30 C
Phnom Penh

សាលា​ដំបូង​រាជ​ធានី​ភ្នំពេញ​ចោទ​ប្រកាន់បុរស​​បី​នាក់​ពី​បទ​រំលោភ​បូកលើ​ស្ត្រី​អាយុ​២៥​ឆ្នាំ​ម្នាក់​

ដោយ ឌឹ ខេមបូឌា ដេលី

បទវិភាគ

អាជ្ញាធរ​បាន​ឲ្យ​​ដឹង​កាល​ពី​ម្សិល​មិញ​ថា សាលា​ដំបូង​រាជធានី​ភ្នំពេញ​កាល​ពី​ថ្ងៃ​សៅរ៍​បាន​ចោទ​ប្រកាន់​បុរស​បី​នាក់​ពី​បទ​​ចាប់​ស្ត្រី​អាយុ​២៩​ម្នាក់​​រំលោភ​បូកនៅ​ក្នុង​សង្កាត់​ព្រែក​ឯង​ ខណ្ឌ​មាន​ជ័យ​ រាជធា​នី​ភ្នំពេញ​។

​លោក ប៊ុន វុទ្ធី នាយ​ប៉ុស្តិ៍​នគរ​បាល​សង្កាត់ព្រែកឯង​​បាន​មានប្រសាសន៍​ថា បុរស​បី​នាក់​ ដែល​​មាន​ឈ្មោះ​ ពុធ ឃារ៉ា អាយុ​២៤​ឆ្នាំ រៀម ម៉ូណូ អាយុ​១៨​ឆ្នាំ និង​ គឹម បញ្ញា អាយុ​២២​ឆ្នាំ បាន​ជិះ​ម៉ូតូចូល​ទៅ​ជិត​​ស្ត្រី​ជនរង​គ្រោះ​កាល​ពី​យប់​ថ្ងៃ​ពុធ ពេល​ស្រ្តីជន​រង​គ្រោះ​រូបនេះ​​កំពុងរង់​ចាំ​ជិះ​ម៉ូតូ​ឌុបទៅផ្ទះ​ ហើយ​​ជន​សង្ស័យ​ទាំងនោះ​​​បាន​យល់​ព្រម​ជូន​ស្ត្រីជនរងគ្រោះ​​​ទៅ​ផ្ទះ​។

​​​​​ផ្ទុយ​ទៅ​វិញ ពួកគេ​​បាន​នាំ​ជន​រងគ្រោះ​ទៅ​វាល​មួយ​នៅ​ក្នុង​សង្កាត់​ព្រែក​ឯង ហើយ​ពួកគេ​បាន​ប្តូរ​វេណ​គ្នា​​រំលោភ​ម្ដង​ម្នាក់​ៗ។

លោក វុទ្ធី បាន​មានប្រសាសន៍​ថា “ យើង​បាន​ចាប់​ខ្លួនពួកគេ​ ពេល​នគរ​បាល​បាន​ទទួល​​ពាក្យ​បណ្ដឹង​ពី​ជន​រង​គ្រោះ​”។

លោក​ស្រី សែម សាកូឡា ​ចៅ​ក្រម​ស៊ើប​​សួរ​បាន​មានប្រសាសន៍​ថា លោក​ស្រី​បាន​ចោទ​ប្រកាន់​បុរស​ទាំង​បី​នាក់​ពី​បទ​រំលោភ​បូក ហើយ​ពេល​នេះ​ជន​សង្ស័យ​កំពុង​ឃុំ​ខ្្លួន​បណ្ដោះ​អាសន្ន​នៅ​ក្នុង​ពន្ធ​នាគារ​ព្រៃ​ស។

​លោក ម៉េង លន ចៅ​សង្កាត់​លង្វែក​បាន​មានប្រសាសន៍​ថា នៅ​ក្នុង​ករណីមួ​យ​ផ្សេង​ទៀត​បុរស​វ័យ​ចំណាស់​អាយុ​៧០​ឆ្នាំ​ម្នាក់​ត្រូវ​បាន​ចាប់​ខ្លួន​កាល​ពី​ថ្ងៃ​សៅរ៍​នោះ​ដែរ​នៅក្នុង​ស្រុក​​កំពង់​ត្រឡាច​ ខេត្តកំពង់ឆ្នាំង​ ពី​បទ​រំលោភ​ក្មេង​ស្រី​អាយុ​១៤​ឆ្នាំ​ម្នាក់​។​​

​លោក ម៉េង លន បាន​មានប្រសាសន៍​ថា “ ជនសង្ស័យ​ ទេព ស អាយុ​៧០​ឆ្នាំ​បាន​ចាប់​រំលោភ​ជន​រង​គ្រោះ​ពីរ​បី​ដង​រួចហើយ​ ហើយ​​ជន​នេះ​ត្រូវ​បាន​ចាប់​ខ្លួន​ ពេល​នគរ​បាល​ទទួល​​បាន​ពាក្យ​បណ្ដឹង​ ពី​គ្រួសារ​ជន​រង​គ្រោះ”៕
ប្រែ​សម្រួល​ដោយ ហម សុផាណ្ណា

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស