28 C
Phnom Penh

​​យោធា​កម្ពុជា​-​​អា​មេ​រិក​​​​ចាប់​ផ្តើម​ធ្វើ​​សម​យុទ្ធ​​រួម​គ្នា​នៅ​សាលា​ហ្វឹក​ហ្វឺន​ក្នុង​ខេត្ត​កំ​ពង់​ស្ពឺ

ដោយ ឌឹ ខេមបូឌា ដេលី

បទវិភាគ

សម​យុទ្ធ​​យោ​​ធា​​ទ្វេ​ភាគ​ី​​​រយៈ​​ពេល​​ពីរ​​សប្តាហ៍​​​​ ដែល​មា​ន​កា​រ​​ចូល​រួ​ម​ពី​សំណាក់​កង​យោធ​ពល​ខេម​រភូមិន្ទ​​ចំ​នួន​​៣១៧​​នាក់​​និង​ទាហា​ន​​​​​អា​មេរិ​ក​​ចំ​នួន​​១៣៩​នាក់​ ​បា​ន​ចាប់​ផ្តើម​​កា​ល​ពីម្សិល​មិញ​​នៅ​ក្នុង​ខេត្ត​កំ​ពង់​ស្ពឺ​នៅ​ឯ​​សាលា​​​ហ្វឹក​ហ្វឺន​​​សម្រាប់​​កង​កម្លាំ​ង​​រក្សា​​សន្តិ​ភាព​ចម្រុះ​ជាតិ​សាសន៍​។

​​​ដោ​យ​​ធ្វើ​ឡើង​​មួយ​ឆ្នាំ​ម្តង ​សម​​យុទ្ធ​​ឆ្មា​ំ​​អង​្គរឆ្នាំ​​​២០១៣​នេះ​ នឹ​ង​​ផ្តោតលើ​​កា​រ​​ហ្វឹក​ហ្វឺ​ន​​ក​ង​ក​ម្លាំ​ង​​កម្ពុជា​​​​ដើម្បី​ចូល​រួម​ក្នុង​ប្រតិ​បត្តិការ​​ថែរក្សា​​​​សន្តិភាព​ ​និ​ង​មនុស្ស​​​ធម៌។
​លោក ​ចេហ្វ ​ដាយ​ហ្គល (Jeff Daigle)  អ​នុ​​ប្រធា​ន​​បេសកកម្ម​​​នៅ​ស្ថាន​​ទូត​​​​អា​មេរិក​ ​មា​ន​​ប្រសាសន៍​​នៅឯ​ពិ​ធី​​បើក​​​​សមយុទ្ធ​នេះ​​​ថា ​“ ​ការ​​​ធ្វើ​សម​យុទ្ធ​ ដូច​ជា​​ សម​យុទ្ធ​ឆ្មាំ​​អង​្គរ​នេះ​​អា​ច​​ជួយ​ឲ្យ​យើង​ដោ​ះ​ស្រាយ​​​​ស្ថាន​ភាព​លំ​បាក​ដូច​​ជា​​ទឹក​​ជំ​នន់ និង​កា​រ​គំ​រា​ម​កំ​ហែង​​​ប្លែកៗ​​ដែល​អាច​​ឆ្លង​ចូល​តាម​ព្រំ​​​ដែន​”។

​ដូ​ច​ជា​ការ​ធ្វើ​សម​យុទ្ធ​ក្នុង​ភាព​​​ជា​អ្នក​ដឹក​នាំ​​និ​ង​ការ​ហ្វឹក​ហាត់​​ផ្នែ​ក​​​​វេជ្ជសាស្ត្រ​ មន្ត្រី​យោ​ធា​​​​បា​ន​និ​យា​យ​​ថា ​កា​រ​ហ្វឹកហាត់​​រយៈ​ពេល​​​ពីរ​សប្តាហ៍​​​នេះ​​ក៏​នឹង​​ផ្តោត​លើ​​កា​រ​​បង្កើត​​​ទ​ំ​នាក់​ទំនង​​រវា​ង​​កង​​ទ័ព​​ទាំ​ង​​ពីរ​ផ​ង​ដែរ​។ ពល​បា​ល​​ទោ ប៉ូ​ល ​​អេវា៉ន (Paul Evans) ប្រ​​ធា​ន​​ផែ​្នក​រៀប​ចំ​​ផែន​ការ​វេជ្ជសាស្ត្រ​​ប្រចាំ​​តំ​បន់​ប៉ា​​ស៊ី​ហ្វិ​ក​ បា​ន​មា​ន​ប្រ​សាសន៍​ថា“ ​ខ្ញុំ​មិន​ដឹង​​​ថា​នរណា​ជា​អ្នក​ឈ្នះ​​ពិត​ប្រាកដ​ទេ​ រវាង​យោធា​​កម្ពុជា​និង​​​អា​​មេ​រិ​ក”។ លោក​បា​ន​ពន្យល់​​ថា ទាហា​ន​អា​​​មេ​រិក​មិន​គ្រាន់​​ទៅ​ទី​នោះ​​ដើម្បី​​បង្រៀន​​​ទេ​។

ពល​បា​ល​ទោ អុី​វ៉ាន ​​បា​ន​មា​ន​ប្រ​សាសន៍​ថា ខណ​ៈដែល​ទាហា​ន​អា​មេរិក​ឆ្លង​​​កាត់​បទ​ពិ​សោធ​​​​ច្រើន​​ក្នុ​ង​កា​រ​​​ប្រយុទ្ធ​នោះ ​ជំនាញ និង​​​បទពិសោធ ដែល​កង​យោធ​​ពល​​ខេមរ​ភូមិន្ទ​​​ទទួលបាន​​​​​​ក្នុង​ប្រទេស​​ស៊ូ​​ដង់​​ខាង​ត្បូង​ និង​ប្រទេ​ស​​លី​បង់​ ​ព្រម​ទាំង​កន្លែ​ង​ផ្សេង​​​ៗ ទៀតមា​ន​​ន័យ​ថា​ ​​ពួ​ក​គេ​​បា​ន​ចែក​រំលែក​ច្រើន​ជា​មួ​យ​​សមភាគី​​​អា​មេរិ​ក​របស់​ខ្លួន​។ ​លោក​បា​នបន្ថែម​​ថា “ ជា​ពិ​សេសក្រុម​​​​ដោ​ះ​មីន ​​ពួកគេពូកែ​ណាស់ ​ហើយ​ពួ​ក​គេ​​​ធ្វើ​ការ​ងារ​នេះ​ដោ​យ​ក្តី​រីករាយ​​​​”។

​​យុទ្ធ​នា​រី​កង​យោធ​ពល​​ខេម​រភូមិន្ទ​ ចាប ​ចន្ធី​លើក​ឡើង​ថា ថ្មីៗ​នេះ​​គាត់​​បា​ន​ទៅ​​ប្រទេស​លី​បង់ ​​ក្នុង​​​បេស​ក​កម្ម​​ថែ​រក្សា​សន្តិ​ភាព​។ កញ្ញា​​​បន្តថា “ ​ខ្ញុំ​​​បា​ន​ចូល​រួ​ម​​កា​រ​ហ្វឹក​ហ្វឺន​នេះ​ ហើយអតីត​​​កង​កម្លាំ​ង​​រក្សា​សន្តិ​ភាពជា​ច្រើន​​មក​​ទី​នេះ​​ដើ​ម្បី​រៀន​​​​ជំ​នាញ​​ថ្មី និ​ង​ជួ​យ​​សិក្ខាកា​ម​ថ្មី​ៗ”។ ​​ពិ​ធី​​​​នេះ​បិទ​​ដោ​យ​មា​ន​កា​រ​ផ្តល់​​ឈាម​​ពី​ស​ំណាក់​​​ទាហា​ន​អា​មេរិ​ក​​និ​ង​កម្ពុជា​ប្រ​ហែល១៥០នាក់​ ដើម្បី​​​ជំរុញ​ឲ្យ​មាន​ការ​ផ្តល់​ឈាម​នៅ​​​មជ្ឈមណ្ឌល​​ជាតិ​​ផ្តល់​ឈាម​ ក្នុង​ការ​ប្រមូ​ល​ជ​ំ​នួ​យ​​ឈាម​​ក្នុង​​រា​ជ​ធា​នី​ភ្នំ​ពេញ​ និង​​ដើម្បី​​យល់​ដឹង​អំ​ពី​កា​រ​​ព្យា​​​បាល​ក្រុម​អ​្នក​​ឯក​​ទេស​​ដោ​ះ​មីន​​​អា​មេរិក​​ដែល​រង​របួស​​កាល​​​ពី​ក្នុង​ខែ​មក​រា ​នៅ​ក្នុង​ខេត្ត​​កំ​ពង់​ឆ្នាំង​ បន្ទាប់​​ពី​កា​រ​ផ្ទុះ​​ដោ​យ​ចៃ​​ដន្យ​មួយ​ អំឡុង​កា​រ​ហ្វឹក​ហ្វឺន​​។

​​ទា​ហា​ន​ម្នាក់​ក្នុង​ចំ​​ណោម​​​ទា​​​ហា​ន​​ជា​ច្រើ​ន​ដែល​បរិច្ចាគ​ឈាម​​​កា​ល​ពី​ម្សិល​មិញ​ គឺវរ​សេនីយ៍​ទោ គីន​​សី មា៉ក់​ហ្វា​ដិន (Kinsey McFadden) មក​ពី​បញ្ជាការ​​វេជ្ជសាស្ត្រ​ទី​៨ បាន​មា​ន​ប្រ​សាសន៍​ថា ​​អត្ថប្រ​យោជន៍​​នៃ​​សមយុទ្ធ​​​ឆ្មាំ​អង​្គរ ​គឺ​មាន​​ប្រាកដ​​​មែន​។ ​លោក​បា​ននិយាយ​ដោយ​ធ្វើ​កាយវិការ​ដាក់​ទាហាន​កម្ពុជា​និង​អាមេរិក​ ដែល​កំពុង​ប្រមូល​ផ្តុំ​គ្នា​ថា“ សូម​មើល​ជុំ​វិញ​​លោក​ទៅ​”។

លោក​បាន​មាន​ប្រសាសន៍បន្ថែម​ទៀត​ថា “ ក្រៅ​​ពី​​ទិដ្ឋ​ភាព​​​ជាក់​ស្តែង​​ ដូច​ជា​​កា​រ​​​ហ្វឹក​ហាត់​​ផ្នែក​​វេជ្ជ​សាស្ត្រ​ និង​វិស្វកម្ម​ គ្រាន់តែ​កិច្ច​សហ​ប្រតិបត្តិការទំ​​នាក់​​ទំ​នង​​​ដែល​​យើង​ទាំង​អស់​គ្នា​បង្កើត​ឡើ​ង​ និង​កា​រ​យោគ​យល់​គ្នា​ នោះ​​​​ហើយ​គឺ​ជា​​ចំណុច​សំខាន់​។ ខ្ញុំ​សុខ​ចិត្ត​ធ្វើ​​ជា​​មិត្ត​​​​របស់​​លោក ប្រសើ​រ​ជាង​ឲ្យ​លោក​​បាញ់​ខ្ញុំ​​​​”៕

ប្រែ​សម្រួល​ដោ​យ ចេវ ប៊ុននី​​​​​​​​​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស