29 C
Phnom Penh

សហ​​​ជីព​​អ​ំ​ពាវនាវឲ្យ​តុ​លា​ការ និង​ក្រុមហ៊ុន​យីហោ​​អន្ដរជាតិរក​យុត្តិ​ធម៌​ក្នុង​រឿង​ក្តី​បាញ់​​នៅ​ក្រុង​បាវិត​

ដោយ ឌឹ ខេមបូឌា ដេលី

បទវិភាគ

កា​ល​​ពី​ថ្ងៃ​​សៅរ៍ សហ​ជី​ព​​ក្នុង​ស្រុក​​ជា​​ង​​២០​​​​សហជីព​បា​ន​ជំ​រុញ​ឲ្យ​​សាលា​ដំ​បូង​​ខេត្ត​ស្វាយ​​រៀ​ង​​ផ្តន្ទា​​ទោស​​លោក ឈូក បណ្ឌិត ​អតី​ត​​អភិ​បា​ល​​ក្រុ​ង​​បា​វិត​ ដែល​ត្រូ​វ​បា​ន​ចោទប្រកាន់​​​ពី​បទ​​បាញ់​​​​​​​អ្នក​តវ៉ា​​នៅ​ឯ​រោង​ចក្រ​​មួយ​កា​ល​​ពី​​ខែកុម្ភៈ​​ឆ្នាំ​២០១២ ​អ​ំឡុ​ង​កា​រ​តវ៉ា​​ដោ​យ​​ហិង្សា​​ ដែល​​ធ្វើ​ឲ្យ​កម្មការិនី​​រោ​ង​​ចក្រ​កាត់​ដេរ​ចំ​នួន​បី​នាក់​​រង​របួស​ ​​​។

​សហភាព​កា​រ​​​ងារ​កម្ពុជា​ និង​សហ​ភាពសហជី​ព​កម្ពុជា ស្ថិត​ក្នុង​ចំ​​ណោម​​​សហ​​ជីព​​​​ដែលបា​ន​ចុះ​ហត្ថ​លេខា​លើ​សេ​ចក្តី​​ថ្លែ​ងកា​រណ៍​​នេះ​ មុន​កា​រ​​បើក​ស​​វ​នា​ការ​​ជ​ំ​នុំ​ជម្រះ​លោក ឈូក ​បណ្ឌិត​ ដែល​ចាប់​ផ្តើ​ម​​នៅ​ថ្ងៃ​​អ​ង្គារ​​នេះ​។

នៅ​ក្នុ​ង​​សេចក្តី​​ថ្លែ​ង​ការ​ណ៍​​​ដោ​យ​ឡែក​មួ​យចេញ​​កា​ល​ពី​ថ្ងៃ​សុក្រ​ផ្ញើ​ឲ្យ​ក្រុម​ហ៊ុន​យីហោ​អន្តរជាតិ​​ ដែល​មាន​ក្រុម​ហ៊ុន​ផលិត​សម្លៀក​បំ​ពាក់​កីឡា​ម៉ាក ពូ​ម៉ា ដែល​ទិញ​​ផលិត​ផល​ពី​រោង​ចក្រ​ដែល​កម្មករ​​រង​របួស​​ធ្វើកា​រ​​នោះ សហ​​ជីព​​ជាតិ​ និ​ង​អន្តរជាតិ​​​ជាង​​៣០ ​​​​បា​ន​​អំ​ពាវ​​នា​វឲ្យ​ក្រុម​ហុ៊ុន​ផលិត​​សម្លៀក​​បំ​ពាក់​​​​កីឡា​របស់​​អាល្លឺម៉ង់​​នេះ​ ​ជំរុញ​ឲ្យ​មា​ន​កា​រ​ផ្តន្ទា​​ទោស​លោក បណ្ឌិត​។

លិខិត​នេះ​លើក​ឡើង​ថា “ វិធាន​និង​​បទ​ដ្ឋាន​​របស់​​​អស់​លោក​ ទា​ម​​​ទារ​ឲ្យ​មាន​​​នី​តិ​រដ្ឋ​ ប្រាក់ខែ​​ និង​​សេរី​ភាព​​​នៃ​កា​រ​ជួប​ជុំ  ប៉ុន្តែ​​អស់​លោក​មិន​បាន​ធ្វើ​អ្វី​មួយ​ដើម្បី​ជួយ​កម្មករ​បានទេ នៅ​ពេល​ដែល​គេ​ប្រើ​ប្រព័ន្ធយុត្តិ​ធម៌​​អនុញ្ញាត​​​ឲ្យ​មន្ត្រី​សាធា​រ​​ណ​ៈ​បាញ់​ប្រហារ​​បាតុ​ករ​បី​នាក់​ ​ដោយ​គ្រាន់​តែ​​​តវ៉ា ​ដើម្បី​សុំ​ដំ​ឡើង​ប្រាក់​ខែ​”។

“ យើង​ចង់​​ឲ្យ​​អស់​លោក​ប្រាប់​​រដ្ឋាភិ​បាលកម្ពុជា​​​​ថា អាជីវកម្ម​របស់​​អស់​លោក​​ពឹង​ផ្អែក​លើ​ឯក​​រាជ​​ភាព​​របស់​ប្រព័ន្ធ​យុត្តិ​ធម៌​កម្ពុជា​ និង​​ការ​រក​យុត្តិធម៌​​សម្រាប់​​ជ​ន​​រង​គ្រោះ​​ដោ​យ​សារ​ការ​បាញ់​ប្រហារ​​ដ៏​សាហាវ​នៅ​បាវិត”។

​កន្លង​មក សាលា​ដំបូ​ង​ខេត្ត​​បា​ន​ចោទ​​ប្រកា​ន់​​លោក​ បណ្ឌិត ​​ពី​បទ​បង្ក​របួស​​ស្នាម​ដោ​យ​អចេត​នា ​​ប៉ុន្តែ​ក្រោយ​មកបា​ន​លើក​លែ​ង​កា​រ​​ចោទ​ប្រកាន់​នេះ​ បើទោះ​​​ជា​មា​ន​​​​សេចក្តី​រាយ​កា​រណ៍​ពី​សាក្សី​ ​រាប់​​ទាំ​ង​​ការ​បំភ្លឺ​ពី​​មន្ត្រី​នគរបាល​ម្នាក់​​​ថា គាត់​បា​ន​ឃើញ​​លោក បណ្ឌិត បាញ់​សំដៅ​​ក្រុម​​បាតុករ​ក៏ដោ​យ​។

សាលា​​ឧទ្ធរណ៍​​បា​ន​​ពិ​និត្យ​រឿង​ក្តី​នេះ​ឡើង​​វិញ​បន្ទាប់​ពី​ក្រសួង​យុត្តិធម៌​បាន​បង្គាប់​ឲ្យ​មានការ​សើុប​អង្កេត​ឡើង​វិញ​។បន្ទាប់​ពី​ពិនិត្យ​ភ័ស្តុតាង​រួច​ហើយ​ សាលា​ឧទ្ធរណ៍​​បាន​​​ចោទ​ប្រកាន់​​​​​លោក ឈូក បណ្ឌិត ពី​បទ​ដូចគ្នា​នេះ​​ ហើយ​​​បញ្ជូ​ន​​សំ​ណុំ​រឿ​ង​នេះ​​ទៅ​​តុ​លា​កា​រ​​ខេត្ត​វិញ​។ លោក បណ្ឌិត ​បា​ន​ប្រាប់​សាលា​ឧទ្ធរណ៍​​ថា លោក​​បា​ន​ដក​កាំ​ភ្លើង​ខ្លី​បាញ់​មែន ប៉ុន្តែ​​មិន​ដឹង​ថាគ្រាប់​ចេញ​ទៅ​ណា​​ទេ​៕

ប្រែ​សម្រួល​ដោ​យ ​ចេវ ប៊ុននី​​
    ​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស