34 C
Phnom Penh

ស្ត្រី​ប​ម្រើ​តា​ម​​ផ្ទះ​​​នៅ​ប្រទេស​ម៉ាឡេស៊ីដែលត្រូ​វ​បាន​​រំ​លោភ​បំ​ពាន​ត្រឡប់​​​​​មក​​កម្ពុជា​វិញ​​ហើយ​

ដោយ ឌឹ ខេមបូឌា ដេលី

បទវិភាគ

ស្ត្រី​ខ្មែរ​​​​​អាយុ​​​២៤​​​ឆ្នាំ​​​ម្នាក់ ដែល​​​ត្រូវគេ​​​​​វាយ​ដំ​​​​និង​​​បង្ខំ​​​ឲ្យ​​​ធ្វើការ​​​ជា​​​ច្រើន​​​ម៉ោង​​​ដោ​យ​​​​​គ្មាន​​មេត្តា​ ​​​ជាអ្នក​​​បម្រើ​​​តាម​​​ផ្ទះ​​​​​​នៅ​ប្រទេស​​​ម៉ាឡេសីុ​នោះ បាន​​​​ត្រឡប់​​​មក​​​ប្រទេស​​​កម្ពុជា​​​វិញ​​​ហើយ​កាល​​​ពី​​​ម្សិលមិញ​​​។

ឈ្មោះ ហ៊ាង សុខណា ​​​មក​​​ពី​​​ស្រុក​​​ក្រូច​​​ឆ្មា​​​ខេត្ត​​​កំពង់ចាម ​​​ត្រូវ​​​បាន​​ទីភ្នាក់ងារ​​​​ជ្រើស​រើស​​​​ពលករ​​​ RTC ជ្រើស​រើស​ក្នុង​​ឆ្នាំ​​​២០០៦​​​​ឲ្យ​ទៅ​បម្រើ​​​ការតាម​​​ផ្ទះ​​​នៅ​​​ក្នុង​ប្រទេស​​​ម៉ាឡេសីុ​​​។

អំឡុងការ​​​ស្នាក់​​​នៅ​​​រយៈ​​​ពេល​​​ជាង​​​បី​​​ឆ្នាំ​​​នៅ​​​ទី​​​ក្រុង​​​គូឡាឡាំពួ ហ៊ាង​​​ សុខណា បាន​​​និយាយកាល​​​ពី​​​ម្សិលមិញ​​​ថា នាង​​​ត្រូវ​​​បាន​​​គេ​វាយ​​​ធ្វើ​​​បាបរា​ល់​ថ្ងៃ និង​​​មិនដែល​​​ផ្តល់​​​ម្ហូប​អាហារ​​​បរិ​ភាគ​ឲ្យ​​​បាន​​​គ្រប់គ្រាន់​នោះ​​​ទេ​​​។

នាង​​​បាន​​​និយាយ​​​ថា “ ខ្ញុំ​​​ត្រូវ​​​គេ​​​បង្ខំ​​​ឲ្យ​​​ធ្វើ​ការ​​​រយៈពេល​​​២៤ម៉ោង​​​នៅ​​​ក្នុងផ្ទះ​​​របស់​​​ពួកគេ​​​ នៅ​​​ក្នុង​​​រោង​​​ចក្រ​​​ផលិត​​គ្រឿង​​​សង្ហារិម​​​​របស់​​ពួ​ក​គេ និង​នៅ​​​ផ្ទះ​​​សំណាក់​​​របស់​​​ពួកគេ​​​ហើយ​​​ថៅ​កែ​របស់​​​ខ្ញុំ​​​បាន​​​ប្រើ​​​ដបទឹក​​​ដែក​​​វាយ​​​​ក្បាលខ្ញុំ​​​និង​​​បោច​​​សក់​ខ្ញុំ​​​។ ពួកគេ​​​បាន​​​វាយ​​​ខ្ញុំ​​​៣ឬ៤ដង​​​ជា​​​រៀង​រាល់ថ្ងៃ​​​”។

បន្ទាប់​​​ពី​​​រត់គេច​​​ខ្លួន​​​នៅ​​​ពេល​​​ព្រឹក​​​ព្រលឹម​​​មួយ​​​នៅ​​​ពេល​​​ដែល​​​ថៅ​កែ​​​​របស់​​​នាង​​កំពុង​​ដេក​លង់​លក់​ ​​​ ហ៊ាង សុខណា​​​ បាន​​​​​​​រក​​​ការងារ​​​ធ្វើ​​​​នៅ​ក្នុង​​​​គ្រួសារ​​​មួយ​ទៀត ​​​ដែល​​​នាង​​​បាន​​​និយាយថា​​​ បាន​ធ្វើ​​​​ល្អ​​​​ចំពោះ​នាង​ដោយ​ឲ្យ​​​​នាង​​​​ស្នាក់​​​នៅ​​ជា​មួយ​ពួកគេ​​​រយៈ​​​ពេល​ប្រហែល​​​​​ពីរ​​​ឆ្នាំ​​​ទៀត។

ការវិល​​​ត្រឡប់​​​របស់​​​នាង​​​ត្រូវបាន​​​មជ្ឈ​មណ្ឌល​​​អប់​រំ​ច្បាប់​សម្រាប់​សហគមន៍ ដែល​​​ជា​​អង្គ​កា​រ​​​ក្រៅ​​រដ្ឋា​ភិ​បាល​ផ្តល់​​​​ជ​ំ​នួយ​ផ្នែ​ក​ច្បាប់​​​កម្ពុជា និង​អង្គការ ​​​​​​​តេណា​ហ្គានីតា​(Tenaganita)​ ដែល​​​ជា​​អ​ង​្គការ​ក្រៅ​​រដ្ឋា​ភិ​បាល​​​ផ្នែក​សិទ្ធិ​ស្ត្រី​​នៅ​ម៉ា​ឡេស៊ី​​​ជួ​យ​បន្ទាប់​​ពី​ថៅ​កែ​របស់​​នា​ង​នា​ំ​នាង​​​ទៅ​​ស្ថាន​​ទូ​ត​កម្ពុជា​​​ក្នុ​ង​ប្រទេ​ស​​​​ម៉ា​ឡេស៊ី​៕
ប្រែសម្រួលដោយ ស៊ុំ សុខភុំ

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស