទៅ​​​ធ្វើ​​​ការ​​​វិញ​​​ ឬអត់​​​ទេ​​​”។
តំណាង​ក្រុម​ហ៊ុន​បាន​ឧប​ត្ថម្ភ​គ្រួ​សារ​នី​មួយ​ៗ​ជា​ប្រាក់​ចំនួន​១.០០០​ដុល្លារ​សម្រាប់​រៀប​ចំ​ពិធី​បុណ្យ​សព​ ប៉ុន្ដែ​ មិន​ទាន់​បានពិ​ភាក្សា​បន្ដ​អំពី​ប្រាក់​សំណង​សម្រាប់​អ្នក​ស្លាប់​ និង​អ្នក​រង​របួស​​ទេ។

អ្នក​នយោ​បាយ​​ក៏​បាន​នាំ​យក​អំណោយ​មួយ​ចំនួន​​ចុះ​ទៅ​សួរ​សុខទុក្ខ​គ្រួសារ​ទាំង​នោះ​​ផងដែរ ក្នុង​នោះ​មាន​លោក ហ៊ុន ម៉ានី​ កូន​ប្រុស​លោក​នាយក​រដ្ឋ​មន្ត្រី​ ហ៊ុន សែន ដែល​ឈរ​ឈ្មោះ​ជា​បេក្ខ​ជន​តំណាង​រាស្ត្រ​នៅ​មណ្ឌល​កំពង់​ស្ពឺ ក្នុង​​ការ​បោះ​ឆ្នោត​ជាតិ​ នា​ខែ​កក្កដា។

​លោក ភីតធើ លី (Peter Li)​​នាយក​ប្រចាំ​ប្រទេស​របស់​អង្គការសាយ​បាយ​សាយ​(Side by Side)​ដែល​ផ្ដល់​ជំនួយ​ និង​បណ្ដុះ​បណ្ដាល​បុគ្គលិក​សង្គ្រោះ​បន្ទាន់ របស់​រដ្ឋាភិ​បាល​​ចំនួន​១១៩នាក់​ បាន​មាន​ប្រសាសន៍​ថា ក្រុម​អ្នក​ជួយ​សង្គ្រោះ​ដំបូង​ដែល​បាន​ទៅ​ដល់​កន្លែង​កើត​ហេតុ​នោះ​គឺ​រថ​យន្ដ​សង្គ្រោះ​ក្នុង​មូល​ដ្ឋាន​ បន្ទាប់​មកទៀត​គឺ​សមាជិក​របស់​អង្គភាព​យោធា​កង​ពលលេខ​​៧០។

បុគ្គលិក​សង្គ្រោះ​ និង​មន្ត្រី​យោធា​ដែល​ប្រើ​ប្រាស់​ត្រាក់​ទ័រ​កាយ​គំនរ​បាក់​បែក​មួយ​កន្លែង​បាន​រក​ឃើញ​ជើង​​ដាច់​ម្ខាង​ និង​មាន​ឈាម​យ៉ាង​ច្រើន​ ទើប​ពួកគេ​បង្កើន​ការ​ខំ​ប្រឹង​ប្រែង​ ដើម្បី​រុក​រក​​ ក្រែង​លោ​មាន​ជន​ទី​៣កប់​នៅ​ក្រោម​គំនរ​បាក់​បែកនោះ​។ លោក ភីធើ លី ​មាន​ប្រសាសន៍​ថា “ យើង​គ្រាន់​តែ​ធ្វើ​ឲ្យ​ប្រាកដ​ថា គ្មាន​​មនុស្ស​នៅ​ក្រោម​គំនរបាក់​បែក​នោះ​​”។ លោក​បន្ថែម​ថា តាម​ពិត​ជើង​ដែល​ដាច់​​​នោះ​គឺ​ជា​​ជើង​របស់​​ រឹម សារឿន ដែល​ជា​កម្មករ​ម្នាក់​ក្នុង​ចំណោម​កម្មករ​ពីរ​នាក់ ដែល​ត្រូវប្លង់សេបាក់​សង្កត់​នេះ​​។

​នៅ​ក្នុង​គំនរ​បេតុង​បាក់​​បែក​ដែល​មាន​បំណែក​ស្បែក​ជើង​ ថង់​ប្លាស្ទីក​រហែក ​និង​ប្រអប់​ដាក់​ស្បែក​ជើង​​នោះ​ ​គឺ​ជាប្លង់​សេ​ស្តើង​មាន​ដែក​តូចៗ​ដែល​បាន​បាក់​។
លោក ភីធើ លី បាន​មាន​ប្រសាសន៍​បន្ត​ថាលោក​ព្រួយ​បារម្ភ​អំពី​សុវត្ថិ​ភាព​របស់​​ក្រុម​អ្នក​​ជួយ​សង្គ្រោះ ព្រោះ​សំណង់​នោះ​ ដូច​ជា​មិន​ស្រួល​សោះ។ លោក​បាន​មាន​ប្រសាសន៍​ថា “ តាមពិត ​​សំណង់​នោះ ​គឺ​ជា​កន្លែង​ផ្ទុក​អី​វ៉ាន់ ដែល​គេ​គ្រាន់​តែ​ផ្សារ​ដែក​ភ្ជាប់​ធ្វើ​ជា​ធ្នឹម​ប៉ុណ្ណោះ។ខ្ញុំ​សង្ឃឹម​ថា ពួកគេ​នឹង​មិន​អនុញ្ញាត​ឲ្យ​មនុស្ស​ចូល​ក្នុង​កន្លែង​នោះ​ទៀត​ទេ។ ពួកគេ​ត្រូវ​តែ​ឲ្យ​ក្រុម​វិស្វកកម្ម​ចូល​ទៅ​ពិនិត្យ​។ វា​ជា​អគារ​ដ៏​ធំ​មួយ ហើយ​វា​នឹង​អាច​បាក់​ជា​ថ្មី​ម្ដង​ទៀត។​​​

លោក ម៉ម ណារី ប្រធាន​មន្ទីរ​រៀប​ចំ​ដែន​ដី​នគរូបនីយកម្ម​ និង​សំណង់​ ខេត្ត​កំពង់​ស្ពឺ មាន​ប្រសាសន៍​ថា កន្លែង​​ដែល​បាន​បាក់​ធ្លាក់​​ក្នុង​រោង​ចក្រ​នោះ​គឺ​ជា​ផ្នែក​មួយ​​​ដែល​ក្រុម​​ហ៊ុនបាន​សាង​សង់​ពង្រីក​ដោយ​គ្មាន​ការ​អនុញ្ញាត​ ដើម្បី​តភ្ជាប់​អគារ​​ពីរ​នៅ​ក្នុង​​រោង​ចក្រ​នោះ។

​លោក​បាន​មានប្រសាសន៍​ថា “ មាន​តែ​អគារ​ដែល​គេ​សាង​សង់​បន្ថែម​ ដោយ​គ្មាន​ការ​អនុញ្ញាត​នោះទេ ដែល​បាន​បាក់​។ ពួកគេ​​បាន​សាងសង់​ខុស​បច្ចេក​ទេស និង​បាន​ផ្ទុក​អី​វ៉ាន់​លើ​នោះ​​ធ្ងន់​ពេក”។​​​​​​​

លោក អុិត សំ​ហេង រដ្ឋ​មន្ត្រី​ក្រសួ​ងស​ង​្គម​​កិច្ច​ បា​ន​មា​ន​ប្រ​សាសន៍​ថា ត្រូ​វ​ធ្វើការ​​ត្រួ​ត​ពិនិត្យ​​នៅ​​ទូ​ទាំ​ង​ប្រ​ទេស​​​​អ​ំ​ពី​សុ​វត្ថិ​​ភាព​​រោង​ច​ក្រ​។ លោក​បា​ន​​បន្ត​​ទៀត​ថា “ យើ​ង​នឹង​បង្កើតគណៈកម្មាធិ​កា​រ​​មួ​យ​​ដើម្បី​ស៊ើប​អង្កេតឲ្យ​បា​ន​​ច្បាស់​​​អ​ំ​ពី​​ករណី​នេះ​ ហើយ​​យើង​នឹង​​ចាត់​វិ​ធាន​កា​រ​ផ្លូ​វ​​ច្បាប់​​​​ប្រឆាំ​ង​​នឹ​ង​​អ្ន​ក​​​​ជាប់​​ពាក់​ព័ន្ធ។ ទី​​២ ក្រ​សួ​ង​ស​ង្គម​​កិច្ច​ និ​ង​ក្រ​សួ​ង​​ពាក់​​ព័​ន្ធ​ផ្សេង​ទៀត​​ ​ត្រូវ​ពិ​​និត្យ​​​កា​រ​​សាង​សង់​​រោ​ង​ចក្រ​ទាំ​ង​​អស់​​​ដែល​កំ​ពុង​ដំ​ណើរ​​កា​រនៅ​ក្នុ​ង​​ប្រទេស​កម្ពុជា​​”។

លោក កាត់​ស៊ូមី ហ្វូ៊ណា​កូ​​ស៊ី​ (Katsumi Funakoshi) អគ្គ​នា​​យក​នៅ​ក្រុមហ៊ុន អេហ្ស៊ិក ខប​​ប៉ូ​រេសិន (Asics Corporation) នៅ​ក្នុង​ប្រទេស​​​ជប៉ុន បា​ន​លើក​ឡើង​ថា ក្រុម​​ហ៊ុនកំ​ពុង​​ស៊ើប​អង្កេត​​ដើម្បី​​រក​ឲ្យ​ឃើញ​​អ្វ​ី​​បា​ន​កើត​ឡើង​។

​លោក​បា​ន​បន្តថា “ យើង​សង្ឃឹម​ថា​នឹង​​បញ្ជូន​​មនុស្ស​​​ទៅ​ទី​នោះដើម្បី​​​ធ្វើ​ឲ្យ​​​ប្រាកដ​ថា ព័ត៌មាន​​​​ទាំ​ង​អស់​​ពិ​ត​ប្រាកដ​។ រោង​ចក្រ​នេះ​ គឺ​​ជា​​សាខា​​មួ​យ​​នៃ​រោ​ង​ចក្រ​ម៉ៅ​​ការ​​របស់​​យើង​។ មុនថ្ងៃ​​នោះ ​គ្មាន​នរណាម្នាក់​មក​​​ពី​​ក្រុម​​ហ៊ុន​ ​អេ​ហ្ស៊ិក ​​បា​ន​ដឹង​អំ​ពី​​រឿង​នេះ​​ទេ​។​វា​មិ​ន​មែ​ន​​ជា​​​​រោ​ង​​ចក្រ​​​ផ្ទាល់​របស់​យើង​​​ទេ​”​។

​លោក ទៀ សុខ​ឡេង ​វេជ្ជបណ្ឌិត​នៅ​បន្ទប់​សង្គ្រោះ​បន្ទាន់​​នៅ​មន្ទីរ​ពេទ្យ​​កាល់​ម៉ែត ​បា​ន​មាន​ប្រ​សាសន៍​ថា​ មន្ទីរ​​ពេទ្យ​​​បា​ន​ព្យា​បាល​​មនុស្ស​​ចំ​នួ​ន​​ប្រាំ​បួ​ន​នាក់​ គឺបុរស​ម្នាក់​និងស្រ្តី​ប្រាំ​បី​នាក់​ ដែល​រង​របួស​​ក្នុ​ង​​ហេតុការ​ណ៍​នេះ​ ប៉ុន្តែ​​​អ្នក​ទាំ​ង​​អស់​​គ្នា ​​មិន​​​ធ្ង​ន់​ធ្ងរ​​​ទេ។

​លោក​បា​ន​មា​ន​ប្រ​សាស​ន៍​បន្តថា “ ស្ត្រី​ម្នាក់​​​​រង​របួស​ធ្ងន់​។ នា​ង​​ដាច់​មេ​ជើង​និង​​​​ម្រាម​​​ជើង​​​​ឆ្វេង​​ដោយសារ​បាក់​ប្លង់សេ”។ អ្នក​ស្រី​ លី ហួរ តំណាង​​​​របស់​ក្រុម​ហ៊ុន​ វីងស្តា ស៊ូ បា​ន​​ចុះ​​សួ​រ​សុខ​​​ទុក្ខ​​​​អ​្នក​​របួស​​​​នៅ​ក្នុ​ង​មន្ទីរ​​​ពេទ្យ​ ​ដោ​យជួ​យ​​​ជា​ប្រាក់​​​សំណង​ម្នាក់​១.៥០០​ដុល្លារ​​។ អ្នក​ស្រី​បា​ន​បន្ត​ថា​ “ ​វា​​​ជា​​កា​រ​ធ្វេសប្រ​ហែស​​របស់​​កម្មករ​សំ​ណង់​។ខ្ញុំ​មិន​ដឹង​ច្បាស់​ថា​​អ​្វី​បា​ន​កើត​ឡើង​ទេ​ ​ព្រោះ​​ខ្ញុំ​មិន​​មែន​ជា​អ្នក​​ជ​ំ​​នាញ​។ បន្ទាប់​​ពី​​ឧបទ្ទវ​ហេតុ​នេះ ម្ចាស់​ក្រុម​ហ៊ុន​នឹ​​ង​ពិ​ចារ​ណា​​ឡើ​ង​វិញ​​​
អ​ំ​ពី​​កា​រ​សាង​សង់​​ទាំង​មូ​ល​​ដើម្បី​​ឲ្យ​ប្រាកដ​ថា​​វា​មាន​​សុវត្ថ​​ិភាព​ក្នុ​ង​​កា​រ​​​ងារ​”។

​​អ្នក​​របួស​ម្នាក់​ក្នុង​ចំ​ណោ​ម​អ្នក​របួស​​នៅ​មន្ទីរ​​ពេទ្យ​កាល់​ម៉ែត ​ឈ្មោ​ះ ​ហែម ណា​វី ​​អា​យុ​​៣៥ឆ្នាំ ​​​​ដែល​បាន​បាក់​​ជើង​​ម្ខាង ​​​មា​ន​​​ឈាម​​ហូរ ​និ​ង​មា​ន​ស្នាម​ជាំ​​ស្ទើរ​​ពេញ​រាង​កាយ​​​​របស់​​​គាត់​នោះ​​​ បា​ន​និ​យា​យ​​​ថា​ នៅ​​ដើម​​សប្តា​​ហ៍​នេះ​​ អ្នក​ស្រី​​​បា​ន​ឮ​សូ​រសំឡេង​​ខ្លាំង​​​ចេញ​ពី​អគារ​​នេះ​ ​និ​ង​ឮ​ម្តង​ទៀត​ មុន​​ពេល​បាក់​។ អ្នក​ស្រី​បា​ន​មាន​ប្រសាសន៍​បន្ត​ថា​ “ យើង​​​បា​ន​ឮ​វា ហើយយើង​មិន​បា​ន​ឃើញ​ស្នាម​​​នៅ​ក្នុង​​អគារ​នេះ​​ទេដូច្នេះ​យើង​មិន​ហ៊ា​ន​ប្រាប់​​អ្នក​គ្រប់​គ្រង​ទេ​​”។ ​ឈ្មោះ រឹម សាម៉ុក អា​យុ​​៣៣ឆ្នាំ បា​ន​និ​យាយ​ថា ​គាត់​មិន​​​ឮ​​ស្នូ​រ​​​អ្វី​ទេ ​មុន​​ពេល​​បាក់​​​នេះ​ ពី​ព្រោ​ះ​គាត់​​អង្គុយ​នៅ​ក្បែរ​មា​៉ស៊ីន​ភ្លើង​​។ ​គាត់​​បា​ន​រៀប​​រាប់​​អំ​ពី​កា​រ​​​បាក់​នេះ​​​ថា “ ​ខ្ញុំ​​​ជាប់​​​ក្រោម​របារ​ដែ​ក​​ និង​ប្លង់​សេ។ វា​បោក​ត្រូ​វ​ក្បាល​ខ្ញុំ​​និង​ធ្វើ​ឲ្យ​ខ្ញុំសន្លប់​។ ​ពេល​ខ្ញុំ​​បាន​ដឹង​ខ្លួន ​​ខ្ញុំ​​បា​ន​វារ​ចេញ​”៕

(រា​យ​កា​រណ៍​ដោ​យ ឆន ចាន់​ស៊ី ​
Simon Lewis សាំ​ង សុ​ឥន្ទ​រិទ្ធ និង Dene-Hern Chen)

ប្រែ​សម្រួល​ដោ​យ ឌឿង សាវតា
ហម សុផាណ្ណា និង​ ចេវ ប៊ុននី​​​​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស