ខេត្តកំពង់ស្ពឺ៖ កាលពីម្សិលមិញ កងទ័ពអាកាសកម្ពុជា និងសហរដ្ឋអាមេរិកបានហ្វឹក ហាត់ទម្លាក់ជំនួយសិប្បនិម្មិតចំនួន៤កញ្ចប់ នៅខេត្តកំពង់ស្ពឺ ក្នុងព្រឹត្តិការណ៍ហ្វឹកហាត់ទម្លាក់ជំនួយពីលើអាកាសនៅតំបន់បាស៊ីហ្វិកឆ្នាំ២០១៣ រៀងរាល់២ឆ្នាំម្តង ដែលមានការចូលរួមពីប្រទេសចំនួន២២នៅក្នុងតំបន់អាស៊ីបា៉ស៊ីហ្វិក។
លោក វីលៀម ថដ (Willian Todd) ឯកអគ្គ រដ្ឋទូតសហរដ្ឋអាមេរិកបានចូលរួមជាមួយនឹងយុទ្ធជននិងយុទ្ធនារីជាច្រើននាក់ ដែលបានជួបជុំគ្នានៅក្នុងវាលស្រែក្រោមពន្លឺព្រះអាទិត្យដ៏ក្តៅនៅពេលព្រឹក ដើម្បីចាំមើលព្រឹត្តិការណ៍ហ្វឹកហាត់ទម្លាក់ជំនួយសិប្បនិម្មិតរយៈពេលប្រាំថ្ងៃេនះ ដើម្បីទម្លាក់ជំនួយចំនួនបួនកញ្ចប់ពីលើអាកាសទៅតំបន់ជាគោលដៅក្នុងចន្លោះពេលប្រាំនាទីម្តងដោយយន្តហោះដឹកជញ្ជូនធុន C-130 របស់សហរដ្ឋអាមេរិក ម៉ាឡេសីុ និងថៃ ។លោក វីលៀម ថត បានមានប្រសាសន៍ថា “ [គ្រោះថ្នាក់ធម្មជាតិក្នុងប្រទេសកម្ពុជាដូចជាទឹកជំនន់] អាចជំនួយសង្គ្រោះបន្ទាន់នៅក្នុងស្រុក ហើយនេះគឺជាអ្វីដែលសហគមន៍អន្តរជាតិអាចជួយបាន”។ លោកបន្ថែមថា គោលបំណងនៃការហ្វឹកហាត់នេះគឺដើម្បីកែលម្អសមត្ថភាពកងកម្លាំងប្រដាប់អាវុធក្នុងតំបន់ ដើម្បីដោះស្រាយជំនួយមនុស្សធម៌ពេលមានគ្រោះមហន្តរាយ។
លោក វីលៀម ថត ប្រសាសន៍ថា ឧត្តមសេនីយ៍ឯក សួន សំណាង មេបញ្ជាការកងយោធពលខេមរភូមិន្ទ និងឧត្តមសេនីយ៍ទោ រុសហ្សែល ហែនឌី (Russell Handy) មកពីកងទ័ពអាកាសអាមេរិកប្រចាំតំបន់បា៉ស៊ីហ្វិក បានជិះយន្តហោះជាមួយគ្នានៅក្នុងយន្តហោះធុន C-130 របស់សហរដ្ឋអាមេរិក ធ្វើកាយវិការបង្ហាញពីប្រតិបត្តិការរវាងកងទ័ពកម្ពុជា និងកងទ័ពអាមេរិក។
អនុសេនីយ៍ឯក ជូស្ទីន ហូហ្វេ (Justin Hauffe)អាកាសយានិកកងទ័ពអាកាសអាមេរិកមានមូលដ្ឋាននៅក្នុងទីក្រុងសេអ៊ូល ដែលស្ម័គ្រចិត្តជួយសម្របសម្រួលទ័ពអាកាសនេះបានមានប្រសាសន៍ថា ប្រសិទ្ធភាពនៃការទម្លាក់ជំនួយពីលើអាកាសនេះត្រូវបានធ្វើឡើងបន្ទាប់ពីមានការផ្តល់ជំនួយមនុស្សធម៌នៅក្នុងប្រទេស ហៃទី ដែលពេលនោះយោធាសហរដ្ឋអាមេរិកអាចផ្តល់អាហារ ទឹក និងថ្នាំពេទ្យទាន់ពេលបន្ទាប់ពីមានការរញ្ជួយដីដ៏ខ្លាំងមួយនៅទីនោះក្នុងឆ្នាំ២០១០។
កម្ពុជាអាចប្រឈមនឹងហានិភ័យនៃគ្រោះថ្នាក់ធម្មជាតិ។ កាលពីខែវិច្ឆិកាអង្គការជឺមែនវ៉ច (Germanwatch) ដែលជាអង្គការឃ្លាំមើលបរិស្ថានរបស់អាល្លឺម៉ង់មានមូលដ្ឋាននៅក្នុងទីក្រុងបុន បានចាត់ទុកប្រទេសកម្ពុជាថា ជាប្រទេសដែលស្ថិតក្នុងលំដាប់ទី២ក្នុងចំណោមបណ្តាលប្រទេសនៅលើពិភពលោកដែលរងផលប៉ះពាល់ខ្លាំងជាងគេពីការផ្លាស់ប្តូរអាកាសធាតុ។ នៅឆ្នាំ២០១១ ទឹកជំនន់បានសម្លាប់មនុស្ស២៥០នាក់ ធ្វើឲ្យមនុស្យរាប់ពាន់ផ្សេងទៀតត្រូវផ្លាស់លំនៅដ្ឋាន និងបានបំផ្លាញដំណាំស្រូវអស់រាប់មឺុនហិកតា។
ការទម្លាក់ជំនួយពីលើអាកាសទាំងបួនកញ្ចប់បានធ្លាក់ក្នុងចម្ងាយ៣០ម៉ែត្រពីគោលដៅដែលបានកំណត់។
អនុសេនីយ៍ឯក ហូហ្វេ មានប្រសាសន៍ថា “ អ្វីដែលគួរឲ្យចាប់អារម្មណ៍បំផុតនោះគឺចំនួនប្រទេសដែលបានចូលរួមក្នុងព្រឹត្តិការណ៍នេះ។សហរដ្ឋអាមេរិកមានជំនឿថា ដោយមានដៃគូរបស់យើង យើងប្រាកដជាអាចជម្នះគ្រោះមហន្តរាយបាន”៕
ប្រែសម្រួលដោយ ហម សុផាណ្ណា