32 C
Phnom Penh

លោក ហ៊ុន សែន​​​ ព្រមាន​​​ថា សមាជិក​​​បក្ស​​​ប្រឆាំង​​​អាច​​​នឹងត្រូវ​​​​​​ចាប់​​​ខ្លួន​​​

ដោយ ឌឹ ខេមបូឌា ដេលី

បទវិភាគ

លោក​​​នាយក​​​រដ្ឋ​​​មន្ត្រី​​​ ហ៊ុន សែន បាន​​​ព្រមាន​​​កាល​​​ពីម្សិលមិញថា គណបក្ស​​​ប្រឆាំងគឺ​​​គណបក្ស​​​សង្គ្រោះជាតិ រួម​​​ទាំង​​​សមាជិក​​​នៃ​​​ក្រុម​​​បដិវត្ត​​​ន៍​ផ្ដាច់​​​ខ្លួន​​​បី​​​ក្រុម​​​ផ្សេង​​​ទៀត​​​ មាន​​​បំណង​​​ផ្ដួល​​​រំលំ​​​គណបក្ស​​​ប្រជាជន​កម្ពុជា​របស់​​​លោក​​​ និង​រាជា​និយម​រ​​​របស់​​​ប្រទេស​​​កម្ពុជា​​​ ហើយ​​​លោក​​​បាន​​​បន្ថែម​​​ថា មាន​​​តែ​​​លោក​​​ទេ​​​ដែល​​​អា​​​ច​​​ការ​​​ពារ​​​ព្រះមហាក្សត្រ​​​និង​​​​ព្រះ​រាជ​វង្សា​នុវង្ស​​​បាន​​​។

ដោយ​​​ណែ​​​នាំ​​​ឲ្យ​​​កាម៉េរ៉ា​​ទូរទស្សន៍​​​ចាប់​​​រូប​​​ភាព​​​លោក​​​ឲ្យ​​​បាន​​​ជិត​​​ អំឡុង​ពេល​ថ្លែង​​​​សុន្ទរកថា​​​ នៅ​​​វត្ត​​​​​​មួយ​​​ក្នុង​​​ខេត្ត​​​ព្រៃវែងកាល​​​​ពី​​​ម្សិលមិញ លោក ហ៊ុន សែន ​​​លើក​​​បង្ហាញ​​​ទង់​​​ជាតិមួយ​​​ចំនួន ដែលលោក​​​​​​មាន​​​ប្រសាសន៍​​​​ថា វា​​​តំណាង​​​ឲ្យ​​​កង​​​កម្លាំ​​​ងបះបោរ​​​ផ្ដាច់​​​ខ្លួន​​​ចំនួន​​​បី​​​ក្រុម​​​ ដែល​​​បាន​​​ចូល​​​រួម​​​ជាមួយ​​​គណ​បក្ស​​​​សង្គ្រោះ​​​​ជាតិ​ដោយ​​​សម្ងាត់ និងក៏​​​កំពុង​​​បង្កើតជំរំ​ហ្វឹក​​​ហាត់​​​ទាហាន​​​ នៅ​​​ក្រៅ​​​ប្រទេស​កម្ពុជា ដោយ​​​មាន​​​បំណង​​​ផ្ដួល​​​រំលំ​​​គណបក្ស​​​កាន់​​​អំណាច​​​ និង​​​​លុប​បំបាត់​​រាជានិយម​​នៅ​កម្ពុជា​​​។

ក្នុង​នាម​ជា​​​បុគ្គល​​​តែ​​​ម្នាក់​​​គត់​​​ ដែល​​​ព្រះ​មហាក្សត្រ​​​បាន​​​ប្រទាន​​​​គោរមងារ​​​តេជោ ដែល​មានន័យ​​​ថា ​​ជា​អ្នក​មាន​អំណាច​ខ្លាំង​​នៅ​​​ក្នុង​​​សតវត្សរ៍​​​ទី​​​២១​​​របស់​​​ប្រទេស​​​កម្ពុជា​​​​​​​នោះ​ លោក ហ៊ុន សែន បាន​​​មាន​​​ប្រសាសន៍​​​ថាលោក​​​គឺ​​​ជា​​​បុរស​​​ម្នាក់​​​គត់​​​ក្នុង​​​ប្រទេស​​​កម្ពុជាដែល​​​អាច​​រារាំង​​​​កង​​​កម្លាំង​​​ទាំងនេះ​​​មិន​​​ឲ្យ​​​បំផ្លិច​​​បំផ្លាញ​​​សណ្ដាប់​​​ធ្នាប់​សង្គមសព្វថ្ងៃ​​​។

លោក​​​បាន​​​ថ្លែង​​​ថា “ [ក្រុម​​​​ទាំង​​​នេះ] អះ​អាង​​​ថា គោលដៅ​​​របស់​​​ពួក​​​គេ​​​ គឺ​​​ទម្លាក់​​​លោក​ហ៊ុន សែន ប៉ុន្ដែ គោល​​​ដៅ​ចម្បង​​​ គឺ​​​ទម្លាក់​​​ព្រះមហាក្សត្រ នរោត្ដម សីហមុនី។ ពួក​​​គេ​​​ត្រូវ​​​តែ​​​ឆ្លងកាត់​គណបក្ស​​​ប្រជាជន​កម្ពុជា​​​ និង​​​ ហ៊ុន សែន ដែលជា​​​ជញ្ជាំង​​​ការ​​ពារ​​​ព្រះ​​​មហា​ក្សត្រ​​​ជាមុន​​​សិន​​​ មុន​​​ពេល​​​ទៅ​​​ផ្ដួល​​​រំលំ​​ព្រះ​មហាក្សត្រ​​​”។

លោក​​​ ហ៊ុន សែន បាន​​​អះអាង​​​ថា ​គណ​បក្ស​​​ប្រឆាំងមួយ​​​ក្រុម​​​ គឺ​​​ជា​​​គណបក្ស​​​ស្រប​​​ច្បាប់​​​​នោះ​ ក្រុមផ្សេង​​​ទៀត​​​កំពុង​​​តែ​​​ដឹក​​​នាំ​​​ចលនា​​​យោធា​​​ និង​​​ចង់​​​ផ្លាស់​​​ប្ដូរ​​​ទង់​​​ជាតិ​​​របស់​​​ប្រទេស​​​កម្ពុជា​​​។ ដោយ​​​នៅ​​​សល់​​​តែ​​​ត្រឹម១០​​​សប្ដាហ៍​​​ទៀត​​​​ដល់​​​ថ្ងៃ​​​បោះ​​​ឆ្នោត​​​ជាតិ​​​ នៅ​​​ខែ​​​កក្កដា ​លោក ​ហ៊ុន សែន  បាន​​​ព្រមាន​​​ថា ប្រសិន​​​បើ​​​អ្នក​នយោ​
បាយ​​​មក​​​ពី​​​គណបក្ស​​​ប្រឆាំង​​​ត្រូវ​​​ចាប់​​​ខ្លួន​​​ វា​​​គឺ​​​ដោយ​​​សារ​​​តែ​​​សម្ពន្ធភាព​​​របស់​​​ខ្លួន​​​ជាមួយ​​​នឹង​​​ក្រុម​​​បដិវត្ត​​​ន៍​ផ្ដាច់​​​ខ្លួន​​​។

លោក ហ៊ុន សែន បាន​​​ថ្លែងថា​​​  ខ្ញុំ​​​ចង់​​​​ប្រាប់​គណបក្ស​​​ប្រឆាំង​​​ថា ប្រសិន​​​បើ​​​មាន​​​ការ​​​ចាប់​​​ខ្លួ​​​ន​​​​​​សមាជិក​​​របស់​​​ខ្លួន កុំចោទ​​​ប្រកាន់​​​យើង​​​ពីបទ​​​ចាប់​​​ខ្លួន​​​សមាជិក​​​គណ​​​បក្ស​​​នយោបាយ​​​ឲ្យ​​​សោះ​​​។ ពួក​​​គេ​​​គឺ​ជា​​​​​​ភេរវករ​ពិត​មែន​​​​”។

ក្រុម​​​ទាំង​​​បី​​​ដែល​​​លោក ហ៊ុន សែន បាន​​​លើក​​​ឡើង​​​ថា កំពុង​​​មាន​​​បំណង​​​​​ផ្ដួល​​​រំលំ​​​រដ្ឋា​ភិបាល​​​របស់​​​លោក​​​ និង​​​ព្រះមហាក្សត្រ​​​ គឺ​​​រណសិរ្ស​​​រំដោះ​​​ជាតិ​​​ខ្មែរ ជាក្រុម​​​​ប្រឆាំង​​​​មិន​​​ប្រើ​​​អំពើ​​​ហិង្សា ដែល​​​មាន​​​មូល​​​ដ្ឋាននៅ​​​​ក្នុង​​​ប្រទេស​​​ថៃ​​​ ដោយ​​​មាន​​​សមាជិក​​​ប្រាំមួយ​​​រូប​​​កំពុង​​​ស្ថិត​​​ក្នុង​​​ពន្ធនាគារ​​​​ព្រៃស​​​ ​​​ក្រុម​​​ចលនា​​​អំណាច​​​ប្រជា​​​ពល​​​រដ្ឋ​​​ខ្មែរ​​​ជា​​​អង្គការ​​​នយោ​បាយ​​​ ដែលតែង​​​តែ​​​រិះ​​​គន់​​​គណបក្ស​​​ប្រជា​​​ជន​​​កម្ពុជារបស់​​​លោក ហ៊ុន សែន យ៉ាង​​​ខ្លាំង ហើយ​​មានមូល​​​ដ្ឋាន​​​នៅ​​​សហរដ្ឋ​​​អាមេរិក​​​ និង​​​ក្រុម​​​មួយ​​​ផ្សេង​​​ទៀត​​​ដែល​​​មិន​​​បាន​​ឮ​​​ឈ្មោះ​​​ពីមុន​​​មក​​​ ហើយ​​​គេ​​​សង្ស័យ​​​ថា​​​ មាន​​​មូល​​​ដ្ឋាននៅ​​​សហរដ្ឋ​​​អាមេរិក​​​នោះ គឺឈ្មោះ​​​ចលនា​​​រំដោះ​​​​ក្បាលខ្លា​​​។

លោក​​​​​​បាន​មានប្រសាសន៍​​​ថា “ ចលនា​​មួយ​​​ផ្សេង​​​ទៀត​​​ ដែល​​​សមាជិក​​​របស់​​​ខ្លួន​​​ត្រូវ​យើង​​​ចាប់​​​ខ្លួន​​​ជាមួយ​​​នឹង​​​ភ័ស្ដុតាង គឺ​​​រណសិរ្ស​​​រំដោះ​​​ជាតិខ្មែរ​​​ ដែល​​​ត្រូវ​​​បាន​​​បង្កើត​​​ឡើង​​​ក្នុង​​​ប្រទេសថៃ​​​ ហើយ​​​ត្រូវ​​​បាន​​​រដ្ឋាភិបាល​​​ថៃ​​​បញ្ជូន​​​មក​​​ប្រទេស​កម្ពុជា​​​”។

រណសិរ្ស​​​រំដោះ​​​ជាតិខ្មែរ​​​ ត្រូវ​​​បាន​​​បង្កើត​​​ឡើង​​​ក្នុង​​​ខែ​​​ធ្នូ ហើយ​​​បានបង្ហោះ​​​អត្ថបទ​​​នៅ​​​តាម​អុីនធើណិត ​​​អំពាវ​​​នាវ​​​ឲ្យ​​​មាន​​​ការ​​​ទម្លាក់​​​លោក ហ៊ុន សែន ពីតំណែង​​​ ប៉ុន្ដែ រដ្ឋាភិបាល​​​មិន​​​អាច​​​​រក​​​​ភ័ស្តុតាង​ណាមួយ​​អំពី​​​​គោល​​​បំណង​​បង្ក​​​អំពើ​​​ហិង្សា​​​របស់​​​ក្រុម​​​ដែល​​​គេ​​​ស្គាល់​​​តិច​តួច ឬក៏​​​​​​​​​​លទ្ធ​ភាព​បង្ក​​ហិង្សា​​​ណាមួយ​​​បាន​ឡើយ
ចាប់​​​តាំង​​​ពី​​​រដ្ឋាភិបាល​​​បាន​​​ចាប់​​​ខ្លួន​​​សមាជិក​​​ចំនួន​​​ប្រាំមួយ​​​រូប​​​របស់​​​ពួកគេ​​​មកឃុំ​​​ឃាំង​​​កាលពីខែ​​​មេសា បន្ទាប់​​​ពី​​​ពួកគេ​​​ត្រូវ​​​បញ្ជូន​​​ភ្លាមៗ​មក​ពី​​​ប្រទេស​​​ថៃ​​​​​​។

ចលនា​អំណាច​​ប្រជាជន​ខ្មែរ​ ដែល​មាន​មូលដ្ឋាន​នៅ​ទីក្រុង​វ៉ាស៊ីន​តោន​ ត្រូវ​បាន​បង្កើត​ឡើង​នៅ​សហរដ្ឋអាមេរិក​​កាល​ពី​​ឆ្នាំ​២០០៩ ហើយ​ទោះ​បី​ជា​ពួក​គេ​បាន​​​ជំទាស់​ជា​ចំហ ទៅ​នឹង​រដ្ឋាភិបាល​ដឹក​នាំដោយ​លោក​ហ៊ុន សែន​ ក៏ដោយ​ ក៏ពួកគេ​មិន​ដែល​បាន​គំរាម​កំហែង​ប្រើ​អំពើ​ហិង្សា​ ឬក៏​ប្រកាន់​ខ្ជាប់​នូវស្មារតី​ប្រឆាំង​រាជានិយម​ដែរ។​

សុន្ទរកថាកាលពីម្សិលមិញ ​មិន​មែន​ជា​សុន្ទរកថាលើក​ដំបូង​ ដែល​លោក​ ហ៊ុន សែនបាន​បង្ហាញ​ថា ​គណបក្ស​ប្រឆាំង​ជា​ប់​ទាក់​ទង​ទៅ​នឹង​ផែនការនិងសកម្ម​ភាព​​​ភេរ​​​​វកម្ម​ ដែល​​ត្រូវ​បាន​ចោទ​ប្រកាន់​នោះទេ​។

កាលពី​ឆ្នាំ​២០១០ លោក ហ៊ុន សែន បាន​មាន​ប្រសាសន៍​ថា សមាជិក​គណបក្ស​ សម រង្សុី បាន​ចូល​រួម​ក្នុង​ចលនា​កង​ទ័ព​សេ​​រី​ជាតិ​កម្ពុជា​ ដែល​ជាក្រុម​ប្រឆាំង​ដែ​ល​មាន​មូល​ដ្ឋាន​នៅ​សហ​រដ្ឋអាមេរិក​ និង​បាន​ធ្វើ​​សកម្មភាព​វាយ​ប្រហារ​មួយ​ប្រាវ​ប៉ុន្តែ​​មាន​ការ​បង្ហូរ​ឈាម​ ទៅ​លើ​ការិ​ិយាល័យ​នានា​របស់​រដ្ឋា​ភិបាល​ កាលពី​ឆ្នាំ​២០០០ ​ដែល​បាន​បណ្តាល​ឲ្យ​មនុស្ស​មួយ​ចំនួន​ស្លាប់​​ ក្នុង​នោះ​ភាគច្រើន​ជា​សមាជិក​ចលនាកង​ទ័ព​សេរី​ជាតិ​កម្ពុជា​។

ក្នុង​ឆ្នាំ​២០០៥ លោក ជាម ច័ន្ទនី ស​មា​ជិកសភាមក​ពី​គណបក្ស​ សម រង្សុី ត្រូវ​បាន​បញ្ជូន​ទៅ​ពន្ធនាគារ​​ពី​បទ​បង្កើត​កង​ទ័ព​ស្រមោល ដែល លោក ហ៊ុន សែន​ ​​​​អះ​អាង​ថា ​ជា​កម្លាំង​ពួក​ឧទ្ទាម​ ដែល​មាន​គោល​បំណង​ផ្តួល​រំលំ​គណបក្ស​ប្រជាជន​កម្ពុជា​។ អង្គការ​សិទ្ធិ​មនុស្ស​ជាតិនិង​អន្តរជាតិ​​នានា​បាន​ថ្កោលទោសចំពោះ
​ការកាត់​ទោស​ លោក ជា​ម ច័ន្ទនី ពីសំណាក់តុលា​ការ​យោធា​ ហើយ​បាន​ចាត់​ទុក​ទង្វើនេះ​ជា​ការ​​ផ្តន្ទា​ទោស​ដោយ​​មិន​ត្រឹម​ត្រូវ​។

លោក កឹម សុខា ប្រធាន​ស្តីទី​គណ​ប​ក្ស​សង្គ្រោះ​ជាតិ​ ​មាន​ប្រសាស​ន៍​កាល​ពី​ម្សិល​មិញថា ការ​ព្រមា​នរបស់​លោក​ ហ៊ុន សែន ចំពោះ​​ក្រុម​ឧទ្ទាម និង​​ភេរវ​កម្ម​​ គឺ​ជា​​ទង្វើ​បែប​ទាល់​ច្រក​​​របស់​​លោកនាយករដ្ឋមន្ត្រីរូប​នេះ​ដែល​មាន​បំណង​​បំបាក់​ទឹក​ចិត្ត​ និង​ធ្វើ​ឲ្យ​សមាជិក​ និង​អ្នក​គាំទ្រ​គណបក្ស​ប្រឆាំង​មាន​អារម​្មណ៍
ភ័យ​ខ្លាច​ នៅ​មុន​ពេល​​បោះ​ឆ្នោត​ជាតិ។

លោក កឹម សុខា បាន​មាន​ប្រសាសន៍​ថា  “ ទី១ វា​គឺ​ជា​សកម្មភាព​គំរាម​កំហែង​ ដល់​ប្រជាជន​ដែល​កំពុង​តែ​បង្កើន​កម្លាំង​គាំទ្រ​គណបក្ស​សង្គ្រោះ​ជាតិ​។ ទី២ គណបក្ស​សង្គ្រោះ​ជាតិ​បាន​បញ្ជាក់​យ៉ាង​ច្បាស់​ថា ខ្លួន​គាំទ្រ​សន្តិភាព និង​ស្ថិរភាព​ ហើយ​នឹង​មិន​ប្រើ​សង្គ្រាម​ ឬ​ក៏​បដិវត្ត​ន៍​ ដើម្បី​ផ្លាស់​ប្តូរ​ឡើយ”។​

លោក ហ៊ុន សែន ក៏បាន​រិះ​គន់​ព្រះ​អង្គ​ម្ចាស់​ ស៊ីសុវត្ថិ ធម្មិកោ អតីត​ប្រធាន​ខុ​ទ្ទកា​ល័យ​អតីត​ព្រះ​មហាក្សត្រ​ នរោត្តម សី​​ហនុ ហើយ​បច្ចុប្បន្ន​កំពុង​តែ​ឈរ​ឈ្មោះ​ជា​បេក្ខ​ជន​តំណាង​រាស្ត្រ​​ខេត្តព្រះ​សីហនុ​ម​ក​ពី​គណ​បក្សសង្គ្រោះ​ជាតិ​ ដោយ​អះអាង​ថា ព្រះ​អង្គម្ចាស់​ ស៊ី​​​សុវត្ថិ​ ធម្មិកោ បាន​អះអាង​ដោយ​​មិន​ត្រឹម​ត្រូវ​ថា ​ជា​តំណាង​​​អតីត​ព្រះ​មហា​ក្សត្រ​នរោ​ត្តម​ សីហនុ ក្នុង​យុទ្ធ​នា​ការ​នយោបាយ​របស់​ព្រះ​អង្គ​។

លោក ហ៊ុន សែន ​បាន​មាន​ប្រសា​ស​ន៍​ថា “ [ព្រះ​អង្គម្ចាស់​ធម្មិកោ] បានមាន​បន្ទូល​ថា ព្រះអង្គកំពុង​ធ្វើការ​ក្នុង​នាម​ រាជានិ​យ​ម​ក​ម្ពុ​ជា​ក៏​ប៉ុន្តែ ព្រះ​អង្គម្ចាស់​ [នរោត្តម] រ​ណ​​ឫទ្ធិបាន​ផ្ញើ​លិខិត​មួយ​ច្បាប់​មក​ឲ្យ​ខ្ញុំ​ ដោ​យ​បាន​បដិសេធ​​ការ​អះអា​ងនេះ​”។

លោក ហ៊ុន សែន បាន​​បន្ត​ទៀតថា ​“ ខ្ញុំ​សន្យា​ក្នុង​ជីវិតរបស់​ខ្ញុំ​ថា អតីត​ព្រះ​មហា​វីរ​ក្សត្រ​ និង​ព្រះ​អង្គម្ចាស់​ក្សត្រី មិន​ជាប់​ពាក់​ព័ន្ធ​ក្នុង​បញ្ហានយោ​បា​យ​ទាំង​នេះ​ទេ។ មាន​តែ​ព្រះ​អង្គម្ចាស់​តែ​មួ​យ​អង្គ​គត់ ដែល​​បាន​ចូល​រួម​ពាក់​ព័ន្ធ​ក្នុង​រឿង​នយោ​បាយ​ ហើយ​​ព្រះ​អង្គ​កំពុ​ង​ធ្វើ​ខុស​ពី​ព្រះ​ដំបូន្មាន​របស់​សម្តេច​​ឪ​”​។

លោកនាយក​រដ្ឋមន្ត្រី​ ហ៊ុន សែន ក៏​បា​ន​លើក​ឡើង ​ទាក់​ទង​ទៅ​នឹង​អង្គការ​ចាត់​តាំង​នយោបាយ​នាសម័យ​សង្គម​រាស្ត្រ​និយ​ម​ ដែល​ដឹក​នាំ​ដោយ​ប្រមុខ​រដ្ឋ​នរោត្តម សី​ហ​នុ​ ពី​ឆ្នាំ​១៩៥៥ ដល់​ឆ្នាំ​១៩៧០ ផ​ង​ដែរ​ថា  “ នរណាគេ​ជា​ព្រះ​អង្គម្ចាស់​ធម្មិកោ? ព្រះ​អង្គ​គឺ​ជា​ទាហាន​របស់​ លន់​ នល់។ ព្រះ​អង្គ​មិន​មាន​សិទ្ធិ​មាន​ព្រះ​បន្ទូល​អំពី​ការ​ការពារ​រាជានិយម​ទេ ពីព្រោះ​របប​ លន់​ នល់ បាន​ផ្តួល​រំលំសម្តេច​ឪ នរោត្តម សីហនុ និង​បាន​បញ្ចប់​របប​សង្គម​រាស្ត្រ​និយម​”។

លោក ហ៊ុន សែន មាន​ប្រសាសាន៍​ប​ន្ថែ​ម​ទៀត​ថា “ រាជានិយម​មិន​មែន​ជា​របស់​ព្រះ​អង្គ​​ [ព្រះ​អង្គម្ចាស់​ធម្មិកោ] ទេ​ ក៏​ប៉ុន្តែ គឺ​ជា​របស់​អ្នក​រាល់​គ្នា​។ ព្រះ​មហា​វីរក្សត្រ​ បាន​មាន​ព្រះ​រាជបន្ទូលថា សង្គម​រាស្ត្រ​និយម​បាន​រលត់​​ទៅ​ហើយ ហើយ​គ​ណបក្ស​ប្រជាជន​កម្ពុជា​​ គឺ​ជា​ប្អូន​ប្រុស​រប​ស់​សង្គម​រាស្ត្រ​និយម​”។
លោក​នាយករដ្ឋមន្ត្រី ហ៊ុន សែន មា​ន​ប្រសាសន៍​បន្ត​ទៀត​ថា​ “ ទោះ​បី​ជា​ព្រះ​ម​ហា​វីរក្សត្រ​បាន​ប្រទា​ន​ឲ្យ​យើង​នូវ​ឋានៈ​ខ្ព​ស់​ជាច្រើន​ក៏ដោយ​ ក៏គណបក្ស​ប្រជាជន​ក​ម្ពុ​ជា​ មិន​​បាន​ប្រើ​ប្រាស់​រាជានិយម​ ដើ​ម្បី​​ធ្វើ​​យុទ្ធនាការ​នយោបាយ​របស់​ខ្លួ​ន​​ដែរ​”។

​លោក ហ៊ុន សែន និង​ព្រះ​​អង្គ​ម្ចាស់​ស៊ីសុវត្ថិ​ ធម្មិកោ បាន​ប៉ះ​ទង្គិចគ្នា​ម្តង​ហើយ​ម្ត​ង​ទៀត​ កាលពី​ទសវត្សរ៍មុន​ ជា​ពិសេស​ កាល​ពីពេល​ថ្មីៗ​នេះ នៅ​ពេល​​ព្រះ​អង្គម្ចា​ស់​ស៊ីសុវត្ថិ ធម្មិកោ បាន​មាន​បន្ទូល​ថា ពិធី​បុ​ណ្យ​ថ្វាយ​ព្រះ​ភ្លើង​ដ៏​ធំ​រៀប​ចំ​ឡើង​ ​ដោយ​គណ​បក្ស​ប្រជា​ជន​កម្ពុជា​ ដែល​ត្រូវ​ចំណាយ​ទឹក​ប្រាក់​យ៉ា​ង​ច្រើន​ហួស​ហេតុ​ ដើម្បី​ថ្វាយ​ព្រះ​ភ្លើង​អតីត​​មហា​ព្រះ​វីរក្សត្រ​​ នរោត្តម សីហនុ គឺ​ផ្ទុយ​​ពី​​ឆន្ទៈរបស់​ព្រះ​អង្គ​ ពី​ព្រោះ​ព្រះ​អង្គ​បាន​ស្នើ​ឲ្យ​មាន​ការ​ថ្វាយ​ព្រះ​ភ្លើង​សាមញ្ញ​មួយ​ ដើម្បី​សន្សំ​ថវិកា​ជាតិ​​។

ព្រះ​អង្គម្ចាស់​ សីុសុវត្ថិ ធម្មិកោ បាន​មាន​ព្រះបន្ទូល​កាល​ពី​ម្សិល​មិញ​ថា ទោះ​បី​ជា​ សម្តេច​ឪ បាន​ព្យាយាម​រក្សា​រាជានិយម​ឲ្យ​នៅ​ក្រៅ​ឆាក​នយោបាយ​ក៏ដោយ ក៏​ព្រះ​អង្គ​បាន​ទត​​ឃើញ​ថា ប្រជាជន​កម្ពុជា​ជាច្រើ​នបាន​បាត់​បង់​ដី​ធ្លី​ និង​ផ្ទះ​សំបែង​របស់​ខ្លួន​ទៅ​លើ​ក្រុម​ហ៊ុន​ឯក​ជន​ ដែល​មាន​ទំ​នាក់​ទំនង​ជិត​ស្និទ្ធ​ជាមួ​យ​គណបក្ស​ប្រជាជន​កម្ពុជា​របស់​លោក ហ៊ុន សែន ដែ​ល​ជា​គណបក្ស​កាន់​អំណាច​។

ព្រះ​អង្គម្ចាស់​សីុសុវត្ថិ ធម្ម​ិកោ ​មា​ន​បន្ទូល​បន្ថែម​ទៀត​ថា “ សម្តេច​ឪមិន​ដែ​ល​គាំទ្រ​ឲ្យ​មាន​ការ​បណ្តេញ​ប្រជាជន​ ​ចេ​ញ​ពី​ដី​ធ្លី​របស់​​ពួកគាត់​ ឬក៏បណ្តេញ​ចេញ​ពី​លំ នៅ​ដ្ឋាន​របស់​​​ពួក​គាត់​ទេ។ អាម្មរណ៍​ផ្ទាល់​រប​ស់​ខ្ញុំ​គឺថា ខ្ញុំ​មិន​អាច​នៅ​ក្រៅ​ឆាក​ន​យោបាយ​ ដែល​មាន​រឿងកំពុង​កើត​ឡើង​ចំ​ពោះ​ប្រជា​ជន​ខ្ញុំ​បាន​ទេ”​។
ទាក​់ទង​ទៅ​នឹង​ការងារ​របស់​ព្រះ​អង្គ​ កាល​ពីពេល​ធ្វើ​ជា​ទាហាន​ នៅ​​ក្នុង​ជួរ​កងទ័ព​របស់​សេនាប្រមុខ​ លន់​ នល់ ព្រះ​អង្គ​ម្ចា​ស់​សីុសុវត្ថិ ធម្ម​ិកោ ​មាន​បន្ទូល​ថា សមាជិក​ជា​ច្រើន​ក្នុង​គណបក្ស​កាន់​អំណាច​ ក៏​​ធ្លាប់​បាន​បម្រើ​ការងារ​ក្នុង​របប​មួយ​ ដែល​បាន​​បំផ្លាញ​​របប​រាជា​និយម​​យ៉ាង​ចាស់​ដៃ​ផង​ដែរ​។

ព្រះ​អង្គម្ចាស់​សីុសុវត្ថិ ធម្ម​ិកោ ​មា​ន​ប​ន្ទូ​ល​ថា “ ក្នុង​សម័យ​ខ្មែរ​ក្រហម​ ព្រះ​ម​ហា​ក្ស​ត្រ​ត្រូវ​បានឃុំ​ក្នុង​​ព្រះ​រាជ​ដំណាក់​​ ហើយ​បុត្រា​បុ​ត្រី​បួ​នអង្គ​របស់​ [សម្តេច​ឪ] និង​សមាជិក​​​រាជវង្សានុវង្ស​១៤អង្គ​ ត្រូវ​បាន​ធ្វើគត​ ហើ​យ​ស​មាជិក​គណ​បក្ស​ប្រជាជន​កម្ពុជា​​​បាន​​​ចូល​រួម​ក្នុង​​របប​នោះ​”៕

ប្រែ​សម្រួល​ដោយ ស៊ា ស៊ុយឈាង
និង កង សុធា​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស