29 C
Phnom Penh

លោកនាយក​រដ្ឋមន្ត្រី​ ហ៊ុន សែ​ន លើកឡើងថា ភូមិគ្រឹះ ដែល​មាន​ហុង​ស៊ុយ​បាន​ធ្វើ​ឲ្យ​លោក​​ឈ្នះឆ្នោត​

ដោយ ឌឹ ខេមបូឌា ដេលី

បទវិភាគ

លោកនាយក​​រដ្ឋ​មន្ត្រី ហ៊ុន សែន បា​នមា​ន​​ប្រ​សាស​ន៍កា​ល​​ពី​ម្សិល​មិញ​ថា ​​​​ទី​តា​ំ​ង​ល្អ​នៃ​​ភូមិ​គ្រឹះ​របស់​លោក​​នៅ​ក្នុង​រាជ​ធា​នី​ភ្នំ​ពេញ​ ​ដែល​ស្ថិត​នៅ​​តា​ម​មហា​វិ​ថី​ព្រះ​​សុ​រា​ម្រិត​ នៅ​ចន្លោះ​វត្ត​លង្កា និ​ង​​វត្ត​បទុម​ ​គឺ​​​ជា​​សញ្ញា​​​​បង្ហាញ​​ច្បាស់​​ថា ​​លោក​នឹ​ង​ទទួល​បា​ន​ជ​័យ​ជម្នះ​​ក្នុង​ការ​​បោះ​ឆ្នោត​​​ជ្រើស​តាំ​ង​​​តំ​ណា​ង​រាស្ត្រ​​​ក្នុ​ង​ខែ​កក្កដា​។

​​​នេះ​មិន​​មែន​ជា​លើក​​ទី​១​ទេ ​​ដែល​លោក​​នា​​យក​រដ្ឋ​មន្ត្រី​ បា​ន​មាន​ប្រសាសន៍​អំពី​​​​អបិយ​ជ​ំ​​​នឿ​​នាពេល​ថ្មី​ៗ​ដើម​្បី​​គាំ​ទ្រ​​ការ​​​ព្យា​​ករ​ពីជ័យ​​ជម្នះ​​របស់លោក។

​​​កាល​​ពី​ដើម​​ខែ​នេះ ​លោក ហ៊ុន សែន បា​ន​​មាន​​ប្រ​សាសន៍​ថា ​កូ​ន​ប្រុស​​ច្បង​​​របស់​លោក គឺ លោក ហ៊ុន ម៉ា​​​ណែត ​ប្រ​សូត្រ​​ចេញ​​​ពី​​​អ្នក​តា​​​​ដ៏​មា​ន​អ​​ំ​ណា​ចមួ​យ ដែល​​ប្រែ​ក្រឡា​ជា​ភ្លើង​​ដ៏​​ភ្លឺ​មួយ​​​ហោះ​ចេញ​​​ពី​ដើម​​​ពោធិ៍​។​ហើយ​បន្ទា​ប់​​
ពី​​ការ​​​ថ្វាយ​ព្រះ​ភ្លើ​ង​​ដល់​ព្រះ​​បរម​​រត​ន​​កោដ្ឋ​សម្តេច​ឪ នរោត្តម​ សី​ហនុ ​កាល​ពី​​ក្នុ​ង​​ខែ​​កុម្ភៈ លោក​បា​ន​​​​​អ​ះ​​អាង​ថា ​ព្រលឹង​​​របស់​​អតី​ត​ព្រះ​​​មហាក្សត្រ​​ប្រហែល​ជា​បាន​​​​ទត​​​លោក​ហើយ​ ​​ពី​ព្រោះ​លោក​គឺ​ជា​មនុស្ស​​តែ​ម្នាក់​គត់​ ​ដែល​អា​ច​​​ថ្វាយ​ព្រះ​ភ្លើង​​​​​​​ឲ្យ​ឆេះ​បាន បន្ទាប់​​ពី​អ្នក​ឯ​ទៀ​ត​​​ថ្វាយ​ព្រះ​ភ្លើង​មិន​ឆេះ​នោះ​។

​លោក ហ៊ុន សែន ​បា​ន​លើក​ឡើង​កា​ល​​​ពី​ម្សិលមិញ​​នៅ​ឯ​​​​ពិ​​ធី​​សម្ពោធ​កុដិថ្មី​មួ​យដែលចំ​ណា​យ​ទឹក​ប្រាក់​​​សាង​សង់​អស់​ចំ​នួន​​​៦៣០.០០០​ដុល្លារ​​នៅ​វត្ត​លង្កា​ ​ដែល​​មា​ន​មនុស្ស​រាប់​​ពាន់​នា​ក់​​បា​ន​ចូល​រួ​ម​​​ថា“ និយាយ​
​ពី​សំណា​​ង ​ផ្ទះ​​របស់​ខ្ញុំ​ស្ថិតនៅ​​ក្នុង​ទី​តាំ​ង​​ល្អ​​មួយ​ ដែល​គ្មាន​នរណា​ម្នាក់​​​អាច​​យក​ឈ្នះ​​ខ្ញុំ​បា​ន​ឡើយ​”។

​លោក​បា​ន​មាន​ប្រសាសន៍​ប្រហែល​ជា​សំដៅ​ដល់​ប្រពៃណី​ហុងស៊ុយ​​ចិន​​ថា “ ​ទី​តាំង​​​​ផ្ទះ​របស់​ខ្ញុំ​​ស្ថិត​លើ​ស្មា​នាគ​ និង​ស្ថិត​នៅ​ចន្លោះ​​វត្ត​​ពីរ​”។​​​​​​ លោក​​​បន្ថែម​ថា “ ហេតុ​ដូច្នេះ​ហើយ​បាន​ជា​​គ្មាន​នរណា​ម្នាក់​​អា​ច​សម្លាប់​ខ្ញុំ​​បា​ន​ និង​គ្មាន​នរណា​ម្នាក់​​​អាច​​ទម្លាក់​​​ខ្ញុំ​បា​ន​ឡើយ​។វា​ស៊ី​សង​​លើ​​សំ​ណា​ង​​ទេ យើង​ត្រូ​វ​តែ​ជឿ​”។

​លោក​បា​ន​បន្ត​ថា“ អ្នក​ខ្លះ​​ចង់​ធ្វើ​​ជា​​នាយក​​រដ្ឋ​មន្ត្រី​ ​តាំ​ង​ពី​ពួ​ក​គេកើតមក ​ប៉ុន្តែ​​​ពួ​ក​គេ​មិន​អាច​ធ្វើ​​​បា​ន។ ​ខ្ញុំ​​មិន​​​ដែល​ចង់​ធ្វើ​​ជា​នា​យក​​រដ្ឋ​មន្ត្រី​ទេ​ គោល​បំ​ណង​​របស់​ខ្ញុំ​​​ចង់ធ្វើ​​ជា​គ្រូ​បង្រៀន​ ​​ប៉ុន្តែ​​ស្ថា​ន​​ភាព​​​របស់​ប្រទេសបង្ខំ​ឲ្យ​ខ្ញុំ​​​មក​ទី​​នេះ​​”។

លោកនាយក​រដ្ឋ​មន្ត្រី​​បា​ន​បន្ថែ​ម​​​ថា ​​ដំ​បូ​ង​ លោក​​បា​ន​យល់​ព្រ​ម​កាន់​តួ​នាទី​របស់​លោក​​តែរយៈ​ពេល​​បី​ខែ​ប៉ុណ្ណោះ​ ពីព្រោះ​​​លោក​ជឿ​ថា បញ្ញវន្ត​កម្ពុជា​​ជា​ច្រើន​​នឹ​ង​ត្រឡប់​មក​កាន់​មាតុ​ភូមិ​វិញ​​ក្នុង​ពេល​ប៉ុន្មាន​ឆ្នាំ​ទៀត​ បន្ទាប់​ពី​​ការ​​ដួ​ល​រលំ​​នៃ​រ​បប​ខ្មែរក្រ​ហម​​ក្នុង​ឆ្នាំ​​១៩៧៩​ និង​កា​ន់​តួ​នាទី​​ជា​អ្នក​​ដឹកនាំ​។​ប៉ុន្តែ លោក​បា​ន​​បញ្ជាក់​ថា “ បី​ខែ​បាន​ក្លាយ​ជា​​៣០​ឆ្នាំ​​ហើយ​​​”។

​លោក​​ក៏​បា​ន​លើក​ឡើងដែរ​ថា ​ដរាប​ណា​​អ្នក​បោះ​ឆ្នោត​​​នៅ​តែ​បោះ​ឆ្នោត​គាំ​ទ្រ​លោកលោក​នឹង​នៅ​តែ​ធ្វើ​​ជា​មេដឹក​នា​ំ​ទៀត​ ហើយ​​អ្នក​រិះ​គន់​​​ដែល​ជឿ​​ថា លោក​កាន់​អំ​ណា​ច​យូរ​ពេក​នោះ គឺ​ខុស​​ហើយ​។

​លោក​ ហ៊ុន សែ​ន ថ្លែ​ង​ថា “ កាន់​អ​ំ​ណា​ច​៣០​ឆ្នាំ មិន​យូរ​​ពេក​ទេ ​ពួ​ក​គេ​និយា​យ​​ថា​ ​យូរ​​ណាស់​ ប៉ុន្តែ​​វា​យូរ​ពេក​សម្រាប់​ពួ​ក​គេ​។ ​​នេះ​ជា​អ្វី​​ដែល​​ប្រជា​​​ពល​រដ្ឋ​ត្រូ​វ​ការ​ ពី​ព្រោះ​​ពួ​ក​គេ​​នៅ​តែ​បោះ​ឆ្នោត​ឲ្យ​ខ្ញុំ​”។ លោក​បន្ថែម​​ថា
ប្រសិន​បើគណ​​បក្ស​ប្រ​​ឆាំ​ង​​ឈ្នះ​ ក៏​លោក​​មិន​ជឿ​​​ថា ពួ​ក​គេ​​រក្សា​​ការ​​សន្យា​​របស់​ខ្លួន​​ក្នុង​ការ​ធ្វើ​វិ​សោធ​ន​កម្ម​រដ្ឋ​ធម្ម​នុញ្ញ​ ដើម្បី​​ឲ្យ​នាយក​​​រដ្ឋ​មន្ត្រី​​​​កាន់​អំណាច​តែ​​​ពីរ​​អាណត្តិ​​ដែរ៕

ប្រែ​សម្រួល​​ដោ​យ ចេវ ប៊ុននី​​​​​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស