29 C
Phnom Penh

ចំនួន​​អ្នក​ស្លាប់​ដោយសារ​​​រន្ទះ​បាញ់​ឆ្នាំ​នេះ​កើន​ឡើងដល់​​​៧២​នាក់​

ដោយ ឌឹ ខេមបូឌា ដេលី

បទវិភាគ

មន្ត្រី​​រដ្ឋា​ភិ​​បា​ល​ម្នាក់​​​បា​ន​និយាយ​កា​ល​ពី​ម្សិលមិញ​ថា ​​ ក្នុង​ឆ្នាំ​នេះ​ រន្ទ​ះ​​បា​ន​បាញ់​សម្លាប់​​មនុស្ស​​ចំនួន​​៧២​នាក់​​ ហើយ​នេះ​ទើប​​តែ​​​​ដើម​​​​​​​​ខែ​មិថុនា​​ប៉ុណ្ណោះ​។​

​​លោក កែវ វី អនុប្រធាននាយកដ្ឋាន​ព័ត៌មា​ន​នៃ​​​គ​ណ​ៈ​កម្មាធិការ​​ជាតិ​​គ្រប់​គ្រង​គ្រោះ​ម​ហន្ត​រាយថ្លែង​ថា​“ នេះ​ជា​​​ការ​កើន​​ឡើង​ខ្លាំ​ង​មួ​យ​ បើ​ធៀប​​​នឹ​ង​រយៈពេល​​​ប្រាំ​​មួ​យ​ខែ​ដំបូង​​កា​ល​​ពី​ឆ្នាំ​មុ​ន ​ដែល​​ពេល​នោះ មាន​​​មនុស្ស​​តែ​​​៥០​នាក់​ ត្រូវ​​​រន្ទះ​បាញ់​​ស្លាប់​”។

​​មន្ត្រី​នគរបាល​​មូ​ល​ដ្ឋាន​​បា​ន​ឲ្យ​ដឹង​កាល​​ពី​ម្សិល​មិញ​​​​ថា កា​រ​ស្លាប់​មនុស្ស​​ពីរ​នាក់​​ចុ​ង​ក្រោ​យ​​ កា​ល​​ពី​ថ្ងៃ​ច័ន្ទ​ បាន​កើត​ឡើង​​នៅ​ក្នុ​ង​ឧបទ្ទវ​ហេតុ​​ពី​រ​ដោ​យ​​ឡែក​ពី​គ្នា​​​​​ គឺ​មួយ​នៅ​ក្នុង​ខេត្ត​​កំ​ពត និងមួយ​ទៀត​​​ខេត្ត​បាត់​ដំ​បង​​។

លោក នាគ ​ពិ​សិដ្ឋ ​នា​យ​​ប៉ុស្តិ៍​នគរ​បាលឃុំ​ភ្នំប្រាសាទ​​បា​ន​មា​ន​ប្រ​សាសន៍​ថា នៅ​ក្នុ​ង​​ស្រុក​​កំពង់​ត្រាច​ ខេត្ត​កំពត ឈ្មោ​ះ ឃួ​ន ​ទូច ​​អា​យុ​​៤៦​ឆ្នាំ​ ត្រូវ​បា​ន​​រន្ទ​ះ​​បាញ់​ស្លាប់​​ ខណៈ​​ដែល​​គាត់​កំ​ពុ​ង​​ឃ្វាល​​គោ​​នៅ​វាល​ស្រែ​​ក្នុ​ង​ឃុំ​​ភ្នំ​​ប្រា​សាទ បន្ទាប់​ពីមា​ន​ព្យុះ​ភ្លៀង​​។

​លោក ពិ​សិដ្ឋ ​មាន​ប្រ​សាសន៍​ថា “ ​ភ្លៀង​បាន​រា​ំងទៅ​ហើយ​ ​ប៉ុន្តែ​ផ្លេក​បន្ទោរ និង​​រន្ទះ​​នៅ​តែ​បន្ត​ និង​​​បា​ន​​បាញ់ចំ​​​ ឃួន ទូច ហើយ​​សាក​​សព​​​របស់​​គាត់​​ត្រូវរោល​ឡើង​​ខ្មៅ​”។

លោក វ៉ាត សា​រ៉ន ​​ជ​ំ​​​ទ​ប់​ឃុំអំពិល​ប្រាំ​ដើម​​មា​ន​​ប្រ​សាសន៍​ថា ​នៅក្នុង​ស្រុក​បវេល​ ​ខេត្ត​បាត់​ដំបង ​​ឈ្មោះ ​សិទ្ធ ស្រី​ឃៀង ​​អា​យ​ុ៤៥​ឆ្នាំ​ត្រូ​វ​បា​ន​​រន្ទ​ះ​​បាញ់​​​នៅ​ក្នុង​​ផ្ទះ​​​របស់​គាត់​​ក្នុង​ឃុំ​​អ​ំ​ពិល​ប្រាំ​​ដើ​ម ស្រុក​បវេល ខេត្ត​បាត់​ដំបង។

​លោក សារ៉ន ​បា​ន​មាន​ប្រ​សាសន៍​ថា “ ​រន្ទះ​​បា​ន​បាញ់​​លោក សិទ្ធ ​ស្រី​ឃៀង ​ឆ្លង​កាត់​ដំ​បូល​​ស័ង្កសី​ផ្ទ​ះ​របស់​គាត់ ហើយ​គាត់​​បា​ន​ស្លាប់​​ភ្លាម​​​​ខណៈ​​​​ពេល​​​កំ​ពុង​នៅ​ក្នុ​ងផ្ទះ​​​​ ​​អ​ំ​ឡុង​​ពេល​​ភ្លៀង​​​​ខ្លាំង​​​នៅ​ម៉ោង​ប្រហែល​៥ល្ងាច​”៕
​ប្រែសម្រួល​​ដោ​យ ​ហម សុផាណ្ណា​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស