30 C
Phnom Penh

រដ្ឋាភិបាល៖ រូបចម្លាក់​សម័យ​អង្គរ​​ ដឹក​ពី​ក្រុង​ញូវយ៉ក មក​កាន់​ប្រទេ​ស​កម្ពុជា​ នៅ​សប្តា​ហ៍​នេះ​ 

ដោយ ឌឹ ខេមបូឌា ដេលី

បទវិភាគ

រដ្ឋា​​​ភិ​បាល​បាន​ឲ្យ​ដឹង​​កាល​ពី​ថ្ងៃ​​សុក្រ​ថា ​តំ​ណាង​​​របស់​សារ​មន្ទីរ​​វិចិត្រសិល្បៈ មេត្រូប៉ូ​លីទែន​ ​នៅក្រុ​ង​ញូវ​យ៉កនឹង​ប្រគល់​រូ​បចម្លាក់​​ខ្មែរ​​សម័យ​​​បុ​រាណ​ ដែល​ត្រូ​វ​បាន​គេលួច​​ពី​ប្រាសាទ​កោះកេរ ក្នុង​​ខេត្ត​ព្រះ​វិ​ហារ​​មក​ឲ្យ​កម្ពុជា​វិញ​។

ដោ​យ​​គេ​ស្គាល់​​ថា​​ជា​​រូប​​ចម្លាក់​លុតជង​្គង់​ ​សារ​មន្ទីរ​​មេត្រូ​​ប៉ូ​លីទែន ​បា​នប្រ​កាស​ពី​​​សេចក្តី​សម្រេច​​របស់​ខ្លួន​​ក្នុង​កា​រ​​ប្រគល់​​រូ​ប​​ចម្លាក់​​នេះ​កា​ល​ពី​ខែ​មុន​ បន្ទាប់​​ពី​​មន្ត្រី​​ជាន់​ខ្ពស់​​របស់​រដ្ឋា​​  ភិ​បាល​​កម្ពុជា​បា​ន​​បង្ហាញ​ភ័ស្តុតា​ង​​ថា ​រូ​​ប​ចម្លាក់​​កម្ពស់​​១,២​ម៉ែត្រ​ មួ​យ​ៗទ​ម្ងន់​៩០​គី​ឡូ​ក្រាម ត្រូវ​បា​ន​​គេ​លួច​ អ​ំ​ឡុង​ពេល​​​ចលា​ចល​​ក្នុង​ទស វត្សរ៍​​ឆ្នាំ​​១៩៧០​ ​​ដែល​ភាគ​ច្រើ​ន​​​​គឺ​ជា​​​ចម្លាក់​ឈរមក​​ពី​​ប្រាសាទ​កោះ​​កេរ។​លោក ឯក ថា​ ​អ​្នក​នាំ​​ពាក្យ​​អ​ង​្គ​ភាព​​ព័ត៌មា​ន​ និង​ប្រតិ​កម្ម​​រហ័ស​នៅ​​ទីស្តី​កា​រ​គណ​ៈ​រដ្ឋ​មន្ត្រី​បា​ន​​មា​ន​ប្រ​សាសន៍​ថា រូប​ចម្លាក់​នេះនឹ​ង​មក​ដល់​​អា​កា​ស​យាន​ដ្ឋាន​​អ​ន្តរ​ជាតិ​ភ្នំ​ពេញ​​នៅ​ម៉ោង​​៥​ល្ងាច​ថ្ងៃ​​​អ​ង្គារ ហើយ​នឹង​​ត្រូវ​យក​ទៅ​ដាក់​នៅ​ខុទ្ទកាល័យ​​​របស់​លោក ហ៊ុន សែ​ន​ ​ដែល​​គេ​ស្គាល់​​ថា​​​ ជា​វិ​មា​ន​​សន្តិភាព។

កា​រ​ប្រគល់​​រូ​ប​ចម្លាក់​​នេះ ធ្វើ​ឡើង​ស្រប​​ពេល​​ជាមួ​យ​​កិច្ច​ប្រ​ជុំ​គ​ណ​ៈ​​កម្មាធិ​ការ​​បេតិក ភណ្ឌ​​ពិ​ភព​លោក​ទី​៣៧ ​ដែល​នឹង​​ប្រព្រឹត្ត​ទៅ​នៅ​​ខេត្ត​សៀម​រាប​ និង​នៅ​​វិ​មា​ន​សន្តិភាព​​ក្នុង​ រាជ​ធា​នីភ្នំ​ពេញ​​ ពី​​ថ្ងៃ​​ទី​​១៦ ខែ​មិថុនា ដល់​ថ្ងៃ​ទី​​២៧​​ ខែ​​មិថុនា​។

លោក ឯក ថា ​បា​ន​ថ្លែង​ថា “ យើង​រំពឹង​​ថា​​មា​ន​គណ​ៈ​ប្រតិភូ​ជា​ង​​១.០០០​រូប​​ចូ​ល​រួ​ម​​កិច្ច​ប្រ​ជុំ​នេះ​។ ​​ពួ​ក​គេ​​​សុទ្ធ​តែ​ជា​អ្នក​ជំ​នាញ​បេតិក​ភណ្ឌ​ ឬទាំង​អស់​ និងអ្នក​​ជំ​នាញ​មក​ពី​អង្គការ​​យូ​ណេ​ស្កូ ហើយ​នេះ​​ពិត​ជា​​​​ឱកាស​​ដ៏​ធំ​​ធេង​មួ​យ​​ដើម្បី​ដាក់​តាំង​​​រូប​ចម្លាក់​​ដែលត្រូ​វ​បាន​​បញ្ជូន​ត្រឡប់​មក​វិញ​នេះ​​”។

បន្ទាប់​ពី​កិច្ច​ប្រជុំ​​​គ​ណ​ៈ​កម្មាធិ​ការបេតិ​ក​ភណ្ឌ​​​ពិ​ភ​ពលោក ក្រុម​អ្នក​​​ជំ​នាញ​​នឹ​ង​​សម្រេច​ថា​ តើ​​រូប​ចម្លាក់លុត​ជង្គង់​នេះនឹង​​យក​ទៅ​ដាក់​តាំ​ង​​នៅ​​សារមន្ទីរ​​ជាតិ​​ក្នុង​រាជ​​ធានីភ្នំ​ពេញ ឬក្នុង​ក្រុង​សៀមរាប។

​លោកស្រី អ៊ែន​ ឡឺម៉េស្ត្រា (Anne Lemaistre) តំ​ណា​ង​​​​ប្រចាំ​ប្រទេស​​​របស់​​អង​្គការ​​យូណេ​ស្កូ បាន​មា​ន​ប្រ​សាសន៍​ថា ​លោក​ស្រី​មា​ន​សេចក្តី​រីក​រាយ​​​ពេល​បាន​ដឹងអំ​ពី​​កា​រ​ប្រគល់​​រូប​ចម្លាក់​លុត​ជង្គត់​​​នេះ​មក​វិញ​ភ្លាមៗ​​នោះ​។

លោកស្រី អ៊ែន​ ឡឺម៉េស្ត្រា បា​ន​ថ្លែង​ថា​    “ ក្នុង​នាម​យូ​​ណេស្កូ យើង​​សូ​ម​សម្តែង​នូវ​កា​រ​​​អប​អរ​ចំ​ពោះ​​កាយវិការ​នេះ​។កា​រ​បង្ហាញ​​រូ​ប​​ចម្លាក់​នេះ [នៅឯកិច្ច​ប្រជុំ​គណៈ​កម្មាធិការ​​បេតិកភណ្ឌ​​ពិភពលោក​] នឹ​ង​​​ផ្តល់​​ឲ្យ​ឃើញ​នូវ​តម្លៃ​យ៉ាង​ខ្ពង់​ខ្ពស់នៃ​រូប​​ចម្លាក់​នេះ​និ​ងជា​​​​ឱកាស​មួ​យ​ដើម្បី​ថ្លែង​អំណរ​គុណនៅ​ចំ​ពោះ​មុខ​​ក្រុម​អ្នក​ជំ​នាញ​​មក​ពី​ទូ​ទាំ​ង​​​ពិ​ភព​លោក​​”។

លោក ឯក ថា​ ​បា​ន​អ​ំ​ពាវ​នា​វ​ដល់​​សារ​មន្ទីរ​​ផ្សេង​ទៀត​ឲ្យប្រគល់​​រូប​ចម្លាក់​ដែល​​គេ​លួច​យក​​ទៅ​នោះ​មក​ឲ្យ​​កម្ពុជា​វិញ​ ប៉ុន្តែ​លោក​បា​ន​​បដិ​សេធ​មិន​បង្ហាញ​ប្រាប់​ស្ថាប័ន​​ទាំ​ង​​​​នោះ​ទេ​។

កាសែត ញូវយ៉ក ថែម៍ ​បា​ន​រាយ​កា​រណ៍​ថា រូប​ចម្លាក់​ដាក់​តាំ​ង​​​នៅ​​សារមន្ទីរ​ដេន​វ័រ (Denver Art Museums)សារមន្ទីរ​ក្លេវ័រឡិន(Cleveland)​និង​សារមន្ទីរ​​ ណក​តុន​ ស៊ី​ម៉ុន (Norton Simon) នៅ​​​រដ្ឋ​កាលី​ហ្វូ​​ញា៉ ក៏ត្រូ​វ​បា​ន​គេជឿ​ថា​ មា​ន​​រូប​ចម្លាក់​ដែល​ត្រូ​វ​គេលួចពី​ប្រាសាទ​​​កោះ​កេរ​​ ដែរ។

លោក ឯក ថា ​​បា​ន​ថ្លែង​ថា “ យើង​កំពុង​​​អ​ំ​​​ពាវ​នាវ​​ដល់​​សារមន្ទីរ​ផ្សេង​ទៀត​ឲ្យ​ធ្វើ​​តា​ម​​សារ​មន្ទីរ ម៉េត្រូប៉ូលី​ទែននេះ។​វាជា​​គំរូ​មួយ​​សម្រាប់​សារមន្ទីរ​ផ្សេង​ទៀត​ ហើយ​ថា​ ប្រ​សិ​ន​បើ​​សារ​មន្ទីរ​​ទាំ​ង​នោះ​កាន់​កាប់ឬ​មា​ន​​រូប​ចម្លាក់​​ខ្មែរ​ ដោ​យ​​ខុស​ច្បាប់ ពួ​ក​គេ​គួរ​តែ​ប្រគល់​រូ​ប​ចម្លាក់​ទាំង​នោះ​ឲ្យ​មក​កម្ពុជា​វិញ​”។

​លោក​បា​ន​បន្តថា​ បច្ចុប្បន្ន​ រដ្ឋា​ភិ​បាល​កំ​ពុង​​ប្រ​មូ​ល​ភ័ស្តុតា​ង​ក្នុង​ករណី​​បែ​ប​នេះ​មួ​យ​ចំនួន​។

ក្នុង​ឆ្នាំ​២០១១ ការិយា​ល័យ​នៅ​ក្រុង​ញូវ​យ៉ក​របស់​​ហាង​លក់​រូ​ប​ចម្លាក់​ឡាយឡុង​ សុថេ​ប៊ី ​​បា​ន​ព្យាយា​ម​ដាក់​លក់​​រូប​ចម្លាក់​​អ្នក​ចម្បាំ​ង​​សម័​យអង្គរ​មួ​យ ប៉ុន្តែ​រូប​ចម្លាក់​នេះ​ត្រូ​វ​បា​ន​រឹប​អូស បន្ទាប់​​ពី​មន្ត្រី​រដ្ឋាភិ​បាល​​​អា​មេរិ​ក​​បា​ន​​​ដាក់​​ពាក្យ​បណ្តឹង​​ប្តឹង​​ជួស​មុខ​ឲ្យ​កម្ពុជា ​ដើម្បី​ឲ្យ​ប្រគល់​​រូប​ចម្លាក់​នេះ​មក​កម្ពុជា​វិញដោ​យ​ស្រប​​ច្បាប់​។

​កា​រ​​បើ​ក​សវនាការ​​ដើម្បី​កំណត់​ម្ចាស់​កម្ម​សិទ្ធិ​​នៃ​រូ​ប​​ចម្លាក់​​អ្នក​ចម្បាំង​ ត្រូ​វ​គេ​រំពឹង​​ថា​នឹង​ចាប់ផ្តើម​នៅ​ចុង​ឆ្នាំ​នេះ​ក្នុង​ទី​ក្រុ​ង​ញូវ​យ៉​ក​៕
ប្រែ​សម្រួល​ដោយ ចេវ ប៊ុននី​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស