32 C
Phnom Penh

ចុង​ភៅ​កម្ពុជា​ឈ្នះ​មេដាយ​មាស ​​​នៅ​ក្នុង​ការ​ប្រកួត​ប្រជែង​ធ្វើ​ម្ហូប​

ដោយ ឌឹ ខេមបូឌា ដេលី

បទវិភាគ

សមាជិក​មួយ​រូប​របស់​សមាគម​ចុង​ភៅ​កម្ពុជា​បាន​ឲ្យ​ដឹង​ កាល​ពី​ថ្ងៃ​សុក្រ​ថា​ ចុង​ភៅ​កម្ពុជា​ចំនួន​បួន​នាក់​បាន​នាំ​យក​មេដាយ​មាស​រួម​គ្នា ដែល​បានឈ្នះ​នៅ​ក្នុង​កា​ប្រកួត​ប្រជែង​​​ទេព​កោ​​សល្យ​ធ្វើ​ម្ហូប​ទន្លេ​មេគង្គ​ ដែល​ត្រូវ​បាន​ធ្វើ​ឡើង​នៅ​ទីក្រុង​បាង​កក​ នាពេល​ថ្មីៗនេះមក​ជូន​ប្រទេស​​កម្ពុជា​​។

លោក ឡុង បូរ៉ា ចុង​ភៅ​នៅ​សណ្ឋាគារ​រីអូតែល (Ree Hotel)​ នៅ​ខេត្ត​សៀមរាប និង​ជា​សមាជិក​សមាគម​ចុង​ភៅ​កម្ពុជា បាន​ឲ្យ​ដឹង​ថា ចុង​ភៅ​ចំនួន​ប្រាំបី​ក្រុម​មកពី​ប្រទេស​ផ្សេងៗ​ ដែល​ស្ថិត​នៅ​តាម​ដង​ទន្លេ​មេគង្គ​ ដូចជា​ ចិន ភូមា ឡាវ និងវៀតណាម  បាន​រៀប​​ចំ​និង​បម្រើ​ម្ហូប​ចំនួន​ប្រាំ​មួយ​មុខ​ នៅ​ក្នុង​ព្រឹត្តិ​ការណ៍​ប្រកួត​ប្រជែង​រយៈ​ពេល​ប្រាំពីរ​ថ្ងៃ ចាប់ពីថ្ងៃ​ទី២២ ដល់​ថ្ងៃទី​២៦ ខែ​ឧសភា។

លោក បូរ៉ា ដែល​​ជា​ចុង​ភៅ​មួយ​រូប​មាន​បទ​ពិសោធ​​រយៈ​ពេល​២០ឆ្នាំ បាន​និយាយ​ថា“ប្រធាន​បទ​គឺ​ម្ហូប​មាន​ប្រភព​ពីទន្លេមេគង្គ​ ដូច្នេះ គ្រឿង​ផ្សំ​សំខាន់ៗ​គឺ​យើង​មិន​អាច​ប្រើ​សាច់គោ​បាន​ទេ គឺ​ប្រើ​ត្រឹម​តែ​ផលិត​ផល​ដែល​បាន​មកពីទន្លេ​មេគង្គ​ ដូចជា ត្រី និង​កង្កែបជាដើម​។

គណៈ​កម្មការ​វិនិច្ឆ័យ​អន្តរជាតិ​មកពី​សមាគម​សង្គម​ចុង​ភៅ​ពិភពលោក (World Association of Chefs Societies) បាន​វាយ​តម្លៃ​ថា មុខ​ម្ហូប​របស​់​ចុង​ភៅ​កម្ពុជា​ ដែល​មាន​ដូច​ជា ញាំ​ក្រូចថ្លុងជាមួយ​កំពឹសទន្លេ​មេគង្គ​ កំពឹស​ទន្លេ​មេគង្គជាមួយ​ស្វាយថៃ​ ព្រម​ទាំង​ស៊ុប​បន្លែ​ និង​ត្រីទន្លេមេគង្គ​ និង​កង្កែប​បំពង ទទួល​បាន​មេដាយ​មាស​។

លោក បូរ៉ា និយាយ​កាលពី​សប្ដាហ៍​មុន​ថា​“ យើង​ទទួលបាន​ការ​ស្វាគមន៍​យ៉ាង​កក់​ក្ដៅ​ ពេល​យើង​ត្រឡប់​មក​ដល់សៀម​រាប​វិញ”៕
ប្រែសម្រួលដោយ ហួង កុកទៀន

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស