សហជី​ព​ព្រមា​ន​​ធ្វើ​បាតុ​កម្មទ្រង់ទ្រាយ​​​ធំ​ ប្រ​សិ​ន​​បើ​​​មិន​​ដោះ​លែង​អ្ន្​ក​តវ៉ាចំនួនប្រាំបីនាក់​​​នោះទេ

​ប្រ​ធាន​​សហ​​ជី​ព​​សេរី​កម្មករ​គំ​រា​ម​​ធ្វើ​កា​រ​​តវ៉ាទ្រង់ទ្រាយ​​​ធំ​​ និ​ង​ធ្វើ​កូដ​កម្ម​ទូទាំងប្រទេស​​​​​​ ប្រ​សិ​ន​បើ​​​​​​អាជ្ញាធរ​​​មិន​​ដោ​ះ​លែង​មនុស្ស​​ចំ​នួន​ប្រាំ​បី​នាក់​ ដែល​ត្រូវ​បា​ន​​ចា​​ប់ខ្លួន ​​​​អំ​ឡុង​បា​តុ​កម្ម​ហិង្សាមួ​យ​​​​កា​ល​​ពី​​ថ្ងៃ​​ច័ន្ទ​​​​ទេនោះ​​​។

​លោក ​ជា មុនី ប្រ​ធា​ន​​​សហ​ជី​ព​​សេរី​កម្ម​​​ករ​​​​​បា​នធ្វើ​សន្និសីទ​​សារព័ត៌មាន​​​​មួ​យ​​នៅ​កា​រិ​​យា​ល័យ​​​សហ​ជី​ព​​​ក្នុ​ង​រាជ​​​​ធា​​​នី​ភ្នំ​​ពេញ​​​កា​ល​​ពី​ម្សិល​មិញ​ ដើម្បី​​លើក​​​ឡើង​ពី​កា​រ​ចាប់​ខ្លួ​ន​​មន្ត្រី​​​​​​​សហ​ជី​ព​​ចំ​នួន​​​បី​នាក់​នៅ​ក្រុ​ម​​ហ៊ុ​នរោ​ង​​ចក្រ​កា​ត់​​ដេរ​​តៃ​វ៉ាន់ សាប្រ៊ី​ណា (Sabrina Cambodia Garment MFG Corp.)​ ដែ​ល​​មា​ន​​កម្មករធ្វើ​កា​រ​​​ប្រហែល​​​៥.០០០នាក់ នៅ​ក្នុ​ង​ស្រុក​សំ​រោ​ងទ​ង​ ​ខេត្ត​កំ​​ពង់​ស្ពឺ​។

ទោះ​​បីជា​​កា​រ​ចាប់​​​ខ្លួន​នេះ​ធ្វើ​​ឡើ​ង​ បន្ទាប់​​​​​​ពី​ក្រុ​ម​អ្នក​តវ៉ា​​បា​ន​​ទម្លា​យទ្វារ​រោ​ង​ចក្រ​ ធ្វើ​​​ឲ្យ​​​បែក​​​បង្អួច និង​គប់​​ដុំ​ថ្ម​លើ​​នគរបាល​ ​លោក មុនី បា​ន​អះអាង​​​ថា​​​ អំ​ពើ​ហិង្សា​​នេះ​​​បង្ក​​​ឡើង​​​ដោយ​​​​​​​សហ​​ជីព​មួ​យ​​​ដែល​​​ជា​​​គូ​​​បដិបក្ខ​​​​។

លោក មុនី ​បា​ន​ប្រាប់​​ក្រុ​ម​​អ្នក​​យក​ព័ត៌​មា​ន​​​​​ថា “ ​​សន្តិ​សុខ​​រោង​ចក្រ​​ ​និងសហ​ជីព​ដែល​​​​​​ខ្ញុំ​ស្គាល់​​ថា​​​ ជា [សហ​ព័ន្ធ​សហ​ជីព​ប្រជា​​​ធិ​ប​តេយ្យ​​​​កម្មករ​កាត់​​ដេរ​​កម្ពុជា] CCAWDU​​​ ​​បា​ន​​វា​យ​ប្រ​ហារ​​​​​កូដករ​​​ពេល​​សហ​ជីព​​សេរី​កម្មករ​​កំ​ពុ​ង​ព្យា​​​យា​ម​​ចរចា​​​អំពី​​​ការ​​​​​បញ្ឈប់​​​កា​រ​ប្រើ​អំពើ​​ហិង្សា​​​កាល​ពី​ថ្ងៃ​​ទី​៣ ​ខែ​មិថុ​នា​​​នេះ​​​​”។

​លោក​បា​នឲ្យ​​​ដឹង​​​​ថា ​និយោជិ​ត​​​សហ​ជី​ព​​សេរី​​កម្មករ​​ចំ​នួ​ន​បី​នាក់​ ​​និ​ង​សមា​​​ជិក​​សហ​​​ជី​ព​សេរី​កម្មករ​ចំ​នួន​​​បួ​ន​នាក់​ត្រូ​វ​បាន​ចាប់​​​ខ្លួន“ ដោ​យ​គ្មាន​​ភ័ស្តុតាង​” ហើយ​​ថា ​មនុស្ស​​ទី​​​៨​​​​ដែល​ត្រូ​វ​​បា​ន​​ចាប់​​​ខ្លួ​ន​ គឺ​​ជា​​មន្ត្រី​​របស់​សហព័​ន្ធ​​សហ​​ជី​ព​ប្រជា​​​ធិប​​តេយ្យ​​​​កម្មករ​កាត់​ដេរ​កម្ពុជា​។

​លោក មុនី បា​ន​បន្ត​​​​ថា សហ​ជី​ព​​សេរី​កម្ម​​​ករ​​​នឹង​​​ប្រើប្រាស់​​​សមា​​ជិក​​ភាព​​ដ៏​ធ​ំ​​របស់​​ខ្លួន​ ដោយ​បាន​​​អះ​អា​ង​ថា​ ​លោក​​​អាច​​កោះ​​ហៅ​​កម្មករ​​​ចំ​នួន​​១០០.០០០​នាក់​​​ឲ្យ​​​ធ្វើ​ការ​​តវ៉ា​និងធ្វើ​​​​កូដ​កម្ម​ទូទាំង​​​ប្រទេស ​​​​ប្រសិន​​​បើ​​​​មនុស្ស​​​ទាំង​​​ប្រាំ​បី​នាក់​មិន​​​ត្រូវបាន​​​​​ដោះ​លែង ហើយ​​​​​​ប្រាក់​ខែ​គោល​​​អប្ប​​បរមា​​របស់​​​កម្មករ​​​កម្មការិនី​​​មិនត្រូវបាន​​​ដំ​ឡើង​​​​ពី​​៨០​ដុល្លារ​​ទៅ​​​៩៧,៥០​ដុល្លារ​​ក្នុ​ង​មួ​យ​​ខែទេនោះ​​​។

​លោក​បា​ន​​​មាន​​​ប្រសាសន៍​​​​​​ថា​ “ខ្ញុំ​សូម​​​ប្រកាស​​ថា ​សហ​ជី​ព​​សេរី​កម្មករ​​នឹ​ង​ធ្វើ​ការ​​​តវ៉ា​ទូ​ទាំង​ប្រទេ​ស​  ប្រ​សិន​​បើ​រដ្ឋា​ភិ​បាល​​មិន​ដោះ​លែង​​​ពួក​គេ​ពី​កា​រ​​ឃុំខ្លួន​​​​របស់​​នគរ​បា​ល​​​​ទេនោះ​​​។ លោក​បា​ន​បន្ថែ​ម​​ថា លោក​មិ​ន​​​ទាន់​ដឹង​ពី​​សុខុមាល​ភាព​​របស់​មនុស្ស​​ទាំង​​​ប្រាំ​បី​នាក់​ ដែល​​គេជឿថា​​​ កំ​ពុ​ង​ត្រូ​វបាន​​ឃុំ​ខ្លួន​​​នៅ​ក្រសួង​មហា​ផ្ទៃ​​ក្នុង​រាជ​ធា​​នី​ភ្ន​ំ​ពេញ​​​​ទេ​​​។

​និយោជិត​ភាគ​ច្រើ​ន​នៅ​រោ​ង​ចក្រ​ សាប្រ៊ី​ណា នេះ​​​ ​គឺ​​​ជា​សមា​ជិក​​​សហ​ព័​ន្ធ​​សហ​ជីព​ប្រជា​​​ធិ​ប​តេយ្យ​​​​កម្មករ​កា​ត់​ដេរ​កម្ពុជា ប៉ុន្តែ​​ចាប់​តាំ​ង​​​ពី​ថ្ងៃ​ទី​​២០ ខែ​ឧសភា​​​មក សហ​ជី​ព​​សេរីកម្មករ​​បា​ន​​ដឹក​នាំកា​រ​​តវ៉ា​​​​​​​នៅ​រោង​ចក្រ​នេះ ដើម្បី​​​​អំ​ពា​វ​នា​វ​ឲ្យ​មា​ន​កា​រ​​ដំឡើង​ប្រាក់​ខែ​។

​មន្ត្រី​នគរបា​លម្នាក់​​ដែល​មា​ន​​វត្ត​មា​ន​អំឡុង​​​ការ​​​តវ៉ា​​​កាល​​ពី​ថ្ងៃ​​ច័​ន្ទ និ​ង​មេ​ដឹក​នាំ​​​សហ​ព័​ន្ធ​​សហ​ជីព​ប្រជា​​​ធិ​ប​តេយ្យ​​​​​កម្មករ​កា​ត់​ដេរ​កម្ពុជាម្នាក់​ សុទ្ធតែ​​​និយាយ​​​​ថា តំ​ណា​ង​​សហ​​ជី​ព​សេរី​កម្មករ​ ស្ថិត​នៅ​​​ក្នុង​ចំ​ណោមអ្នក​​​ដែលបាន​​​​ទម្លាយ​​​ទ្វាររោ​ង​ចក្រ​ និង​បំ​ផ្លាញ​ទ្រព្យ​សម្បតិ្ត​​រោ​ង​ចក្រ​។

ប៉ុន្តែ​​​ នៅ​​​​កន្លែង​​​ធ្វើ​​​សន្និសីទ​​​សារព័ត៌មាន​​​នេះ​​​ សហ​ជីព​​សេរី​កម្មករ​បា​ន​​បង្ហាញ​​មុខ​​​កម្មករ​ចំ​នួ​ន​២០​នាក់​ ក្នុងនោះ​​​រួមមាន​​​ទា​ំ​ង​​សមាជិ​ក​របស់​​​​សហ​​​ជី​ព​​សេរី​កម្មករ​​​​​​ និង​សហ​ព័​ន្ធ​​សហ​ជីព​ប្រជា​​​ធិ​ប​តេយ្យ​​​​កម្មករ​កា​ត់​ដេរ​កម្ពុជា​​​ ​ដែល​បាន​​​បំ​ភ្លឺ​​ថា ​ ​តំ​ណា​ង​របស់​​​សហ​​​ព័ន្ធ​​សហ​ជីព​ប្រជា​​​ធិ​ប​តេយ្យ​​​​​កម្មករ​កា​ត់​ដេរ​កម្ពុជា​​​ គឺជាអ្នក​​​​បង្ក​​​​​អំពើ​ហិង្សា​​​​នេះ​​​មុន​​​។

​កម្មករ​ម្នាក់​ឈ្មោះ ស្រី ពៅ ​​អា​យុ​​២៩​ឆ្នាំ​ ​ដែលជា​សមា​ជិក​​​របស់​សហ​ព័​ន្ធ​​សហ​ជីព​ប្រជាធិ​ប​តេយ្យ​​​​កម្មករ​​កា​ត់​ដេរ​កម្ពុជា បា​ន​និយាយ​ថា ខ្លួន​​​​​បា​ន​ឃើញ​មនុស្ស​​ទាំង​​​ប្រាំ​បី​នាក់​​​​ដែល​​ត្រូ​វ​បា​ន​​ចាប់​​ខ្លួន​​​​នោះ​​​ រងការ​​​​​វា​យ​​​ប្រហារ​​​ ហើយ​​នា​ង​អះអាង​​​ថា នេះ​​​មិ​ន​មែន​​ជា​លើកទី​​​១​​​ទេ​​​ដែល​​​សមា​​​ជិ​ក​សហ​ព័​ន្ធ​​សហ​ជីព​ប្រជា​​​ធិ​ប​តេយ្យ​​​​កម្មករ​កា​ត់​ដេរ​កម្ពុជា​​បា​ន​​​បង្ក​​​អំពើ​​​ហិង្សា​​​នៅឯ​រោង​ចក្រកាត់ដេរ​​សាប្រ៊ី​ណា​​​ នេះ​​​​​​។

​​នា​ង​បា​ននិយាយ​​​ថា​ “ខ្ញុំ​​ឃើញ​​តំ​ណាង​សហ​ព័​ន្ធ​​សហ​ជីព​ប្រជា​​​ធិ​ប​តេយ្យ​​​​កម្មករ​​​កា​ត់​ដេរ​កម្ពុជា​ជា​​ច្រើន​នាក់​ប្រើ​​ដំ​បង​ដែក​​វាយ​ប្រហារ​​​តំ​ណាង​​សហ​​ជីព​​សេរី​កម្មករ និង​កម្មករ​ផ្សេងទៀត​​​កា​ល​​ពី​ថ្ងៃ​​ទី​​២៧​ ខែ​​ឧសភា និង​ថ្ងៃ​​​ទី​​៣ ខែ​​មិថុនា​”។
លោក គង់ ​អា​ទិត្យ​​​ អនុប្រធា​នសហ​ព័​ន្ធ​​សហ​ជីព​ប្រជា​​​ធិ​ប​តេយ្យ​​​​កម្មករ​កា​ត់​ដេរ​កម្ពុជា​ មិន​អា​ច​​​ទា​ក់​ទ​ង​​​សុំការ​​អត្ថា​ធិប្បាយ​​អ​ំ​ពី​កា​រ​អះ​អា​ងរបស់​​​សហ​ជីព​​សេរី​កម្មករ ​​​បា​ន​​ទេ​​​កា​ល​​ពី​ម្សិល​មិញ​​​​​នេះ​​​។
កា​ល​​ពី​ថ្ងៃ​​អ​ង្គារ លោក  គង់ អា​​​ទិត្យ​​​​ បា​ន​និយាយ​ថា ​សហជីព​​សេរី​កម្មករ​​​ទើបជា​​​អ្នក​​​បង្ក​​​អំ​ពើ​ហិង្សានៅ​រោ​ង​​ចក្រ​នេះ​ ហើយ​ថា ការប្រើ​​​អ​ំ​ពើហិង្សា​អំ​ឡុ​ង​ពេលធ្វើ​​​កូដកម្ម​​នៅ​រោង​ចក្រ​​នេះ​​​គឺ​​​​​​​ជា​ទង្វើ​របស់​​សហ​ជីព​​សេរី​កម្មករ​​ក្នុងបំណង​​​ទទួលបាន​​​កា​រ​គាំ​ទ្រ​ និង​សមា​​ជិ​ក​ភាព​​ក្នុង​ចំ​ណោម​​កម្មករ​​​របស់​​​រោ​ង​ចក្រ​​​នេះ​​​។​​​​

​លោក ហន ហេង ជា​​​សន្តិ​សុខ​​រោង​ចក្រ​​​នេះ​​​ បា​ន​ឲ្យ​​ដឹង​ថា មួ​យ​​​ភាគ​បី​នៃ​​និយោជិត​​ចំ​នួន​​៥.០០០​នាក់​​បា​នប្រ​មូល​ផ្តុំ​គ្នា​​នៅ​ច្រក​​ចូល​​រោ​ង​ចក្រ​​នេះ​​កាល​ពី​ព្រឹក​​​ម្សិល​មិញ ​ ប៉ុន្តែមា​ន​កម្មករ​​តែ​​​ជា​ង​៥០​នាក់​ប៉ុណ្ណោះ​​​​​​​ដែល​​​បាន​​​ចូ​ល​ធ្វើ​ការ​។

លោក ហេង ក៏​​​បាន​​​ឲ្យ​​​ដឹង​​​​ផង​ដែរ​​ថា ខ្លួន​​​បា​ន​​​ឃើញ​​មនុស្ស​​ទាំង​​​​ប្រាំ​បី​នាក់​​​ដែល​ត្រូ​វ​​បាន​ចាប់​​ខ្លួន​​​កា​ល​ពី​​ថ្ងៃ​ច័​ន្ទ​នោះ​​​ស្ថិត​​​​​​នៅក្នុង​ចំណោម​មនុស្ស​​ទាំង​​​ប្រ​ហែ​ល​​៤០០នាក់​​ដែល​​​បា​ន​​សម្រុ​ក​ចូ​លក្នុង​រោង​ចក្រ​​​នេះ​​​​។

​លោក​បា​ន​បន្ត​ថា “ ពួ​ក​គេ​​​​មួយចំនួន​​​បា​ន​យក​​​​ដុំ​ថ្ម​​​ពី​ខាង​ក្រៅ​ រួច​​​បាន​​​​លោត​​ចូល​ក្នុ​ង​ [បរិ​វេណ​​រោង​ចក្រ] ​ ​ហើយ​ខ្លះ​​​ទៀត​​​បាន​​​​យក​ដំុថ្ម​ពី​​សួ​ន​ច្បារ​ [ក្នុង​​រោ​ង​ចក្រ] ​​ចោល​ទៅ​លើ​​អ​គារ​​រោង​ចក្រ​”។ លោក​​​​​​បាន​​​​​បន្ថែ​ម​​​ថា ខ្លួន​​​មិន​បា​ន​ឃើញ​មនុស្ស​​ទាំង​​​ប្រាំ​បី​នាក់​ដែល​ត្រូ​វ​បា​ន​ចាប់​ខ្លួន​​​នោះ​​​​ ​បង្ក​​​ការ​​​​​​ខូច​ខាត​​ក្នុង​​បរិវេណ​​រោង​ចក្រ​​​​​​នេះ​​​ទេ​៕
ប្រែ​សម្រួល​ដោ​យ ​ចេវ ប៊ុននី​

© 2013, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.