29 C
Phnom Penh

គណ​បក្ស​ប្រឆាំង​វាយ​បក​ និង​​ចោទ​ប្រកាន់រដ្ឋាភិបាល​ថា ​បំផ្លើស​ពាក្យ​សម្ដី​របស់​ខ្លួន

ដោយ ឌឹ ខេមបូឌា ដេលី

បទវិភាគ

កាលពីម្សិលមិញ​​​ តំណាង​រាស្ត្រ​គណ​បក្ស​ប្រឆាំង​បីរូប​​​បាន​វាយ​បក​​លើការ​ចោទ​ប្រកាន់​​​​​ដែល​រដ្ឋាភិបាល​បាន​ធ្វើ​មក​​​លើ​​​ខ្លួន​​​ជា​​​បន្ត​បន្ទាប់​​​​​​​​​​​​ក្នុង​​​រយៈពេល​​​មួយ​​​សប្តាហ៍​​​ចុងក្រោយ​​​នេះ​​​ក្នុង​បំណង​លាប​ពណ៌​​​ឲ្យ​​​ខ្លួន​​ថា ជា​​ភេរវ​ករ​​ដែល​​​ប្រឆាំង​​​​របប​រាជា​និយម​​​និង​​​​​​បដិសេធ​ថា​​​គ្មាន​របប​ប្រល័យពូជ​សាសន៍​ ដោយ​​​​​​បាន​វាយបក​​​វិញ​ថា រដ្ឋាភិបាល​បាន​កាឡៃ​​​​ពាក្យ​សម្ដី​របស់ពួកគេ​​​ និងបកស្រាយ​​​សម្តី​​​របស់​​​ពួកគេ​​​ខុស​​​ពី​​​ការពិត​​​។

ខណៈ​​​ដែល​​​នៅ​សល់​​​តែ​​​ជាង​​​​​ពីរ​ខែ​ទៀត​​​ដល់​​​ថ្ងៃ​​​បោះ​ឆ្នោត​ជាតិ​ គឺ​​​ថ្ងៃទី​២៨ ខែកក្កដា​​​នោះ​​​ រដ្ឋា​ភិបាល​​​​បាន​ចាក់​ផ្សាយ​ខ្សែ​អាត់​សំឡេង​របស់​លោក កឹម សុខា ប្រធាន​ស្ដីទី​​​គណ​បក្ស​សង្គ្រោះជាតិ​​​ ​​​កាលពីថ្ងៃ​សៅរ៍។​​​ ​ក្នុង​​​ខ្សែអាត់​​​នោះ​​​ លោក​​​ ​កឹម​​​ សុខា​​​ ​ចោទ​ប្រកាន់​វៀតណាម​ថា បាន​ប្រឌិត​រឿង​​​ធ្វើ​ទារុណកម្ម​ និង​កាប់​សម្លាប់មនុស្ស​ដែល​ខ្មែរ​ក្រហម​បាន​ប្រព្រឹត្ត​នៅ​ក្នុង​​គុក​ទួល​ស្លែង​ដ៏អសោចរបស់​​​ពួកគេ​​​។

កាលពីថ្ងៃ​ច័ន្ទ​​​ អង្គភាព​ព័ត៌មាន​ និង​ប្រតិ​កម្ម​​រហ័ស​នៃ​​ទីស្ដីការ​គណៈ​រដ្ឋ​មន្ត្រី ក៏​​​បាន​ចាក់​ផ្សាយ​ខ្សែ​អាត់​សំឡេង​​​​មិន​​​ពេញលេញ​​​មួយ​​​​​​​របស់​​​លោក​​​ គង់​​​ គាំ តំណាង​រាស្ត្រ​គណ​បក្ស​ សម រង្ស៊ី ផងដែរ​​​។​​​ ក្នុង​​​ខ្សែអាត់​​​នោះ​​​លោក​​​ គង់ គាំ​​​ ​អះអាង​ថា ព្រះបរមរតន​កោដ្ឋនរោត្តម សីហនុ ​កាលនៅ​ជា​ព្រះ​​​ប្រមុខ​រដ្ឋ​បាន​រៀប​ចំ​ផែន​ការ​ឲ្យ​លោក​សេនា​ប្រមុខ​ លន់ នល់ ផ្ដួល​រំលំទ្រង់​នៅឆ្នាំ​១៩៧០។ បន្ទាប់​មក ​នៅ​ថ្ងៃ​អង្គារ ​នគរ​បាល​ជាតិ​បាន​បង្ហោះ​​លើ​គេហ​ទំព័រ​របស់​ខ្លួននូវ​​​​​​រូប​ថត​របស់​លោក សុន ឆ័យ តំណាង​រាស្ត្រ​គណ​បក្ស​​សម រង្ស៊ី និង​ជា​បេក្ខជន​គណបក្ស​​​សង្គ្រោះ​ជាតិ​ ពេល​​​លោក​​​ចូល​​​ប្រជុំ​​​ជាមួយ​​​ក្រុម​ប្រឆាំង​ជា​​​អណិ​កជន​​​ខ្មែរ​​​មកពី​​​អាមេរិក​​​មួយក្រុម ​​​ ដែល​គណបក្ស​ប្រជាជន​កម្ពុជា​​​ បាន​ហៅ​ដោយ​គ្មាន​ភ័ស្ដុតាង​ថា ជា​​​ក្រុម​​​​ភេរវកម្ម។

លោក​ កឹម សុខា ដែល​ប្រឈម​នឹង​ការ​វាយ​ប្រហារ​ពី​គណបក្ស​កាន់​អំណាច​ខ្លាំង​ជាងគេ​​​ក្នុង​​​ពេល​ថ្មីៗនេះ​​​ ​បដិសេធ​យ៉ាង​ដាច់​អហង្កា​រថា លោក​​​មិន​​​បាន​​​និយាយ​​​ថា​​​ វៀត​ណាម​​ បាន​ប្រឌិត​​​រឿង​​​​​មណ្ឌល​ធ្វើ​ទារុណកម្ម​ទួល​ស្លែង​ ដែល​អ្នកស្រាវជ្រាវ​យល់​ស្រប​ថា ជា​​​កន្លែង​​​ខ្មែរ​ក្រហម​យក​​​មនុស្ស​ក្មេង​ចាស់​ប្រុស​ស្រី​​​យ៉ាង​តិច​​​១២,០០០​នាក់ ទៅ​បង្ខាំង​​​​​​​និង​ធ្វើ​ទារុណកម្ម​ បន្ទាប់​ពី​ខ្លួន​​​បាន​​​ផ្ដួល​រំលំ​របប​ខ្មែរ​ក្រហម​ក្នុង​ឆ្នាំ​១៩៧៩ទេ​​​។​​​

លោក កឹម សុខា បាន​ថ្លែង​​​អំឡុង​​​សន្នីសីទ​សារព័ត៌មាន​មួយ​នៅ​​ការិយាល័យ​របស់​គណ​បក្ស​សង្គ្រោះជាតិ​ កាលពីម្សិលមិញថា “ ខ្ញុំ​សូម​បញ្ជាក់​ថា គុក​ទួលស្លែង​គឺជាកន្លែង​ដែល​ប្រជាជន​​​ខ្មែរ​ត្រូវ​ពួកខ្មែរ​ក្រហមធ្វើ​ទារុណ​កម្ម​​​​និង​​​​សម្លាប់​”។

លោក​បានមាន​​​ប្រសាសន៍​បន្ត​ថា “ ខ្ញុំ​​​ កឹម​ សុខា ខ្លួន​ឯង​ក៏ជាជន​រងគ្រោះម្នាក់​ក្នុង​​​សម័យ​​​ខ្មែរ​ក្រហម​ដែរ។ នៅ​​​​ឆ្នាំ​១៩៧៥​​​  ខ្មែរ​ក្រហម​
​បាន​យក​ឪពុក​ខ្ញុំ​​​ទៅ​​​សម្លាប់​​​ចោល​​​។ ពួកវា​​ចាប់​ឪពុក​ខ្ញុំ​​​​​​ចង​​​ ​ធ្វើ​​​ទារុណកម្ម​ និង​សម្លាប់​​​គាត់​​​នៅ​ចំពោះមុខ​​​ខ្ញុំ​​​តែម្តង​​​…​ដូច្នេះ​​​មាន​​​រឿងអី​​​ដែល​​​ខ្ញុំត្រូវ​បដិសេធ​ថា គ្មាន​របប​ប្រល័យ​ពូជ សាសន៍ គ្មាន​ការ​សម្លាប់​នោះ? មាន​តែ​អ្នក​ដែលពាក់​ព័ន្ធនៅ​​ក្នុង​ការ​កាប់​​​សម្លាប់នេះ​ប៉ុណ្ណោះ​​​​ដែល​បដិសេធ​នោះ។ ចំពោះខ្ញុំ ខ្ញុំ​មិន​អាច​បដិសេធ​​​បាន​​​ទេ”។

នៅក្នុង​ខ្សែអាត់​​​សំឡេង​​​ដែល​អង្គភាព​ព័ត៌មាន​ និង​ប្រតិកម្មរហ័ស​ ​បាន​​​បង្ហោះ​តាម​គេហទំព័រ​នោះ​ គេ​​​អាច​​​ស្ដាប់ឮ​លោក​​​ កឹម​​​ សុខា​​​ និយាយ​​​ថា​​​ គុក​ទួលស្លែង​នោះ​​​ត្រូវ​​បាន​គេ​​​​​ “ ប្រឌិត​​​”។ លោក​​​ កឹម​​​ សុខា​​​ បាន​បកស្រាយ​​​​​​​កាលពី​​​ម្សិលមិញ​ថា កាលនោះ​​​ លោក​ចង់​​​និយាយ​​​ថា​​​ចម្លើយ​​​សារភាព​ដែល​ខ្មែរ​ក្រហម​​​ទទួល​បាន​​ពីទណ្ឌិត​នៅ​គុក​​​នេះ​តាម​រយៈ​ការ​ធ្វើ​ទារុណ​កម្ម​​​​​​ដែលមជ្ឈដ្ឋាន​​​ទូទៅ​​​​​​​ជឿ​ថា ភាគច្រើន​​​ជា​ចម្លើយ​​​សារភាព​​​​ក្លែងក្លាយ​នោះ​​​ គឺ​​​ជាឆាក​ល្ខោន​ មិន​មែនចង់​​​និយាយ​​​ថា​​​ វៀតណាម​​​ជា​អ្នករៀបចំ​​​​ទាំង​ស្រុង​ទេ។ លោក​​មាន​ប្រសាសន៍​ថា​​​ “ ខ្មែរក្រហម​បាន​ប្រឌិត​​​​ភ័ស្តុតាង​ទាំង​អស់​នៅ​គុក​​​នោះ​​​ដើម្បី​កាត់ទោស​​​ប្រជាជន​​​ ដូច្នេះវា​​​គឺ​​​ជា​​​ឆាក​ល្ខោន​​​ទេ​​​​”។

នៅ​ក្នុង​ខ្សែអាត់​​​សំឡេង​ដែល​​​ត្រូវបាន​​​​បង្ហោះ​តាមគេ​ហទំព័រនោះ​ លោក កឹម សុខា ក៏​ដូចជា​​​បាន​​​និយាយ​​​​ផង​ដែរថា​ ប្រសិនបើ​​​ខ្មែរ​ក្រហម​ពិត​ជា​បាន​ប្រព្រឹត្ត​បទ​ឧក្រិដ្ឋ​​​ដែល​​​​ត្រូវបានសន្មត​​​ជាទូទៅ​​​ថា​​​ ជា​​​ស្នាដៃ​​​របស់​​​ពួកគេ​​​នៅ​​ទួលស្លែង​​​មែននោះ​​​ ពួកគេ​​​ប្រាកដ​​​ជា​បំផ្លាញ​ភ័ស្តុតាង​ទាំង​អស់​ចោល ​មុនពេល​ភៀសខ្លួន​​​​ពីភ្នំពេញ ​មុន​​វៀតណាម​ចូល​​​មក​ដល់​​​​បាត់ទៅហើយ​​​។

លោក កឹម សុខា បាន​អះអាង​​​​កាល​ពី​ម្សិល​មិញ​ថា ពាក្យសម្ដី​​​ដ៏​​​រសើប​​​ទាំង​​​​នោះ​ត្រូវ​បាន​គេ​កាត់​ត​​​​ខុស​​​ពី​​​ខ្លឹមសារ​​​ដើម​​​។ លោកបាន​មាន​ប្រសាសន៍​ថា “ ពួកគេ​ អាច​កាត់​ពី​កន្លែង​​នេះ ​ហើយ​យក​ទៅ​ដាក់​កន្លែង​នោះ និង​កាត់​ពីនោះយក​ទៅ​ដាក់​ត្រង់​នេះ។ ពួកគេ​អាច​ធ្វើ​បាន​គ្រប់យា៉ង គេ​អាច​កាត់​តសម្ដីនេះបាន​។ គេ​អាច​កែប្រែ​ និង​បំផ្លើស​បាន​។ ខ្ញុំ​គ្មាន​​ការ​សង្ស័យ​នោះ​ទេ”។

លោក​ កឹម សុខា ក៏បាន​មាន​ប្រសាសន៍​ផង​ដែរ​ថា ខ្សែអាត់សំឡេង​នោះ​គឺមិនមែន​ថត​នៅ​ក្នុង​ខេត្ត​ព្រៃវែង​ កាល​ពីថ្ងៃទី​១៨ ខែ​ឧសភា នោះទេ។
លោកបន្ត​ថា “ កាលពីថ្ងៃទី​១៨ ខែ​ឧសភាឆ្នាំ២០១៣ ខ្ញុំនៅក្នុង​ [ខេត្ត​] កំពង់ចាម ​ចូល​រួម​​នៅ​ឯ​វេទិកា​សាធារណៈ​​មួយ ជាមួយនឹង​ប្រជាពល​រដ្ឋរាប់ពាន់​នាក់។ នៅពេល​នោះ​ខ្ញុំមិន​បាន​និយាយ​អំពី​​គុក​ទួលស្លែងទេ។ កាលពីថ្ងៃទី​១៨ ខែឧសភា ឆ្នាំ២០១៣ ខ្ញុំមាន​សាក្សី មានរូបភាព​ មាន​​ខ្សែអាត់សំឡេង និង​មាន​ប្រជា​ពល​រដ្ឋ​រាប់ពាន់នាក់​ធ្វើ​ជា​សាក្សី​ទៀត​ផង​”។

ហើយ​ពាក់ព័ន្ធ​នឹង​ការ​ដែល​ខ្មែរ​ក្រហម​ក្លែង​បន្លំភ័ស្តុតាង​នៅឯពន្ធនាគារ​ទួលស្លែង​នោះ លោក​ កឹម សុខា បាន​ចោទ​ប្រកាន់​អតីត​
​កម្មាភិបាល​ខ្មែរ​ក្រហមដោយ​មិន​បញ្ចេញ​ឈ្មោះថា ថ្ងៃនេះ​គេ​បាន​ប្រើ​ប្រាស់​កល​ល្បិច​​​​ដដែល​ប្រឆាំង​នឹង​​គាត់។ លោកមាន​ប្រសាសន៍​ថា “ សូម្បីតែ​ពេល​នេះ ​ពួកគេ​ធ្វើ​ដូច្នេះ​ម្ដង​ទៀត​ គឺ​តាម​វិធី​របស់​ខ្មែរ​ក្រហម​ និង​ពួក​កុម្មុយនីស្ត​។ ពួកគេ​បង្កើត​ភ័ស្តុតាង​ក្លែង​ក្លាយ​ ដើម្បី​ចោទប្រកាន់​ខ្ញុំ ដូច​ពេល​ដែល​ពួកគេ​បាន​ធ្វើ​នៅ​ឯ​គុក​​ទួលស្លែង​ ពេល​ដែល​ខ្មែរ​ក្រហម​ចោទ​ប្រកាន់​ជន​រង​គ្រោះ ​​ចោទ​​ប្រកាន់​​ពួក​គេ​ថា ជា សេអុីអា (CIA) ឬក៏ កាហ្សេបេ (KGB)”។

លោក កឹម​ សុខា បាន​បន្ដ​ថា លោក​នាយក​រដ្ឋមន្ត្រី ហ៊ុន សែន ដែល​លើក​យក​ខ្សែអាត់​សំឡេង​មក​វាយ​ប្រហារ​លោក កឹម សុខា នៅ​ក្នុង​សុន្ទរកថា​មួយ​កាល​ពីថ្ងៃច័ន្ទនោះ គឺជា​អតី​ត​ទាហាន​ខ្មែរ​ក្រហម​មុន​ពេល​ផ្តាច់​ខ្លួន​​រត់​ទៅ​ប្រទេស​វៀតណាម ហើយ​ក្រោយ​មក​ក៏​បាន​មក​ជា​មួយ​​កង​កម្លាំង​វៀតណាម ដើម្បី​​ផ្ដួល​រំលំ​របប​ ប៉ុល ពត។ ចំណែក​​ លោក ហេងសំរិន ប្រធាន​រដ្ឋសភា​ និងលោក ជា ស៊ីម ប្រធាន​ព្រឹទ្ធសភា ដែល​មកពី​គណ​បក្ស​កាន់​អំណាច​ ក៏ធ្លាប់​ជា​ជន​ផ្ដាច់​ខ្លួនខ្មែរ​ក្រហម​​ដែរ​។

កាលពីម្សិលមិញ លោក កឹម សុខា ក៏​បាន​បញ្ជាក់​ឡើង​វិញ​ផង​ដែរ​​ពី​ការ​គាំទ្រ​របស់​​គណបក្ស​សង្គ្រោះ​ជាតិ​​ចំពោះ​ការ​អំពាវ​នាវ​​របស់​លោក ហ៊ុន សែន ​ឲ្យ​មាន​ច្បាប់​ថ្មីមួយ​ ដើម្បី​ដាក់ទោស​អ្នក​ដែល​បដិសេធ​​ថា​គ្មាន​ឧក្រិដ្ឋ​​កម្ម​ក្រោម​របប​ខ្មែរ​ក្រហម​នោះ ​​ដរាប​ណា​​​ច្បាប់​នោះ​មិន​​ធ្វើ​ឲ្យ​ប៉ះ​ពាល់​ដល់​​សិទ្ធិ​សេរីភាព​ក្នុង​ការ​បញ្ចេញ​មតិ​។

នុង​​ការ​​វាយ​បក​​មិន​ច្បាស់​លាស់​​ចំពោះ​​ការ​​​ដឹក​នាំ​របស់​គណ​បក្ស​កាន់​អំណាច​ លោក កឹម សុខា បាន​ស្នើ​សុំ​ឲ្យ​មាន​ច្បាប់​មួយ​ផ្សេង​ទៀត​​គឺ “ ជន​ណា​ដែល​មាន​តំណែង​ ឬ​មាន​​បាត​ដៃ​ប្រឡាក់​ឈាម​ក្នុង​របប​ខ្មែរ​ក្រហម​​មិន​គួរ​​អនុញ្ញាត​ឲ្យ​ធ្វើ​ជា​ថ្នាក់​ដឹកនាំ​កំពូល​ដូចជា នាយក​រដ្ឋ​មន្ត្រី ប្រធាន​រដ្ឋសភា និង​ប្រធាន​ព្រឹទ្ធសភា​រ​បស់​ប្រទេស​នេះ​”។

លោក​ កឹម សុខា បាន​មាន​ប្រសាសន៍​ថា លោក​នឹង​មិន​សូម​អភ័យ​ទោស​​ចំពោះ​អ្នក​ដែល​រួច​ជីវិត​ពី​​គុក​​ទួលស្លែង​ពីរ​បីនាក់ ដែល​បាន​ទាម​ទារ​កាលពីថ្ងៃសៅរ៍ ឲ្យ​លោក​សូម​អភ័យ​ទោស​ដោយ​ផ្ទាល់​ចំពោះ​ពាក្យ​សម្ដី​របស់​លោក​នោះ​ទេ​។ លោក កឹម សុខា បាន​មាន​ប្រសាសន៍​ថា ការ​សូម​អភ័យ​ទោស​គួរ​តែ​ចេញ​ពីអ្នក​ដែល​បាន​​បំផ្លើស​​ពាក្យ​សម្ដី​របស់គាត់​​វិញ​។

លោក កឹម​ សុខា បាន​បន្ដ​ថា ទោះជា​យ៉ាង​ណា ជំនួស​ឲ្យ​ការ​សូម​អភ័យទោស​ សមាជិក​ព្រឹទ្ធសភា មក​ពី​គណ​បក្ស​ប្រជា​ជន​កម្ពុជា​ចំនួន​៤២រូប បាន​ចុះហត្ថ​លេខា​លើ​លិខិត​មួយ​អំពាវ​នាវ​ឲ្យ​ប្រជា​ពល​រដ្ឋ​ខ្មែរ​ “ ថ្កោល​ទោស​ជន​ដែល​មាន​បំណង​អាក្រក់ ​បោក​ប្រាស់​ និង​ពិសពុល​”។ ប៉ុន្ដែ​ លោក បូ៊ ម៉េង អ្នក​រួច​ជីវិត​ពី​ពន្ធនា​គារ​ទួលស្លែង​ម្នាក់ ក្នុង​ចំណោម​អ្នក​រួច​ជីវិត​ផ្សេង​ទៀត បាន​មាន​ប្រសាសន៍​ថា លោក​សប្បាយ​ចិត្ត​ណាស់​ ដែល​បាន​ឮថា មេដឹក​នាំគណ​បក្ស​ប្រឆាំង​បាន​បដិសេធ​ថា​ លោក​មិន​បាន​ស្ដី​បន្ទោស​​ថា ពន្ធនាគារ​នេះ​ត្រូវ​បាន​រៀប​ចំ​ឡើង​ដោយ​វៀត​ណាមនោះ។

លោក​​មាន​ប្រសាសន៍​ថា “ មិន​ជា​​បញ្ហា​ទេ​ប្រសិន​បើ​គាត់​និយាយ​បែប​នេះ​​ ខ្ញុំសប្បាយ​ចិត្ត​ដែល​​បាន​ឮ​​ដូច្នេះ​”។​​​ នៅ​សន្និសីទ​​​សារព័ត៌​មា​ននោះ​​​​ លោក សុនឆ័យ​ ​​ក៏​បាន​​រិះ​គន់​​រដ្ឋា​ភ​ិ​បាល​​ចំពោះ​​​ការ​​​​​ព្យា​យា​ម​​​ភ្ជាប់​​រូបលោក​ទៅ​នឹង​​ចល​នា​​​អ​ំ​ណា​​ច​ពល​រដ្ឋ​ខ្មែរ​​​មា​ន​មូ​ល​ដ្ឋាននៅ​ក្រុ​ង​វ៉ា​ស៊ី​ន​តោន​ដែល​​គ​ណ​បក្ស​​ប្រ​​ជា​​ជន​កម្ពុជា​​ចោទ​ប្រ​កា​ន់​​ថា​ បាន​​​រៀប​ចំ​​ផែន​កា​រ​​ផ្តួ​ល​​រ​ំ​លំ​​រដ្ឋាភិបាល​​​និ​ង​​​​របប​​​រា​ជា​​និ​យ​ម​។

លោក​បា​ន​បញ្ជាក់​​​​ថា ​លោក​ស្ទើរតែ​​​មិនស្គាល់​​​​ក្រុម​នោះ​សោះ​​​ ​ពេល​លោក​ចូ​ល​​រួ​ម​​កិច្ច​ប្រ​ជុំ​​​របស់​​ចល​នា​​អ​ំ​ណា​ច​ពល​រដ្ឋ​​​​ខ្មែរនេះ​​​​ ប៉ុន្តែ​លោក​បា​ន​​ចាកចេញ​​ពី​​កិច្ច​​​ប្រ​​ជុំ​នេះ​​​ទាំង​​​មាន​​​ការ​​​អាក់​អន់​​​ចិត្ត​​​ចំពោះ​ទស្ស​ន​​​​​​របស់​​ពួ​ក​គេ​ ហើយ​បា​ន​​បដិ​សេធ​​ថា​​​ លោក​​​គ្មាន​​​ទំនាក់ទំនង​​​​​​​អ្វី​​​ជាមួយ​​​ក្រុមនេះ​​​ឡើយ​​​។
​លោក សុន ឆ័​យ ​​ដែល​សង្ស័យ​ថា​កា​រ​​បង្ហោះ​​រូ​ប​ភាព​​​​​លោក​​​​លើ​​គេ​ហ​ទ​ំ​​​ព័​រ​​​​​នគរ​បាល​​ជាតិ​ ​ជា​​កា​រ​​​សង​សឹក​ចំពោះការ​​​ធ្វើ​​​​​​​​ដំណើរ​​ក្នុងពេល​​​ថ្មីៗ​​​របស់​​​លោក​​​ទៅ​កាន់​​ខេត្ត​​រ​ត​ន​​គិរី​​ដើម្បី​​​លាតត្រដាង​​​អំពី​​​កា​រ​កាប់​​ឈើ​​ខុស​​ច្បាប់​​​លើ​​ដី​សម្បទាន​​​ដែល​​​ផ្តល់​​​​ដោ​យ​រដ្ឋា​ភិ​បាល​​​នោះ​​​ ​​​មាន​​​ប្រសាសន៍​​​ថា​​​“ ​​​ខ្ញុំ​​​​គិតថា​​​ រដ្ឋាភិបាល​​​មិនគិត​​​ពី​​​កិត្តិយស​​​ខ្លួនឯង​​​ទេ​​​ទើបបានជា​​​យក​​​​​​រូបភាព​​​ទាំងនេះ​​​មក​​​ធ្វើការ​​​ចោទប្រកាន់​​​​​​​​​ និង​​​បរិហារកេរ្ត៍​​​គេ​​​ដូច្នេះ​​​”​​​។

ចំណែក​​​​​​​លោក គង់ គាំ វិញ​​​បា​ន​​បដិ​សេធ​ជាថ្មី​ម្តង​ទៀត​​​​ចំ​ពោ​ះ​កា​រ​​អះ​អា​ង​ដែល​​ថា លោក​​​បា​ន​និយាយ​​​ថា ​ព្រះបរម​រតន​កោដ្ឋ​ ​​នរោត្តម សី​ហ​នុ ​​បា​ន​រៀប​ចំ​ផែនការ​​​ទម្លាក់​​​ទ្រង់​ពីអំណាច​​​​​ក្នុ​ង​ឆ្នាំ​​១៩៧០​។ អ​ង​​្គុយ​នៅ​មុខ​​បដា​​​មួ​យ​​​មាន​រូប​សញ្ញា​គ​ណ​បក្ស​​សង្គ្រោះ​​​ជាតិ​ ​​ទ​ង់​​ជាតិ​ និ​ង​ព្រះឆាយាលក្ខណ៍​​​​​​រាជ​​វង្សា​នុ​វង្ស លោក​ ​គង់ គាំ បា​ន​លើក​​សរ​សើរ​​​ព្រះ​​​ប​រម​​រត​ន​កោដ្ឋ​ ​ដែល​​បា​ន​ចូ​ល​​ទ​ី​​វង​្គត​ ដោ​យ​សារ​​គាំង​បេះ​ដូ​ង​កា​ល​ពី​ឆា្នំ​មុ​ន។

​​លោក គង់ គាំ ​មា​ន​ប្រ​សាសន៍​ថា “ តាំ​ង​​​ពី​ដើម រហូត​​ដល់​​ចប់ ព្រះ​​​បរម​​រត​ន​កោដ្ឋ​ នរោត្ត​ម សី​ហនុ ​គឺ​ជា​មេដឹក​នាំ​ ដែល​​បាន​​​ប្រយុទ្ធប្រ​ឆំាង​នឹង​​​​​​យួ​ន​”។ លោក ឯក ​ថា ​​អ្នក​នា​ំ​​ពាក្យ​​​​អ​ង​្គ​ភាព​​ព័ត៌​មា​ន​​​​និ​ង​ប្រតិកម្ម​​រហ័ស ​​ដែល​​បាន​​​ផ្សព្វផ្សាយ​​​កា​រ​ធ្វើ​​​អត្ថា​​​ធិ​ប្បាយ​​​​របស់​លោក កឹម សុ​ខា ​​អ​ំ​ពី​គុក​​ទួ​ល​ស្លែងនោះ​​​ បាន​​​ប្រកាន់​​​តាម​​​ការ​​​​​អះ​​អា​ង​​របស់​រដ្ឋា​ភិ​បា​ល​​​ដែលថា ការថ្លែង​​​​នេះ​​បាន​​​ធ្វើ​​ឡើ​ង​​នៅ​ក្នុង​ខេត្តព្រៃ​វែង​កា​ល​ពី​ថ្ងៃ​​​ទី​១៨​​ខែ​​ឧស​ភា ​ហើយ​​​បាន​​​សង្កត់​​​ធ្ងន់​​​​ថា ​ពាក្យសម្តី​​របស់​លោក​ កឹម​​​ សុខា​​​ មិន​ត្រូវបាន​​​កាត់ត​​​សោះឡើយ​​​​។ ​​លោកមា​ន​ប្រ​សាស​ន៍​ថា “ យើង​មិន​​បា​ន​កាត់ត​​​ខ្សែអាត់​​​នោះ​​​​ទេ។ យើង​មិ​ន​បា​ន​ប្រឌិត​​​​ទេ​។ យើង​គ្រាន់​តែ​​ចាក់​​ផ្សាយ​អ្វី​​ដែល​គាត់​បា​ន​និ​យាយ​​ប៉ុណ្ណោះ​”។

​​នៅពេល​​​ត្រូវបាន​​​​​​​សួរ​អ​ំ​​ពី​​ប្រភព​​ខ្សែ​​​អាត់​សំឡេង​នោះ លោក ឯក ថា ​​​បាន​មាន​ប្រ​សា​ស​ន៍​ថា ​ខ្សែអាត់​​​នេះ​​​បានមក​​​​​​ពី​ “ ប្រភព​ផ្សេងៗ​​គ្នា”។ លោក​​​បាន​​​បដិសេធ​​​មិននិ​យាយ​ថា​តើ​​​ប្រភព​​​ទាំងនោះ​​​ជា​​​​នរ​ណា​​​ ឬ​​សូ​ម្បី​តែ​​​​មូ​ល​ហេតុ​ដែល​​​លោក​​​មិនព្រម​​​បញ្ចេញ​​​​​អត្ត​សញ្ញាណ​​​របស់​​ពួ​ក​គេ​​​ទេ​​​ ដោយ​​​គ្រាន់​​​តែ​​​បាន​​​​​បញ្ជាក់​ថា ​ខ្សែ​​​អាត់​នេះគឺ​ “ ​​ពិត​​ប្រាកដ​ណាស់”៕

ប្រែ​សម្រួល​ដោ​យ ហម សុផាណ្ណា​ និង ចេវ ប៊ុននី

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស