34 C
Phnom Penh

ចៅក្រម​​​សាលា​​​​​​ដំបូងខេត្ត​​​កំពតសាកសួរ​​​បុរស​​​បែលហ្សុិក​​​​​​ ពាក់ព័ន្ធ​​​នឹង​​​ការ​​​ស្លាប់​​​របស់​​​​ស្រ្តីជន​​​ជាតិ​​​បារាំង

ដោយ ឌឹ ខេមបូឌា ដេលី

បទវិភាគ

មន្ត្រី​​​តុលាការ​​​មួយរូបបាន​​​ឲ្យ​​​ដឹង​​​ថា កាល​ពីម្សិល​​​មិញ ​​​សាលា​​​ដំបូង​​​ខេត្ត​​​កំពត បាន​​​សាក​​​សួរ​​​បុរស​​​ជន​​​ជាតិ​​​បែលហ្សុិ​ក​​​ម្នាក់ ដែល​​​ត្រូវ​បាន​​​ចោទប្រកាន់​​​ថាបាន​​​​​​សម្លាប់​​​ស្ត្រី​​​ជន​​​ជាតិ​​​បារាំង​​​ម្នាក់​​​។

គួររំឭក​​​ថា​​​ លោក អូលីវើ វ៉ាន់ដេ​​​ន ​បូហ្គេត​ (Olivier Van den Bogaert) អាយុ​​​៤០ឆ្នាំ​​​ ត្រូវ​​​បាន​​​ចាប់​​​ខ្លួ​​ន​​​ និងចោទ​​​ប្រកាន់​​​កាលពីខែ​​​មុនពី​​​បទ​​​សម្លាប់​​​ស្ត្រី​​​​​​អាយុ​​​២៥ឆ្នាំ ម្នាក់​​​ឈ្មោះ​អូហ្វេលី បេ៊កនី (Ophelie Begnis)រយៈពេល​​​ជាង​​​ពីរខែ បន្ទាប់​​​ពី​​​សាក​​​សព​​​អាក្រាត​​​កាយ​​​របស់​​​នាង​​​ត្រូវ​​​បាន​​​ប្រទះ​​​ឃើញ​​​ដោយ​​​មាន​​​ស្នាម​​​របួស​​​​​​លើ​​​ដៃ​​​ទាំង​​​ពីរ​​​និង​​​ក្បាល​​​របស់​​​នាង​​​នៅលើ​​​មាត់​ស្ទឹង​មួយ​​​កន្លែងក្នុង​​​ក្រុង​​​កំពត​​​កាល​​​ពី​​​ថ្ងៃទី១០ ខែកុម្ភៈ។

លោក ហុង សុគន្ធវឌ្ឍនា ចៅក្រម​​​ស៊ើប​​​សួរ​​​ ​​​បាន​​​បញ្ជាក់​​​ថា លោក​​​បាន​​​សាក​​​សួរលោក​​វ៉ាន់ដេន បូហ្គេត កាលពី​​​ម្សិល​​​មិញ ប៉ុន្តែ​​​បាន​​​បដិសេធ​​​មិន​​​ធ្វើ​​​អត្ថា​​​ធិ​​​ប្បាយ​​​បន្ថែម​​​ឡើយ​​​។

បច្ចុប្បន្ន​​​​​​ ជន​​​សង្ស័យ​​​រូបនេះ​​​កំពុង​​​ត្រូវ​​​បាន​​​ឃុំ​​​ខ្លួន​​​នៅ​​​ពន្ធនាគារ​​​ខេត្ត​​​ ហើយ​​​លោក ​ឃុន ​សុផល ដែលជា​​​មេធាវី​​​របស់​​​លោក​​​​​​ បាន​​​អះ​អាង​​​ថា គ្មាន​​​ភ័ស្តុតាង​​​ណា​​​មួយ​​​ត្រូវ​​​បាន​​​រក​​​ឃើញ​​​​​​ដើម្បី​​​ដាក់​​​បន្ទុក​​​លើ​​​កូន​​​ក្តី​​​របស់​​​លោក​​​ទេ​​​​​​ ដោយ​​​បាន​​​​​​បន្ថែម​​​ថា លោក​​​នឹង​​​ដាក់ពាក្យ​​​ធានា​​​​​​ឲ្យ​​​លោក​​​ វ៉ាន់​​​ដេន បូហ្គេត ស្ថិត​​​នៅ​​​ក្រៅ​​​​ឃុំ​​​​​​បណ្តោះអាសន្ន​​​។

លោក ឃុន សុផល បាន​​​មាន​​​ប្រសាសន៍​ថា “ យើង​​​កំពុង​​​រៀបចំ​​​ឯកសារ​​​សម្រាប់​​​ធានា​​​រូប​គាត់​ឲ្យ​​​​​​នៅក្រៅ​​​ឃុំ​​​បណ្តោះអាសន្ន​​​​​​”។ លោក ឃុន សុផល​ បា​​ន​​​​​​ឲ្យ​​​ដឹង​​​​​​ថា ខ្លួន​​​​​​មិន​​​បាន​​​ទទួល​​​ព័ត៌មានអំពី​​​​​​​​​សំណាក​ឌី​អិន​អេ ​(DNA) ដែល​​​អាជ្ញាធរ​​​បារាំង​​​ប្រមូល​​​បាន​​​ពី​​​សាក​​​សព​​​​​​ជន​​​រង​​​គ្រោះ​​​ភ្លាមៗ​​​ក្រោយ​​​ការ​​​ស្លាប់​​​របស់​​​នាង​​​ទេ។

ទាំង​​​ស្ថានទូត​​​បារាំង​​​ និង​​​ស្ថានកុងស៊ុល​​​​​​បែលហ្សុិក បាន​​​បដិសេធ​​​មិ​​ន​​​ធ្វើ​​​អត្ថា​​​ធិប្បាយ​​​អំ​​​ពី​​​រឿងក្តី​​​នេះ​​​ ដោយបាន​​​​​​លើក​​​ហេតុ​ផល​ថាការ​​​ស៊ើប​​​អង្កេត​​​កំពុង​​​​​​បន្ត​​​នៅឡើយ​​​៕​​​

ប្រែសម្រួលដោយ ស៊ុំ សុខភុំ

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស